Masjid O Immambargh Wehdatul Muslimeen

02/07/2026

21/06/2026

"ہر مرضِ لا دوا کی دوا ماتمِ حسینؑ ہے۔" 🖤

14/06/2026

# # **اطلاعِ مجلسِ عزا**
**بَسْمِ اللّٰہِ الرَّحْمٰنِ الرَّحِیْمِ**
تمام مومنین و مومنات کی خدمت میں بصد احترام اطلاع دی جاتی ہے کہ امسال بھی محرم الحرام **1448ھ** کی مناسبت سے **مسجد و امام بارگاہ
وحدت المسلمین گلستان جوہر بلاک 4 اے-** میں مجالسِ عزا کا اہتمام کیا گیا ہے۔

* **خطیب:** مولانا سید یاور عباس رضوی صاحب
* **وقت:** رات ٹھیک **8:45** بجے

> **نوٹ:** تمام مومنین و مومنات سے گزارش ہے کہ وقت کی پابندی کو یقینی بنا کر فرشِ عزا پر وقت سے تشریف لائیں اور باجماعت نمازِ مغربین کی ادائیگی کے بعد مجلس میں شرکت فرما کر اجرِ عظیم حاصل کریں۔
>

**منجانب:** انتظامیہ مسجد و امام بارگاہ وحدت المسلمین

13/06/2026

دوستو اور عزیزو!
واقعی اس سال کا محرم غیر معمولی اہمیت کا حامل ہے۔ وقت کی کربلا، یعنی اسلام اور کفر کے درمیان جاری فکری و عملی کشمکش، نے بہت سی حقیقتوں کو آشکار کر دیا ہے۔ خصوصاً ایران اور امریکہ و اسرائیل کے درمیان ہونے والی حالیہ کشیدگی نے واضح کر دیا ہے کہ کن علماء، ذاکرین اور نوحہ خواں حضرات کی آواز میں وقت کا شعور اور پیغامِ حسینی موجود ہے، اور کون ایسے ہیں جنہوں نے وقت کی کربلا پر خاموشی اختیار کر رکھی ہے۔
حقیقت یہ ہے کہ بعض لوگ فلسفۂ اسلام اور فلسفۂ حسینؑ کو سمجھنے کے بجائے محض رسمی اور روایتی انداز میں عزاداری پیش کرتے ہیں۔ ان کی مجالس میں نہ کوئی واضح پیغام ہوتا ہے، نہ فکر کی روشنی، نہ شعور کی بیداری۔ یوں عزاداری کی روح اور مقصد پس منظر میں چلے جاتے ہیں۔ ایسے علماء، ذاکرین اور مقررین کے پاس جا کر اپنا قیمتی وقت ضائع نہیں کرنا چاہیے۔
یقین کیجیے، وقت کی کربلا نے بہت کچھ واضح کر دیا ہے۔ آج کوئی یہ نہیں کہہ سکتا کہ "کاش ہم میدانِ کربلا میں ہوتے۔" حالیہ حالات نے فلسفۂ اسلام اور پیغامِ کربلا کو اس انداز سے نمایاں کر دیا ہے کہ ہر صاحبِ شعور انسان حق اور باطل میں فرق کو بہتر طور پر سمجھ سکتا ہے۔ اب یہ پہچاننا پہلے سے زیادہ آسان ہو گیا ہے کہ کون حق پر ہے اور کون باطل پر۔
یہ حقیقت بھی سامنے آئی ہے کہ خدا پر ایمان، علم و دانش، سائنس و ٹیکنالوجی کا حصول، قومی وحدت اور اجتماعی شعور ایسی طاقتیں ہیں جن کے ذریعے بڑی سے بڑی عالمی قوتوں کا مقابلہ کیا جا سکتا ہے۔
لہٰذا وہاں جائیں جہاں آپ کے علم میں اضافہ ہو، جہاں معاشرے کی ترقی، ادب، انسانیت، محبت، انصاف، قربانی اور انسانی وقار کا درس ملتا ہو۔ ایسی مجالس اور محافل کا انتخاب کریں جہاں سے واپس آ کر آپ دوسروں کی مدد کرنے، اپنے اخلاق کو بہتر بنانے، اپنے دین اور دنیا کو سنوارنے اور معاشرے میں مثبت کردار ادا کرنے کے لیے زیادہ پُرعزم اور متحرک ہوں۔
باقی، اپنے قیمتی وقت کو ایسے مقامات پر ضائع نہ کریں جہاں نہ شعور ملے، نہ فکر، نہ کردار سازی اور نہ ہی پیغامِ حسینؑ کی حقیقی روح۔۔

03/06/2026

تمام پیروکارانِ ولایتِ علی ابنِ ابی طالب علیہ السّلاعیدِ غدیرِ خم و یوم تکمیل دین مبارک ہو۔ برادر شبیر حسین مسجد و امام بارگاہ وحدت المسلمین کراچی میں عقیدت بھرے انداز میں نذرانہ عقیدت پیش کر رہے ہیں ۔

03/06/2026

تمام پیروکارانِ ولایتِ علی ابنِ ابی طالب علیہ السّلام کو عیدِ غدیرِ خم و یوم تکمیل دین مبارک ہو۔ برادر افتخار حسین سارابی مسجدو امام بارگاہ وحدت المسلمین کراچی میں اپنی مادری زبان بروشسکی نذرانہ عقیدت پیش کر رہے ہیں۔

03/06/2026

تمام پیروکارانِ ولایتِ علی ابنِ ابی طالب علیہ السّلام کو عیدِ غدیرِ یعنی یوم تکمیل دین مبارک ہو۔ یہ دن تکمیلِ دین اور اعلانِ ولایت کا عظیم موقع ہے، جس میں برادر افتخار حسین کا اپنی مادری زبان بروشسکی میں اور برادر شبیر حسین اردو زبان میں، مسجد و امام بارگاہ وحدت المسلمین کراچی میں نذرانہ عقیدت پیش کر رہے ہیں۔