08/10/2024
11 سال بعد والد کی دعا قبول ہوگئی اور بیٹا امام کعبہ بن گیا
حرم مکی میں امام بننے کا شرف حاصل کرنے والے فضیلة الشیخ ڈاکٹر ولید الشمسان کے متعلق مدینہ منورہ کے علماء کرام کا کہنا ہے کہ یہ منصب ان کے والد فضیلة الشیخ خالد الشمسان رحمه الله کی دعاوں کا نتیجہ ہے۔
شیخ خالد الشمسان سعودی عرب کے جید علماء میں سے تھے۔
یہ بہت ہی ایمان افروز داستان ہے جو ایک مسلمان کا دعا پر ایمان مضبوط کرتی ہے۔
یاد رکھیے گا ،
دعا کبھی رد نہیں ہوتی ،
دعا کبھی ضائع نہیں جاتی۔
مدینہ منورہ کے رہنے والوں کے بقول شیخ خالد الشمسان رحمہ اللہ اکثر اپنی دعاوں میں یہ دعا مانگا کرتے تھے کہ اے اللہ میرے بیٹے ولید کو مسجد نبوی یا مسجد الحرام کا امام بنادے۔
انھوں نے یہ دعا کئی مرتبہ سوشل میڈیا پر پوسٹ بھی کی تھی۔
زیر نظر تصویر میں ایک تصویر ٹویٹر کے ایک سکرین شاٹ کی ہے جس کے مطابق 2013 میں انھوں نے اپنی ایک پوسٹ میں لکھا تھا کہ "ولید جو میرے بڑے بیٹوں میں سے ہے اللہ اسے توفیق دے، میں اللہ سے دعا مانگتا ہوں کہ ہم اسے جلد رسول اللہ ﷺ کی مسجد میں امام اور خطیب دیکھ سکیں”
ہوتا وہی ہے جو اللہ سبحانه وتعالی کو منظور ہو،
شیخ خالد الشمسان کی اپنے بیٹے کے حق میں مانگی ہوئی دعائیں تو قبول ہوچکی تھیں لیکن ان کی اپنی زندگی کے دن پورے ہوچکے تھے۔
شیخ خالد، پانچ سال قبل وفات پاگئے
جبکہ آج اُن کا بیٹا ولید امام کعبہ بن گیا۔
شیخ خالد الشمسان کی دعائیں بارگاہ رب العالمین میں تب مقبول ہوئیں جب وہ خود رب کے مہمان بن چکے تھے۔
اللہ تعالی اُن پر اپنی رحمتوں کی برکھا برسائے۔ برسوں مانگی گئی دعائیں رنگ لا چُکی ہیں اور ولید بن خالد اب فضلیۃ الشیخ ڈاکٹر ولید بن خالد الشمسان امام المسجد الحرام بن چکے ہیں۔
اس سے پہلے شیخ ولید الشمسان مدینہ منورہ کی جامع مسجد قباء کے امام و خطیب تھے۔
اللہ تعالی انھیں اپنی نئی ذمہ داریاں نبھانے کی توفیق سے نوازے۔ آمین یا رب العالمین 🌹❤️
