Wasi Quran Academy

20/03/2026

عید الفطر مبارک ہو !
وصی قرآن اکیڈمی
کی جانب سے عالمِ اِسلام
اہلِ وطن، عزیز دوستوں، پیارے رشتہ داروں کو دل کی گہرائیوں سے
عید الفطر کی مبارکباد پیش کرتے ہیں۔
اللّٰہ تعالٰی ہم سب کے لیے اس عید کو
خیر و برکت کا ذریعہ بنائے،
ہمیں اتحاد، محبت اور سکون عطا فرمائے۔
عید کی آمد پر دل سے دعا ہے کہ
ہمارے گناہ بخشے جائیں۔
ہماری عبادات قبول ہوں۔
دنیا و آخرت کی بھلائی ہمارا مقدر بنے۔
**🌙 عید مُبارک! 🌙**
اللّٰہ تعالٰی ہم سب کو خوشیاں، صحت اور
امن عطا فرمائے۔
آمین یا ربّ العالمین

16/03/2026

شبِ قدر کی رات کے حوالے سے دعا

اَللّٰهُمَّ لَكَ الْحَمْدُ كُلُّهُ وَلَكَ الشُّكْرُ كُلُّهُ، يَا رَبَّ الْعَالَمِينَ۔
اے اللہ! تمام تعریفیں اور شکر تیرے ہی لیے ہیں۔ تو ہی زمین و آسمان کا مالک ہے، تو ہی بڑا مہربان اور نہایت رحم کرنے والا ہے۔

یا اللہ! ہمارے تمام صغیرہ و کبیرہ گناہوں کو معاف فرما دے۔
یا رب! جو گناہ ہم سے جان بوجھ کر ہوئے اور جو انجانے میں ہوئے، سب کو اپنی رحمت سے معاف فرما دے۔

یا اللہ! ہمیں سچی توبہ نصیب فرما، ہمارے دلوں کو پاکیزہ بنا دے، اور ہمیں ہمیشہ نیکی کے راستے پر چلنے کی توفیق عطا فرما۔

یا رب! ہمیں قرآنِ پاک سے سچی محبت عطا فرما، ہمیں قرآن سمجھنے، پڑھنے اور اس پر عمل کرنے والا بنا دے۔
ہمیں قرآن کی خدمت کرنے والوں میں شامل فرما اور ہماری زندگیوں کو قرآن کے نور سے روشن فرما دے۔

یا اللہ!
ہمیں کامل ایمان، اخلاص، تقویٰ اور صبر عطا فرما۔
ہماری عبادات، نمازیں، روزے، صدقات اور دعائیں اپنی بارگاہ میں قبول فرما لے۔

یا رب!
ہمارے والدین پر رحم فرما، ان کی مغفرت فرما، ان کی زندگیوں میں برکت عطا فرما۔
ہمارے اساتذہ پر اپنی خاص رحمتیں نازل فرما اور انہیں دنیا و آخرت میں بہترین اجر عطا فرما۔

یا اللہ!
ہماری اولاد کو نیک، صالح اور فرمانبردار بنا دے۔
انہیں قرآن کا حافظ، عالم اور دین کا خادم بنا دے۔

یا رب!
جو بیمار ہیں انہیں کامل شفا عطا فرما، جو پریشان ہیں ان کی پریشانیاں دور فرما، جو مقروض ہیں ان کے قرض ادا فرما دے۔

یا اللہ!
ہمیں حلال رزقِ وسیع عطا فرما، ہماری زندگیوں میں برکت عطا فرما، اور ہمیں ہر قسم کی آفات، مصیبتوں اور برائیوں سے محفوظ فرما۔

یا رب العالمین!
پوری امتِ مسلمہ پر اپنا خاص کرم فرما، جہاں کہیں مسلمان مصیبت میں ہیں ان کی مدد فرما، ان کی حفاظت فرما اور انہیں امن و سکون عطا فرما۔

یا اللہ! ہمیں شبِ قدر کی برکتوں سے بھرپور حصہ عطا فرما، ہماری عبادتوں کو قبول فرما، اور ہمیں دنیا و آخرت کی کامیابی عطا فرما۔

اے اللہ! ہمیں ایمان پر زندہ رکھ، ایمان پر موت عطا فرما اور قیامت کے دن اپنے محبوب ﷺ کی شفاعت نصیب فرما۔

آمین یا رب العالمین 🤲✨

28/02/2026

Surah Nas

28/02/2026

Give 11 Seconds To
🌻 سورة الكوثر 🩵 Surah Al-KAUSAR 🌻

31/01/2026

موت کو یاد رکھنا دل کی زندگی ہے،
اور غفلت دل کی موت۔
جو آج سنبھل گیا، وہی کامیاب ہے۔
اللّٰہ تعالٰی ہمیں اپنی رضا کے راستے پر چلنے کی توفیق عطا فرمائے۔ آمین 🤲

30/01/2026

وہ وقت کب آئے گا

17/01/2026

ذکرِ الٰہی کی فضیلت
الحمد للہ ربّ العالمین،
والصلاۃ والسلام علی سید الانبیاء والمرسلین۔
!
اللّٰہ تعالٰی نے انسان کو جو سب سے عظیم نعمت عطا فرمائی ہے
وہ اپنی یاد ہے، جسے ہم ذکر کہتے ہیں۔
ذکر صرف تسبیح کے دانوں کا نام نہیں،
بلکہ دل، زبان اور عمل سے اللّٰہ تعالٰی کو یاد رکھنے کا نام ہے۔
قرآنِ مجید میں اللّٰہ تعالٰی فرماتے ہیں:
اَلَا بِذِكْرِ اللّٰهِ تَطْمَئِنُّ الْقُلُوْبُ
"خبردار! اللّٰہ تعالٰی کے ذکر ہی سے دلوں کو اطمینان نصیب ہوتا ہے۔"

آج کا انسان بےچینی، خوف، ڈپریشن اور پریشانی کا شکار ہے، حالانکہ اس کا علاج نہ مہنگی دواؤں میں ہے اور نہ دنیاوی عیش میں، بلکہ اللّٰہ تعالٰی کے ذکر میں ہے۔
جس دل میں ذکر ہوتا ہے، وہ دل زندہ ہوتا ہے، اور جس دل میں ذکر نہیں، وہ دل مردہ ہے۔
نبی کریمﷺ نے فرمایا:
"جو شخص اپنے رب کا ذکر کرتا ہے اور جو ذکر نہیں کرتا، ان دونوں کی مثال زندہ اور مردہ کی سی ہے۔"
ذکر کی برکت یہ ہے کہ:
ذکر گناہوں کو مٹا دیتا ہے
ذکر رزق میں برکت لاتا ہے
ذکر شیطان کو دور بھگاتا ہے
ذکر فرشتوں کو قریب کرتا ہے
اور ذکر کرنے والا اللّٰہ کا محبوب بن جاتا ہے
اللّٰہ تعالٰی فرماتا ہے:
فَاذْكُرُوْنِيْ اَذْكُرْكُمْ
"تم مجھے یاد کرو، میں تمہیں یاد کروں گا۔"
سوچئے! جب بندہ اللّٰہ کو یاد کرتا ہے تو
اللّٰہ تعالٰی خود بندے کو یاد فرماتا ہے،
اس سے بڑی عزت اور کیا ہو سکتی ہے؟
آخر میں یہی عرض ہے کہ آؤ ہم اپنے دلوں کو ذکرِ الٰہی سے آباد کریں،
اپنی زبانوں کو تسبیح سے تر رکھیں،
اور اپنی زندگیوں کو اللّٰہ تعالٰی کی یاد سے روشن بنائیں۔
اللّٰہ تعالٰی ہمیں کثرت سے اپنا ذکر کرنے کی توفیق عطا فرمائے۔
آمین یا ربّ العالمین۔

17/01/2026

جب کسی مسلمان کے انتقال کی خبر ملتی ہے تو ہم

اِنَّا لِلّٰهِ وَاِنَّا اِلَيْهِ رَاجِعُونَ
کہتے ہیں۔
اس کا مطلب ہے:
“ہم اللّٰہ تعالٰی ہی کے ہیں اور ہمیں اسی کی طرف لوٹ کر جانا ہے۔”

اہلسنّت و جماعت کے عقیدے کے مطابق اس کے کہنے کی وجوہات اور حکمتیں یہ ہیں:

1) قرآن کا حکم
اللّٰہ تعالٰی فرماتا ہے:
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
(البقرہ: 155-156)

یعنی جو لوگ مصیبت کے وقت یہ کلمات کہتے ہیں وہ صابر ہیں اور اللّٰہ تعالٰی کی طرف سے
رحمت و ہدایت پاتے ہیں۔
اس لیے وفات کی خبر پر یہ کہنا سنتِ قرآنی ہے۔

2) ملکیتِ الٰہی کا اقرار
“اِنَّا لِلّٰهِ” کہہ کر ہم یہ اقرار کرتے ہیں کہ:
ہم، ہماری جان، ہمارے عزیز، سب اللّٰہ تعالٰی کے ہیں۔
جس چیز کا مالک اللّٰہ تعالٰی ہو وہ جب چاہے واپس لے لے، اس پر اعتراض نہیں کیا جا سکتا۔

3) واپسی کا یقین
“وَاِنَّا اِلَيْهِ رَاجِعُونَ”
میں یہ عقیدہ ہے کہ:
موت فنا نہیں بلکہ اللّٰہ تعالٰی کی طرف واپسی ہے،
اور ایک دن ہمیں بھی اسی سفر پر جانا ہے۔

4) صبر اور رضا کی تعلیم
یہ کلمات دل کو صبر دیتے ہیں کہ:
اللّٰہ تعالٰی کا فیصلہ حکمت پر مبنی ہے،
ہم اس پر راضی ہیں اور اسی سے اجر کی امید رکھتے ہیں۔

5) میت کے لیے رحمت کی دعا

علمائے اہلسنّت فرماتے ہیں کہ یہ کلمات:
میت کے لیے مغفرت و رحمت کا سبب بنتے ہیں
اور کہنے والے کے لیے بھی اجر کا باعث ہوتے ہیں۔

6) نبی کریمﷺ کی سنّت

حضورﷺ کے سامنے جب کسی کے وصال کا ذکر آتا تو آپ بھی صبر اور اللّٰہ تعالٰی کی طرف رجوع کی تعلیم دیتے۔

اسی لیے مسلمان وفات کی خبر پر سب سے پہلے یہی کلمہ کہتے ہیں۔

خلاصہ :
اِنَّا لِلّٰهِ وَاِنَّا اِلَيْهِ رَاجِعُونَ کہنا
اللّٰہ تعالٰی کی ملکیت کا اقرار ہے
موت پر ایمان کی تجدید ہے
صبر و رضا کا اظہار ہے
میت کے لیے رحمت کی دعا ہے
اور قرآن و سنّت کی پیروی ہے۔
دعاؤں کا طالب
فقیر شیخ وصی احمد اویسی غفرلہ

15/01/2026

24/12/2025

خوش نصیب لوگ
مسجد النبوی کے مؤذن شیخ فیصل النعمان کی زندگی کے آخری لمحات ۔۔ جب وہ ہسپتال میں داخل تھے انہوں نے طویل عرصہ مسجد النبوی میں اذان دی ۔۔ اس سے پہلے ان کے والد اور دادا بھی مسجد النبوی میں مؤذن رہے۔۔ بروز اتوار کو انہوں نے مسجد النبوی میں زندگی کی آخری اذان فجر دی بعد ازاں دو دن ہسپتال میں داخل رہنے کے بعد سوموار کو انتقال کر گئے۔۔ بروز منگل نماز فجر کے بعد مسجد النبوی میں جنازہ ہوا اور جنت البقیع میں تدفین کر دی گئی۔۔ اللہ تبارک و تعالی درجات بلند فرمائے آمین