پاسبانِ مدینہ

19/12/2025

سلام اے آمنہ کے لال اے محبوب سبحانی
سلام اے فخر موجودات فخر نوع انسانی

ترے آنے سے رونق آ گئی گلزار ہستی میں
شریک حال قسمت ہو گیا پھر فضل ربانی

تری صورت تری سیرت ترا نقشہ ترا جلوہ
تبسم گفتگو بندہ نوازی خندہ پیشانی

حفیظ بے نوا کیا ہے گدائے کوچہ الفت
عقیدت کی جبیں تیری مروت سے ہے نورانی

ترا در ہو مرا سر ہو مرا دل ہو ترا گھر ہو
تمنا مختصر سی ہے مگر تمہید طولانی

سلام اے آتشیں زنجیر باطل توڑنے والے
سلام اے خاک کے ٹوٹے ہوئے دل جوڑنے والے

حفیظ جالندھری

14/12/2025

نسیما جانبِ بطحا گزر کن
ز احوالم محمد ﷺ را خبر کن

کلام مولانا جامی

13/12/2025

مصطفٰی جانِ رحمت پہ لاکھوں سلام

شمعِ بزمِ ہدایت پہ لاکھوں سلام

شہریارِ اِرم تاجدارِ حرم

نوبہارِ شفاعت پہ لاکھوں سلام

شبِ اسریٰ کے دولھا پہ دائم درود

نوشۂ بزمِ جنت پہ لاکھوں سلام

11/12/2025

تو شاہ خوباں تو جان جاناں ہے چہرہ ام الکتاب تیرا
نہ بن سکے گی نہ بن سکے گا مثال تیری جواب تیرا

تو سب سے اؤل تو سب آخر ملا ہے حسن دوام تجھ کو
ہے عمر لاکھوں برس کی تیری مگر ہے تازہ شباب تیرا

خدا کی غیرت نے ڈال رکھے ہیں تجھ پہ ستر ہزار پردے
جہاں میں بن جاتے طور لاکھوں جو اک بھی اٹھتا حجاب تیرا

10/12/2025

وہ کیسا سماں ہوگا وہ کیسی گھڑی ہوگی

جب پہلی نظر اُن کے روضے پہ پڑی ہوگی

رشک آیا دو عالم کو اس وقت حلیمہ پر

آقا ﷺ کو لگا کر سینے جب گھر کو چلی ہوگی

وابستہ جو ہو جائے سرکار ﷺ کے قدموں سے

ہر چیز زمانے کی قدموں میں پڑی ہو گی

کیا سامنے جا کے ہم حال اپنا سنائیں گے

سرکار ﷺ کا در ہو گا اشکوں کی لڑی ہو گی

وہ شیشۂ دل غم سے میلا نہ کبھی ہو گا

تصویرِ محمد ﷺ کی جس دل میں جڑی ہو گی

اُس کوچۂ جاناں میں آہستہ قدم رکھنا

ہر جا پہ ملائک کی بارات کھڑی ہو گی

چارا نہ کوئی کرنا بس اِک نعت سنا دینا

نا چیز ظہوری کی جب سانس اڑی ہو گی

10/12/2025

10/12/2025

کعبہ کے بدرُالدُّجیٰ تم پہ کروڑوں درود

طیبہ کے شمس الضُّحیٰ تم پہ کروڑوں درود

شافعِ روزِ جزا تم پہ کروڑوں درود

دافعِ جملہ بلا تم پہ کروڑوں درود

اور

مصطفٰی جانِ رحمت پہ لاکھوں سلام

شمعِ بزمِ ہدایت پہ لاکھوں سلام

شہریارِ اِرم تاجدارِ حرم

نوبہارِ شفاعت پہ لاکھوں سلام

شبِ اسریٰ کے دولھا پہ دائم درود

نوشۂ بزمِ جنت پہ لاکھوں سلام

10/12/2025

اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(56)
ترجمہ: کنزالایمان
بےشک اللہ اور اس کے فرشتے درود بھیجتے ہیں اس غیب بتانے والے (نبی) پر اے ایمان والو ان پر درود اور خوب سلام بھیجو

09/12/2025

یا صاحب الجمال و یا سید البشر

من وجہک المنیر لقد نور القمر

لا یمکن الثناء کما کان حقہ

بعد از خدا بزرگ توئی قصہ مختصر

08/12/2025

السّلام اے سبز گنبد کے مکیں
السّلام اے رحمتہ للعالمین

السّلام اے راحت قلب حزیں
السّلام اے رفعت عرش بریں

السّلام اے حامد و محمود حق
السّلام اے نور نور اوّلیں

السلام اے بے مثیل و بیمثال
السّلام اے فخر افلاک و زمیں

السلام اے خواجہ کون و مکاں
السّلام اے شاہ دنیا شاہ دیں

السلام اے صادق و سعد و سعید
السّلام اے کہ امام السّالکیں

السّلام اے غایت کن السّلام
السّلام اے مظہر عین الیقیں

السّلام اے ہاشمی “امّی” لقب
السّلام اے روح قرآن بیں

السّلام اے کہ جمال کائنات
السّلام اے زاغ چشم سرمگیں

السّلام اے رافع ذکر الہ
السّلام اے ذکر ربّ العالمیں

السلام اے عبدہ خیر البشر
نوغ انساں را پیغام آخریں

سید و سرور محمّد مصطفٰے
کعبہ کعبہ تیرا روۓ حسیں

السّلام اے رہبر امّت سلام
تیرے سنگ در پہ واصف کی جبیں

💖✨صلی اللّٰه علیہ وآلہ وبارک وسلّم✨💖

07/12/2025

حضرت مولانا عبدالرحمن جامی رحمۃ اللہ علیہ کے فارسی کلام کا اردو ترجمہ
تنم فرسودہ جاں پارہ زِ ہجراں یا رسول اللہ
دلم پُر درد آوارہ زِ عصیاں یا رسول اللہ
شب و روز از شکیبائی ز حد گشتم تمنائی!
بخلوت سوئے من آئی خراماں یا رسول اللہ
چوں سوئے من گزر آری منِ مسکیں زِ ناداری
فدائے نقشِ نعلینت کنم جاں یا رسول اللہ
زِ کردہ خویش حیرانم سیاہ شد رُو ز عصیانم
پشیمانم پشیمانم پشیماں یا رسول اللہ
ترجمہ:
’’یا رسول اللہ صلی اللہ علیہ وآلہٖ وسلم! آپ کے ہجر و فراق اور جدائی سے میرا جسم بے حال اور ٹکڑے ٹکڑے ہو گیا ہے۔ یا رسول اللہ صلی اللہ علیہ وآلہٖ وسلم! نافرمانیوں اور گناہوں کی وجہ سے میرا دل مُرجھا کر در در کی ٹھوکریں کھا رہا ہے۔‘‘
’’یا رسول اللہ صلی اللہ علیہ وآلہٖ وسلم! دن رات انتظار کر کے میرا پیمانہ صبر لبریز ہو چکا ہے۔ آقا صلی اللہ علیہ وآلہٖ وسلم! کرم نوازی فرمائیے اور میری تنہائی میں تشریف لائیے (اور میرے قلب و رُوح کو تازگی عطا فرمائیے) ‘‘
’’یا رسول اللہ صلی اللہ علیہ وآلہٖ وسلم! جب آپ مجھ مسکین و نادار کے غریب خانے پر قدم رنجہ فرمائیں گے تو میں آپ صلی اللہ علیہ وآلہٖ وسلم کے نعلین شریفین کے نقش پر اپنی جان قربان کر دوں گا‘‘
’’یا رسول اللہ صلی اللہ علیہ وآلہٖ وسلم! میں اپنے افعال و اعمال پر حیران ہوں اور گناہوں کی وجہ سے میرا چہرہ سیاہ ہو چکا ہے۔ میرے آقا صلی اللہ علیہ وآلہٖ وسلم! میں اس پر از حد شرمندہ و نادم ہوں۔‘‘