Jamiah Abi Bakar lil Islam

20/03/2022

01/02/2021

*گناہ نیکی کی روشنی بجھا دیتے ہیں۔۔۔*

*ایک عجیب حکایت ضرورپڑھیں*

*مولانا رومی رحمہ اللہ* نے ایک حکایت لکھی ہے کہ دو چور ایک گھر میں داخل ہوئے اور انھوں نے یہ طے کیا کہ جب گھر کا مالک روشنی کے لیے ’’ چقماق ‘‘ کو رگڑ کر روشنی جلائے گا ، تو ان میں سے ایک انگلی رکھ کر اس کو بجھا دے گا اور یہ واقعہ اس زمانے کا ہے جب کہ بجلی کا کوئی انتظام نہیں تھا ، چقماق کے پتھر ہوتے تھے ، جن کو ایک دوسرے پر رگڑتے ، تو آگ پیدا ہوجا تی تھی ، تو دوچور وں نے یہ طے کیا کہ ہم لوٹنا شروع کریں گے اور جب گھر والا جاگ کر ، بیدار ہوکر ، چقماق سے روشنی جلانا چاہے گا ، تو ایسی صورت میں ایک چورصرف یہ کام کرے کہ جیسے ہی وہ آگ جلائے ، اس پر ہاتھ رکھ دینا ، نتیجہ یہ ہوگا کہ وہ چقماق کا پتھر کبھی جلنے کا نہیں اور اس وقت تک دوسرا چور سب لوٹ لے گا ، چناںچہ ایسا ہی کیا اور گھر کو ان چوروں نے لوٹ لیا ۔
مولانارومی رحمہ اللہ نے کہا کہ شیطان بھی اسی طرح بعض سالکین کے دل پر انگلی رکھ دیتا ہے ، تاکہ نور ختم ہو جائے ، سالک اگر کوئی نیکی کررہا ہے ، تو یوں سمجھو کہ وہ چقماق کا پتھر رگڑ رہا ہے اور شیطان اس پر انگلی رکھ دیتا ہے ، یہ انگلی وہی معصیت اور گناہ ہے ، جب گناہ ہوتا ہے ، تو وہ نیکی کی روشنی بجھ جاتی ہے ، سالک نے ’’ اللہ ، اللہ ‘‘ کی ، تلاوت و ذکرکیا ، شیطان نے فورا ً ہی اس کی آنکھوں سے کسی عورت کو دکھا دیا اور اس کے عشق میں اس کو مبتلا کردیا ، دل میں گندے خیالات پیدا کردیا ، اسی طرح گنا ہوں میں عمر گزر گئی اور یہ شخص صاحبِ نسبت بن نہ سکا

واقعی بڑی عبرت کی بات ہے ، ہر سالک کو اس پر توجہ کرنے کی ضرورت ہے ، بعض سالکین رات دن خانقاہوں میں رہتے ہیں ، اولیاءاللہ کی صحبت میں ہیں ، ذکر وتلاوت بھی کرتے ہیں ؛ لیکن گناہوں سے نہیں بچتے اور ان کا نور تام نہیں ہوتا اور یہ محروم رہ جاتے ہیں ۔

30/01/2021

دس لاکھ کا جہیز
پانچ لاکھ کا کھانا
گھڑی پہنائی
انگوٹھی پہنائی
مکلاوے کے دن کا کھانا
ولیمے کے دن کا ناشتہ
پھر بیٹی کو رخصت کیا تو سب سسرالیوں میں کپڑے بھیجنا
برات کو جاتے ہوئے بھی ساتھ میں کھانا بھیجنا
بیٹی ہے یا کوئی سزا ہے
اور یہ سب تب سے شروع ہو جاتا ہے جب منگنی آ کر دی جاتی ہے کبھی نند آرہی ہے کبھی جیٹھانی آرہی ہے کبھی چاچی ساس آرہی ہے کبھی ممانی ساس آ رہی ہے ٹولیاں بنا کے آتی ہیں اور بیٹی کی ماں ایک مصنوعی مسکراہٹ چہرے پر سجائے سب کو اعلی سے اعلی کھانا پیش کرتی ہے اور سب کو اچھے طریقے سے ویلکم کرتی ہے باپ کا ایک ایک بال قرضے میں ڈوب جاتا ہے اور ایسے میں بیس لوگ گھیرے میں لے کے کہتے ہیں جی کتنے بندے برات میں ساتھ لے کر آئے 100یا 200 بندہ تو ہمارے اپنے رشتے دار ہی ہیں اور باپ جب گھر آتا ہے شام کو تو بیٹی سر دبانے بیٹھ جاتی ہے کہ اس باپ کا بال بال میری وجہ سے قرضے میں ہے خدا کا واسطہ ہے آپ کو خدارا ان ہندوؤں کی رسموں کو ختم کر دو تاکہ ہر باپ اپنی بیٹی کو عزت کے ساتھ رخصت کر سکے♥

06/12/2020

مرد مجاھد اللہ تعالیٰ غریق رحمت فرمائے

29/09/2020

خزاں سے کوئی طلب نہیں ہے بہار لےکر میں کیا کروں گا
نگاہ ساقی رہے سلامت خمار لےکر میں کیا کروں گا

کہاں وہ حال بلال حبشی کہاں وہ عشق اویس قرنی
نبی کی فرقت میں جی رہا ہوں قرار لےکر میں کیا کروں گا

کوئی ہے شام وطن پہ رقصاں کوئی ہے صبح چمن پہ نازاں
بساط میری ہے خاک طیبہ نکھار لےکر میں کیا کروں گا

ائے مخلصو تم مجھے نہ چھیڑو یہ رسم الفت تمہیں مبارک
شہ مدینہ کا عشق لاؤ یہ پیار لےکر میں کیا کروں گا

کتاب اول پہ نقش قرآں وہ روئے انور پہ زلف پیچاں
قسم ہے شمس و قمر کی لیل و نہار لےکر میں کیا کروں گا

نگاہ منکر نکیر چمکی تو ان کا بیکل مچل کے بولا
نبی کے جلوؤں میں گم ہے شمع مزار لےکر میں کیا کروں گا

حضرت بیکل اتساہی الہند

29/09/2020

مر کے اپنی ہی اداؤں پہ اَمر ہو جاؤں
اُن کی دہلیز کے قابل میں اگر ہو جاؤں

اُن کی راہوں پہ مجھے اتنا چلانا یارب
کہ سفر کرتے ہوئے گردِ سفر ہو جاؤں

زندگی نے تو سمندر میں مجھے پھینک دیا
اپنی مٹھی میں وہ لے لیں تو گوہر ہو جاؤں

میرا محبوب ہے وہ راہبرِ کون و مکاں
جس کی آہٹ بھی میں سُن لوں تو خضر ہو جاؤں

اِس قدر عشقِ نبی ہو کہ مٹا دوں خود کو
اِس قدر خوفِ خدا ہو کہ نڈر ہو جاؤں

جو پہنچتی رہے اُن تک جو رہے محوِ طواف
ایسی آواز بنوں، ایسی نظر ہو جاؤں

ضرب دوں خود کو جو اُن سے تو لگوں لاتعداد
وہ جو مجھ میں سے نکل جائیں صفر ہو جاؤں

آرزو اب تو مظفرؔ تو جو کوئی ہے تو یہ ہے
جتنا باقی ہوں مدینے میں بسر ہو جاؤں

مظفرؔ وارثی

02/09/2020

بسم اللہ الرحمن الرحیم
‼ کون ہے حسینی‼
سر داد نہ داد دست در دست یزید
حقا کہ بناۓ لا الہ است حسین ۔
ہم اپنےگرد نواح میں دیکھتے ہیں کہ ہر شخص حسینی ہونے کا دعوی کرتا ہے اور یزیدیت سے نفرت کرتا ہے ,یقینا!! آپ بھی یہی کرتے ہونگے ,لیکن!!! ہمیں اس بات کا پتہ ہونا چاہیے کہ حقیقت میں حسینی کون اور یزیدی کون ہے , اس بات کا پتاکرنا کوئی مشکل کام نہیں , کیونکہ حسینیت اور یزیدیت دو الگ کردار ہیں,
حسینی کردار کے حامل لوگ حسینی۔۔۔ اور یزیدی کردار کے حامل لوگ یزیدی ہیں ,
حسینی کردار❗
حسینی وہ ہیں جو حق اور اہل حق کےساتھ کھڑے ہیں , حسینی وہ ہیں جو اپنی زندگی کو سنت مصطفی کے سانچے میں ڈالتے ہیں, جن کے دن مخلوق خدا کی بھلائی میں گذرتے ہیں , جن کے اچھے اخلاق اور اعلی کردار کی وجہ سے مخلوق خدا کو خیر ملتا ہے , جو ”یؤثرون علیٰ انفسھم ولو کان بھم خصاصا “ کے مصداق ہیں, جو عشق خیرالوریٰ سے اپنے سینوں کو منور کر کے اس کی ضیاء سے کائنات میں اجالا پھیلاتے ہیں, جن کا ذہن , جن کی فکر , جن کا عمل, جن کا کردار ,جن کی گفتار,جن کا حال اور خیال دین محمدی کی تبلیغ کرتا ہے , جو ”اَشِدّاءُ عَلیَ الکفّار رُحَمَاءُ بَینِھُم “ کے عامل ہوتے ہیں۔

یزیدی کردار❗
یزیدی وہ ہیں جو خداۓ رحمن کی نا فرمانی پر مضر رہتے ہیں,جو حق اوراہل حق کی مخالفت میں اپنی قوتوں کو صرف کرتے ہیں, جن کے شر سے ماحول محفوظ نہیں ہوتا, جو اپنی شرارتوں سےنظام بود وباش کو آلودہ کر دیتے ہیں,

ہمیں اپنا تعین خود کرنا ہوگا کہ ہم حسینی کردار کے حامل ہیں یا یزیدی کردار کے,کہیں ہم نفاذ حق میں رکاوٹ تو نہیں بن رہے,ہمارے عمل سے معاشرہ کو کوئی نقصان تو نہیں ہو رہا, ہمارے ارد گرد کے لوگ ہم سے خفاء تو نہیں ہو رہے, اگر ہم یزید کو برا کہتے ہیں تو پہلے ہم نے یہ دیکھنا ہوگا کہ کہیں ہم بھی تو یزیدی کردار کے حامل تو نہیں, اگر نہیں تو مبارکباد, اگر ہیں تو پہلے ہمیں اپنا رویہ تبدیل کرناہوگا ۔
کسی شاعر نے ہمارے رویے کی خوب عکاسی کی ہے ,
نفس ما بدتر از فرعون است
او را عون است ما را عون نیست

تحریر
علامہ آدم خان چشتی

02/09/2020

دوران کلاس معزز طلباء کرام

01/09/2020

جو احباب پڑھنے کا شوق رکھتے ہیں اشتہار میں نمبر دیا ہے اس پر رابطہ فرمائیں