29/09/2025
ہم نئے عزم سے آغاز سفر کرتے ہیں الحمد للہ !!! طلباء کو عشقِ رسول کی بنیاد پر اسلامی تعلیمات سے روشناس کرانے کے لیے سرگرم عمل انجمن طلباء اسلام کے ھفتہ وار تربیتی اجتماع کا آغاز آج مورخہ 28 ستمبر بروز اتوار بعد نمازِ مغرب جامع مسجد غوث اعظم ٹانڈہ میں کیا گیا ۔ تلاوت و نعت کے بعد عبدالقادر مصطفائی نے اس موقع پر طلباء سے گفتگو کرتے ہوئے اس بات پر زور دیا کہ ہم مسلمان ہیں ، ہمارا دین اسلام ہے اسلام خالق و مالک اللہ کریم کا پسندیدہ دین ہے دین اسلام اپنے ماننے والوں کو بڑی خوبصورتی کے ساتھ نیکی و بدی میں تمیز سکھاتا ہے نیکی راہ نجات و راہ جنت ہے بدی راہ عذاب و راہ جہنم ہے اسلام اپنے والوں کو نیکی و تقویٰ کے کاموں میں باہمی تعاون کی تربیت کرتا ہے اسی ضرورت و اہمیت کے پیش نظر ھفتہ وار تربیتی اجتماع کا انعقاد و اھتمام کیا جا رھا ھے انہوں نے مزید کہا کہ انجمن طلباء اسلام طلباء کے عقائد و اعمال کی درستگی و اصلاح کے لیے سرگرم عمل ہے ۔اجتماع میں شریک طلباء نے اس سلسلہ خیر کو مزید منظم و بہتر بنانے کا عزم و عہد کیا ۔ تربیتی اجتماع میں آئندہ اتوار کو تلاوت ، نعت ، درس قرآن اور احادیث مبارکہ ، اقوال زریں و تعارفی نشست کا پروگرام بھی طے پایا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
