Zari Mola Ghazi Abbas Alamdar A.S Ghalwan Tehsil Alipur

25/05/2026

عباسؑ وا عباسؑ 💔 | کچھ بھی نہ رہا میرا جب تو نہ رہا بھائی 😭

​"ایک بھائی صرف ایک رشتہ نہیں ہوتا، وہ سب سے بڑا سہارا ہوتا ہے اور غازی عباس علیہ السلام بی بی زینب سلام اللہ علیہا کا سب سے بڑا مان اور قوت تھے"۔
​کربلا کی تاریخ گواہ ہے کہ جب تک غازی عباسؑ کا علم بلند رہا، مخدراتِ عصمت و طہارت اور بی بی زینبؑ کو کوئی فکر نہ تھی。 غازیؑ کی شہادت وہ عظیم صدمہ تھا جس نے سیدہ زینبؑ کا مان توڑ دیا، اور بی بیؑ کی زبان پر یہ رقت آمیز الفاظ آئے: "کچھ بھی نہ رہا میرا جب تو نہ رہا بھائی..."
​بہن اور بھائی کے اس لازوال اور بے لوث رشتے کی یاد دلاتی یہ ویڈیو اپنے چاہنے والوں کے ساتھ شیئر کریں اور کمنٹس میں "یا عباسؑ علمدار" لکھ کر اپنی عقیدت کا اظہار کریں 🥺💔۔
​ # Abbas

22/05/2026

🌸 حضرت ابوذر غفاری رض 🌸

■ زندگی نامہ
ابوذر غفاری ظہور اسلام سے بیس سال پہلے متولد ہوئے۔[1] آپ کے والد جنادہ غفار کے فرزند تھے جبکہ آپ کی والدہ رملہ بنت الوقیعہ کا تعلق بنی غفار بن ملیل خاندان سے تھا۔[2] آپ کے والد کے لئے یزید، عشرقہ، عبداللہ اور سکن جیسے نام بھی ذکر ہوئے ہیں۔[3]

علماء علم رجال اور صحابہ کے بارے میں لکھنے والے مورخین نے کہا ہے کہ ابوذر لمبے قد، گندمی رنگ، نحیف جسم،[4] سفید بال اور داڑھی،[5] اور بعض کے مطابق صحت مند جسم کے مالک تھے۔[6]

پیغمبر اکرمؐ کا فرمان ہے
"اللہ تعالی نے مجھے چار لوگوں سے محبت کرنے کا حکم دیا ہے اور کہا ہے اللہ خود بھی انہیں بہت چاہتا ہے: علی، مقداد، ابوذر اور سلمان۔"
الغدیر، ۱۳۹۷ھ، ج ۹، ص ۱۱۷.

■ نام اور القاب
آپ کے اصلی نام کے بارے میں اختلاف پایا جاتا ہے اور تاریخی کتابوں میں ان کے مختلف نام ذکر ہوئے ہیں جیسے کہ «بدر بن‌ جندب»، «بریر بن‌ عبداللہ»، «بریر بن جنادہ»، «بریرہ بن‌ عشرقہ»، «جندب بن‌ عبداللہ»، «جندب بن‌ سکن» اور «یزید بن‌ جنادہ»۔[7] لیکن الاستیعاب میں جندب بن جنادہ زیادہ رائج اور صحیح قرار دیا گیا ہے۔[8]

■ زوجہ اور اولاد
جو کچھ منابع میں ذکر ہوا ہے اس کے مطابق آپ کا "ذر" نامی ایک بیٹا تھا اور اسی وجہ سے آپ کی کنیت ابوذر بن گئی اور اسی کنیت سے اکثر و بیشتر پہچانے جاتے ہیں۔[حوالہ درکار] کلینی باب وفات ذَر میں ایک روایت بھی بیان کرتے ہیں۔[9] آپ کی زوجہ کو بھی «ام ذر» کہا گیا ہے۔[10]

■ اسلام قبول کرنا
ابوذر سب سے پہلے اسلام قبول کرنے والوں میں سے ہیں۔[11] بعض کا کہنا ہے کہ ابوذر اسلام سے پہلے بھی ایک خدا کو مانتے تھے اور حضرت پیغمبرؐ کی بعثت سے تین سال پہلے بھی خدا کی عبادت کرتے تھے۔[12] ابن حبیب بغدادی کہتا ہے کہ ابوذر جاہلیت کے زمانے میں بھی شراب اور ازلام کو حرام سمجھتے تھے۔[13] اور اسلام کے ظہور کے بعد رسول اکرمؐ پر سب سے پہلے ایمان لانے والوں میں سے تھے۔ روایت ہے کہ ابوذر نے کہا کہ میں اسلام لانے والوں میں سے چوتھی فرد تھا۔ میں حضرت پیغمبر(ص) کے پاس گیا اور کہا: آپ پر سلام ہو اے اللہ کے رسول؛ اور میں گواہی دیتا ہوں کہ اللہ کے سوا اور کوئی معبود نہیں ہے اور محمد اس کا بندہ اور بھیجا ہوا پیغمبر ہے۔ پھر آپؐ کے چہرے پر خوشی اور مسرت دیکھی تھی۔[14]

ابن عباس نے ابوذر کے اسلام لانے کے بارے میں یوں روایت کی ہے کہ جب ابوذر کو مکہ میں حضرت پیغمبرؐ کی بعثت کی خبر ملی، تو آپ نے اپنے بھائی انیس سے کہا کہ اس سر زمین پر جاؤ اور مجھے اس مرد کے علم کے بارے میں خبر لے آو جس کا دعوی ہے کہ اسے آسمان سے خبریں آتی ہیں، ان کی باتوں کو سن کر میرے پاس واپس آجاو۔ اس کا بھائی مکہ پہنچا، اور حضرت پیغمبرؐ کی باتوں کو سن کر واپس ابوذر کے پاس پہنچا۔ پھر ابوذر مکہ گئے اور حضرت پیغمبرؐ کی تلاش میں نکلے۔ ابوذر کہتے ہیں: جب صبح ہوئی تو میں امام علی (ع) کے ہمراہ حضرت پیغمبرؐ کے گھر گیا[15] اور اسلامی رسم کے مطابق کہا: آپ پر سلام ہو اے رسول خداؐ اور میں پہلا فرد تھا جو آپؐ پر اس طرح سلام بھیجتا تھا ۔۔۔ اور پھر رسول خداؐ نے مجھے اسلام کی پیشکش دی اور میں نے شہادتین اپنی زبان پر جاری کیا۔[16] ابوذر کے اسلام لانے کا ماجرا شیعہ کتابوں میں کسی اور طریقے سے بیان ہوا ہے اور کلینی نے ابوذر کے اسلام لانے کے ماجرا کو امام صادق ؑ سے منقول ایک روایت میں بیان کیا ہے۔[17]

■ فضائل اور مناقب
پیغمبر اکرمؐ انہیں یوں خطاب فرماتے تھے: مرحبا اے ابوذر! تم ہمارے اہل بیت میں سے ہو۔[18] اور ایک اور جگہ ان کے بارے میں فرماتے ہیں: ابوذر سے زیادہ سچے آدمی پر نہ آسمان کا سایہ پڑا ہے اور نہ ہی زمین نے کسی ایسے شخص کو اپنے اندر جگہ دی ہے۔[19] ایک اور روایت میں رسول خداؐ نے ابوذر کو زہد اور انکساری میں حضرت عیسی بن مریمؐ سے تشبیہ دی ہے۔[20]

امام علیؑ سے ابوذر کے بارے میں سوال کیا گیا تو امامؑ نے فرمایا: ان کے پاس ایسا علم ہے جس سے لوگ محروم ہیں اور وہ ایسے علم سے مستفید ہو رہا ہے جو کبھی کم نہیں ہوتا۔[21] امیرالمومنینؑ ابوذر کا شمار ان افراد میں کرتے تھے جن کی جنت مشتاق ہے۔[22]

امام محمد باقرؑ فرماتے ہیں: رسول خداؐ کے بعد سب لوگ امام علیؑ کو چھوڑ گئے اور آپ کا انکار کیا سوائے تین لوگوں کے، سلمان، ابوذر اور مقداد۔ عمار نے بھی آپؑ کو چھوڑا لیکن دوبارہ آپؑ کی جانب واپس پلٹ آئے۔[23] امام جعفر صادقؑ نے ابوذر کی عبادت کے بارے میں فرمایا کہ ابوذر کی بیشتر عبادت غور و فکر تھی ... خدا کے خوف سے اس قدر روئے کہ آنکھیں زخمی ہو گئیں۔[24] امام جعفر صادقؑ نے ایک اور روایت میں فرمایا ہے کہ ابوذر کہتے ہیں کہ مجھے تین ایسی چیزیں ملیں جنہیں لوگ ناپسند کرتے ہیں، میں ان کو پسند کرتا ہوں، موت، غربت، بیماری۔ امامؑ نے اپنی گفتگو جاری رکھتے ہوئے فرمایا: ابوذر کا مطلب یہ ہے کہ موت خدا کی اطاعت میں اس زندگی سے بہتر ہے جس میں خدا کی معصیت ہو اور بیماری خدا کی اطاعت میں اس صحت سے بہتر ہے جس میں خدا کی نافرمانی ہو اور غربت خدا کی اطاعت میں اس امیری سے بہتر ہے جس میں خدا کی معصیت ہو۔[25] شیعہ کتابوں میں، سلمان، مقداد اور عمار کے ساتھ ابوذر غفاری کو اسلام میں موجود چار ارکان میں سے ایک قرار دیا ہے۔[26] شیخ مفید، امام موسی کاظم علیہ السلام سے حدیث نقل کرتے ہیں کہ قیامت کے دن، ایک ندا آئے گی کہ کہاں ہیں رسول خداؐ کے وہ حواری جنہوں نے عہد نہیں توڑا تھا؟ تو اس وقت سلمان، مقداد اور ابوذر اپنی جگہ سے اٹھیں گے۔[27]

آقا بزرگ تہرانی نے ابوذر کے حالات زندگی اور فضائل کے بارے میں دو کتابیں، ابو منصور ظفر بن حمدون بادرائی کی کتاب اخبار ابی ذر،[28] اور شیخ صدوق کی کتاب، اخبار ابی ذر الغفاری و فضائلہ[29] کا ذکر کیا ہے۔ سید علی خان مدنی ابوذر کے بارے میں یوں لکھتے ہیں: وہ بڑے عالم، عبادت گزار و بلند مرتبہ تھے، اور سال میں چار سو دینار غرباء میں تقسیم کرتے تھے اور کوئی چیز ذخیرہ نہیں کرتے تھے۔[30]

بحر العلوم ابوذر کو ان حواریوں میں شمار کرتے ہیں جو سید المرسلین کی راہ پر چلے اور اہل بیتؑ کے فضائل بیان کرنے اور ان کے دشمنوں کے عیوب اور نقص بیان کرنے میں بڑے سخت تھے۔[31] ابو نعیم اصفہانی کہتے ہیں: ابوذر نے حضرت پیغمبرؐ کی خدمت کی اور اصول سیکھے اور باقی سب کچھ ترک کیا۔ ابوذر نے اسلام اور اللہ کی شریعت کے نازل ہونے سے پہلے بھی کبھی سود نہیں لیا تھا۔ حق کی راہ میں الزام لگانے والے کبھی ان پر کوئی الزام نہیں لگا سکے اور حکومتی طاقت کبھی انہیں ذلیل و خوار نہ کر سکی۔[32]

■ امام علیؑ سے دوستی
اربلی ایک روایت نقل کرتا ہے کہ ابوذر نے امام علیؑ کو اپنا وصی بنایا اور کہا: خدا کی قسم میں نے برحق امیرالمومنینؑ کو وصیت کی ہے۔ خدا کی قسم وہ ایسی بہار ہے کہ جس کے ساتھ سکون ملتا ہے اگرچہ لوگ ان سے جدا ہو گئے اور ان سے خلافت کا حق چھین لیا گیا۔[33] ابن ابی الحدید لکھتا ہے: ابوذر نے ربذہ میں ابن رافع سے کہا کہ بہت جلد ایک فتنہ ایجاد ہوگا، پس خدا سے ڈرو اور علی بن ابی طالبؑ کی حمایت کرو۔[34] ان کی حضرت علیؑ سے دوستی اور محبت کی یہ حد تھی کہ رات کی تاریکی میں حضرت فاطمہؑ کے جنازے کی تشییع میں شرکت کی۔[35]

■ خلفاء کا دور
ابوذر نے امام علیؑ کو ولایت کا حق دار سمجھنے ہوئے اس کے دفاع میں ابو بکر کی بیعت سے انکار کیا۔[36] اور دوسرے خلیفہ کے دور میں ابوذر کا ان لوگوں میں سے شمار ہوتا تھا چنہوں نے خلیفہ کی طرف سے دیا ہوا تدوین حدیث کی ممنوعیت کے حکم کو ماننے سے انکار کیا اور کہتا تھا خدا کی قسم اگر میری زبان پر تلوار رکھیں اور اور کہیں کہ میں پیغمبر اکرمؐ کی حدیث نقل نہ کروں تو میں اپنی زبان کٹوانے کو رسول اللہؐ کی احادیث بیان نہ کرنے پر ترجیح دیتا ہوں۔[37] اور اسی حدیث نقل کرنے کی وجہ سے عمر کے زمانے میں ابوذر دوسرے چند افراد کے ساتھ زندان میں رہا۔[38]

■ شام جلا وطنی
ابن ابی الحدید کا کہنا ہے کہ عثمان کی طرف سے مروان بن حکم، زید بن ثابت اور چند دوسرے لوگوں کو بیت المال سے مال دینے اور اس پر ابوذر کی مخالفت اور احتجاج باعث بنا کہ انہیں شام جلا وطن کیا جائے۔ ان کا کہنا ہے کہ ابوذر گلی کوچوں میں علنی طور اعتراض کرتے تھے اسی وجہ سے عثمان نے انہیں مدینہ سے شام جلاوطن کر دیا۔[39]

ابوذر شام میں معاویہ کے کاموں پر اعتراض کرتے تھے اور ایک دن معاویہ نے 300 دینار ابوذر کے لیے بھیج دیا تو ابوذر نے دینار لانے والے سے کہا: اگر یہ بیت المال سے میرا اس سال کا حصہ ہے جو اب تک نہیں دیا تھا تو میں اسے رکھ دیتا ہوں لیکن اگر ہدیہ ہے تو اس کی مجھے کوئی ضرورت نہیں ہے اور اسے واپس کر دیا۔ جب معاویہ نے دمشق میں قصر خضراء بنایا تو ابوذر نے کہا: اے معاویہ! اگر اس قصر کو بیت المال کے پیسوں سے بنایا ہے تو خیانت ہے اور اگر اپنے پیسوں سے بنایا ہے تو اسراف ہے۔

اس طرح سے ہمیشہ معاویہ سے کہتا تھا: خدا کی قسم تم نے ایسے کام انجام دیا ہے جنہیں میں نہیں جانتا ہوں؛ اور خدا کی قسم! ایسے کام نہ تو اللہ کی کتاب میں ہیں اور نہ ہی پیغمبر اکرمؐ کی سنت میں؛ میں ایسے حق کو دیکھ رہا ہوں جو بجھا جا رہا ہے اور ایسے باطل کو دیکھ رہا ہوں جو زندہ ہو رہا ہے، سچ کو دیکھ رہا ہوں جسے جھٹلایا جا رہا ہے ۔۔۔ یہاں تک کہ ابوذر کی انہی باتوں کی وجہ سے ایک دن معاویہ نے ان کی گرفتاری کا حکم دیا اور انہیں اللہ اور اس کے رسول کا دشمن ٹھہرایا۔ ابوذر نے بھی جواب میں کہہ دیا: میں نہ تو اللہ کا دشمن ہوں اور نہ ہی اللہ کے رسول کا، اللہ اور اس کے رسول کے دشمن تو تم اور تمہارا باپ ہے جنہوں نے دکھاوے کے طور پر اسلام قبول کیا لیکن دل میں کفر چھپا رکھا اور اللہ کے رسول نے یقینا تم پر لعنت کی اور کئی بار تمہیں بد دعا کی کہ تمہارا پیٹ کبھی نہ بھرے۔ معاویہ نے کہا: وہ شخص میں نہیں ہوں۔ تو ابوذر نے کہا: کیوں نہیں تم ہی وہ شخص ہو؛ میں رسول اللہ کے پاس تھا آپ نے مجھ سے ہی کہا اور میں نے خود سنا ہے کہ فرماتے تھے: یا اللہ اس (معاویہ) پر لعنت بھیج اور اس کا پیٹ کبھی نہ بھرے مگر مٹی سے۔ یہ سن کر معاویہ نے ابوذر کو جیل بھیجنے کا حکم دیا۔[40]

اسی طرح کہا گیا ہے کہ ابوذر شام میں لوگوں کو پیغمبراکرمؐ اور اہل بیتؑ کے فضائل بیان کرنے کی تلقین کرتا تھا۔ اسی لیے معاویہ نے لوگوں کو اس کی محفل میں شرکت کرنے سے منع کر دیا، اور عثمان کو خط لکھ کر ابوذر کے کاموں سے آگاہ کیا اور عثمان کے جواب ملنے کے بعد معاویہ نے ابوذر کو مدینہ کی جانب روانہ کر دیا۔[41]

■ ربذہ جلاوطنی
ابوذر نے مدینہ میں عثمان سے ملاقات کی لیکن خلیفہ کی طرف سے دیے گئے دینار کو قبول نہیں کیا اور عثمان سے بھی ابوذر برداشت نہ ہوا اور بدترین حالت میں ربذہ کی جانب جلا وطن کر دیا۔ ابوذر اور عثمان کے درمیان گفتگو اور اس کی ربذہ جلاوطنی کی تفصیل بہت سی تاریخی کتابوں میں ذکر ہوئی ہے۔[42]

عثمان نے ابوذر کو ربذہ بھیجتے وقت حکم دیا کہ کوئی ان کی ہمراہی نہ کرے اور مروان بن حکم کو حکم دیا کہ وہ ابوذر کو مدینے سے خارج کرے۔ اس طریقے سے، کسی نے اس کے ساتھ جانے کی جرات نہ کی، ایسے میں، امام علیؑ اور آپ کے بھائی عقیل اور امام حسن و حسینؑ اور عمار یاسر ان سے خدا حافظی کے لئے آئے اور انہیں الوداع کیا۔[43]

● ربذہ جلا وطنی کے وقت امام علیؑ کا خطاب:
"اے ابوذر! تمہارا غم و غصہ خدا کی خاطر تھا، لہذا اسی ذات پر امید رکھو۔ یہ لوگ اپنی دنیا میں تم سے خوفزدہ ہیں، اور تم کو اپنے دین کی خاطر ان سے ڈر ہے۔ لہذا جس چیز کی خاطر وہ تم سے ڈرتے ہیں، وہ چیز ان کے لئے چھوڑ دو۔ اور جس وجہ سے تم ان سے ڈرتے ہو اس کو ان سے دور لے جاؤ۔ تم نے جس کام سے انکو روکا ہے، انکو اسکی کتنی ضرورت ہے، اور تم کتنے بے نیاز ہو اس سے جس سے وہ تمہیں روکتے ہیں۔ تمہیں بہت جلد پتا چل جائے گا کہ کل اس کا نفع کس کو ملے گا، اور جس کو اس کا زیادہ نقصان ملے گا، وہ کون ہو گا۔ اگر آسمانوں اور زمین کو کسی انسان کے لئے بند کیا جائے، لیکن وہ خدا سے ڈرے، اس کے لئے وہ دونوں کھلے ہیں۔ خدا خود تمہارا مونس اور مددگار ہے، اور سوائے باطل کے تمہیں نہیں ڈرا سکے گا۔ اگر تم ان کی دنیا کو قبول کرتے وہ تم سے دوستی کرتے، اور اگر ان کی خاطر قرض لیتے تو ان کو سکون ملتا۔"
نہج البلاغہ، ترجمہ شہیدی، خطبہ130، ص128-129۔

■ وفات
پیغمبر اکرمؐ نے فرمایا
اے ابوذر! تم اکیلے زندگی گزارو گے اور تمہیں اکیلے میں موت آئے گی اور اکیلے مبعوث ہو گے اور اکیلے جنت میں داخل ہوگے۔ عراق کے وہ لوگ تمہاری وجہ سے خوش قسمت ہوں گے جو تمہیں غسل و کفن اور دفن کریں گے

(تفسیر قمی، ج١، ص٢٩٥)
ابوذر ذی الحجہ سنہ 32 ہجری اور عثمان کے دور خلافت میں ربذہ میں اس دنیا سے رخصت ہوئے۔[44] ابن کثیر لکھتا ہے: وفات کے وقت ان کی بیوی اور بچوں کے علاوہ کوئی ان کے پاس موجود نہ تھا۔[45] خیر الدین زرکلی کہتا ہے: «ابوذر اس حال میں دنیا سے گئے کہ گھر میں انہیں کفن دینے کے لئے کچھ نہ تھا۔»[46] مہران بن میمون بیان کرتا ہے: «جو کچھ میں نے ابوذر کے گھر میں دیکھا اس کی قیمت دو درہم سے زیادہ نہ تھی۔»[47]
بیان ہوا ہے کہ ابوذر کی بیوی ام ذر روتے ہوئے کہتی تھیں:

تم جنگل میں مر جاؤ گے اور میرے پاس تمہیں کفن دینے کے لئے کوئی کپڑا تک نہیں، تو ابوذر کہتے تھے: تم رونا مت بلکہ تم خوش رہو کیونکہ ایک دن رسول خداؐ نے لوگوں کے درمیان جہاں میں بھی موجود تھا، فرمایا: تم میں سے ایک فرد جنگل میں اس دنیا سے جائے گا اور مومنین کی ایک جماعت اسے دفن کرے گی۔ اور اب وہ تمام لوگ جو میرے اس وقت میرے ہمراہ اس محفل میں تھے وہ شہر میں اور تمام لوگوں کے سامنے اس دنیا سے رخصت ہوئے ہیں اور اس سے معلوم ہوتا ہے جو کچھ پیغمبر اکرمؐ نے فرمایا تھا وہ میرے بارے میں فرمایا ہے۔[48]
پھر اس کے بعد عبداللہ بن مسعود اور اس کے بعض دوسرے ساتھیوں کا وہاں سے گزر ہوا جس میں حجر بن ادبر، مالک اشتر اور انصار کے بعض دوسرے جوان بھی تھے انہوں نے غسل اور کفن دیا اور عبداللہ بن مسعود نے نماز جنازہ پڑھائی۔[49] تاریخ یعقوبی کے مطابق جلیل القدر حذیفہ بن یمانی بھی تدفین کرنے والوں میں شامل تھے۔[50] اور تمام منابع کے مطابق، ابوذر کی قبر ربذہ میں ہے۔[51] تیسری صدی کے حنبلی عالم حربی نے اپنی کتاب المناسک میں ذکر کیا ہے کہ ربذہ میں ایک مسجد پیغمبر اکرمؐ کے صحابی ابوذر کے نام تھی اور کہا گیا ہے کہ ابوذر کی قبر بھی اسی مسجد میں ہے۔[52]

📚 حوالہ جات
1۔ امین عاملی، اعیان الشیعۃ، دار التعارف، ج۴، ص۲۲۵
2۔ ابن عبدالبر، الاستیعاب، ج ۱، ص ۲۵۲۔
3۔ ابن حبان، مشاہیر علماء الامصار، ص ۳۰۔ الثقات، ج ۳، ص ۵۵۔ تقریب التہذیب، ج ۲، ص ۳۹۵۔
4۔ عسقلانی، الاصابہ، ج ۷، ص ۱۰۷۔
5۔ ابن سعد، طبقات کبری، ج۴، ص ۲۳۔
6۔ ذہبی، سیر اعلام النبلاء، ۱۴۱۳ھ، ج ۲، ص ۴۷۔
7۔ ابن اثیر، اسد الغابۃ، دار الکتاب العربی، ج۵، ص۱۸۶؛ مزی، تہذیب الکمال، ۱۴۰۶ق، ج۳۳، ص۲۹۴؛ ذہبی، سیر اعلام النبلاء، ۱۴۱۳ق، ج۲، ص۴۹؛ امین عاملی، اعیان الشیعۃ، دار التعارف، ج۴، ص۲۲۵.
8۔ ابن عبدالبر، الاستیعاب، ۱۴۱۲ق، ج۴، ص۱۶۵۲.
9۔ کافی، ج ۳، ص ۲۵۔
10۔ ابن ابی الحدید، شرح نہج البلاغہ، ۱۳۷۸ھ، ج ۱۵، ص ۹۹۔
11۔ ذہبی، تاریخ الاسلام، ۱۴۰۷ق، ج ۳، ص ۴۰۶؛ ابن عبدالبر، الاستیعاب، ۱۴۱۲ق، ج ۱، ص ۲۵۲.
12۔ شوشتری، قاموس الرجال، ۱۴۱۹ق، ج ۱۱، ص ۳۲۲.
13۔ بغدادی، المُحبَّر، ۱۳۶۱ھ، ص۲۳۷.
14۔ ابن حبان، الصحیح، ۱۴۱۴ق، ج۱۶، ص۸۳.
15۔ ابن عبدالبر، الاستیعاب، ۱۴۱۲ق، ج۴، ص۱۶۵۴.
16۔ ابن عبدالبر، الاستیعاب، ح ۴، ص ۱۶۵۴۔
17۔ کلینی، کافی، ۱۳۶۳ش، ج۸، ص۲۹۷ و ۲۹۸.
18۔ طوسی، امالی طوسی، ۱۴۱۴ق، ص۵۲۵؛ طبرسی، مکارم الاخلاق، ۱۳۹۲ق، ص ۲۵۶.
19۔ مجلسی، بحار الانوار، ج ۲۲، ص۴۰۴۔
20۔ مجلسی، بحار الانوار، ۱۴۰۳ق، ج۲۲، ص۴۲۰.
21۔ ابن عبد البر، احمد، الاستیعاب، ج ۱، ص ۲۵۵۔
22۔ صدوق، الخصال، ۱۴۰۳ق، ص۳۰۳.
23۔ مفید، الاختصاص، ۱۴۱۴ق، ص۱۰.
24۔ صدوق، الخصال، ۱۴۰۳ق، ص۴۰ و ۴۲.
25۔ کلینی، کافی، ج ۸، ص ۲۲۔
26۔ طوسی، رجال طوسی، ۱۴۱۵ق، ص۵۹۸؛ مفید، الاختصاص، ۱۴۱۴ق، ص۶ و ۷.
27۔ مفید، الاختصاص، ص ۶۱۔
28۔ تہرانی، الذریعہ، ج ۱، ص ۳۱۶۔
29۔ تہرانی، الذریعہ، ج ۱، ص ۳۱۷۔
30۔ مدنی، الدرجات الرفیعہ، ۱۳۹۷ھ، ص ۲۲۶۔
31۔ بحرالعلوم، الفوائد الرجالیہ، ۱۳۶۳ش، ج۲، ص۴۹.
32۔ اصفہانی، حلیہ الاولیاء، ج ۱، ص ۱۵۶ و ۱۵۷۔
33۔ اربلی، کشف الغمہ، ۱۴۰۵ھ، ج ۱، ص ۳۵۳۔
34۔ ابن ابی الحدید، شرح نہج البلاغہ، 1378ھ، ج ۱۳، ص ۲۲۸۔
35۔ یعقوبی، تاریخ یعقوبی، ج۲، ص۱۱۵.
36۔ یعقوبی، تاریخ یعقوبی، ترجمہ آیتی، ج۱، ص۵۲۴۔
37۔ ابن سعد، طبقات کبری، ج ۲، ص ۳۵۴۔
38۔ ابن حیان، المجروحین، ج ۱، ص ۳۵۔
39۔ ابن ابی الحدید، شرح نہج البلاغہ، ج ۸، ص ۲۵۶۔
40۔ ابن ابی الحدید، شرح نہج البلاغہ، ۱۳۷۸ق، ج۸، صص ۲۵۶-۲۵۸.؛ امین، اعیان الشیعہ، ج۴، ص۲۳۷.
41۔ امین، اعیان الشیعہ، ج ۴، ص ۲۳۷۔
42۔ یعقوبی، تاریخ یعقوبی، ج۱، ص۱۷۱ و ۱۷۲؛ ابن سعد، طبقات ابن سعد، ج۴، ص۲۲۶ - ۲۲۹؛ طبری، تاریخ طبری، ۱۴۰۳ق، ج۳، ص۳۳۶.
43۔ مسعودی، مروج الذہب، ج۱، ص۶۹۸۔
44۔ طبری، تاریخ طبری، ج ۳، ص ۳۵۴۔
45۔ ابن کثیر، البدایۃ و النہایۃ، ۱۹۸۶م، ج۷، ۱۶۵.
46۔ زرکلی، الاعلام، ۱۹۸۰م، ج ۲، ص ۱۴۰.
47۔ امین عاملی، اعیان الشیعۃ، دار التعارف، ج۴، ص۲۲۹.
48۔ امین عاملی، اعیان الشیعہ، ج ۴، ص ۲۴۱۔
49۔ ابن عبد البر، الاستیعاب، ۱۴۱۲ق، ج۱، ص۲۵۳.؛ ابن خیاط، طبقات خلیفہ، ۱۴۱۴ق، ص۷۱.؛ ابن حبان، الثقات، ۱۳۹۳ق، ج۳، ص۵۵.
50۔ یعقوبی، تاریخ یعقوبی، ترجمہ آیتی، ج۲، ص۶۸.
51۔ حموی، معجم البلدان، ۱۳۹۹ھ، ج۳، ص۲۴؛ طریحی، مجمع البحرین، ۱۳۶۷ش، ج۲، ص۱۳۱.
52۔ حربی، المناسک، ۱۹۶۹ء، ص۳۲۷.

22/05/2026

ایک منظر سے کربلا تک ... 2700 کلومیٹر

اہل مشہد المقدس نے اربعین کی زیارت کے لئے 75 دن سے زائد سفر سے کربلا کی طرف جانے والے زائرین امام حسین علیہ السلام کو الوداع کیا

22/05/2026

(رہبرِ معظم آیت اللہ خامنہ ای کا بیان - امام زمانہ عج)

​دنیا کے تمام مذاہب ایک ایسے ہی نجات دہندہ کے منتظر ہیں! 🌍✨
​رہبرِ معظم آیت اللہ سید علی خامنہ ای کا امام زمانہ (عج) کے ظہور اور ان کی یاد کے حوالے سے ایک انتہائی خوبصورت اور ایمان افروز بیان۔ تاریخِ بشریت میں شاید ہی کوئی ایسا دور گزرا ہو جہاں انسانوں نے اتنی شدت سے ایک نجات دہندہ (امام مہدی عج) کی ضرورت محسوس کی ہو جتنی آج کے دور میں ہے۔ ظلمت کی اس تاریک شب کے اختتام پر حق و عدل کا سورج یقیناً طلوع ہوگا۔ ہمیں چاہیے کہ خدا سے دعا کریں اور خود بھی پوری جدوجہد کے ساتھ ان کے ظہور کی راہ ہموار کریں۔ 🤲🏼
​🚩 🚩🚩🚩🚩🚩🚩🚩🚩🚩🚩🚩🚩🚩🚩🚩
ؑ ؑ
IranUrdu Zari Mola Ghazi Abbas Alamdar A.S Ghalwan Tehsil Alipur

22/05/2026

مولائے کائنات حضرت علی علیہ السلام کا فرمانِ مبارک: گناہ کی لذت عارضی اور اس کا پچھتاوا دائمی ہے! ✨
​انسان جب کوئی گناہ کرتا ہے تو اس کی لذت اور مزہ تو چند لمحوں میں ختم ہو جاتا ہے، لیکن اس کے بعد ملنے والی شرمندگی، پچھتاوا اور ضمیر کا بوجھ بہت طویل ہوتا ہے۔ اپنے نفس پر قابو پائیں اور عارضی لذتوں کے لیے اپنے مستقل سکون اور آخرت کو داؤ پر نہ لگائیں۔ 🤲🏼🌸
ؑ #اخلاقیات

Islam360 IranUrdu Zari Mola Ghazi Abbas Alamdar A.S Ghalwan Tehsil Alipur

22/05/2026

شہید ابراہیم ہادی ہمیشہ نامحرم سے دوری اختیار کرتے تھے اور اپنے دوستوں کو بھی یہی نصیحت کرتے تھے کہ جتنا ہو سکے مخالف جنس (نامحرم) کے ساتھ غیر ضروری بات چیت اور تعلقات سے بچو۔ آج ہم میں سے کتنے لوگ ہیں جو اس اصول پر عمل کرتے ہیں؟ اپنے آپ کو عارضی بہانوں میں مبتلا کرنے کے بجائے حیا کا راستہ اپنائیں، کیونکہ یہی وہ راستہ ہے جو انسان کو تباہی سے بچاتا ہے۔ 🌸🛡️
#حیا #نامحرم #اخلاقیات #شہادت

21/05/2026

جس کا دل اللہ کے لیے دھڑکتا ہو، ولی الزماںؑ اُسی کا انتخاب کرتے ہیں! ❤️✨
​اپنے دل کو دنیا کی عارضی محبتوں کے لیے کرائے پر مت دیں، یہ دل صرف اور صرف اللہ کی یاد اور اس کی محبت کے لیے بنا ہے۔ اپنے دل کو پاک رکھیں تاکہ وہ امامِ زمانہ عجل اللہ فرجہ الشریف کی نظرِ کرم کے قابل بن سکے۔ 🤲🌸

21/05/2026

شب جمعہ❤️ , شب مغفرت🙏 , شب دعا🤲

21/05/2026

مختار ثقفی: "یاد ہے جس دن تم سے میرا نکاح ہوا تھا، میں نے تم سے کیا پوچھا تھا؟"
​عمرہ بنتِ نعمان:
"جی ہاں! تم نے پوچھا تھا: عمرہ، مجھے یہ بتاؤ کہ آخر کیوں تم بے شمار مقام اور منصب والوں کے رشتوں کے ہوتے ہوئے، مجھ کسان کی بیوی بننا چاہتی ہو؟"
​"بابا مجھے پاگل کہا کرتے تھے۔۔۔ 'تم پاگل ہو گئی ہو عمرہ؟ اتنے مقام و منصب والے لڑکوں کو تمہیں پانے کی تمنا ہے اور تم ایک کسان کو لیے بیٹھی ہو؟ کہ جس کے پاس سے گھاس پھوس کی بو آتی ہے'۔"
​"ظاہر ہے، عمرہ اور دوسری لڑکیوں میں یہی تو فرق تھا۔۔۔ کہ انہیں ایک شوہر چاہیے تھا اور مجھے ایک ہمسفر! انہیں شادی چاہیے تھی اور مجھے ایک ہمراہی!"
​"مجھے ایسی منزل چاہیے تھی کہ جس کی میں مرید بن جاؤں۔۔۔ منزل، کہ جس کی نشانی محبتِ علیؑ ہے! مختار، اس کی آتشیں آنکھیں تو صرف ایک بہانا تھا۔۔۔ ویسے میں نے غلط انتخاب نہیں کیا۔ تمہاری آنکھ کا غضب، میرا گواہ ہے۔"

21/05/2026