30/08/2026
نماز سنت کے مطابق پڑھیے — عملی تربیت کی ایک کامیاب کوشش
الحمدللہ! چند دن قبل اپنے مقتدیوں کے لیے ’’نماز سنت کے مطابق پڑھیے‘‘ کے عنوان سے ایک ورکشاپ منعقد کرنے کی سعادت حاصل ہوئی۔ اس ورکشاپ کے بہت سے فوائد ہم نے عملی طور پر محسوس کیے، فائدے کے لیے ہم آپ حضرات کے ساتھ بھی شیئر کرتے ہیں۔
عمومًا ہم نماز کے مسائل تو بیان کرتے ہیں، لیکن انہیں عملی طور پر دکھانے اور سکھانے کی طرف اتنی توجہ نہیں دیتے، حالاں کہ بعض مسائل ایسے ہوتے ہیں جنہیں محض بیان کرنے کے بجائے عملاً سمجھانے اور خصوصی توجہ دینے کی ضرورت ہوتی ہے۔
اس ورکشاپ میں ہماری خصوصی توجہ نماز کی ظاہری ہیئت اور طریقۂ ادائیگی کو سنت کے مطابق بنانے پر رہی، تاکہ نماز کے ہر عمل کو سنت کے مطابق درست انداز میں ادا کرنے کی عملی تربیت دی جا سکے۔
اللہ رب العزت ہماری ان تمام کاوشوں کو اپنی بارگاہ میں شرفِ قبول عطا فرمائے، انہیں اخلاص کے ساتھ جاری رکھنے کی توفیق دے اور ہماری نمازوں کو سنتِ نبوی ﷺ کے مطابق بنانے کی توفیق نصیب فرمائے۔ آمین یا رب العالمین!
