02/08/2026
“ANG PAALALA NG ISANG PASTOL”
(Psalms 23:1-6)
Ang bawat mananampalataya ay dumaraan sa iba't ibang uri ng sitwasyon sa buhay. Kailanman ay walang magaang pagsubok. Lahat ay mahirap at mabigat. Kaya naman nagbigay ang ating tapat na Pastol ng Kaniyang Salita na ating panghahawakan sa oras ng kahirapan.
Ang Paalala ng Isang Pastol na Panghahawakan sa Panahon ng Pagsubok ng Ating Buhay:
1. God is our Shepherd (V1)
Hindi ka nag iisa sa laban. Hindi mo kailangang harapin ang lahat nang mag isa dahil kasama mo ang Diyos. Siya ang Pastol na hindi nagkukulang at laging nangunguna sa ating buhay. Siya ang naglalaan ng lahat ng ating pangangailangan.
He provides everything we need.
2. God Gives You Rest (V2)
Ang bawat mananampalataya ay dumarating sa panahon ng kapaguran. Ngunit may Diyos na nangako na sa Kaniyang presensya ay may tunay na kapahingahan. Kaya maaari tayong magpahinga sa Kaniya. Siya ang Diyos na laging kasama, tumutulong, at nagpapalakas sa atin. Kaya huwag tayong manatili sa ating kahinaan at kapaguran.
God is our peace and rest.
3. God Restores and Guides You (V3)
Sa panahon ng ating kahinaan at kasalanan, maaaring maramdaman nating hindi na tayo karapat dapat sa presensya ng Diyos. Ngunit sa bawat pusong nasira at buhay na nawasak, may Diyos na muling bumubuo.
May mga pagod, sugat, at lungkot na walang sinuman ang kayang pagalingin. Ang Diyos lamang ang makakagawa nito.
Remember, God can restore.
Muli Niya tayong bibihisan ng biyaya at ituturing na Kaniyang anak. Nabasag ka man noon, kaya kang irestore ng Panginoon. Nawala ka man noon, kaya kang ibalik ng Diyos. Siya lamang ang may kapangyarihang tunay na baguhin ang ating buhay.
4. God Is with You in the Dark (V4)
The Lord will fight for you.
Kung ang iyong pananampalataya ay nakaayon sa kalooban ng Diyos, sasamahan ka Niya kahit harapin mo ang pinakamadilim na yugto ng buhay, maging ang anino ng kamatayan. May tagumpay kapag ang Diyos ang kasama.
Siya ang Diyos na sumasama, tumutulong, at gumagabay sa Kaniyang mga tapat na lingkod. May mga bagay na isinasara ang Diyos, hindi dahil hindi Niya tayo mahal, kundi dahil ayaw Niya tayong mapahamak.
Kapag ang Panginoon ang nangunguna, may mabuting layunin ang lahat at may katiyakang tagumpay.
Dumaraan tayo sa dilim o lambak, ngunit hindi upang manatili roon. Habang tayo ay dumaraan sa pinakamadilim na bahagi ng ating buhay, ang Diyos ay patuloy na kumikilos, gumagawa ng paraan, at naglalaan ng ating pangangailangan.
God is good.
5. God Blesses You Before Your Enemies (V5)
Siya ang Diyos na nagpaparangal kahit sa gitna ng mabibigat na sitwasyon ng buhay. Patuloy Siyang kumikilos at nagpapala sa Kaniyang mga anak.
Kahit may mga taong laban sa atin, patuloy tayong pagpapalain at papahiran ng Diyos.
God continues to bless and anoint you.
6. God's Goodness Follows You (V6)
Ang mga nagtitiwala sa Panginoon ay tunay na pinagpapala sapagkat ang Kaniyang pag ibig ay hindi nauubos.
His love never runs out.
Tiyak na sasama ang kabutihan at pag ibig ng Diyos sa mga nagtitiwala at sumusunod sa Kaniya, kahit sila ay dumaraan sa mga pagsubok at paghihirap.
May magandang inihanda ang Diyos para sa Kaniyang mga tapat na lingkod. Kaya magtiis, tumayo, at manatiling tapat.
Be faithful kahit na narigat iti bakbaklayen.
Hindi kailanman sinabi ng Diyos na kapag sumunod tayo sa Kaniya ay wala na tayong pagdaraanan na pagsubok. Sa halip, ang pagsubok ay bahagi ng buhay ng bawat mananampalataya. Ngunit nangako ang Diyos na sasamahan Niya tayo, at tapat Siyang tutupad sa Kaniyang pangako.
Kaya manatili tayo kung saan tayo tinawag ng Diyos nang may katapatan at kabanalan.
Speaker: Ptr. Jess Christopher Cayabyab
God bless, Church.
To God be all the Glory!
