12/10/2026
آہ۔۔۔! تصوف و طریقت کا ایک اور چراغ گل ہوا
پیرِ طریقت حضرت علامہ صاحبزادہ پیر سید عابد حسین شاہ گیلانی
سجادہ نشین آستانہ عالیہ قادریہ گیلانیہ بدھال شریف آزاد کشمیر
بقضاۓ الٰہی وصال فرما گئے۔
انا للّٰہ وانا الیہ راجعون
قبلہ پیر صاحب کی شخصیت مجسمِ شفقت اور سراپا اخلاص و محبت تھی،
سجادہ نشینی کے اعلیٰ منصب پر فائز ہونے کے باوجود عاجزی و انکساری اور تصوف و سلوک کا عملی نمونہ تھے۔
ان کی مسکراہٹ اور محبت بھرے الفاظ ہمیشہ دلوں میں زندہ رہیں گے۔
آپ کا وصال فرمانا صرف ایک فرد کا دنیا سے جانا نہیں بلکہ معرفت و طریقت کے ایک روشن باب کا بند ہونا ہے۔
آپ کی کمی پیر خانے کے ہر گوشے اور آپ سے عقیدت و محبت رکھنے والے ہر فرد کے دل میں ہمیشہ محسوس ہوتی رہے گی۔
ہم دکھ کی اس گھڑی میں آستانہ عالیہ قادریہ گیلانیہ بدھال شریف و جبڑا شریف کے تمام پسماندگان اور مریدین کے غم میں برابر کے شریک ہیں اور دلی تعزیت پیش کرتے ہیں ۔
پروردگار! پیر صاحب کے درجات بلند فرمائے اور جوارِ رحمت میں وسیع جگہ عطا فرمائے۔
آمین بجاہ النبی الامین ﷺ
