Jamia Sattaria Islamia JSI - جامعة ستاریة إسلامية

Jamia Sattaria Islamia JSI - جامعة ستاریة إسلامية follow the official page of Jamia Sattaria Islamia ( JSI )

إنا للہ وإنا إلیہ راجعونانتہائی افسوس کے ساتھ اطلاع دی جاتی ہے کہ استادِ محترم قاری محمد حسین قاندرو رحمہ اللہ سابقہ است...
06/09/2026

إنا للہ وإنا إلیہ راجعون

انتہائی افسوس کے ساتھ اطلاع دی جاتی ہے کہ استادِ محترم قاری محمد حسین قاندرو رحمہ اللہ سابقہ استاد جامعہ ستاریہ اسلامیہ کراچی آج بعد نمازِ مغرب انتقال فرما گئے ہیں۔

اللہ تعالیٰ مرحوم کی کامل مغفرت فرمائے، درجات بلند فرمائے، جنت الفردوس میں اعلیٰ مقام عطا فرمائے اور تمام اہلِ خانہ و متعلقین کو صبرِ جمیل عطا فرمائے۔ آمین۔

شریک غم:
مدیر و نائب مدیرالجامعہ، اساتذہ ، طلباء وجملہ عمال جامعہ ستاریہ اسلامیہ کراچی۔

نمازِ جنازہ:
بروز پیر، صبح 10:00 بجے
بورڈ کمال قاندرو، تعلقہ نصیر اباد ضلع لاڑکانہ میں ادا کی جائے گی۔

02/09/2026

نبی کریم ﷺ کے اپنی پیاری بیٹی سیدہ فاطمہؓ کے لیے آخری الفاظ!
🎙️ فضیلة الشیخ علامہ عبداللہ ناصر رحمانی حفظہ اللہ

محکمہ موسمیات کے جانب سے مقابلہ سیرت النبی کانفرنس میں بطور جج حافظ محمد سلفی صاحب حفظہ اللہ کی اور مہمان گرامی حافظ حکی...
29/08/2026

محکمہ موسمیات کے جانب سے مقابلہ سیرت النبی کانفرنس میں بطور جج
حافظ محمد سلفی صاحب حفظہ اللہ کی اور مہمان گرامی حافظ حکیم سید مطیع الرحمٰن المکی کی شرکت ۔

امیرِ محترم مولانا عبدالرحمن سلفی حفظہ اللہ کی خصوصی دعوت پرسینیٹر ڈاکٹر حافظ عبدالکریم حفظہ اللہ امیر مرکزی جمعیت اہلحد...
15/08/2026

امیرِ محترم مولانا عبدالرحمن سلفی حفظہ اللہ کی خصوصی دعوت پر
سینیٹر ڈاکٹر حافظ عبدالکریم حفظہ اللہ امیر مرکزی جمعیت اہلحدیث پاکستان کا
مرکزی دارالامارت، جماعت غرباء اہلِ حدیث پاکستان کا خصوصی دورہ

پاکستان زندہ باد 💚
14/08/2026

پاکستان زندہ باد 💚

13/08/2026

سینیٹر ڈاکٹر حافظ عبدالکریم حفظہ اللہ امیر مرکزی جمعیت اہلحدیث پاکستان کے اعزاز میں رکھی گئی تقریب میں فضیلۃ الشیخ مفتی انس مدنی حفظہ اللہ کی جانب سے خوبصورت اشعار.

میرے اساتذہ، میرا فخر (قسط چہارم)از قلم فضیلة الشیخ عبد الحمید گوندل حفظہ اللہ۔والدِ گرامی کا فیضِ جاویداں اور جامعہ ستا...
12/08/2026

میرے اساتذہ، میرا فخر (قسط چہارم)

از قلم فضیلة الشیخ عبد الحمید گوندل حفظہ اللہ۔

والدِ گرامی کا فیضِ جاویداں اور جامعہ ستاریہ کی آغوشِ تربیت
درسِ نظامی کی علمی، فکری اور منہجی مسافت میں بھی میرے اساتذہ کی کہکشاں میں جو ذاتِ گرامی مہرِ منیر بن کر چمکتی ہے، وہ میرے والدِ محترم الشیخ مولانا عبد الجبار گوندل رحمہ اللہ ہی کی ہستی ہے۔ انہوں نے میرٹھی اور نحوی ابجد سے ہٹ کر سب سے پہلے مجھے حدیثِ مبارکہ کا جامع مجموعہ "نخبة الأحاديث" اور بلوغ المرام کی "کتاب الجامع" اپنے پاس بٹھا کر حفظ کرائی۔ بعد ازاں "مشکوٰۃ المصابیح" اور "صحیح البخاری" کے منتخب، وقیع اور پرمغز ابواب بھی از اول تا آخر پڑھائے۔ والد صاحب کا اپنا علمی ذوق اور وسعتِ مطالعہ کمال کا تھا۔ وہ اکثر و بیشتر "تفسیر الخازن" کے مطالعے میں غرق رہتے اور کبھی کبھی شفقت سے مجھ سے فرماتے: "بابو ! فلاں سورت کی تفسیر پڑھو!"۔ چناچہ اس پدری حکم کی تعمیل میں، میں نے تفسیر الخازن کے کئی ابواب انہیں ترتیل اور تفسیر کے ساتھ پڑھ کر سنائے، جس نے خود میرے نہاں خانۂ دل میں بھی مطالعے کی وہ شمع روشن کر دی جو آج تک فروزاں ہے۔
جن کے افکار سے چمکتی ہے مری فکر و نظر
میرے والد ہی رہے ہیں مرے پہلے رہبر
جامعہ ستاریہ اسلامیہ گلشن اقبال، کراچی میرا وہ پہلا مکتب اور مادرِ علمی تھا جس نے میرے قلم کو زبان، لبوں کو جنبش اور کانوں کو سماعت کا سلیقہ سکھایا۔ اس مبارک ادارے نے میرے خام ذہن کو فکری تازگی، افکار کو ادبی رعنائی اور قلم کو جولانیِ طبع عطا کی۔ یہ ایک ایسا چمنستانِ علم تھا جہاں وقت کے جبالِ علم اور عظیم اساتذہ سے میں نے علمی، عملی، فکری، تربیتی، اصلاحی، اخلاقی اور روحانی بالیدگی کا وافر حصہ پایا۔ اپنی تعلیم کے پہلے ہی سال (1994ء) میں، ربِ کریم نے مجھے دعوت و تبلیغ کے خارزار مگر مُشک کی طرح معطر میدان میں قدم رکھنے کی توفیق عطا فرمائی۔ اپنے اساتذہ کی مخلصانہ دعاؤں اور حوصلہ افزائی کی بدولت میں نے عروس البلاد کراچی کی مختلف مرکزی مساجد سے باقاعدہ خطباتِ جمعہ کا آغاز کیا۔ میرے معزز و مؤقر شیوخ نے میری قدم قدم پر انگلی پکڑ کر رہنمائی فرمائی، جس کی برکت سے خطابت و دعوت کا یہ مبارک سلسلہ آج (2026ء) میں بحمد اللہ اپنے 33 ویں سال میں داخل ہو چکا ہے۔
یہ علم و حکمت کے راستے، یہ فیضِ اساتذہ کا کرم
انہی کی بدولت قائم ہے میرے قلم کا بھرم
آج جب زندگی کی بساط پر پیچھے مڑ کر دیکھتا ہوں تو یہ رُبع صدی کی داستان کل ہی کی بات لگتی ہے۔ جامعہ ستاریہ کے در و دیوار کے سائے میں راقم الحروف نے پانچ سال گزارے۔ یہ پانچ سال میری حیاتِ مستعار کا سب سے بیش قیمت اور لافانی سرمایہ ہیں، اور کتنی ہی لازوال یادیں اور نامور شخصیات سے جڑی علمی داستانیں میرے حسین ماضی کا مایۂ ناز حصہ ہیں، جن میں سے چند جلیل القدر ہستیاں یہ ہیں:

* فضیلۃ الشیخ مولانا مفتی عبدالقہار دہلوی رحمہ اللہ
* فضیلۃ الشیخ مولانا محمد اسحاق شاہد دہلوی رحمہ اللہ
* فضیلۃ الشیخ مولانا محمد ابراہیم بھٹی حفظہ اللہ
* فضیلۃ الشیخ مولانا ضیاء الحق بھٹی حفظہ اللہ
* فضیلۃ الشیخ مولانا عبد العظیم حسن زئ حفظہ اللہ
* فضیلۃ الشیخ حافظ معاذ احمد فاروقی حفظہ اللہ (بحرین)
* فضیلۃ الشیخ حافظ صہیب شاہد دہلوی حفظہ اللہ
* فضیلۃ الشیخ مولانا عبد القدیر مہر حفظہ اللہ
* فضیلۃ الشیخ حافظ محمد احمد نجیب حفظہ اللہ
* فضیلۃ الشیخ مولانا عبدالحئ عابد حفظہ اللہ
* فضیلۃ الشیخ مولانا عبد القدیر کلیم حفظہ اللہ
* فضیلۃ الشیخ مولانا محمود محمد سلفی حفظہ اللہ
ان شیوخِ عظام کے اوصافِ حمیدہ، ان کے افکار کی علمی باریکیاں اور عہدِ تعلیم کے سنہرے و روح پرور واقعات میری زندگی کا وہ منور چراغ ہیں، جن کی ضیا پاشیوں کو کبھی زوال نہیں آ سکتا۔
مرشدِ روشن ضمیر، رہبرِ راہِ ہدیٰ
جن کے قدم کی دُھول ہے سرمۂ چشمِ وفا
(جاری ہے...)
تصاویر میں جامعہ ستاریہ اسلامیہ، گلشن اقبال، کراچی ۔ علم و حکمت کا وہ گہوارہ جہاں پانچ سال تک مجھے علمی پیاس بجھانے کی سعادت ملی۔

12/08/2026

علماء کرام کا گلدستہ۔
خوبصورت مناظر

جناب امام عبدالرحمان سلفی حفظہ اللہ امیر جماعت غربا اہلحدیث پاکستان کی دعوت پر قائد ملت سلفیہ سینیٹر ڈاکٹر حافظ عبدالکر...
12/08/2026

جناب امام عبدالرحمان سلفی حفظہ اللہ امیر جماعت غربا اہلحدیث پاکستان کی دعوت پر قائد ملت سلفیہ سینیٹر ڈاکٹر حافظ عبدالکریم حفظہ اللہ
امیر مرکزی جمعیت اہلحدیث پاکستان
کی قیادت میں جماعتی وفد کی مرکز محمدی مسجد برنس روڈ پر آمد
11.7.2026

مفتی انس مدنی حفظہ اللہ (نائب مدیر جامعہ ستاریہ اسلامیہ کراچی )ناسازی طبیعت کی وجہ سے ہسپتال میں داخل ہیں۔احباب جماعت خص...
12/07/2026

مفتی انس مدنی حفظہ اللہ
(نائب مدیر جامعہ ستاریہ اسلامیہ کراچی )
ناسازی طبیعت کی وجہ سے ہسپتال میں داخل ہیں۔
احباب جماعت خصوصی دعاؤں میں یاد رکھیں۔

Address

Karachi

Website

Alerts

Be the first to know and let us send you an email when Jamia Sattaria Islamia JSI - جامعة ستاریة إسلامية posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Jamia Sattaria Islamia JSI - جامعة ستاریة إسلامية:

Shortcuts

Share

Category