منم گدائے رُوئے نصیر رضی اللّہ تعالیٰ عنہ

07/10/2026

***نعتِ رسول ﷺ***

گلزارِ مدینہ صلِ علیٰ،رحمت کی گھٹا سبحان اللہ
پُر نُور فضا ماشااللہ،پُر کیف ہَوا سبحان اللہ

اُس زلفِ معنبر کو چھو کر مہکاتی ہُوئ ،اتراتی ہُوئ
لائ ھے پیامِ تازہ کوئ،آئی ھے صبا سبحان اللہ

والشمس جمالِ ہوش ربا زلفیں وَالیلِ اِذا یَغشٰی
القابِ سیادت قرآں میں،یٰسیں ،طٰحہٰ سبحان اللہ

معراج کی رات حضرت کا سفر افلاک کی رونق سر تا سر
مہتاب کی صورت روشن ھے نقشِ کفِ پا،سبحان اللہ

جب بہرِ شفاعت محشر میں سرکار کا شہرہ عام ہُوا
اک لہر خوشی کی دوڑ گئی،اُمت نے کہا سبحان اللہ

ہونٹوں پہ تبسم کی موجیں،ہاتھوں میں لئے جامِ رحمت
کوثر کے کنارے وہ اُن کا،اندازِ عطا سبحان اللہ

آنکھیں روشن،پُر نور نظر،دل نعرہ زناں،جاں رقص کناں
تاثیرِ دعا اللہ اللہ پھر اُن کی دعا سبحان اللہ

بُوبکر کا حسنِ صدقِ بیاں،عدلِ عُمر آہینِ قُرآں
عثمانِ غنی میں رنگِ حیا،حیدر کی سخا سبحان اللہ

کہنے کو تو نعتیں سب نے کہیں،یہ نعت نصیر ؔ آفاقی ھے
،،کتھے مہرِ علی کتھے تیری ثنا،،کیا خوب کہا سبحان اللہ

کلام :
حضرت الشیخ العلامہ سیدنا نصیرِ ملت ؓ
منم گدائے رُوئے نصیر رضی اللّہ تعالیٰ عنہ

07/10/2026

"شمس الدین تبریزی رحمتہ اللہ علیہ مکمل نور ہے، سورج ہے اور حق کے نوروں میں سے ہے۔ (شمس الدین تبریزی رحمتہ اللّہ علیہ مولانا کے پیر تھے)جب شمس الدین تبریزی رحمتہ اللّہ علیہ کے چہرے کی بات آئی ہے تو دنیاوی سورج نے منہ چھپا لیا۔ اُسے دیکھا تو میری روح مستعد ہو گئی وہی حال ہوا جو حضرت یوسف ؑ کے لباس کی خوشبو نے حضرت یعقوب ؑ کا کیا تھا"

(مثنوی شریف مولانا جلال الدین رومی رحمۃ اللّٰہ علیہ)

مترجم:
محمد عالم امیری رحمتہ اللّہ علیہ

منم گدائے رُوئے نصیر رضی اللّہ تعالیٰ عنہ

06/10/2026

"رسالت مآب صلی اللّہ علیہ وسلم نے جس صحابی کو جو مقام دیا ہے، اُسے اُسی نظر سے دیکھو اور اہلِ بیت ؓ سے ٹُوٹ کر محبت کرو؛ اِس لیے کہ سیدنا علی ؓ، سیدہ زہرا بتول ؓ اور حسین ؓ و حسنِ ؓ مُجتبی اور اِن کی اولاد کی محبت ہی سرمایۂ آخرت ہے"

(نام و نسب)
صفحہ نمبر: 418
منم گدائے رُوئے نصیر رضی اللّہ تعالیٰ عنہ

05/10/2026

منا لائیں نہ کیوں آج اُس کو جا کر
بڑی مدت سے وہ رُوٹھا ہوا ہے
میں ہوں اک فیصلہ کس بے گُنہ کا
مجھے محفوظ کیوں رکھا ہوا ہے
کسی خلعت کی مجھ کو کیا ضرورت
تری فرقت کا غم پہنا ہوا ہے
بہت خاموش سے رہنے لگے ہو
ارے یہ شمس ؔ ! تم کو کیا ہوا ہے

(پیمانِ وفا)
منم گدائے رُوئے نصیر رضی اللّہ تعالیٰ عنہ

05/10/2026

صد کِتاب و صد ورق در نار کُن
رُوئے دِل را جانبِ دِلدار کُن
(مولائے روم)

( سو کتابیں اور سو اوراق آگ میں جھونک کر اپنے دل کا رخ محبوب کی طرف کر لے )

منم گدائے رُوئے نصیر🌹

04/10/2026

04/10/2026

یہ کون سیر کا ارماں لئے چمن سے گیا
کہ بادِ صبا کے جھونکے بھی سوگوار چلے
تہماری بزم سے تاثیر اُٹھ گئی شاید
بہ حالِ زار ہم آۓ،بہ حالِ زار چلے
قفس میں روز دکھاتا ھے آشیاں صیاد
نصیر ؔ آگ لگا دوں جو اختیار چلے

منم گدائے رُوئے نصیر رضی اللّہ تعالیٰ عنہ

03/10/2026

سبو اُٹھا! کہ شبِ ماہتاب ہے ساقی
خُروشِ بربط و چنگ و رَباب ہے ساقی

پلا شراب! کہ عہدِ شباب ہے ساقی
ہر اک گناہ میں غلطاں ثواب ہے ساقی

بچی کُھچی ہی سہی، ہم پہ بھی کرم فرما
زمانہ در سے ترے فیض یاب ہے ساقی

گدائے خاک نشیں کو جو بخش دے شاہی
ترا وہ در ہے، وہ تیری جناب ہے ساقی

وہ جام دے کہ ہر اک شے سے بے خبر کر دے
کہ اب تو ہوش میں رہنا عذاب ہے ساقی

عطائے بادہ میں تعجیل کر کہ عمرِ رواں
عِناں گُسَستہ و پا در رکاب ہے ساقی

کرم میں دیر نہ فرما کہ یہ شبِ ہستی
بقدرِ فُرصتِ رقصِ حَباب ہے ساقی

شراب جھوم کے دے، جام چُوم چُوم کے دے
کسی کی پیاس بُجھانا ثواب ہے ساقی

خیال چاہیئے ہم سے بھی بادہ خواروں کا
کہ قطرے قطرے کا آخر حساب ہے ساقی

حجاب کیسا، تغافل ہے کیوں، نظر تو اُٹھا
کہ عہد مستی و دورِ شباب ہے ساقی

وہ جس نے پی ہو تیری میگسار آنکھوں سے
وہ بے نیازِ عذاب و ثواب ہے ساقی

تری گلی ہے وہ اک منبعِ فروغ و ضیا
کہ ذرّہ ذرّہ جہاں آفتاب ہے ساقی

جو زُلف میں ہو تو زینت، جو دل میں ہو تو خلش
بہ ظاہر ایک ہی شے پیچ و تاب ہے ساقی

ہر ایک قطرہ ہے آئینہ دارِ رنگِ نشاط
ترا کرم وہ برستا سحاب ہے ساقی

نگاہ جم نہ سکی اس لئے مظاہر پر
وفورِ جلوہ تو خود اک حجاب ہے ساقی

اِسے بھی بادۂ حُبِ نبیؐ عطا کر دے
نصیرؔ، خاکِ درِ بُوترابؓ ہے ساقی

کلام
حضرت الشیخ العلامہ سیدنا نصیرِ ملت ؓ
منم گدائے رُوئے نصیر رضی اللّہ تعالیٰ عنہ

03/10/2026

مورخہ 11 اکتوبر 2026 بمطابق 28 ربیعُ الثّانی 1448 ہجری بروز اتوار
مامور مِنَ الرّسول،اِمامُ المسلمین،رئیس المجدّدین،فاتحِ قادیانیّت، قبلۂ عالم حضرت سیّد پیر مہر علی شاہ گیلانی قدس سِرّہُ العزیز کی تاریخ ساز فتحِ مبین کی یاد میں درگاہِ عالیہ غوثیہ مہریہ گولڑا شریف پر ایک عظیم الشّان ختمِ نبوّت کانفرنس
منم گدائے رُوئے نصیر رضی اللّہ تعالیٰ عنہ

02/10/2026

چپکے چپکے یہ مری گھات میں کون آتا ھے
تم نہیں ہو، تو کہو رات میں کون آتا ھے

ہم نہ آئیں تو خرابات میں کون آتا ھے
اور پھر ایسی گھنی رات میں کون آتا ھے

یہ مری سادہ دلی ھے کہ مٹا ہُوں تجھ پر
اے ستم پیشہ! تری بات میں کون آتا ھے

چشمِ دیدار طلب! جانچ،پرکھ،دیکھ،سمجھ
سامنے تیرے، حجابات میں کون آتا ھے

کُنجِ وحشت میں کہاں پرسشِ احوال کی بات
دن میں آیا نہ کوئی، رات میں کون آتا ھے

سانس کی سینے میں آمد ھے، کہ اُن کی آہٹ
دیکھنا! دل کے مضافات میں کون آتا ھے

مل گیا اُن کو نہ آنے کا یہ حیلہ آچھا
گھر سے باہر بھری برسات میں کون آتا ھے

کون مانے گا کہ جنت تری جاگیر ہُوی
چھوڑ واعظ! تری اس بات میں کون آتا ھے؟

دل میں تُو، ذہن میں تُو، فکر تری، ذکر ترا
جُز ترے، اور خیالات میں کون آتا ھے

مٹ گیا نقشِ دوئی عکسِ تجلی سے نصیر
اب نظر آئینۂ ذات میں کون آتا ھے

کلام
حضرت الشیخ العلامہ سیدنا نصیرِ ملت ؓ
منم گدائے رُوئے نصیر رضی اللّہ تعالیٰ عنہ