Birhen sang Lourdes - Pajo

02/02/2026

Sang may dako nga kasubo, aton ginapahibalo sa tanan nga pumuluyo sang aton Barangay kag tumuluo sang aton kapilya nga ang anay amay sang saton Parokya, nga si Rev. Fr. Ramon Baron ang nagtaliwan na sa edad nga 69 anyos. Siya ang nagbalik na sa aton Amay sa kalangitan kaina takna nga 3:45 sang kaagahon, sa St. Pauls Hospital.

Aton i-ampo sa mahal nga Diyos nga iya hatagan sang kapahuwayan nga dayon kag silakan niya sing kapawa ang kalag sang aton pinalangga nga si Fr. Baron kag ang tanan man nga kalag sang mga tumuluo nga nagtaliwan.

📷: Archdiocese of Jaro, Commission on Social Communications

31/01/2026

PAHIBALO!!!

Sa pagsaulog sang kapistahan sang aton pinalangga nga patrona, Nuestra Seniora de Lourdes sa ika 11 sang Pebrero. Ginapahibalo sa tanan nga mga pumuluyo sang Brgy. Pajo, tumuluo sang aton kapilya kag ang bug-os nga katilingban sing Katoliko nga pagtulu-ohan, nga kita magahiwat sang nobenaryo sa pagpasidungog sa aton mahal ng patrona nga magasugod sa ika-2 sang Pebrero.

Sa takna nga alas-3 sang hapon humalin Pebrero 2 tubtub Pebrero 9, gina-agda kita sa pagtambong kag pagpakigbahin sa sini nga hiliwaton. Samtang sa ika-10 sang Pebrero, sa takna nga alas-6 sa aga, aton pagahiwaton ang prosisyon sang imahen sang aton patrona halin sa aton kapilya tubtub sa crossing pabalik sa aton kapilya.

Ginapangabay nga sa aton pagsaulog sang sini nga kapistahan kag mga hilikuton, nga kita ang magiyahan sa pagsabat sa mga panawagan sang aton simbahan kag kag mag-alagad sang may himpit nga pagtuo.

Nuestra Seniora de Lourdes,
Ig-ampo mo kami.

Send a message to learn more

25/10/2025

MONTH OF THE HOLY ROSARY CULMINATION 2025

Bilang tanda sang paghanapos sang mga hilikuton sa pagsaulog sang bulan sang Santo Rosario, ang mga tumuluo sa kapilya sang Mahal nga Birhen sang Lourdes sa idalum sang parokya ni San Isidro Labrador-Zarraga ang naghiwat sang prosisyon sa kadungganan sang Mahal nga Birhen sang Santo Rosario.

Ginatamyaw sang pagpasalamat ang mga pumuluyo nga nagbuylog sa sini nga hilikuton. Pagpasalamat man sa mga nagapagkigbahin sa pagpangadi sa bug-os nga bulan sang Santo Rosario. Sa bug-os nga GUELOS FAMILY sa pagpahulam sang processional nga imahen sang aton patron.

Mahal nga Birhen sang Lourdes,
Ig-ampo mo kami.

Mahal nga Birhen sang Santo Rosario,
Ig-ampo mo kami nga nagasangup sa imo.

📷 Jericho Guelos

19/10/2025

❗❗❗PAHIBALO📣📣📣

Matapos ang sunod-sunod nga mga kalamidad sang Linog, Bagyo, Baha kag Sunog, kag ang lapnagon nga kurapsyon sa national nga mga proyekto kag pungsodnon nga gobyerno ang Catholic Bishops' Conference of the Philippines (CBCP) ang naga pangabay sa aton sang National Prayer for Repentance.

Sa pagpakita sang aton pagpakigbuylog kag pagsabat sa sini nga hilikuton, ginaagda ang tanan nga mga tumuluo nga magsuksok sang PUTI NGA PANAPTON sa pagpadulong sa simabahan KADA DOMINGGO. Ginapangabay man ang tanan nga tumuluo nga MAGHIGOT SANG PUTI NGA MGA LASO UKON TELA sa inyo mga puluy-an, pirtahan, bintana ukon mga kudal sa bilog nga bulan sang OCTOBRE kag NOBYEMBRE, bilang tanda sang pagpanawagan sa transparedad, kalinong, kahilwayan kag hustisya sa aton gobyerno.

📷 Catholic Knows

09/05/2025

HABEMUS PAPAM, POPE LEO XIV

Sang may dako nga kalipay kag himaya aton ginatamyaw ang aton bag o nga Santo Papa, Papa Leo XIV, ukon ang anay Robert Francis Cardinal Prevost. Ang ika 267th nga Santo Papa samg Simabang Katolika.

Photo credited to the owner

21/04/2025

PAHIBALO!!!

Sang may dako nga kasubo, ginapahibalo nga karon nga adlaw nagtaliwan ang aton pinalangga nga Santo Papa, kag ang gina kabig nga Amay sang Simbahang Katolika, Pope Francis ukon bantog man sa mga Pilipino bilang "Lolo Kiko". Siya ang nagtaliwang sa edad nga 88, didto sa roma kung sa diin siya nagapuyo kag kun sa diin man ang ginakabig nga sentro sa aton pagtulu-ohan.

Aton iimpon sa aton mga pangamuyo ang kapahuwayan nga dayon sang kalag ni Papa Francisco, kag kabay nga iwagan sang Espiritu Santo ang mga Cardinal, Obispo, Arsobispo, Kaparian, Lehiko kag tanan nga mga nagaserbisyo sa simbahan nga ila maalagaran ang mga tumuluo sa pihak sang sini nga pagpanghangkat.

Photo credited to: GMA News

15/04/2025

PAHIBALO‼️📣📣

Sa tanan nga pumuluyo sang Barangay Pajo kag tumuluo sang Kapilya sang Mahal nga Birhen sang Lourdes, nga ang aton VIA CRUSIS ang pagahiwaton sa takna nga 5:30 sa aga sang Abril 18, Viernes Santo.

Ginapangabay nga magdala sang mga kandila kag magtambong sa sini nga hilikuton. Ang mga tumuluo ang ginaagda nga mag buylog sa aton pagsaulog sang Misteryo Paschual sang aton ginuong Jesus.

Kabay nga kita ang magiyahan sa pagtambong sa sini nga hilikuton.

08/04/2025

MONTHLY MASS | April 8 (Martes)

Karon nga adlaw aton gi saulog ang bulanan nga misa sa Kapilya sang Mahal nga Birhen sang Lourdes sa Pajo sa idalum sang Parokya ni San Isidro Labrador. Ini ang ginpanguluhan sang aton parish priest, Fr. Ramon Baron.

Sang may dako nga kalipay kag paghigugma aton ginatamyaw ang mga alagad sang simbahan, kag mga barangay official nga ginapanguluhan ni Punong Barangay Jessica Guelos, kag tanan nga mga pumuluyo sang Brgy. Pajo.

Kabay nga kita ang magiyahan sa pagbuylog sa mga hilikuton sang Parokya nga may kaangtanan sa nagapadulong nga Kwaresma.

Photo credited to: Jericho Guelos

02/03/2025

Sa aton pagsug-alaw sa nagapadulong nga Cuaresma 2025, aton ini gina saulog pamaagi sang pag hiwat sang aton Via Crusis. Karon aton gina abi-abi ang mga katawhan kag ang ila mga pamolya nga yara sa lilod sang sini nga hilikuton.

1ST STATION- Mrs. Estelita Saludares
2ND STATION- Mr. Jericho Guelos
3RD STATION- Mrs.Dahlia Navarro
4TH STATION- Mr. Joven Guelos
5TH STATION- Hon. Jessica Guelos
6TH STATION- Barangay Tanods
7TH STATION- Mrs. Gemma Pinuela
8TH STATION- Mr. Larry Arroyo
9TH STATION- Mrs. Crisiosa Suplente
10TH STATION- Mrs. Lucila Licos
11TH STATION- Barangay Health Workers
12TH STATION- Mrs. Haydee Saludares
13TH STATION- Mrs. Leonor Fuyoc
14TH STATION- Mrs. Maternidad Justiniani

Amon kamo karon gina-imbitar nga magbuylog sa pagpangadi umpisa sa biernes ( Marso 5) tubtob sa Biernes Santo (Abril 18) sa takna nga alas-3 sa hapon. Kabay nga magiyahan kita sa pagbuylog sa nasuno nga buluhaton.

Mahal nga Birhen sang Lourdes,
Ig-ampo mo kami nga nagadangup sa imo.

15/02/2025

Sa paglapas sang kapistahan ni Nuestra Seniora de Lourdes-Pajo, aton ginatamyaw sang may dako ngampagpasalamat ang mga tawo nga yara sa likod sang sini nga selebrasyon:

BEC Coordinator: Lucila Licos
Brgy. Captain: Jessica Guelos
Camarero (Fiestejada Image): GUELOS FAMILY
Recamadero: Jericho Guelos
Parish Priest: Rev. Fr. Ramon Barron

Brgy. Prayer Volunteers:
Lucila Licos
Jericho Guelos
Hon. Jessica Guelos
Annaliza Guelos
Annie Justiniani
Maternidad Justiniani
Rosalinda Herradura

11/02/2025

Malipayon nga kapistahan sa Patrona kag Iloy sang aton Barangay, Nuestra Seniora de Lourdes. Kabay nga kita bendisyonan sang grasya kag pagtatap sang aton pinalabgga nga Iloy.

Nuestra Seniora de Lourdes,
Ig-ampo mo.kami nga nagadangup sa imo.

Photo credited to: Archdiocese of Jaro, Commission on Social Communications

09/02/2025

Sa pagsaulog sang kapiestahan sang Mahal nga Birhen sa Lourdes sa rum-an nga adlaw, Pebrero 11, aton ginhiwat ang mahal nga prusisyon sa kadungganan sang aton Patrona Nuestra Seniora de Lourdes.

Sa dako nga kalipay kag paghiliusa aton ginatamyaw sang madamo gid nga salamat, ang tanan nga nag buylog sa sini nga hilikuton ilabi nagid ang Camarero sang prusisyonal nga Imahe sang aton patron, nga amo ang Pamilya Guelos kag Jericho Guelos sa pagdekurar kag paghatag kaanyag sa carroza.

Kabay nga magdamo pagid ang magsabat sa panawagan sang Mahal nga Birhen nga magpalapit sa Diyos.

Camarero: GUELOS FAMILY
Recamadero: Jericho Guelos
BEC Coordinator: Lucila Licos
Barangay Captain: Jessica Guelos
Parish Priest: Rev. Fr. Ramon Barron

Mahal nga Birhen sang Lourdes,
Ig-ampo mo kami nga nagadangup sa imo.