شیعہ علماء کونسل پاکستان - گلگت ڈویژن

  • Home
  • Pakistan
  • Gilgit
  • شیعہ علماء کونسل پاکستان - گلگت ڈویژن

شیعہ علماء کونسل پاکستان - گلگت ڈویژن Contact information, map and directions, contact form, opening hours, services, ratings, photos, videos and announcements from شیعہ علماء کونسل پاکستان - گلگت ڈویژن, Religious organisation, Gilgit.

علامہ مرحوم ایک حقیقت پسند رہنما تھے اور انہوں نے اعتدال پسندی’ اتحاد و یکجہتی اور صاف ستھری سیاست کے گہرے نقوش چھوڑے ج...
29/08/2026

علامہ مرحوم ایک حقیقت پسند رہنما تھے اور انہوں نے اعتدال پسندی’ اتحاد و یکجہتی اور صاف ستھری سیاست کے گہرے نقوش چھوڑے جو ہمارے لئے مشعل راہ ہیں۔ وہ ملک میں آئین و قانون کی بالادستی قائم کرنے پر زور
دیتے رہے اور اس بات پر متفکر تھے کہ اگر آئین و قانون کو بالادستی حاصل نہ ہوسکی تو ملک شرپسندوں اورفرقہ پرستوں کے ہاتھوں تباہی کی طرف چلاجائے گا۔ ان کی دوراندیشی اور وسیع سوچ آج بھی مشعل راہ ہے
قائد ملت جعفریہ پاکستان آیت اللہ سید ساجد علی نقوی کا مفتی جعفر حسین اعلی اللہ مقامہ کی 42ویں برسی پر پیغام

جشن منانے کے ساتھ سیرت طیبہ پر عمل ضروری، قائد ملت جعفریہ سیرتۖ طیبہ اُمت محمدی اور پوری انسانیت کیلئے نمونہ عمل ہے، علا...
25/08/2026

جشن منانے کے ساتھ سیرت طیبہ پر عمل ضروری، قائد ملت جعفریہ
سیرتۖ طیبہ اُمت محمدی اور پوری انسانیت کیلئے نمونہ عمل ہے، علامہ ساجد نقوی
قرآنی تعلیمات اور اسلام کی عملی تعبیر کے لئے ہمیں سیرت رسول اکرم ۖ سے استفادہ کرنا ہوگا ، قائد ملت جعفریہ پاکستان
راولپنڈی/اسلام آباد 25 اگست2026ء ( )قائد ملت جعفریہ پاکستان علامہ سید ساجد علی نقوی نے عید میلاد النبیۖ کے موقع پر کہا کہسیرتۖ طیبہ اُمت محمدی اور پوری انسانیت کیلئے نمونہ عمل ہے،میلاد خاتم الانبیاۖ کا جشن بھر پور طریقے سے منانے کے ساتھ قرآنی تعلیمات اور اسلام کی عملی تعبیر کے لئے ہمیں سیرت رسول اکرم ۖ سے استفادہ کرنا ہوگا ۔
علامہ ساجد نقوی نے کہاکہ حیات طیبہ اور سیرت و کردار ہم سے یہ تقاضا کرتا ہیکہ پیغمبر اکرم ۖکی تعلیمات کی روشنی میں اتحاد و وحدت کو فروغ اور نظام میں موجود خامیوں کو درست کرتے ہوئے اسے فلاحی مملکت بنائیں۔انہوں نے مزید کہا ہے کہ جب ہم سب کا ایک خدا'ایک رسول ۖ'ایک قرآن،ایک کعبہ اوربہت سے مشترکات پر ایمان ہے تو فروعی نوعیت کے اختلافا ت میں علمی سطح ، مہذب انداز اور شائستگی کی عادت ڈالنی چاہیے اورمسالک کے مقدسات کی توہین سے اجتناب کرنا چاہیے۔
قائد ملت جعفریہ نے عوام اور کارکنوں کو ہدایت کی کہ وہ تمام مسالک اور مکاتب فکر کے مابین وحدت و یگانگت ایجاد کر کے اور مسلکی ہم آہنگی کو فروغ دے کر ملت اسلامیہ کی وحدت کا عملی مظاہرہ کریں اور فرقہ پرست عناصر پر واضح کریں کہ وہ ان کے اتحاد و وحدت کو کسی صورت نقصان نہیں پہنچاسکتے۔

ہزاروں کوششیں کرلی زمانے نے جھکانے کیمجھے گرنے نہیں دیتا بھرم زہرا کے بچوں کامیرے دل کی زمیں پر ہے قدم زہرا کے بچوں کامی...
24/08/2026

ہزاروں کوششیں کرلی زمانے نے جھکانے کی
مجھے گرنے نہیں دیتا بھرم زہرا کے بچوں کا
میرے دل کی زمیں پر ہے قدم زہرا کے بچوں کا
میری نسلوں پہ ہے دستِ کرم زہرا کے بچوں کا

مرجعِ اعلیٰ جہانِ تشیع، حضرت آیت اللہ العظمیٰ سید علی الحسینی السیستانی دام ظلہ الوارف کی 99 قمری سال کی عمر کو پہنچنے ک...
23/08/2026

مرجعِ اعلیٰ جہانِ تشیع، حضرت آیت اللہ العظمیٰ سید علی الحسینی السیستانی دام ظلہ الوارف کی 99 قمری سال کی عمر کو پہنچنے کے موقع پر ان کی تازہ ترین تصویر۔
اللہ تعالیٰ ان کی عمرِ مبارک میں مزید طول و برکت عطا فرمائے اور دین و مذہب کی خدمت کرتے رہنے کی توفیق عطا فرمائے، آمین ثم آمین۔

عیدِ زہراء سلام اللہ علیہا بہت بہت مبارک ہو.
22/08/2026

عیدِ زہراء سلام اللہ علیہا بہت بہت مبارک ہو.

گلدستہ تحریکگلگت بلتستان
19/08/2026

گلدستہ تحریک
گلگت بلتستان

1997 میں اسلام آباد کی جامع مسجد 2 /G 6 تحریک جعفریہ پاکستان کے مرکزی کونسل کے اجلاس صوبائ صدور کے انتخاب کے دوران جب قا...
14/08/2026

1997 میں اسلام آباد کی جامع مسجد 2 /G 6 تحریک جعفریہ پاکستان کے مرکزی کونسل کے اجلاس صوبائ صدور کے انتخاب کے دوران جب قائد محترم آئندہ صدارت کے لئے آغا سید ضیاءالدین رضوی اور آغا سید محمد عباس رضوی کے نام پیش کئے تو آغا سید محمد عباس بغیر وقت ضائع کئے فورا کھڑے ہو کے اپ ی دستبرداری کا اعلان کیا اور کہاکہ آغا ضیاءالدین کے مقابلہ میں میرا امیدوار ہونا کسی طور پر بھی مناسب نہیں اور آغا سید ضیاءالدین رضوی بلا مقابلہ تحریک جعفریہ پاکستان گلگت بلتستان کے صدر منتخب ہوگئے۔
آغا عباس رضوی شہید آغا سے بڑی عقیدت رکھتے تھے۔
آپ دو مرتبہ گلگت بلتستان اسمبلی کے ممبر رہے ایک دفعہ جی بی کونسل کے ممبر رہے انجمن امامیہ بلتستان کے صدر رہے اور تحریک جعفریہ گلگت بلتستان کے دو مرتبہ صدر رہے۔ عظیم شخصیت تھے اللہ پاک درجات بلند فرمائے آمین

انا للہ وانا الیہ راجعونسابق صوبائی صدر شیعہ علما کونسل و سابق رکن اسمبلی، سابق رکن جی بی کونسل و معروف عالم دین آغا سی...
14/08/2026

انا للہ وانا الیہ راجعون
سابق صوبائی صدر شیعہ علما کونسل و سابق رکن اسمبلی، سابق رکن جی بی کونسل و معروف عالم دین آغا سید عباس رضوی طویل علالت کے برد سکردو میں انتقال کر گئے۔

گلگت: شیعہ علماء کونسل ضلع گلگت کے زیرِ اہتمام شہید قائد علامہ عارف حسین الحسینیؒ کی برسی کی مناسبت سے ایک پُروقار اور ر...
09/08/2026

گلگت:
شیعہ علماء کونسل ضلع گلگت کے زیرِ اہتمام شہید قائد علامہ عارف حسین الحسینیؒ کی برسی کی مناسبت سے ایک پُروقار اور روحانی تقریب عقیدت و احترام کے ساتھ منعقد ہوئی جس میں علاقے بھر سے جید علماء کرام ، تنظیمی ذمہ داران ، کارکنان اور مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی۔

تقریب میں سٹیج سکریٹری کے فرائض جنرل سکریٹری شیعہ علماء کونسل ضلع گلگت شیخ علی محمد عابدی نے انجام دیا۔ تقریب کا باقاعدہ آغاز تلاوتِ کلامِ الٰہی سے ہوا جس کی سعادت طالب علم ارسلان علی نے حاصل کی جبکہ برادر محرم علی نے بارگاہِ اہل بیتؑ میں منقبت پیش کرنے کا شرف حاصل کیا۔ تقریب سے اخون فدا علی ، شیخ الطاف حسین انصاری اور شیخ انصار حسین نے خطاب کرتے ہوئے شہید قائد کی دینی ، ملی ، سیاسی اور فلاحی خدمات پر تفصیلی روشنی ڈالی ۔

مقررین نے اپنے خطاب میں کہا کہ شہید قائد علامہ عارف حسین الحسینیؒ نے اپنی پوری زندگی اسلام کی ترویج، سربلندی اور ملتِ اسلامیہ کی بیداری کے لیے وقف کر رکھی تھی ۔ انہوں نے پاکستان کی سالمیت ، استحکام اور اتحادِ بین المسلمین کے لیے عملی جدوجہد کی اور تمام مکاتبِ فکر کے درمیان باہمی احترام ، رواداری اور اتحاد کو فروغ دینے میں اہم کردار ادا کیا ۔

انہوں نے کہا کہ شہید قائد ایک ایسی شخصیت تھے جنہوں نے ملت کو درپیش مسائل کو نہ صرف اجاگر کیا بلکہ ان کے حل کے لیے عملی میدان میں جدوجہد کی۔ ان کی زندگی اخلاص، شجاعت ، بصیرت ، استقامت اور دین و ملت سے وفاداری کی روشن مثال ہے ۔

تقریب کے مہمانِ خصوصی شیعہ علماء کونسل ضلع گلگت کے سینئر نائب صدر شیخ سلطان علی صابری نے اپنے خطاب میں کہا کہ شہید قائد ایک نڈر، مضبوط عزم رکھنے والے اور عملی جدوجہد پر یقین رکھنے والے رہنما تھے۔ وہ جس مقصد کے حصول کے لیے قدم اٹھاتے، اس سے ایک انچ بھی پیچھے ہٹنے کے لیے تیار نہیں ہوتے تھے۔

انہوں نے کہا کہ شہید قائد نے ملت کو متحد کرنے کے ساتھ ساتھ پاکستان میں بسنے والے تمام مکاتبِ فکر کے درمیان اتحاد، اتفاق، بھائی چارے اور باہمی احترام کے فروغ کے لیے بھرپور کردار ادا کیا۔ وہ مذہبی آزادی، تمام شہریوں کے بنیادی حقوق اور ملکی سالمیت کے داعی تھے اور پاکستان کو درپیش نازک ترین حالات میں بھی ملک کے اتحاد، استحکام اور بقاء کے لیے آواز بلند کرتے رہے۔

شیخ سلطان علی صابری نے مزید کہا کہ شہید قائد نے ملتِ تشیع کو منظم کرنے اور قومی و سیاسی معاملات میں مؤثر کردار ادا کرنے کے لیے ایک باقاعدہ سیاسی پلیٹ فارم کی بنیاد رکھی، جس کے ذریعے ملک و قوم کی رہنمائی اور ملت کے حقوق کے تحفظ کے لیے جدوجہد کی گئی۔ وہ نمائندۂ ولی فقیہ کی حیثیت سے بھی اپنی ذمہ داریاں ادا کرتے رہے اور دین و ملت کی خدمت کو اپنا فریضہ سمجھتے تھے۔

انہوں نے کہا کہ شہید قائد کی جدوجہد کا بنیادی مقصد مسلمانوں کو باہمی اختلافات سے بالاتر ہو کر ایک پلیٹ فارم پر جمع کرنا، اسلامی اقدار کو فروغ دینا اور ملک میں امن و بھائی چارے کو مضبوط بنانا تھا۔ ان کی مقبولیت، فکری بصیرت اور اتحادِ امت کی کاوشیں ان کے مخالفین کو برداشت نہ تھیں، اور بالآخر انہیں ہم سے جدا کر دیا گیا، لیکن ان کا فکر، نظریہ اور مشن آج بھی زندہ ہے۔

تقریب کے اختتام پر صدر شیعہ علماء کونسل ضلع گلگت حاجی شاہ رئیس خان نے اختتامی کلمات ادا کرتے ہوئے تمام علماء کرام، تنظیمی ذمہ داران، کارکنان، برادران اور شرکاء کا تہہ دل سے شکریہ ادا کیا۔ انہوں نے کہا کہ شہید قائد علامہ عارف حسین الحسینیؒ نے جس نظریے، مقصد اور الٰہی نظام کی سربلندی کے لیے اپنی زندگی وقف کی، اس کی آبیاری اور حفاظت ہم سب کی مشترکہ ذمہ داری ہے۔

انہوں نے کہا کہ اسلامی تحریک پاکستان محض ایک تنظیم نہیں بلکہ ایک فکر، نظریے اور نظام کا نام ہے، جسے مضبوط اور مؤثر بنانے کے لیے ہم سب کو متحد ہو کر اپنا کردار ادا کرنا ہوگا۔ شہید قائد نے اس مقصد کی خاطر بے شمار مشکلات، صعوبتیں اور آزمائشیں برداشت کیں اور بالآخر اپنی قیمتی جان بھی اس راہ میں قربان کر دی۔

حاجی شاہ رئیس خان نے شرکاء سے اپیل کرتے ہوئے کہا کہ شہید قائد کے افکار و نظریات کو زندہ رکھنے کے لیے ضروری ہے کہ ہر فرد ملی بیداری، شعور اور اجتماعی ذمہ داری کا مظاہرہ کرے۔ ہمیں ان کے نقشِ قدم پر چلتے ہوئے اتحاد، اخلاص اور استقامت کے ساتھ تنظیم کو مضبوط بنانا اور اسلامی و ملی شعور کو گھر گھر پہنچانے کے لیے عملی کردار ادا کرنا ہوگا۔

انہوں نے مزید کہا کہ آج کی یہ تقریب صرف شہید قائد کو خراجِ عقیدت پیش کرنے کا موقع نہیں بلکہ ان کے مشن، فکر اور جدوجہد کو آگے بڑھانے کے عہد کی تجدید بھی ہے۔ ہمیں چاہیے کہ ہم باہمی اتحاد و اتفاق کو فروغ دیں، ملک کی سلامتی و استحکام کے لیے اپنا کردار ادا کریں اور شہید قائد کے پیغامِ وحدت، بیداری اور خدمتِ دین و ملت کو آنے والی نسلوں تک پہنچائیں اور آج قائد ملت جعفریہ پاکستان و نمائندہ ولی فقیہ علامہ سید ساجد علی نقوی کے دست بازو بننے کی اشد ضرورت ہے

تقریب کے اختتام پر شہید مقاومت مظلومین جہان رہبر معظم انقلاب اسلامی سید علی خامنہ ای ، قائد علامہ عارف حسین الحسینیؒ ، شہید اصلاح نصاب سید ضیاء الدین رضوی اور تمام شہدائے اسلام و ملت کے درجات کی بلندی، پاکستان کی سلامتی و استحکام، امتِ مسلمہ کے اتحاد اور ملک میں امن و خوشحالی کے لیے خصوصی دعا بھی کی گئی۔

عارف حسین
سکریٹری اطلاعات
شیعہ علماء کونسل ضلع گلگت

Address

Gilgit

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00
Saturday 09:00 - 16:00

Website

Alerts

Be the first to know and let us send you an email when شیعہ علماء کونسل پاکستان - گلگت ڈویژن posts news and promotions. Your email address will not be used for any other purpose, and you can unsubscribe at any time.

Shortcuts

Share

Category