27/02/2026
﷽
“LAMBANG SIN KABUHI’”
“In kapapanjari kaniyu kakkal salama-lama – Sa’ maglatun-latun sadja kamu daing ha hambuuk hulaan pa hambuuk hulaan.”
Bayta’ hi Umar Ibn Abdulaziz (101).
In Lambang sin kabuhi’ pag latun-latunan sin manusiya’:
1️⃣Kabuhi’ ha laum sin tiyan hi ina’ niya. In lugay niya 9 bulan ha kamawmuhan.
2️⃣ Kabuhi’ ha Dunya. In lugay niya daing ha 60 pa 70 tahun ha kamawmuhan, salat in mag pakaliyu. Salat da, hangkary’ da.
3️⃣ Kabuhi’ ha laum sin Kubul. In lugay niya tuput Allâh (ﷻ)in makaingat. Sa’ bang lugay in pag bissarahan, na’ tantu tuud malugay bang hi compare pa kabuhi’ Dunya.
4️⃣Kabuhi’ ha Adlaw Akhirah salama-lama wayruun tubtuban. Amuini in waktu sin pag Tungbas, Surga’ atawa Narka’. Kakkal in manusiya’ salama-lama in kabuhi’.
In sukuran da sin Success Mattan iban Pulna’ amura in agama Islam, Tunggalun in Mahasutsi Mahatinggi Allah (ﷻ) pag Ibadatan. Huminang sin daakan iban lumayu’ daing ha liyangan.
-----
*Hi Umar ibn Abdulaziz (101H.) Imam, Amir sin manga bar-iman mattan, Khalifah sin kamusliman, Alim dakula’, daing ha manga Ulama’ miyabut pa darajat sin Ijtihad, daing ha manga Khulafa’ Ar-Rashidin. In ina’ niya hi Laila apu' hi Umar Ibn al-Khattab (رضي الله عنه).
