11/10/2025
مجلسِ وحدتِ مسلمین ضلع بہاولپور کی جانب سے سیلاب متاثرین میں راشن کی تقسیم
بہاولپورمجلسِ وحدتِ مسلمین ضلع بہاولپور کے زیرِ اہتمام سیلاب متاثرین میں راشن تقسیم کیا گیا۔ یہ فلاحی سرگرمی بہاولپور کے نواحی علاقوں بستی ساہلاں،عالی واہن،پپلی راجن اور بستی سانتے میں منعقد کی گئی، جہاں درجنوں متاثرہ خاندانوں میں اشیائے خوردونوش کے پیکج تقسیم کیے گئے۔ راشن بیگز میں آٹا، چاول، گھی، دالیں، چینی اور دیگر ضروری گھریلو سامان شامل تھا۔
اس موقع پر ضلعی آرگنائزر ڈاکٹر نوید محسن چوہان نے کہا کہ:
“ہم نے وعدہ کیا تھا کہ سیلاب متاثرین کو مشکل کی اس گھڑی میں تنہا نہیں چھوڑیں گے۔ الحمدللہ آج ہم اسی عہد کی تکمیل کے لیے یہاں موجود ہیں۔ ہم اپنے وسائل کے مطابق عوام کی خدمت کو عبادت سمجھتے ہیں۔ ان شاءاللہ جب تک متاثرین اپنے گھروں میں واپس نہیں لوٹ جاتے، مجلسِ وحدتِ مسلمین ان کی امداد اور بحالی کا سلسلہ جاری رکھے گی۔”
ڈاکٹر نوید محسن چوہان نے مزید کہا کہ یہ خدمتِ خلق کا کام تعاون کرنے والے مخیر حضرات اور تنظیموں کی بدولت ممکن ہوا۔
خصوصی طور پر فدا حسین کے سپیشل چنے بہاولپور ، الھادی ہومیو سٹور (بہاولپور)، اور ادارہ خودی و ہمدرد ویلفئیر ملتان نے بڑھ چڑھ کر حصہ لیا، جن کے تعاون سے یہ مہم کامیابی سے مکمل ہوئی۔
راشن کی تقسیم کی تقریب میں صوبائ آرگنائزر جنوبی پنجاب علامہ قاضی نادر علوی،میڈیا سیکرٹری ثقلین نقوی و دیگر احباب نے خصوصی طور پر شرکت کی۔
انہوں نے آخر میں تمام رضاکاروں اور عطیہ دہندگان کا شکریہ ادا کرتے ہوئے دعا کی کہ اللہ تعالیٰ سیلاب متاثرین کو جلد از جلد اپنے گھروں میں آباد کرے اور قوم میں خدمت و ہمدردی کے جذبے کو مزید تقویت عطا فرمائے آمین۔
Allama Raja Nasir Abbas Jafri
MWM Media Monitoring Cell
