Peer Syed Basharat Hussain Saifi

07/09/2026

30/08/2026

گزشتہ آسمانی کتابوں میں نبیِ پاک ﷺ کا ذکر

29/08/2026

میرے مرشدِ کریم ڈاکٹر پیر سید بشارت حسین شاہ ترمذی محمدی سیفی رح صاحبؒ کی شخصیت میں جو چیز مجھے سب سے زیادہ متاثر کرتی تھی، وہ ان کی مثبت روحانی توانائی تھی۔

ہم انسان کو صرف گوشت پوست کا جسم سمجھتے ہیں، لیکن حقیقت میں ہمارا وجود خلیات، ٹشوز، مالیکیولز اور ایٹمز کے ایک پیچیدہ نظام سے بنا ہے، اور اس پورے نظام میں توانائی کا ایک بنیادی کردار ہے۔
لیکن میرے نزدیک انسان کی سب سے بڑی توانائی اس کا خیال ہے۔
میں نے ڈاکٹر پیر سید بشارت شاہ ترمذی محمدی سیفی صاحبؒ میں یہ روحانی توانائی اپنی آنکھوں سے محسوس کی۔ گناہوں میں ڈوبا ہوا شخص ہو، غم سے ٹوٹا ہوا انسان ہو یا دنیا میں الجھا ہوا کوئی شخص—جو ان کے پاس آتا، اس کی کیفیت بدل جاتی۔ ان کی صحبت میں انسان اپنے اندر ایک عجیب سکون، پاکیزگی اور روشنی محسوس کرتا تھا۔
یہی وہ مقام تھا جہاں مجھے محسوس ہوا کہ بعض انسان صرف انسان نہیں ہوتے، وہ دوسروں کے لیے روشنی کا ذریعہ بن جاتے ہیں۔
اور پھر میرے مرشدِ کریم ابوالعطا پیر سید عبدالقادر شاہ ترمذی محمدی سیفی صاحب ہیں۔ بشارت شاہ صاحبؒ جیسے عظیم شاگرد جس شخصیت کے فیض سے تیار ہوئے، تو میں اکثر سوچتا ہوں:
جب شاگرد کا یہ عالم ہے، تو استاد کا عالم کیا ہوگا؟
یہی روحانیت کا اصل راز ہے کہ انسان اپنے جسم سے پہلے اپنے خیالات کو پاک کرے؛ کیونکہ انسان کے خیالات ہی اس کی اصل توانائی ہیں۔

جب خیال پاک ہوتا ہے تو نظر پاک ہوتی ہے، نظر پاک ہوتی ہے تو عمل پاک ہوتا ہے، اور عمل پاک ہو جائے تو انسان کے وجود سے دوسروں کو بھی سکون اور روشنی ملنے لگتی ہے۔

میں نے یہ کیفیت اپنے مرشدِ کریم ڈاکٹر پیر سید بشارت حسین شاہ ترمذی محمدی سیفی صاحبؒ میں دیکھی، اور ان کے پیچھے اپنے مرشدِ کریم ابوالعطا سید عبدالقادر شاہ ترمذی محمدی سیفی صاحب کی روحانی تربیت کا عکس محسوس کیا۔
ڈاکٹر محمد عرفان محمدی سیفی

28/08/2026

ایک سوال ہے… اگر آپ کے سامنے کوئی انسان اپنے دل کی سب سے گندی، سب سے شرمناک بات کہہ دے تو آپ کیا کریں گے؟
اسے ڈانٹیں گے؟
ذلیل کریں گے؟
لوگوں کے سامنے شرمندہ کریں گے؟
یا… اسے اپنے قریب بٹھائیں گے؟
تقریباً 1400 سال پہلے ایک نوجوان بارگاہِ رسول ﷺ میں آیا اور کہہ دیا:
"یا رسول اللہ ﷺ! مجھے زنا کی اجازت دے دیجیے۔"
مجلس میں ہلچل مچ گئی۔
لوگ اسے ڈانٹنے کے لیے آگے بڑھے۔
مگر نبی کریم ﷺ نے فرمایا:
"اُدْنُهْ" — اسے میرے قریب لاؤ۔
سوچیے!
جس بات پر ہم آج کسی انسان کو برا، گناہ گار، بے حیا یا خراب کہہ کر ختم کر دیتے ہیں،
رسول اللہ ﷺ نے اسی انسان کو اپنے قریب بلایا۔
پھر فرمایا:
"کیا تم یہ اپنی ماں کے لیے پسند کرو گے؟"
"نہیں!"
"اپنی بیٹی کے لیے؟"
"نہیں!"
"اپنی بہن کے لیے؟"
"نہیں!"
سوال در سوال…
نہ چیخ، نہ تذلیل، نہ نفرت۔
اور آخرکار نوجوان کے دل کی سوچ بدل گئی۔
یہ ہے نبوی تربیت۔ ❤️
آج نفسیات میں ہم ایسے طریقۂ گفتگو کو مختلف اصطلاحات سے سمجھتے ہیں، مثلاً Socratic Questioning — یعنی انسان پر نتیجہ مسلط کرنے کے بجائے ایسے سوال کرنا کہ وہ خود حقیقت تک پہنچے۔
اور امام ابن القیمؒ نے صدیوں پہلے انسانی تبدیلی کے ایک پورے سلسلے کی طرف توجہ دلائی:

خیال → فکر → خواہش → ارادہ → عمل → عادت

اسی لیے تبدیلی کا بہترین وقت اکثر عادت بننے سے پہلے ہوتا ہے۔

ایک اور شخص تھا…

99 قتل کر چکا تھا۔۔۔۔۔توبہ کا راستہ پوچھا۔۔۔۔ایک عابد نے کہا:

"تمہارے لیے توبہ نہیں۔"۔۔۔۔۔۔اس نے اسے بھی قتل کر دیا۔
اب تعداد 100 تھی۔

پھر ایک عالم کے پاس گیا۔۔۔۔۔عالم نے کہا:
"توبہ کا دروازہ بند نہیں ہوا۔"
لیکن صرف تسلی نہیں دی۔

کہا:۔۔۔۔۔۔۔بری بستی چھوڑ دو۔
نیک لوگوں کے پاس چلے جاؤ۔
اپنا ماحول بدل دو۔
اور وہ شخص توبہ کی راہ پر چل پڑا۔

ذرا رک کر سوچیے…
ایک شخص کی بات نے قاتل کو مزید قتل پر پہنچا دیا،
اور دوسرے شخص کی بات نے قاتل کو توبہ کی طرف موڑ دیا۔
فرق صرف علم کا نہیں تھا…
فرق اندازِ تربیت کا تھا۔
🌹 تو پھر جشنِ میلاد صرف چراغ جلانے اور محفل سجانے کا نام کیوں ہو؟
اگر ہم واقعی رسول اللہ ﷺ سے محبت کرتے ہیں تو:

کسی ٹوٹے ہوئے انسان کو ذلیل کرنے کے بجائے قریب بٹھائیں۔

کسی پریشان انسان کو خاموش کرانے کے بجائے سنیں۔

کسی غلطی کرنے والے کو صرف مجرم نہ سمجھیں، اسے اصلاح کا راستہ بھی دکھائیں۔

اور جب کوئی اپنے دل کی تاریک بات ہمارے سامنے کہنے کی ہمت کرے تو یاد رکھیں:

ہر تاریک خیال رکھنے والا انسان تاریک انسان نہیں ہوتا۔

کبھی کبھی انسان کو سزا سے پہلے سمجھنے والے انسان کی ضرورت ہوتی ہے۔

شاید یہی نبوی رحمت کا وہ پہلو ہے جسے ہم نے ذکر تو بہت کیا، مگر اپنایا کم ہے۔

❤️ اس بار میلاد پر صرف درود نہ پڑھیں…
کسی ایک انسان کے لیے رحمت بن جائیں۔

کسی کو معاف کریں۔
کسی کی بات سنیں۔
کسی ٹوٹے ہوئے شخص کو امید دیں۔
کسی بھٹکے ہوئے کو راستہ دکھائیں۔

کیونکہ ایک انسان کی زندگی بدلنے کے لیے کبھی کبھی صرف ایک مہربان گفتگو کافی ہوتی ہے۔

🌹 سائیکو ریمیڈی کی جانب سے بارہ ربیع الاول کی دلی مبارکباد۔

اللہ ہمیں رسولِ اکرم ﷺ کی محبت کے ساتھ اُن کی رحمت، حکمت اور حسنِ اخلاق بھی اپنانے کی توفیق عطا فرمائے۔ آمین۔

سائیکو ریمیڈی — کیونکہ دل کا علاج بھی علاج ہے۔




#نفسیات

28/08/2026

28/08/2026

📿درودِ شبِ جمعۃُ المبارک📿

28/08/2026

🌹 پیر سید ندیم حسین شاہ ترمذی محمدی سیفی القادری 🌹
جشنِ عید میلاد النبی ﷺ کی بابرکت محفل میں پیر سید ندیم حسین شاہ ترمذی محمدی سیفی القادری کا ایمان افروز اور روح پرور بیان، جس نے محفل میں عشقِ رسول ﷺ کی کیفیت کو مزید اجاگر کر دیا۔
🌹 صلی اللہ علیہ وآلہ وسلم 🌹

28/08/2026

🌹 جشنِ عید میلاد النبی ﷺ — محفلِ ذکر و نعت 🌹

الحمدللہ! جشنِ عید میلاد النبی ﷺ کی مناسبت سے ہمارے گھر پر ایک پُرنور محفلِ میلاد کا انعقاد ہوا، جس میں خلفائے کرام، ساداتِ کرام اور علماءِ کرام نے شرکت فرمائی۔
محفل میں ذکرِ مصطفیٰ ﷺ، نعتِ رسولِ مقبول ﷺ اور سیرتِ طیبہ کے تذکرے سے دلوں کو منور کیا گیا۔
اللہ تعالیٰ اس بابرکت محفل کو اپنی بارگاہ میں قبول فرمائے اور ہمیں عشقِ رسول ﷺ کے ساتھ خدمتِ انسانیت اور سیرتِ مصطفیٰ ﷺ پر عمل کرنے کی توفیق عطا فرمائے۔ آمین 🤲🌹

صلی اللہ علیہ وآلہ وسلم 💚

28/08/2026

ایک شاگرد نے اپنے استاد سے پوچھا آقا، آپ ہمیشہ اتنے خاموش اور گم سم کیوں رہتے ہیں؟" کیا آپ کو کسی چیز کی فکر ہے؟

استاد کے چہرے پر ہلکی مسکراہٹ آئی اور پھر وہ اتنے نرم لہجے میں بولے کہ شاگرد کی آنکھیں بھیگ گئیں

بیٹا، انسان جب یہ سوچے کہ ایک دن اسے الله کے سامنے اکیلا کھڑا ہونا ہے
... اور اپنے ہر لمحے کا حساب دینا ہے

تو ہنسی کہاں سے آئے؟

پھر تو دل کانپتا ہے کہ ہم نے جو کیا، کیا وہ اللہ کے لائق بھی تھا؟

پھر تھوڑا رکے اور فرمایا

اگر تم چاہتے ہو کہ اللہ تم سے راضی ہو تو لوگوں سے کچھ مت چاہو۔

اپنے عمل کو صرف اس کے لیے خالص کر دو پھر دیکھنا، دنیا خود تمہارے قدموں میں آئے گی۔

شاگرد کے دل پر یہ بات بجلی بن کر گری۔ اسی دن سے اُس نے نیت بدل لی اب نہ شہرت نہ تعریف صرف الله کی رضا۔
سبق
جو بندہ اللہ کے سامنے جھک جائے دنیا خود اس کے سامنے جھک جاتی ہے۔ عبادت صرف سجدہ نہیں دل کی نرمی، آنکھ کا خوف اور نیت کی صفائی بھی عبادت ہے۔

لوگوں سے امید کم رکھو
اللہ سے امید زیادہ رکھو۔

یہی بہجت کا سبق تھا، یہی اولیاء کا طریقہ۔
دل کو پاک کرو نیت کو صاف کرو پھر دیکھنا اللہ تمہیں وہ عزت دے گا جو بادشاہوں کو بھی نصیب نہیں۔
🤍🌹💚
@

26/08/2026

🌹 محفلِ میلاد النبی ﷺ کی روح پرور ساعتیں 🌹

پیر سید احمد شاہ کاظمی محمدی سیفی کی پُرسوز اور پُرسرور آواز میں نعتِ رسولِ مقبول ﷺ — عشقِ مصطفیٰ ﷺ سے لبریز ایک خوبصورت پیشکش۔ 💚

صلی اللہ علیہ وآلہ وسلم 🌹