https://www.facebook.com/692455857774234/

Subul UsSalam, Faisalabad (2026)

31/01/2026

🔑 COME TO SALAH - COME TO SUCCESS

✨نماز سیریز قسط نمبر 14 ✨

⚜️ نماز میں خشوع و خضوع کیسے پیدا کریں؟

🔸 سجدہ

سجدے میں انسان اللہ کی برتری کو تسلیم کرتا ہے کہ بس اللہ ہی رب ہے اور بس وہی ہے جس کے آگے جھکنا ہے اور سجدہ کرنا ہے انسان اپنی انا کا سر قلم کرتے ہوے اور خود کو حقیر جانتے ہوے اللہ کو واحد لا شریک مانتے ہوں سجدے میں گرتا ہے اور بےشک سجدے میں بےحد سکون ملتا ہے کہ اٹھنے کا دل ہی نہیں کرتا..

کبھی مجھے لگتا ہے کہ میری ابھی جان قبض ہونے لگی ہے اور میں اٹھوں گی نہیں اب سجدے سے، واللہ بہت خوبصورت احساس ہے سجدے کا♡♡♡

پھر بہت دعائیں مانگیں۔۔۔ مسنون دعائیں جو آپ صلی اللہ علیہ وسلم نے سکھائیں۔۔۔ کیونکہ اللہ سجدے میں دعا قبول کرتے ہیں اس وقت دل سے احساس ہوتا ہے ک اللہ اتنے قریب ہے میری دعا سن رہے ہیں پھر میں یقین کے ساتھ دعائیں مانگتی۔۔۔کبھی اللہ کی محبت، کبھی تقوی، کبھی ہدایت، کبھی بے نیازی، کبھی صالح ساتھی، کبھی اللہ کا دیدار کبھی جنت، کبھی گناہوں کی معافی (مسنون دعاؤں کے ذریعے)۔۔

غرض لسٹ ہوتی ہے گویا۔۔اور پھر میں سجدے میں جو بھی مانگتی میرے اللہ وہ ضرور دیتے ہیں۔۔

🔸سجدے سے اٹھ کر اللہ اکبر کہنا

سجدے سے اٹھنے پر پھر سے اللہ اکبر اس بات کا احساس دلاتا ہے کہ اللہ جھکنے سے پہلے بھی آپکو بڑا مانا ہے جھکنے کے بعد بھی۔۔۔

پھر رب اغفرلی ،رب اغفرلی کہ اے میرے مجھے بخش دے اے میرے رب مجھے بخش دے۔۔

اللہ ہمیں اپنے لیے خالص کر کے صحیح معنوں میں عبادت کرنے والا بنا دے۔ آمین۔۔

31/01/2026

🔑 COME TO SALAH - COME TO SUCCESS

✨نماز سیریز قسط نمبر 13 ✨

⚜️ نماز میں خشوع و خضوع کیسے پیدا کریں؟

🔸 سجدہ

اور پِھر جب اللہ اکبر کہتے ہوئے سجدے میں جائیں تو ایک احساس کہ اللہ دوبارہ سے آپکو ہی بڑا مانتی اس لیے اب پہلے(رکوع) سے زیادہ جھک رہی۔۔۔

جیسے جیسے انسان اللہ کو بڑا مانتا جاتا ہے ویسے ویسے اس میں جھکاؤ زیادہ آتا جاتا ہے۔۔

سمعنا واطعنا بڑھ جاتا ہے حتی کہ انسان کا سارا غرور عاجزی میں بدل کر اسکی ناک زمین پر لگا دیتا ہے۔۔.

پھر اپنا سَر جب زمین پر رکھتے ہوئے محسوس کریں کہ اللہ میرے بہت قریب آگئے ہیں، میرے چہرے کے بالکل پاس۔۔۔

جیسے حدیث میں بھی آتا ہے کہ اللہ اپنے بندے کے سب زیادہ سجدے میں قریب ہوتے ہیں تو احساس کہ اللہ آپ میرے اتنے قریب آگئے؟؟
میرے جیسے گناہگار کے؟؟

پھر دل بھی سجدے میں گر جاتا ۔۔۔ لگتا ہے ساری مشکلیں ایسی ہی حَل ہوگئی اللہ كے لئے سجدے میں جانے پر۔۔۔

پِھر تسبیح

سبحان ربی الاعلی"(میرا رب پاک ہے اور بہت بلند)

ہر چیز سے ہر رشتے سے سب سے بلند ہے میرا رب۔۔۔ اور میں اسکے آگے سجدے میں جھکی ہوئی كہ اللہ بس آپ ہی سب سے بلند ہیں اور میں آپکی گنہگار بندی آپکے آگے جھکی ہوئی۔۔

میرا ماتھا زمین پر ہے اللہ اور آپ عرش پر ہوتے ہوئے بھی میری سرگوشی سن رہے۔۔۔

تسبیح پڑھ کر سجدے سے اٹھنے کو دِل نہیں کرتا دل کرتا ہے كہ اس رب كے آگے سجدے میں گری رہوں۔۔۔

اور سجدے میں اللہ کی بڑائی بیان کرتے ہوئے اپنے گناہ یاد آتے ہیں کے اسی زمین میں جانا ہے، اے اللہ ہمارا کیا بنے گا اس روز کیسے آپکے حضور پیش ہونگے پر ساتھ میں دِل میں اللہ کی محبت یاد آتی کے وہ ہمیں تھام لیں گے ہمارا بیڑا پار کروا دیں گے

اسی کیفیت میں رہتے ہوۓ یہ خیال آتا کہ یہ میرا اَخِری سجدہ ہو تو دِل کی ایسی حالت ہوتی کہ اسکو بیان کرنا لفظوں میں مشکل ہے
اور کبھی تو یوں لگتا ہے کہ وہ مجھے مسکرا کے دیکھ رہے ہے۔۔۔

جاری ہے۔۔۔

29/01/2026

🔑 COME TO SALAH - COME TO SUCCESS

✨نماز سیریز - قسط نمبر 12 ✨

⚜️ نماز میں خشوع و خضوع کیسے پیدا کریں؟

🔸 قومہ( رکوع سے کھڑے ہونا)

پھر جب رکوع سے کھڑے ہو کر سمع اللہ لمن حمدہ
( اللہ نے سن لی جس نے اسکی تعریف کی ) پڑھتی ہوں تو مجھے خیال آتا ہے یا رب آپ نے اتنی جلدی سن لی اِس بندی کی...♡♡

اپنے اللہ كے لئے تعریف۔۔اندر سے احساس ہوتا ہے کہ وہ تمہیں سمجھتا ہے ‘ تمہاری ہر چھوٹی سے چھوٹی بات کو سمجھتا ہے ♡♡

ربنا ولک الحمد حمدا کثیرا طیبا مبارکا فیہ پڑھتی ہوں تو احساس ہوتا جیسے میرے اس کلمے کے آخر لکھنے کے لیے اتنے سارے فرشتے اتر رہے (جیسا کہ حدیث میں آتا کہ 30 سے زائد فرشتے ان کلمات کا اجر لکھتے ہیں)

پھر سوچتی ہوں کہ سارا دن میں صرف ایک فرشتہ ہوتا جو نیکیاں لکھتا ہے اور ایک وہ جو برائیاں لکھتا ہے لیکن ان کلمات کے اجر کے لیے اتنے زیادہ فرشتے۔۔۔۔ایسا کیوں؟؟

کیونکہ اس میں ہم اللہ کی حمد بیاں کررہے ہیں گویا کہ اللہ ساری تعریف کے لائق بس آپ ہی ہیں. آخر ہونا بھی چاہیے اللہ آپ جیسا کوئی بھی نہیں.. ♡♡♡

جاری ہے..

28/01/2026

🔑 COME TO SALAH - COME TO SUCCESS

✨نماز سیریز - قسط نمبر 11 ✨

⚜️ نماز میں خشوع و خضوع کیسے پیدا کریں؟

🔸 رکوع

پھر میں جب رکوع میں جائیں اور یہ تسبیح پڑھیں *سبحان ربی العظیم*

اور سوچیں میرا رب بہت پاک ہے اور عظمت والا ہے. ہر چیز سے پاک۔۔۔

رکوع میں اللہ کی پاکی اور عظمت بیان کرتے ہوئے اسکی تخلیق کی سوچ ہوتی کے کیسے اللہ نے اک اک چیز بنائی وہی پاک ذات ہے جو ایسی تخلیق کر سکتا ہے ساتھ ہی دِل اِس بات کا اعتراف کیے بغیر نہیں رہ پاتا کہ واقعی یہ آپکی ہی قدرت ہے اے اللہ جو واحد ایسی تخلیق کر سکتی۔۔

اور ہم رکوع میں معلق ہوتے ہیں بالکل ایسے جیسے ہماری زندگی میں بھی حالات آتے ہیں جن میں ہم معلق ہوتے ہیں نہ زمین پر ہوتے ہیں اور نہ کندھوں پر ہوتے ہیں تب بھی ہمیں یہی احساس کرنا ہوتا ہے کہ اللہ ہے نا جو سب سے عظیم ہے وہ ہمیں اس مشکل سے نکال دے گا.

پھر اس وقت تصور کریں کہ یا اللہ میں نے اپنے آپکو جسمانی طور پر تو جھکا دیا ہے پلیز آپ اس دل کو بھی اپنے لیے اپنے آگے اپنے ہر حکم کے لیے، اپنی رضا کے لیے جھکا دیں

پھر سوچیں کہ اللہ اس آدھے جھکنے میں کیا حکمت ہے مجھے نہیں معلوم مگر سمعنا واطعنا ہم نے سنا اور ہم نے اطاعت کی، اسکا کیا مطلب ہے۔۔کہ اللہ مجھے اس حکم کی حکمت نہیں معلوم، بس آپ نے کہہ دیا تو میں جھک گئی...

صحابہ کرام تو سمعنا واطعنا کی اصل تصویر تھے ۔۔۔سنتے اور فورا مان لیتے،جھکا لیتے خود کو...

جب شراب کی حرمت کا حکم آیا تھا تو کچھ صحابہ کے ہاتھ میں شراب تھی وہ مل کر پی رہے تھی جیسے ہی حکم آیا وہیں چھوڑ دیا۔۔۔
شراب کا نشہ ایسا ہوتا ہے کہ چھوڑنے کے لیے بہت ہمت اور وقت چاہیے ہوتا ہے
لیکن انھوں نے کیا کیا تھا؟؟
فورا گرا دی۔۔خود کو بھی جھکا دیا۔۔یہ ہوتا ہے سمعنا واطعنا۔۔۔

ہم بس سر جھکاتے ہیں اور وہ ساتھ میں دل بھی جھکاتے تھے۔۔دراصل نماز میں جھکنا ہی ہماری ٹریننگ ہے کہ ہم باقی احکامات میں بھی اللہ کے آگے جھک جائیں کہ اللہ آپ نے کہا میں نے سنا اور میں نے مان لیا،میری کیا اوقات اللہ کہ میں آپ سے سوال کروں کہ ایسا کیوں ہے اس میں کیا حکمت۔۔۔

آپ تو مالک ہے میں غلام۔۔کبھی غلام بھی مالک کے آگے بولتا ہے کیا؟؟

جو بولتا ہے وہ نافرمان ہوتا ہے۔۔اللہ مجھے ان میں شامل نہ کرنا میرا دل جھکا دیجئیے نا پلیز میرے اللہ۔۔

جاری ہے۔۔۔

08/12/2025

🔑 COME TO SALAH - COME TO SUCCESS

✨نماز سیریز - قسط نمبر 10 ✨

⚜️ نماز میں خشوع و خضوع کیسے پیدا کریں؟

➖سورت الفاتحہ کے بعد قرآن میں سے جو بھی آپ چاہیں پڑھ سکتے ہیں۔۔ مختلف سورتیں بدل بدل کر پڑھنا بھی خشوع میں اضافہ کرتا ہے اور خاص طور پر جب ترجمہ آتا ہو۔۔

🔸قیام کے بعد رکوع میں جانے سے پہلے تکیبر پڑھنا

رکوع میں جانے سے پہلے جب ہم اللہ اکبر کہتے ہیں تو گویا ہم خود اس بات کا اقرار کرتے ہیں کہ اللہ آپ ہی سب سے بڑے ہے اور اقرار کرتے ہی فورا رکوع میں جھک جاتے ہیں کہ اللہ صرف آپ بڑے ہے سب سے بڑے، اس لیے میں آپکی غلام، آپکی بندی یا اللہ آپ کے سامنے جھکتی ہوں۔۔

♻️رُكَّعًا سُجَّدًا♻️
(رکوع اور سجود)

" محمدؐ، اللہ کے رسول ہے، اور جو لوگ ان کے ساتھ ہیں وہ کفار پر سخت اور آپس میں رحیم ہیں تم جب دیکھو گے اُنہیں رکوع و سجود، اور اللہ کے فضل اور اس کی خوشنودی کی طلب میں مشغول پاؤ گے"
[سورۃ الفتح، آیت ۲۹]

**رُكَّعًا سُجَّدًا**

یہ الفاظ ایک لیکچر میں سُنے تھے، جو ایسے دل میں پیوست ہوئے کہ نماز کے دوران رکوع و سجود میں بھی اب تک یاد آ جاتے ہیں۔۔

تب دل کی کیفیت ہی بدل جاتی ہے۔۔ ایک شرمندگی سی آنکھوں میں اتر آتی ہے۔ اس لمحے رب کے آگے سر مزید جھک جاتا ہے۔۔ شرمندگی سے۔۔ ندامت سے۔۔ کہ میرے رکوع کیسے ہیں۔۔ سجود کی کیا حالات ہے۔۔ اور صحابہ رضی اللہ عنہ کے کیسے ہوتے تھے۔

اللہ کے لیے دیوانگی تو اُنکی تھی کہ اللہ کو ہر جگہ واقعی اکبر رکھا۔۔ ہر جگہ خود سے آگے رب کو جانا۔۔ اُنکے رکوع و سجود کاپی کرنے تھے، اور میں کس طرح کی نمازیں پڑھتی رہی۔۔ بس ٹکریں مار مار سمجھ لیا سجدے ہو گئے۔۔

سجدہ تو دل سے ہوتا ہے۔۔ یہ کیسا سجدہ ہے جس کے سر کا غرور، اَنا سجدے سے پہلے بھی اتنی ہی اور بعد میں بھی اتنی۔۔

نماز کیا سکھانے کے لیے ہے؟؟؟

یہ کہ صرف نماز کے دوران اس بادشاہ کے آگے دو چار بار ہاتھ باندھ لیے، بظاہر سر جھکا لیے اور عبادت ہو گئی؟؟ بالکل نہیں۔۔

نماز تو ٹرینِنگ ہے زندگی کی اصل مہم کے لیے ٹرینِنگ۔۔۔

کہ اس ہی طرح ساری زندگی، تمام معاملات میں اُس بادشاہِ اعلٰی کے ہر حکم پر ایسے ہی فرمانبرداری سے ہاتھ باندھنے ہیں، سر جھکانا ہے۔۔

جیسے ہم رکوع میں اس بادشاہ کے آگے اپنے اعضاء کو جھکاتے ہیں ویسے اپنی خواہشات کو بھی جھکانا ہے، روزمرہ کے معاملات میں اس کے حکم کے تابع فیصلے کرنے ہیں اور غرور و تکبر کے بتوں کو توڑ کر اس حقیقی بادشاہ کے آگے سر تسلیم کیے رکھنا ہے..

یہی وہ چیز ہے جو مطلوب ہے

جاری ہے....

03/12/2025

🔑 COME TO SALAH - COME TO SUCCESS

✨نماز سیریز - قسط نمبر 9✨

⚜️ نماز میں خشوع و خضوع کیسے پیدا کریں؟

🔸سورۃ فاتحہ (آخری حصہ)

▪️صراط الذین انعمت علیھم:-

نیک لوگوں خاص طور صحابہ کرام رضی اللہ عنھم اجمعین کا کریں کہ انکی زندگیاں کیا تھیں ہر معاملے میں وہ کیا کرتے تھے،

یا اللہ انکا رستہ دکھانا، اس رستے پر چلانا، یا اللہ ان نیک لوگوں جیسا بنا دے جو آپ کے پیارے بندے ہیں اور مجھے بھی اپنے خاص بندوں میں شامل کر لیں اور انکی صحبت ملے مجھے ۔۔۔

▪️غیر المغضوب علیھم والضالین:-

اور پھر اللہ سے ہدایت کی دعا مانگنے کے بعد ہم کہتے ہیں کہ اللہ ان لوگوں میں شامل کرنا جن پر آپ نے انعام کیا نہ کہ ان میں جو مغضوب ہوئے یا جو گمراہ ہوئے۔۔

➖ انعام یافتہ کون؟ جنکے پاس دین کا علم ہو اور وہ اس پر عمل کریں

➖ مغضوب کون؟ (جن پر اللہ کا غصہ ہوا): وہ جنھیں علم تھا دین کا مگر اس پر عمل نہ کیا

➖ الضالین (گمراہ) کون؟ جنکے پاس دین کا علم ہی نہیں وہ ایسے ہی بھٹک رہے ہیں!

ان آیات کو پڑھ کر ہر اس شخص اور شیطان کو تصور کریں جو آپ کو اللہ سے دور کرے، اللہ ایسے لوگوں کے جھانسے میں آنے سے بچانا جو آپ سے دور کر کے دنیا میں لے جائیں کہ کہیں آپکو بھول کر ہم بھی انکی طرح مغضوب نہ ٹھہرا دیے جائیں، کہیں پھر سے گمراہ نہ ہو جائیں، یا اللہ ہمیں کافروں اور گمراہوں میں سے نہ کر دیجئیے گا

پھر ذہن میں آجکل کے فتنے آتے ہیں کہ اللہ ان سے بچا کے رکھیں، ہمارے ایمان کی حفاظت فرمائیں۔۔ آمین۔۔۔

اللہ ہم سب کو خالص کرتے ہوئے ہماری عبادات قبول فرمائیں۔۔

جاری ہے...

02/12/2025

🔑 COME TO SALAH - COME TO SUCCESS

✨نماز سیریز - قسط نمبر 8 ✨

⚜️ نماز میں خشوع و خضوع کیسے پیدا کریں؟

🔸 سورۃ فاتحہ (حصہ چہارم)

▪️ایاک نعبد وایاک نستعین:-

یہاں تصور کریں کہ اللہ وحدہ کے سامنے ہوں آس پاس کوئی بھی نہیں صرف اللہ کی ذات ہے اور میں اکیلی ہوں۔۔۔ خود کو بار بار احساس دلاتی ہوں کہ اللہ صرف آپکی عبادت ہے۔۔ آپکے سوا کسی کی بھی نہیں۔۔

پھر اپنی ضرورتیں، اپنی دعائیں ذہن میں آتی کہ اللہ آپ ہی تو رب ہیں آپکے سوا اور کونسی ذات ہے جو مجھے سمجھے، جو مجھے سنے، جو مجھے عطا کرے، میں آپکے سوا کسی رب کو نہیں جانتی اس لیے صرف آپ سے ہی مانگتی ہوں آپ مدد کریں بے شک آپ ہی سننے والا اور عطا کرنے والے ہیں..

کیا آپ جانتے ہیں کہ ہم ہر روز نماز میں سورۃ الفاتحہ میں کیا دعا کرتے ہیں؟؟؟

▪️اھدنا الصراط المستقیم:-

اللہ تعالی "ہمیں سیدھا رستہ دکھائیں"

اور اھدنا میں کیا کیا آتا ہے؟

یہ کہ اللہ صرف دکھائیں ہی نہیں بلکہ آپ ہی اس پر انگلی پکڑ کر چلنا بھی سکھائیں اور پھر جو اس رستے کی منزل ہے نا (جنت) وہاں تک بھی آپ ہی ہمیں پہنچائیں۔۔۔

یہ دعا اگر ہم سچے دل سے اور سوچ سمجھ کر مانگ لیں تو یقین کریں ہمیں ہدایت مل جائے ♡

یہ سب سے بڑی دعا اس یقین کے ساتھ کیا کریں کہ آپ دیں گے، یا اللہ میری مدد کر سیدھے رستے پر چلنے کی کہ ہر طرف فتنہ ہے اس لیے ہدایت کے راستے کا احساس ہوتا کہ بس میرا راستہ سیدھا رہے جو آپ تک، آپکی رضا تک اور مجھے آپکی جنت تک لے جائے..

اور پھر اس رستے پر ہی ثابت قدم رکھئیے گا

جاری ہے...

27/11/2025

🔑 COME TO SALAH - COME TO SUCCESS

✨نماز سیریز - قسط نمبر 7 ✨

⚜️ نماز میں خشوع و خضوع کیسے پیدا کریں؟

🔸 سورۃ فاتحہ(حصہ سوم)

▪️الحمد اللہ رب العالمین:-

ذہن میں پوری کائنات کو لائیں کہ اللہ، اتنی بڑی کائنات کا رب ہے اتنا زبردست ہے اور وہی تعریف کے لائق ہے. میری کیا اوقات ہے اسکے سامنے..

پھر محسوس کریں کہ
اللہ بھی جواب دے رہے ہیں کہ میرے بندے نے میری حمد کی تو تصور کریں کہ پیارے اللہ مجھے اپنا بندہ کہہ رہے۔۔اپنا بندہ۔۔۔اتنی محبت ♡♡

▪️الرحمن الرحیم:-

اپنے گناہوں کا خیال ذہن میں آتا ہے اور ان لفاظ سے سکون ملتا ہے کہ وہ بہت رحم کرنے والے ہیں اور پھر اللہ پہ پیار آتا ہے کہ اللہ نے معاف کردیا ہے ورنہ میں اس قابل نہیں تھی اور اگر میں بار بار گر کر بھی اسکے سامنے جاؤں گی اسکو مناؤں گی تو وہ مجھے اپنی رحمت میں چھپا لیں گے۔۔

▪️مالک یوم الدین:-

یہاں خود کو میدان حشر میں تصور کریں کہ اتنی بڑی ہستی کے سامنے میں اکیلی کیسے حاضر ہوں گی
اس بات کا احساس ہوتا ہے کہ اللہ کو حساب دینا ہے اور یوں محسوس ہوتا ہے کہ اللہ کے سامنے کھڑی ہوں اور اللہ نامہ اعمال دیکھ رہے ہیں..

واللہ بہت بے بس۔۔۔

لیکن پھر پچھلی آیت یاد آتی ہے کہ اللہ آپ نے خود کہا کہ آپ بہت مہربان ہیں رحم کرنے والے ہیں وہاں مجھے سب سے زیادہ اپکی رحمت کی ضرورت ہو گی پلیز وہاں اپنی رحمت سے جنت میں داخل کر دیجئے گا...

جاری ہے...

24/11/2025

🔑 COME TO SALAH - COME TO SUCCESS

✨نماز سیریز - قسط نمبر 5 ✨

⚜️ نماز میں خشوع وخضوع کیسے پیدا کریں؟

🔸 سورۃ الفاتحہ (حصہ اول)

یہ سورۃ میرے پیارے رب کی محبت کی یاد دلاتی ہے۔ کیوں نہ پیار آئے اس پہ جب حمد بیان کروں، کہ جب کوئی نہ ہوتا، تب اس نے تھاما، جب سب نے دُھتکار دیا اس نے اپنا بنایا۔۔

جب سوچتی ہوں یہی جگہ تھی، یہی جائے نماز، اور یہیں نماز پڑھتے ساری نماز رو کر گزرتی تھی۔ غم و الم کا پہاڑ تھا جو کمر توڑ رہا تھا۔ ایک وہ رب کہ اسکے سامنے ہاتھ باندھتے ہی آنسوؤں کی جھڑی، ہچکیاں، پورے وجود کا لرزنا۔۔

کیا کیا کیفیات پتا نہیں کہاں سے چل آتی تھیں۔۔ ہاں، آتی تھیں کیونکہ اس کے سوا کوئی سنبھالنے والا ہی نہ تھا۔۔

جب سب چھوڑ جائیں اور ایک وہ ہی رہ جائے، اور آپکے نافرمانی سے بھرے ماضی کا ذکر کیے بنا آپکو اپنی پیار بھری محبت کا یوں احساس دلائے جیسے آپ اس کو محسوس کر پا رہے ہوں۔۔

پھر خود ہی حمد بیان ہوتی ہے، خود ہی اس سے ہم کلام ہوتے ہی آنسوؤں کی ندی بہنے لگتی ہے۔۔

جب وہ وقت یاد آتا ہے تو معلوم نہیں ہوتا نماز پڑھ رہی ہوں یا محبت سکھانے والے اس پیارے رب سے بات کر رہی ہوں۔۔۔

"اس دنیا میں ہوں، یا کہیں جنت میں۔۔۔کیونکہ تب تو بس وہ ہوتا ہے اور میں۔۔۔"

لیکن یہ بھی سچ ہے کہ جو نماز، جو احساسات جو فیلنگز آزمائش کے وقت ہوتی ہیں وہ عام روٹین میں اس لیول کی نہیں ہوتیں۔۔۔ لیکن انسان کوشش کرتا رہے ♡♡

جاری ہے....

24/11/2025

🔑 COME TO SALAH - COME TO SUCCESS

✨نماز سیریز - قسط نمبر 4 ✨

اس قسط سے ہم یہ سکھنا شروع کریں گے کہ:
⚜️ ہم نماز میں خشوع کیسے پیدا کریں؟

▪️نماز کے لیے کھڑے ہونے سے پہلے

سب سے پہلے وضو کرنے کے دوران بار بار اپنے آپ کو یاد دلائیں کہ کس کے سامنے حاضر ہونے جا رہی ہوں۔۔۔
جائے نماز پر کھڑے ہو کر نماز شروع کرنے سے پہلے ہی دعا کریں کہ اللہ خشوع سے پڑھنے کی توفیق دیجئیے گا۔۔

پھر اپنے آپ کو دوبارہ یاد کروائیں کہ اللہ رب العزت کے سامنے ہوں، اس سے ملاقات کرنے جا رہی ہوں۔۔

رسول ﷺ نے ایک صحابی کو نصیحت کرتے ہوئے فرمایا:

صَلِّ صَلَاةَ مُوَدِّع، فَإِنَّكَ إِنْ كُنْتَ لَا تَرَاهُ فَإِنَّهُ يَرَاكَ

"نماز اس طرح پڑھا کرو جیسے کہ (تم ابھی دنیا سے ) رخصت ہونے والے ہو "بے شک اگر تو اسے(یعنی اللہ تعالیٰ کو)نہیں دیکھ رہا وہ تو تجھے دیکھتا ہے"۔

(صحیح الترغیب و الترھیب حدیث نمبر 3350۔سلسلۃ الاحادیث الصحیحۃ حدیث نمبر 1914۔ حسن لغیرہ)

▪️تکبیر تحریمہ

اللہ اکبر کہتے ہوئے جب ہاتھ اٹھائیں تو محسوس کریں کہ وہ رب کتنا بڑا ہے گویا میں، میری ذات اسکے سامنے ریت کے ذرے سے بھی کم۔۔ خود کو احساس دلائیں کہ یا اللہ میں کچھ نہیں بس آپ بڑے ہیں سب سے بڑے..

▪️دعاۓ استفتاح

جب دعائے استفتاح (جسے ہم ثنا کہتے ہیں) وہ پڑھنے لگیں تو محسوس کریں ہر لفظ کو۔۔۔

جیسے اللہ کو سامنے دیکھ رہے ہوں اور کہہ رہے ہوں کہ بے شک میرے اللہ آپ پاک ہیں، صرف آپ ہی کی تعریف ہے، آپکا نام بہت بابرکت ہے۔۔

دنیا کا سب سے خوبصورت اور پیارا نام، اور اللہ آپکی شان، آپکا رتبہ آپکا مقام سب سے بلند ہے آپکے سوا کوئی اس لائق نہیں کہ اسکی عبادت کی جائے میں سچے دل سے اسکا اقرار کرتی ہوں..

جاری ہے...

21/11/2025

🔑 COME TO SALAH - COME TO SUCCESS

✨نماز سیریز - قسط نمبر 3✨

⚜️ نمازوں کا جائزہ:

☆ سب سے پہلے ہم نے اپنی نمازوں کا جائزہ لینا ہے۔

▪️پہلا سٹیپ:

جو پانچ وقت کی نماز پابندی سے نہیں پڑھتے وہ اس کو پابندی سے پڑھنا شروع کریں اگر مشکل ہوتا ہے تو فرض سے شروع کر لیں پھر آہستہ آہستہ سنت بھی شامل کر لیجئیے گا مگر پڑھیں ضرور۔۔۔

اللہ سورت البقرة کے شروع میں متقین کی صفات بیان کرتے ہے

"جو غیب پر ایمان لاتے ہیں، نماز قائم کرتے ہیں، جو رزق ہم نے اُن کو دیا ہے، اُس میں سے خرچ کرتے ہیں" [2:3]

▪️دوسرا سٹیپ:

ان کے لیے جو نماز پڑھتے ہیں لیکن بس عادت بنی ہوئی ہے یا انھیں نہیں معلوم کے نماز کا ترجمہ کیا ہے تو وہ آہستہ آہستہ ترجمہ سیکھیں گے اور کوشش کر کے اذان ہوتے ہی فورا نماز ادا کرنی ہے۔۔

اللہ قرآن میں مومنوں کی صفت بتاتے ہے

"اور (وہ لوگ)اپنی نمازوں کی حفاظت کرتے ہیں" [ 23:9]

▪️تیسرا سٹیپ:

یہ ان لوگوں کے لیے جو اول وقت پر نماز پڑھتے ہیں،انھیں ترجمہ بھی آتا ہے، وہ مزید کوشش کر کے اس نماز کو بہتر بنائیں اور سکون اور خشوع کے ساتھ نماز پڑھیں اسکے لیے ان شاءللہ آپکو ٹپس دئیے جائیں گے

اللہ مومنوں کی صفات بیان کرتے ہوئے قرآن میں فرماتے ہے

"یقیناً فلاح پائی ہے ایمان والوں نے جو اپنی نماز میں خشوع اختیار کرتے ہیں" [23:1،2]

اور اسکے علاوہ کوشش کرنی ہے کہ کم ازکم دو نفل دن میں ضرور پڑھیں۔

(یہاں ہم سب جائزہ لیں کہ ہم کس سٹیپ پر ہیں اور ہمیں مزید کیا improve کرنا ہے)

اللہ ہم سب سے راضی ہوں اور ہمیں اصل معنوں میں اپنی عبادت کرنے کی توفیق دیں اور ہم سے اپنے دین کا کام لے لیں اور جنت الفردوس میں ہم سب کر اکھٹا کریں۔۔آمین۔۔

♡♡جزاکم اللہ خیرا ♡♡

جاری ہے....

20/11/2025

🔑 COME TO SALAH - COME TO SUCCESS

✨نماز سیریز - قسط نمبر 2 ✨

⚜ نماز:
دن میں ہم پر پانچ مرتبہ فرض کی گئی ہے ہم سے الحمدللہ بہت سے لوگ پابندی سے پڑھتے ہوں گے، کچھ پابند ہونے کی کوشش کر رہے ہوں گے اور کچھ اپنی نمازوں میں بہتری لانے کی کوشش کر رہے ہوں گے۔۔۔

نماز کو بہتر کو بہترین بنانے کے لیے اس کی اہمیت جاننا بہت ضروری ہے۔۔

⚜ نماز کی اہمیت:

▪️ابو سفیان سے روایت ہے، انہوں نے کہا: میں نے حضرت جابر ‌رضی ‌اللہ ‌عنہ کو یہ کہتے ہوئے سنا کہ میں نے رسول اللہﷺ کو یہ فرماتے ہوئے سنا :
’’ بے شک آدمی اورشرک و کفر کے درمیان ( فاصلہ مٹانے والا عمل ) نماز کا ترک ہے ۔ ‘‘

(صحیح مسلم 246)

▪️ایک اور روایت میں آتا ہے

"ایمان اور شرک و کفر کے درمیان فرق,نماز کا چھوڑ دینا ہے"

(صحیح مسلم' الایمان' حدیث 82)

▪️رسول اللہ صلی اللہ علیہ وسلم نے فرمایا:

*”ہمارے اور منافقین کے درمیان نماز کا معاہدہ ہے . تو جس نے نماز چھوڑ دی اس نے کفر کیا“۔*
(ترمذی 2621)

ان احادیث سے پتہ چلتا ہے مسلمان ہونے اور رہنے کے لیے لازمی شرط "نماز"کو قائم رکھنا ہے۔۔۔

*⚜ نماز کا فائدہ:

"۔۔۔ اور نماز قائم کرو، یقیناً نماز فحش اور بُرے کاموں سے روکتی ہے۔۔۔"
[29:45]

اس آیت سے پتہ چلتا ہے اگر نماز صحیح طریقے سے ادا کی جائے تو یہ انسان کو گناہوں سے بچاتی ہے

اکثر لوگ کہتے ہیں کہ ہم نماز پڑھتے ہیں مگر گناہوں اور برائیوں سے نہیں بچ پاتے تو دراصل انکی نماز میں کمی ہوتی ہے لہذا گناہوں سے بچنے کے لیے ضروری ہے کہ نماز کو احسن طریقے سے قائم کیا جائے۔۔

▪️رسول اللہ صلی اللہ علیہ وسلم فرمایا:

"اللہ تعالیٰ نے پانچ نماز فرض کی ہیں، جو شخص ان کے لیے اچھی طرح وضو کرے گا، اور انہیں ان کے وقت پر ادا کرے گا، ان کے رکوع و سجود کو پورا کرے گا تو اللہ تعالیٰ کا اس سے وعدہ ہے کہ اسے بخش دے گا، اور جو ایسا نہیں کرے گا تو اللہ کا اس سے کوئی وعدہ نہیں چاہے تو اس کو بخش دے، چاہے تو عذاب دے ۔"
(ابوداؤد 425)

یعنی سکون سے نماز پڑھنے پر اللہ کا بخشش کا وعدہ ہے۔۔
نماز کے اور بھی بے پناہ دنیوی اور اخروی فوائد ہیں۔۔

جاری ہے.....

Subul UsSalam

31/01/2026

31/01/2026

29/01/2026

28/01/2026

08/12/2025

03/12/2025

02/12/2025

27/11/2025

24/11/2025

24/11/2025

21/11/2025

20/11/2025

Address

Website

Alerts

Shortcuts

Share

Category