06/10/2026
۔
ماہانہ اجلاس جمعیت اشاعتِ التوحید والسنہ، تحصیل پروآ
تاریخ: 24 ستمبر 2026ء
بمقام: مرکز توحید و سنت، دارالعلوم جامعہ عربیہ شمسیہ، درابن خورد
یہ اجلاس 24 ستمبر 2026ء کو منعقد ہوا۔ مصروفیات کی وجہ سے اجلاس کی کارروائی بروقت ارسال نہ کی جا سکی، اس لیے اب ارسال کی جا رہی ہے۔
اجلاس کی صدارت استاذِ محترم الحاج ماسٹر عبدالستار خان بلوچ صاحب نے کی۔
اجلاس کا باقاعدہ آغاز قاری سمیع اللہ عابد صاحب کی تلاوتِ قرآنِ پاک سے کیا گیا۔
خطبۂ استقبالیہ امیرِ محترم تحصیل پروآ، جانشینِ استاذی المکرم رح، حضرت مولانا مفتی محمد ولی اللہ صاحب دامت فیوضہم نے ارشاد فرمایا اور اجلاس کا ایجنڈا پیش کیا، جو کہ درج ذیل ہے:
1 ۔اجتماعِ پنج پیر کی تیاری اور جانے کا لائحۂ عمل، نیز خانہ شریف میں سیرت النبی ﷺ کانفرنس میں شرکت اور اسے کامیاب کرنا۔
2.مسئلۂ طلاق کے متعلق جماعت کا مؤقف۔
3حلقہ وار کارگزاری۔
فنڈ کی وصولی۔
مسئلۂ طلاق کے متعلق جماعت کا مؤقف:
امیرِ محترم، استاذ العلماء حضرت مولانا مفتی محمد ولی اللہ صاحب دامت فیوضہم نے استقبالیہ خطبہ ارشاد فرماتے ہوئے ایجنڈے کے تمام پہلوؤں پر سیر حاصل گفتگو کی اور یہ واضح کیا کہ ہماری تحصیل میں کچھ لوگ اپنے آپ کو اشاعت التوحید والسنہ کی طرف منسوب کرکے اشاعت التوحید والسنہ کے موقف کی خلاف ورزی کر رہے ہیں۔
امیرِ محترم، استاذ العلماء حضرت مولانا مفتی محمد ولی اللہ صاحب نے یہ واضح کیا کہ:
الحمدللہ! میں پچھلے 20 سالوں سے دارالافتاء چلا رہا ہوں۔ علاقے میں میراث اور مسئلۂ طلاق کے سب سے زیادہ فتویٰ میرا معتبر سمجھا جاتا ہے۔ لہٰذا مسئلۂ طلاق کے متعلق میرا، میرے والدِ محترم استاذی المکرم استاذ العلماء والقراء، تلمیذِ شیخ القرآن رح، شیخ التفسیر حضرت مولانا علامہ قاری عبدالستار صاحب رحمۃ اللہ علیہ کا، اور میری پوری جماعت جمعیت اشاعتِ التوحید والسنہ العالمیہ کا مؤقف وہی ہے جو مسلکِ اہلِ سنت والجماعت احناف کا ہے کہ تین طلاق تین ہی شمار ہوں گی، جو کہ امام ابو حنیفہ رحمہ اللہ کا مؤقف ہے اور قرآنِ مجید کی نص سے ثابت ہے۔
جس طرح ہم توحید و سنت کی اشاعت کے لیے اپنی تن، من، دھن کی قربانی دینے کے لیے ہمہ وقت تیار ہیں، ایسے ہی ہم مسلکِ امام ابو حنیفہ رحمہ اللہ کے دفاع اور پاسبانی کے لیے بھی ہمہ وقت تیار ہیں۔
اس لیے جو بھی تین طلاق کو تین تسلیم نہیں کرتا، اس کا ہماری جماعت، جمعیت اشاعتِ التوحید والسنہ سے کوئی تعلق نہیں ہے۔
اگر کوئی شخص دھوکہ دے کہ ہم اشاعتی ہیں اور اشاعت کا مؤقف تین طلاق کو ایک طلاق کا ماننا ہے، تو وہ جھوٹ بولتا ہے۔ اس کا ہماری جماعت سے کوئی تعلق اور کوئی واسطہ نہیں ہے۔ وہ کسی دوسری جماعت کا فرد ہے، نہ کہ وہ اشاعت التوحید والسنہ کا ہے اور نہ ہم اسے اہلِ سنت والجماعت کا سمجھتے ہیں۔
سیرت النبی ﷺ کانفرنس:
امیرِ محترم، استاذ العلماء حضرت مولانا مفتی محمد ولی اللہ صاحب نے تمام شرکائے اجلاس کو دعوت دیتے ہوئے فرمایا کہ:
14 اکتوبر، بروز بدھ، بعد از نمازِ مغرب، بمقام: خانہ شریف، قاری حبیب الرحمٰن صاحب کی مسجد میں سیرت النبی ﷺ کانفرنس منعقد ہو رہی ہے، جس میں ہماری جماعت کے جید علماءِ دین تشریف لا رہے ہیں۔ لہٰذا تمام احباب خود بھی تشریف لائیں اور زیادہ سے زیادہ اپنے متعلقین کو بھی ساتھ لے کر آئیں اور کانفرنس کو خوب کامیاب کریں۔
باقی جہاں بھی اپنی جماعت کے عالمِ دین کا کوئی درس ہو تو اسے ضرور کامیاب کیا کریں۔
حلقہ وار کارگزاری
حلقہ درابن خورد:
حلقہ درابن خورد کی کارگزاری امیرِ محترم، استاذ العلماء حضرت مولانا مفتی محمد ولی اللہ صاحب دامت فیوضہم نے سنائی کہ الحمدللہ! ہمارا صبح کی نماز کے بعد روزانہ درسِ قرآن ہوتا ہے اور عصر کے بعد درسِ حدیث مفتی محمد سمیع اللہ جمیل صاحب ارشاد فرماتے ہیں۔ اور ان شاءاللہ عنقریب حلقہ درابن خورد کی میٹنگ بھی بلائی جائے گی۔
حلقہ چاہ پہوڑ:
حلقہ چاہ پہوڑ کی کارگزاری استاذ العلماء حضرت مولانا عطاء اللہ صاحب دامت فیوضہم نے سنائی کہ الحمدللہ! ہمارا روزانہ صبح کی نماز کے بعد درسِ قرآن ہوتا ہے۔
انہوں نے مزید اجتماعِ پنج پیر کے حوالے سے اہم تجاویز پیش کیں۔
حلقہ گرہ عاشق:
حلقہ گرہ عاشق کی کارگزاری حلقہ گرہ عاشق کے امیر مولانا محمد اختر صاحب نے پیش کی۔ روزانہ درسِ قرآن باقاعدگی سے ہوتا ہے، نیز اجتماعِ پنج پیر کی دعوت اور شرکت کی یقین دہانی کرائی۔
حلقہ چھمب:
حلقہ چھمب کی کارگزاری حلقہ چھمب کے امیر مولانا قاری سمیع اللہ عابد صاحب نے پیش کی۔ ہر 15 دن بعد درسِ قرآن ہوتا ہے۔ اجتماع میں بھرپور شرکت کی یقین دہانی کرائی گئی۔
حلقہ روڈہ:
حلقہ روڈہ کی کارگزاری کے متعلق مولانا نعمت اللہ صاحب آف روڈہ نے پیش فرمائی۔ ہر 15 دن بعد درسِ قرآن دیا جاتا ہے۔ حلقہ روڈہ کے جماعتی کام اور جماعت کے ساتھ دلچسپی کو بہت سراہا گیا۔
حلقہ گونسر:
حلقہ گونسر کی کارروائی حلقہ گونسر کے امیر مولانا محمد نیاز اللہ صاحب نے پیش کی۔ درسِ قرآن اور درسِ حدیث روزانہ باقاعدگی سے دیا جاتا ہے اور اجتماعِ پنج پیر کی دعوتی مہم اور شرکت کے لیے یقین دہانی کرائی گئی۔
حلقہ لنڈا:
حلقہ لنڈا کی کارروائی اسلم خان بلوچ اور محمد عامر صاحب نے پیش کی۔
اجتماعِ پنج پیر کے حوالے سے تجاویز:
امیر طلبہ توحید و سنت، ضلع ڈیرہ اسماعیل خان، حضرت مولانا مفتی محمد سمیع اللہ جمیل صاحب نے بھی اجتماعِ پنج پیر کی دعوتی مہم اور جانے کی ترکیب کے حوالے سے اپنی قیمتی آرا پیش کیں۔ انہوں نے مزید یہ بھی کہا ہے کہ ان شاءاللہ! اس مرتبہ ہماری تحصیل کی اپنی سواری ہوگی، لہٰذا زیادہ سے زیادہ احباب کو تیار کریں۔
ڈاکٹر محمد مطیع اللہ نے بھی اپنی رائے پیش کی۔
حلقہ نائیویلہ کی کارگزاری
آخر میں حلقہ نائیویلہ کی کارگزاری استاد محترم قاری محمد جان صاحب ناظم مالیات تحصیل پروآ اور شیرِ تحصیل پروآ، ناظمِ اعلیٰ جمعیت اشاعتِ التوحید والسنہ، تحصیل پروآ، حضرت مولانا محمد بشیر صاحب نے پیش فرمائی۔
انہوں نے آج کے اجلاس کے ایجنڈے پر سیر حاصل گفتگو فرمائی۔ مزید انہوں نے اس بات پر زور دیا کہ جماعت کے ساتھ جڑے رہو۔
ناظمِ اعلیٰ جمعیت اشاعتِ التوحید والسنہ، تحصیل پروآ، حضرت مولانا محمد بشیر صاحب نے کہا کہ:
حضرت استاذی المکرم رح کی وفات کے بعد ہماری سستی کی وجہ سے ہمارے بہت سے جماعتی احباب غیر جماعتی علماء کی طرف مائل ہو گئے ہیں، جس کا نقصان پوری جماعت کو اٹھانا پڑے گا۔ لہٰذا اپنی جماعت کے علاقائی علماء کو وقعت دو اور اپنی جماعت کے ساتھ مل کر اور مخلص ہو کر توحید و سنت کا کام کریں۔
اس بات کو انہوں نے قرآن و حدیث کے دلائل سے مزین کرکے بار بار جماعت کے ساتھ مل کر کام کرنے پر زور دیا۔ مزید یہ کہا کہ:
ہماری جماعت کا ہر مسئلہ قرآن و حدیث اور اہلِ سنت والجماعت احناف کے مسلک کے عین موافق ہے، تو ہمیں کسی دوسری جماعت کی ذاتی تحقیق کی ضرورت نہیں ہے۔
اور تاریخ اس بات کی شاہد ہے کہ جو بھی اپنی جماعت اشاعت التوحید والسنہ کو چھوڑ کر دوسروں کے پیچھے لگا تو اس نے خود نقصان اٹھایا۔ اس لیے جماعت کے ساتھ مل کر کام کریں۔
اللہ تعالیٰ ہمیں اخلاص کے ساتھ توحید و سنت کا کام کرنے کی توفیق عطا فرمائے۔ آمین ثم آمین۔
آخر میں جماعت کی ترقی اور بقا کے لیے خصوصی دعا کی گئی۔
ناظمِ نشر و اشاعت، تحصیل پروآ:
حضرت مولانا محمد شاہد طاہری محسود
نائب ناظمِ شعبۂ نشر و اشاعت:
قاری عطاء الرحمٰن صاحب
