16/06/2026
محرم کو "شہرُ اللہ" (اللہ کا مہینہ) کہنا اس کی عظمت، شرف اور خصوصی فضیلت کی دلیل ہے۔ جس طرح بیتُ اللہ کا مطلب "اللہ کا گھر" اور ناقۃُ اللہ کا مطلب "اللہ کی اونٹنی" ہے، حالانکہ پوری کائنات اللہ ہی کی ہے، لیکن یہ نسبت عزت، تکریم اور خصوصی مقام ظاہر کرنے کے لیے کی جاتی ہے۔ اسی طرح محرم کو اللہ کی طرف منسوب کرنا اس بات کی علامت ہے کہ یہ عبادت، توبہ اور نفلی روزوں کے ذریعے اللہ کا قرب حاصل کرنے کا نہایت بابرکت اور فضیلت والا مہینہ ہے۔
