31/07/2026
MGA KAMAASAN SIN KITA NIYO NAGPASAPLAG SIN AGAMA ISLAM HA LUPA SUG (PART 1)
1) TUAN MASHAIKA/Tuan Maqbalu (1280) - panagnaan naghula ha Lupa Sug nakaasawa Kay Indira Suga anak sin Raja Sipad Aun 3 anak nila Tuan Hakim Tuan Pam Sitti Aisha
2) SHARIF KARIMUL MAKHDUM (1380) - Nagpasaplag sin Agama ha kahula hulaan ta nyu Pagtawagun daisab Siya e SAYYID ZAINAL ABIDIN Amuin nakasulat ha kitab Hutba sin kamaasan sin kita
nyu
3) SAYYID ZAINAL ABIDIN
3) DALMATUAN SHARIF UZAJI- laung sin Salsila Anak Siya sin Sharif Makhdum in Asawa niya Bangsa Arab
Nanubo Siya ini ha Lupa Sug.
4) DALMATUAN SHARIF ABBAS - Damikyan in Siya ini Anak daisab sin Sharif Makhdum Taymanghud sin Dalmatuan Sharif Uzaji laung sin Salsila Nanubo Siya ha Tubig indangan Simunul
5) SHARIF AHMAD BAGUINDA - Nagpasaplag sin Agama Islam ha Lupa Sug, Brunei, Mindanao Nakaasawa kan Bae Karoma
6) SHARIF ALAWI - Pag tawagun daisab Siya Sharif Awliya Nagpasaplag sin Agama Islam Ha Lupa sug laung sin Salsila Anak Siya sin Sayyid Zainal Abidin
7) SHARIF ABUBAKAR (Sultan Shariful Hashim) - (1450) Naasawa niya in Anak sin Raja Baginda Dayang2x Paramisuli Nakaanak Sila Amuna e Sultan Kamaluddin iban Sultan Alauddin dii isab gimuwa in Panubo sin mga Sultan kaniya
8) SHARIF MAHADUM AMINULLAH - (1400-1500) Nagpasaplag sin Agama Islam ha kapupuan sin Hula ta nyu iban sin Lannang hui hui
9) SHARIF HASAN - (1400-1500) Laung sin Salsila nakakadtu Siya hula ta nyu Sulu iban Basilan Nag Agad sin Taymanghud niya e SHARIF MARAJA ubus timuy in Sharif Maraja miyadtu pa Mindanao
10) SHARIF ALAWI BALPAKI - (1600) in Siya ini Bangsa Arab dain ha Hadramaut Yemen Ba-Alawi nagpasaplag sin Agama Islam ha hula ta nyu biya na sin Tawi-tawi iban ha kapupuan maingat Siya ini sin Sarah sin Islam akan Siya tiyawag (BALPAKI dain Siya kalima AL-FAQIH)
11) SHARIF ABDURAHMAN - Nagpasaplag sin Agama Islam ha hula ta nyu biya na sin Lugus iban Tapul
12) SHARIF ABDULLAH MAGHRIBI - (1600-1700) laung sin Salsila dain Siya ini ha Maghribi Morocco nagpasaplag sin Agama Islam pa hula ta nyu nakabak Siya panubo ha hula Tapul
13) SHARIF OMAR YUSUF (Osai Al-Mansur)
14) SHARIF ANSARUDDIN - laung sin Salsila Anak sin Sayyid Zainal Abidin nakahula ha Tapul
15) SHARIF ISBAT - laung sin Salsila Anak sin Sharif Makhdum nakahula ha Parang Tumangas
16) APU TUAN SUMPING - Laung sin Kaibanan Salsila Anak Siya Sin Sharif Makhdum Aun isab mag iyan Anak Siya sin DALMATUAN SHARIF UZAJI Pasal in Dalmatuan Uzaji Pagtawagun daisab sin kamaasan ta SHARIF MAKHDUM... Allahu A'lam
17) SHARIF QASIM - Hambuuk daisab ha Lumpang Basi nagpasaplag sin Agama Islam pa hula ta nyu
18) APU BARWA
In Salsila ini naglatun latun in Kissa atawa bissara sin kamaasan ta harap pa Anak Apu nila sambil miyabut Mari katu in Salsila Aun wakto in Salsila pagyanun pagka wayrun Tara kiyaabutan iban Kiya sakupan Dugaing2x Lugar Aun mga pakaniya pakaniya Tarsila atawa Salsila nila Aun wakto mapinda manitiyu in Kissa dun naka magkuddan atawa dih, lumabi, iban sin magkulang, magliyu, magbaliskat atawa maglamugay...di tana kawaun in Wala nag Amu amuin limabi na ha Salsila in Mahalga Amuin Aun makawa ta pangadjian ha kamaasan ta nagpamiat nagpanubo katu ta nyu Amuin di malawa in Salsila nila Tiranan Makapag hambuuk iban Makapag kasilasa kita nyu katan Ha Sabab nila nahinang kita nyu Muslim bang Sawpama Aun mga Wala imamu ha mga Salsila namu Anduh pabuntula nyu man kamu iban sugpati nyu man
ALLAHU A'LAM
