09/11/2025
*سب سے پہلے توحید*
میرے مسلمان بھائی
سب سے پہلے توحید
اپنے بچوں کو توحید سکھاؤ اس سے پہلے کہ وہ لکڑی، پتھر لوہے کوچومنے لگیں ،
آستانوں، تعزیوں اور قبروں پر سجدہ کریں
اور مُردوں سے مدد مانگنے لگیں۔
انہیں سکھاؤ کہ دعا صرف اللہ ہی سے کی جاتی ہے۔
انہیں سکھاؤ کہ کامیابی صرف اللہ پر بھروسہ کرنے،
اس سے امید رکھنے اور اسباب اختیار کرنے سے حاصل ہوتی ہے۔
وہی اللہ ہی اسباب بنانے والا ہے،
کسی کے پاس کچھ نہیں. سارے اختیار اللہ ہی کے پاس ہیں
انہیں سکھاؤ کہ شفا اللہ کے ہاتھ میں ہے،
کسی انسان کے ہاتھ میں نہیں،
اور علاج و دوا محض اسباب ہیں۔اسباب اللہ ہی بناتا ہے
انہیں سکھاؤ کہ مستقبل اللہ کے علم میں ہے،
اور تمام فیصلے اسی کے ہاتھ میں ہیں۔ کوئی نجومی، پیر کچھ نہیں جانتا، کوئی اس کے فیصلوں میں دخل دینے والا نہیں
انہیں سکھاؤ کہ ضرورتیں صرف اللہ سے مانگی جاتی ہیں،
اور خوف و مصیبت سے نجات صرف اللہ ہی دے سکتا ہے۔
انہیں سکھاؤ کہ تعلق اللہ سے جوڑو،
مدد اللہ سے مانگو،
نذر و نیاز اللہ کے لیے کرو،
مدد اللہ ہی سے حاصل کرو۔
اگر ان بزرگوں کے پاس کائنات میں کچھ اختیار ہوتا،
تو وہ پہلے خود اپنے آپ کو فائدہ پہنچاتے۔
کبھی انہیں نقصان نہ ہوتا،
ان کا کبھی ایکسیڈنٹ نہ ہوتا،
وہ کبھی بیمار نہ ہوتے،
وہ کبھی مجبور اور بے بس نہ ہوتے،
وہ کبھی دوسروں کے محتاج نہ ہوتے،
انہیں سکھاؤ کہ ہمارے پیارے نبی ﷺ وفات پا گئے ہیں،
نہ ان کی ازواجِ مطہرات نے قبر میں ان سے کچھ مانگا،
نہ صحابہ کرام رضوان اللہ علیہم اجمعین نے،
حالانکہ وہ جنگوں میں شریک ہوئے،
طاعون، قحط اور بیماریوں سے آزمائے گئے،
مصیبتوں اور مسائل کا شکار ہوئے.
مگر
ان میں سے کسی نے اپنے رب کے سوا کسی سے مدد نہیں مانگی،
نہ کسی سے فریاد کی،
نہ کسی کے سامنے جھکے،
نہ کسی کے آگے روئے،
نہ اپنی آنسوؤں سے کسی اور کو راضی کرنے کی کوشش کی،
وہ سب صرف اللہ کے لیے جھکے، روئے اور دعا کی۔
اپنے بچوں کو خالص عقیدہ سکھاؤ،
اور انہیں شرکیہ بدعات کی خواہشات سے دور رکھو۔
اپنے بچوں کو توحید سکھاؤ!
واللہ!
مسلمان کبھی اپنا کھویا ہوا عروج واپس حاصل نہیں کر سکتے،
اور نہ ہی دنیا و آخرت کی سچی خوشی پا سکتے ہیں،
جب تک وہ پہلے اپنی عقیدۂ توحید کو واپس حاصل نہ کر لیں۔
واتم الاعلون ان کنتم مؤمنین
