Alindang sin Islam

28/11/2025

Repentance and Forgiveness

"Seek forgiveness from Allah for your sins and transgressions. Repent sincerely and strive to purify your heart. Allah is the Most Merciful, and His forgiveness is infinite. Turn to Him with humility and seek His forgiveness daily."

21/11/2025

Islamic Reminder.

Remember that Allah is always watching over you, so strive to maintain your faith and good deeds in all aspects of your life. Take a moment each day to reflect on your actions and intentions, and seek forgiveness for any shortcomings. Remember that every small act of kindness or worship can bring you closer to Allah and earn you blessings in this world and the Hereafter.

May Allah guide you on the straight path and grant you peace and contentment in your heart. Ameen.

21/11/2025

PAGTAWBAT IBAN PAGBALIK KUMANNAL TUHAN.

Ayaw malawa' in paghuwat-huwat mu pa Rahmat sin Allāh misan pa mabut in dusa mu biya' taud bukal dagat, karna' in pintu' tawbat masi ukab. Sabunnal tuud in Allāhu Ta'āla timatawag kaymu sakahaba' dum: " AWN KA DAYNG KANIYU MANGAYU' KAKU' KAAMPUNAN NA' AMPUNUN KU SIYA?. Na, ayaw muna taadjila in pagtawbat mu karna' in kamatay dumatung tarkadjut.

18/11/2025

ALINDANG DAYNG HA AYAT 185 SIN SŪRAH AL IMRĀN (3)

In kabuhi', kiyapangadjian natu' ha sabunnal tuud in tiyap-tiyap adlaw in siya waktu hipagpakusug sin parsugpatan natu' pa Nagpapanjari, iban waktu hipagpataud sin manga hinang marayaw.

Wayna sali' lingkat bang in kabuhi' dii ha dunya hinangun natu' panghapit hapitan sadja pagtagamahan sin pagbangun bāy kakkal ha adlaw ahirat. Iban sumu'lug sin tamungun pag iyman pa Tuhan karna' in tiyatagama ha hadarat sin Allāh amuna in labi marayaw iban kumakkal.

18/11/2025

In bissara puting di' da mabaliskat mahinang bunnal misan pa balik balikan maka hangibu, gamnamayan mahinang na pamolitik.

17/11/2025

DAYNG HA ALINDANG SIN AYAT 185 SIN SŪRAH AL IMRĀN (2)

Bukun in kabuhi' ha dunya malaingkan in siya taytayan sadja paglalatunan sin nyawalihan tudju pa hula' kakkal. Na' subay in lutu' mu tumaytay ha taytayan ini amuna in pag íyman iban ammal sālih, iban ibut ayaw mu lu'musa in pangatayan mu mahaylan ha kasaddapan magbaluba iban magkalanyap, karna' in maksud iban daraugan bukun dii ha babaw dunya, sa' dittu ha pagbākan ha hadarat sin Mahāsutsi Allāh.

16/11/2025

15/11/2025

"DAYNG HA ALINDANG SIN AYAT 185 SIN SŪRAH AL IMRĀN (1)"

Palman sin Mahāsutsi Allāh

IBAN WAYRUUN DA IN KABUHI' DUNYA INI MALAINGKAN KASADDAPAN TARKADJUT MAKATIPU. (Al Imrān 185)

Ha pangatud sin Al Qur'an mulliya tungud pa kabuhi' dunya, in siya sapantun pagtulak-tulak sasaat hawpu' amuin subay tuud magtanum ha waktu niya sin binhi' marayaw iban matalik, sumambu in pangatayan magmunājat pa Allāhu Ta'āla. In dunya hula' pagtutukasan iban pagpinigan bang hisiyu in tau marayaw iban tau mangi' ha adlaw susūngun (adlaw kiyamat). Tukasun in mānusiya' ha kabuhi' niya dii ha dunya hasupāya sumampay in rūh niya pa tampat SUUK pa Mahātinggi Allāh.

Nagpatarrang in āyat nasabbut yan ha sabunnal tuud in kabuhi' dii ha dunya misan pa biya' diin in lingkat iban dayaw parasahan halawman niya, malaingkan in siya hantang lugal paghali halihan sadja hangka sasaat pagsakali saruun duun malanyap da amuin subay tuud kitaniyu di' magpatipu kaniya.

Ampa in pagtawagun KASADDAPAN amuna in mumpāat niya tarkadjut da di' maglugay, duun ha kabtangan "KASADDAPAN" imisārat siya pa dunya iban sin katān kani'mat ni'mat halawm niya.

In manga Mufassiroon piyatarrang nila in katitipuhan sin kabuhi' dunya amuna in matipu in manga mānusiya' sin lingkat kalāhilan sin dunya sumagawa' magkalanyap da amuin mamansān kanila pa sumiha' dayn ha kamaksuran sin mattan kabuhi' ha dunya biya' sin pag ibādat pa Allāh iban pagtagama sin lutu' pa adlaw āhirat.

😊
..

14/11/2025

HIKMAT KABTANGAN 2

"IN PAGSABAR KUNSI' SIN KAHAYANGAN, HISIYU SIYU IN MAGSABAR, MANGDAUG"

***
Hapagsabar, makadawhat sin maksud, makapuka sin baggut, makaukab sin kalawang lawangan sin karayawan. Iban siya in lutu' sin manga bar iyman ha waktu datungan kasigpitan iban apabila halawm kauyayaan.

14/11/2025

HIKMAT KABTANGAN 1

"BUKUN IN KAGUNAHAN' AMUIN MAHABA' IN PANGUMMULAN, SA' AMUIN KABUHI' MU AWN KAMUMPĀATAN".

****
In halga' sin mānusiya' duun gimagantung ha hinang niya marayaw pa baran niya iban pa rugaing niya, iban sin unu-unu na bakkas hinang karayawan kiyabin niya ha dunya puas kamatay niya, bukun amuin lugay sin patahunan niya dii ha dunya.


.

07/11/2025

In Bismillāhir rahmānir raheem wājib bassahun ha sambahayang sibu' da sambahayang pardu' atawa sunnat karna' in siya panagnaan ayat sin Sūratul fātiha. Adapun in pagpatanug kaniya in yattu sunnat.

Madzhab Ash-shāfi'iyyah