Inzaar

07/10/2026

ماہنامہ انذار میگزین - اکتوبر 2026 - مکمل آڈیو

Complete Audio of Inzaar Magazine for the month of October 2026



Monthly Inzaar Magazine by Abu Yahya (Dr. Rehan Ahmed Yousufi)

Narrated by Nabila Ajaz, Mehmood Raza, Afzal Rana & Zainab Khan

07/10/2026

"کائنات بیان دے گی" - کتاب "اللہ اکبر" – مولانا وحید الدین خان



ALLAH HU AKBAR - Audio Book - Maulana Wahiduddin Khan (in Hindi / Urdu)

Narrated by Nabila Ajaz

ALLAH HU AKBAR - Audi...

06/10/2026

The Princess and the Washerman’s Son
By Qari Hanif Dar

YouTube Channel: Inzaar
http://www.inzaar.org/the-princess-and-the-washermans-son
-----------
To get books, please visit http://www.inzaar.pk/order-books/

Mirza Mazhar, was a renowned Sufi. He often said, “the son of the washerman turned out more fortunate than us, we could not even do that” He would then lose himself in thought. One day, his disciples asked, “Sir, what is this matter about the son of a washerman?” He recounted that a washerma...

06/10/2026

دولت کا مسئلہ

آکس فیم ایک عالمی ادارہ ہے جو غربت اور عدم مساوات کے خلاف کام کر رہا ہے۔ اس کے جنوری 2026 کے اعداد و شمار کے مطابق دنیا کے صرف ایک فی صد افراد کے پاس دنیا کی نصف دولت ہے۔ اسی ادارے کے مطابق پاکستان کی صرف ایک فی صد اشرافیہ کے پاس ملک کی ایک چوتھائی دولت ہے۔ جبکہ دس فی صد دولت مند لوگ ملک کی بیالیس فی صد دولت کے مالک ہیں۔

اس صورتحال کو خراب کرنے والی چیز یہ ہے کہ دولت کی یہ غیر مساوی تقسیم مزید تیزی سے بڑھ رہی ہے اور امیر لوگ امیر تر اور غریب، غریب تر ہوتے جارہے ہیں۔ دولت مندوں کے پاس ہی تعلیم، صحت و علاج، کاروبار و ملازمت اور اثر و رسوخ حاصل کرنے کے مواقع زیادہ ہوتے ہیں اور وہ ہر نئی قومی پالیسی کو اپنے مفادات کے مطابق بنواتے ہیں۔ اسی طرح ہر پیدا ہونے والے متوقع امکان سے ان کے فائدہ اٹھانے کی شرح باقی لوگوں کے مقابلے میں ہزاروں گنا زیادہ ہوتی ہے۔

یہ صورتحال دنیا میں پہلی دفعہ پیدا نہیں ہوئی ہے۔ خدا کی یہ دنیا ہمیشہ سے ایسی ہی رہی ہے۔ اسے ختم کرنے کی ہر کوشش نے زیادہ بڑے فساد کو جنم دیا ہے اور گھوم پھر کر یہی صورتحال پھر پیدا ہوجاتی ہے۔ پچھلی صدی میں کیا جانے والا کمیونزم کا تجربہ اس کی ایک حالیہ مثال ہے۔

انسانوں کے خالق نے جس کے اذن سے یہ صورتحال پیدا ہوتی ہے، اس کا حل دولت کو تقسیم کرنا نہیں بتایا بلکہ یہ بتایا ہے کہ دولت مندوں کے دل میں خدا کا خوف اور آخرت کی طلب پیدا کی جائے۔ جس کے بعد وہ خود اپنی دولت دوسروں کو دیتے ہیں۔ یوں یہ انفاق غربت کے ساتھ طبقاتی کشمکش کو بھی ختم کرتا ہے اور سماج میں ہم آہنگی پیدا کر دیتا ہے۔ یہی اس مسئلے کا واحد ممکنہ حل ہے۔
By Abu Yahya (Dr. Rehan Ahmed Yousufi)

06/10/2026

کیریئر یا کردار

دوسرے لوگوں کی طرح، مسلمان بھی اِس وقت کیریئر(career) کے میدان میں میراتھن کی دوڑ دوڑ رہے ہیں۔ چنانچہ اکثر مذہبی اور غیر مذہبی دونوں قسم کے لوگ بڑی بڑی پروفیشنل ڈگریوں اور صلاحیتوں کے باوجود عملاً صرف ’حیوانِ کاسِب‘ (earning animal) بن کر رہ گئے ہیں۔

تاہم، مدرسہ و کالج اور یونیورسٹی سے وابستہ اِن ڈگری یافتہ لوگوں کی بھیڑ میں بہت کم ایسا کوئی آدمی نظر آتا ہے جس کے اندر انسانیت زندہ ہو، جو ابتدائی انسانی صفات کا حامل ہو۔ مثلاً حقیقی ہمدردی اور صرف اپنے لیے جینے کے بجائے دوسروں کے لیے جینا۔ چنانچہ پروفیشنل ڈگری یافتہ افراد کا یہ انبوہ عام طور پر انسانی اوصاف سے محروم بن کر زندگی گزارتا ہے۔

البتہ، یہ طبقہ اگر مذہبی ہے تو اپنے مذہبی مراسم پوجا، عبادت، دان، تیرتھ، تراویح، نماز، مسجد، مدرسہ، حج اور عمرہ جیسے امور کے ساتھ، اور اگر غیر مذہبی ہے تو اپنے غیر مذہبی عزائم بنگلہ، کوٹھی، گاڑی، عہدہ، اسٹیٹس، شہرت اور بینک بیلنس کے ساتھ عملاً صرف ایک مادّی اور حیوانی زندگی گزار کر اِس دنیا سے ہمیشہ کے لیے رخصت ہوجاتا ہے، بغیر اِس کے کہ اُس نے عمومی انسانیت کے لیے اپنا کوئی مخلصانہ تعمیری اور اخلاقی کنٹری بیوشن (contribution) دیا ہو۔ حقیقت یہ ہے کہ آج کے اکثر مذہبی اور غیر مذہبی دونوں طرح کے انسانوں کا اصل’مذہب‘ عملاً صرف ایک ہے، اور وہ ہے: کیریئرزم (careerism)، یعنی صرف مادّی کامیابی کو اپنا مقصد ِحیات بنا کر اُسی کے لیے جینا۔
By Muhammad Zakwan Nadwi

05/10/2026

قرآن اور ختم نبوت - 1
By Abu Yahya (Dr. Rehan Ahmed Yousufi)

05/10/2026

ماہنامہ انذار میگزین - اکتوبر 2026 - مکمل آڈیو

Complete Audio of Inzaar Magazine for the month of October 2026

https://youtu.be/NX6OMzpZA_4



Monthly Inzaar Magazine by Abu Yahya (Dr. Rehan Ahmed Yousufi)

Narrated by Nabila Ajaz, Mehmood Raza, Afzal Rana & Zainab Khan

Monthly Inzaar Magazine by Abu Yahya ...

04/10/2026

"زیادہ نازک" - کتاب "اللہ اکبر" – مولانا وحید الدین خان



ALLAH HU AKBAR - Audio Book - Maulana Wahiduddin Khan (in Hindi / Urdu)

Narrated by Zainab Khan

04/10/2026

نبی کریم کا سچا پیرو

قرآن مجید کی سورۃ القصص آیت 49 میں ایک ایسی بات کہی گئی ہے جو مذہب کی تاریخ میں کہی گئی ایک انتہائی غیر معمولی بات ہے۔ یہ آیت جس سلسلہ کلام میں آئی ہے وہ یہ ہے کہ کفار کہتے تھے کہ ہم قرآن اور تورات دونوں کو الفاظ کی جادو گری سمجھتے ہیں اور ہم ان دونوں کے منکر ہیں۔ چنانچہ اللہ تعالیٰ اس کے جواب میں کہتے ہیں کہ اگر تم قرآن مجید کو کسی دلیل کی بنیاد پر غلط سمجھتے ہو تو اللہ کے پاس سے کوئی ایسی کتاب لے آؤ جو ان دونوں کتابوں سے زیادہ ہدایت دینے والی ہو۔ ہمارا نبی اس کی پیروی کر لے گا۔

حقیقت یہ ہے کہ اللہ کا نبی آخری سچائی پر کھڑا ہوتا ہے۔ اسے کہیں اور سے سچائی کو پانے کی کوئی ضرورت نہیں ہوتی کیونکہ وہ عالم کے پروردگار سے ہدایت پاتا ہے جو سراپا حق ہے۔ لیکن اس کے باوجود اللہ تعالیٰ نے کفار سے یہ کہا کہ تم زیادہ درست بات لے آؤ، ہمارا نبی اس کی پیروی کر لے گا۔

یہ بات آج کے مسلمانوں کے لیے بھی ایک اصولی ہدایت ہے۔ وہ یہ کہ مسلمانوں کو ہمیشہ زیادہ درست بات کی تلاش میں رہنا چاہیے۔ اس وقت دنیا میں یہ حیثیت قرآن مجید کے سوا کسی اور کتاب کو حاصل نہیں ہے۔ خاص طور پر مسلمانوں کے لیے جو خود یہ مانتے ہیں کہ قرآن مجید اللہ کی آخری اور محفوظ کتاب ہے۔ اس سے زیادہ صحیح بات اب کہیں نہیں مل سکتی۔ چنانچہ مسلمانوں کے لیے لازمی ہے کہ وہ ہر اختلاف کی شکل میں صحیح بات کی تلاش میں قرآن مجید سے رجوع کریں اور اسی کی پیروی کریں۔ چاہے وہ ان کے تعصبات کے خلاف ہو، چاہے وہ ان کی خواہشات کے خلاف ہو۔ جس نے یہ رویہ اختیار کیا وہی رسول اللہ صلی اللہ علیہ وسلم کا سچا پیرو ہے ، ورنہ وہ کفار مکہ کا پیرو ہے۔

By Abu Yahya (Dr. Rehan Ahmed Yousufi)
YouTube Channel: Inzaar
http://www.inzaar.pk/nabi-kareem-ka-sacha-pairo-abu-yahya
-----------
To get books, please visit http://www.inzaar.pk/order-books/

قرآن مجید کی سورۃ القصص آیت 49 میں ایک ایسی بات کہی گئی ہے جو مذہب کی تاریخ میں کہی گئی ایک انتہائی غیر معمولی بات ہے۔ یہ آیت جس سلسلہ کلام میں آئی ہے وہ یہ ہے کہ کفار کہت...

03/10/2026

انفاق فی سبیل اللہ - 2
By Abu Yahya (Dr. Rehan Ahmed Yousufi)