The Most Holy Trinity Chapel

06/06/2026

01/06/2026

𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗦𝗮𝗻𝘁𝗶𝘀𝗶𝗺𝗮 𝗧𝗿𝗶𝗻𝗶𝗱𝗮𝗱 | 𝗠𝗮𝘆𝗼 𝟯𝟭, 𝟮𝟬𝟮𝟲

Sa araw na ito ng dakilang pagdiriwang, buong galak at pasasalamat nating pinararangalan ang Banal na Santatlo — ang Ama, ang Anak, at ang Espiritu Santo — ang iisang Diyos na pinagmumulan ng buhay, pag-ibig, at kaligtasan.

Taos-puso po kaming nagpapasalamat sa lahat ng mga mananampalatayang nakiisa sa pagdiriwang ng Dakilang Kapistahan ng Santisima Trinidad, gayundin sa ating mga tagapagtaguyod, tagapaglingkod, mga organisasyon, at mga debotong naglaan ng kanilang panahon, sakripisyo, suporta, at panalangin upang maging maringal at makahulugan ang pagdiriwang na ito.

Lubos din po ang aming pasasalamat sa ating tagapagdiwang, Rev. Fr. Edmar “Emai” Estrella, Kura Paroko, sa kanyang pamumuno at paggabay sa ating pamayanan sa paglalakbay ng pananampalataya.

Nawa’y ang biyaya ng Banal na Santatlo ay patuloy na manaig sa ating mga puso at tahanan. Sa pagkakaisa bilang isang sambayanan ng Diyos, patuloy tayong maging buhay na saksi ng Kanyang pag-ibig, habag, at kapangyarihan.

𝙉𝙖𝙜𝙥𝙪𝙥𝙪𝙧𝙞, 𝙣𝙖𝙜𝙥𝙪𝙥𝙪𝙜𝙖𝙮 𝙨𝙖 𝙄𝙮𝙤 𝙎𝙖𝙣𝙩𝙞𝙨𝙞𝙢𝙖 𝙏𝙧𝙞𝙣𝙞𝙙𝙖𝙙!

31/05/2026

𝗛𝗮𝗹𝗶𝗻𝗮'𝘁 𝗺𝗮𝗸𝗶𝗶𝘀𝗮 𝘀𝗮 𝗺𝗮𝗿𝗶𝗻𝗴𝗮𝗹 𝗻𝗮 𝗣𝗿𝘂𝘀𝗶𝘀𝘆𝗼𝗻 𝗻𝗴 𝗮𝘁𝗶𝗻𝗴 𝗣𝗮𝘁𝗿𝗼𝗻, 𝗮𝗻𝗴 𝗦𝗮𝗻𝘁𝗶𝘀𝗶𝗺𝗮 𝗧𝗿𝗶𝗻𝗶𝗱𝗮𝗱!

Sa pagtatapos ng ating pagdiriwang, sama-sama nating ihatid ang ating panalangin at debosyon sa pamamagitan ng banal na prusisyon kasama ang Mahal na Birhen ng Santo Rosaryo at ang ating mga Sagala.

🕔 5:00 PM 📍 Magsisimula sa Chapel of the Most Holy Trinity

Halina't maglakad at magdiwang bilang isang pamayanan ng pananampalataya at pagpupuri sa Diyos na Ama, Anak, at Espiritu Santo.

Nagpupuri, nagpupugay sa Iyo Santisima Trinidad!

31/05/2026

“𝑨𝒏𝒈 𝒃𝒊𝒚𝒂𝒚𝒂 𝒏𝒈 𝑷𝒂𝒏𝒈𝒊𝒏𝒐𝒐𝒏𝒈 𝑯𝒆𝒔𝒖𝒌𝒓𝒊𝒔𝒕𝒐, 𝒂𝒏𝒈 𝒑𝒂𝒈-𝒊𝒃𝒊𝒈 𝒏𝒈 𝑫𝒊𝒚𝒐𝒔 𝑨𝒎𝒂, 𝒂𝒕 𝒂𝒏𝒈 𝒑𝒂𝒌𝒊𝒌𝒊𝒑𝒂𝒈𝒌𝒂𝒊𝒔𝒂 𝒏𝒈 𝑬𝒔𝒑𝒊𝒓𝒊𝒕𝒖 𝑺𝒂𝒏𝒕𝒐 𝒂𝒚 𝒔𝒖𝒎𝒂𝒊𝒏𝒚𝒐𝒏𝒈 𝒍𝒂𝒉𝒂𝒕.”

𝐌𝐚𝐲 𝟑𝟏 | 𝐏𝐚𝐧𝐚𝐥𝐚𝐧𝐠𝐢𝐧 𝐩𝐚𝐫𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐁𝐚𝐧𝐚𝐥 𝐧𝐚 𝐒𝐚𝐧𝐭𝐚𝐭𝐥𝐨

Ama naming makapangyarihan,
ipinagkaloob Mo sa amin ang biyaya
na makilala Ka bilang iisang Diyos
sa tatlong Persona: Ama, Anak, at Espiritu Santo.
Sa pamamagitan ng aming pananampalataya,
nawa’y patuloy naming sambahin ang walang hanggang kapangyarihan at kaluwalhatian Mo.

Pagkaisahin Mo ang Iyong sambayanan
sa tunay na pag-ibig, kapayapaan, at paglilingkod.
Patnubayan Mo kami araw-araw
upang ang aming buhay ay maging patunay
ng Iyong kabutihan at awa.

Hinihiling namin ito sa pamamagitan ni Hesukristo kasama ng Espiritu Santo, Diyos magpasawalang hanggan. Amen.

𝐋𝐮𝐰𝐚𝐥𝐡𝐚𝐭𝐢 𝐬𝐚 𝐀𝐦𝐚, 𝐚𝐭 𝐬𝐚 𝐀𝐧𝐚𝐤, 𝐚𝐭 𝐬𝐚 𝐄𝐬𝐩𝐢𝐫𝐢𝐭𝐮 𝐒𝐚𝐧𝐭𝐨,
𝐤𝐚𝐩𝐚𝐫𝐚 𝐧𝐨𝐨𝐧𝐠 𝐮𝐧𝐚𝐧𝐠-𝐮𝐧𝐚, 𝐧𝐠𝐚𝐲𝐨𝐧 𝐚𝐭 𝐦𝐚𝐠𝐩𝐚𝐬𝐚𝐰𝐚𝐥𝐚𝐧𝐠 𝐡𝐚𝐧𝐠𝐠𝐚𝐧. 𝐀𝐦𝐞𝐧.

30/05/2026

𝗜𝗸𝗮𝘁𝗹𝗼𝗻𝗴 𝗔𝗿𝗮𝘄 𝗻𝗴 𝗧𝗿𝗶𝗱𝘂𝗼 𝘀𝗮 𝗞𝗮𝗿𝗮𝗻𝗴𝗮𝗹𝗮𝗻 𝗻𝗴 𝗦𝗮𝗻𝘁𝗶𝘀𝗶𝗺𝗮 𝗧𝗿𝗶𝗻𝗶𝗱𝗮𝗱 | 𝗠𝗮𝘆𝗼 𝟯𝟬, 𝟮𝟬𝟮𝟲

Taos-puso po kaming nagpapasalamat sa lahat ng nakiisa at nakibahagi sa banal na pagdiriwang ng Ikatlong Araw ng Triduo sa karangalan ng Santisima Trinidad na pinangunahan ng ating tagapagdiwang, Rev. Fr. Edmar “Emai” Estrella, Kura Paroko. Gayundin, taus-puso rin po naming pinasasalamatan ang lahat ng mga tagapagtaguyod, tagapaglingkod, at mga mananampalatayang naglaan ng kanilang panahon, suporta, at panalangin upang maging matagumpay at makahulugan ang Ikatlong Araw ng Triduo.

Nawa’y patuloy tayong gabayan ng Banal na Santatlo at patatagin sa pag-ibig, pananampalataya, at tapat na paglilingkod habang tayo ay naghahanda para sa Dakilang Kapistahan ng Santisima Trinidad.

30/05/2026

𝐌𝐚𝐲 𝟑𝟎| 𝐈𝐤𝐚𝐭𝐥𝐨𝐧𝐠 𝐀𝐫𝐚𝐰 𝐧𝐠 𝐓𝐫𝐢𝐝𝐮𝐨

Sa pagtatapos ng aming triduo, hinihiling namin sa Espiritu Santo na liwanagan ang aming isip at puso upang manatili kaming tapat sa Diyos araw-araw.

✠ 𝐏𝐚𝐧𝐚𝐥𝐚𝐧𝐠𝐢𝐧

Sa ngalan ng Ama, at ng Anak, at ng Espiritu Santo. Amen.

Espiritu Santo,
liwanagan Mo ang aming isip at puso
upang manatili kaming tapat sa Diyos.
Pag-alabin Mo sa amin ang pananampalataya,
pag-asa, at pag-ibig
habang ipinagdiriwang namin ang Banal na Santatlo.

Ito ang aming dalangin kay Kristong aming Panginoon.
Amen.

𝐋𝐮𝐰𝐚𝐥𝐡𝐚𝐭𝐢 𝐬𝐚 𝐀𝐦𝐚…

29/05/2026

𝗜𝗸𝗮𝗹𝗮𝘄𝗮𝗻𝗴 𝗔𝗿𝗮𝘄 𝗻𝗴 𝗧𝗿𝗶𝗱𝘂𝗼 𝘀𝗮 𝗞𝗮𝗿𝗮𝗻𝗴𝗮𝗹𝗮𝗻 𝗻𝗴 𝗦𝗮𝗻𝘁𝗶𝘀𝗶𝗺𝗮 𝗧𝗿𝗶𝗻𝗶𝗱𝗮𝗱 | 𝗠𝗮𝘆𝗼 𝟮𝟵, 𝟮𝟬𝟮𝟲

Taos-puso po kaming nagpapasalamat sa lahat ng nakiisa at nakibahagi sa banal na pagdiriwang ng Ikalawang Araw ng Triduo sa karangalan ng Santisima Trinidad na pinangunahan ng ating tagapagdiwang, Rev. Fr. Bernard Pascual, EHM. Gayundin, taus-puso rin po naming pinasasalamatan ang lahat ng mga tagapagtaguyod, tagapaglingkod, at mga mananampalatayang naglaan ng kanilang panahon, suporta, at panalangin upang maging matagumpay at makahulugan ang pagdiriwang na ito.

Nawa’y patuloy tayong gabayan ng Banal na Santatlo at patatagin sa pag-ibig, pananampalataya, at tapat na paglilingkod.

29/05/2026

𝐌𝐚𝐲 𝟐𝟗 | 𝐈𝐤𝐚𝐥𝐚𝐰𝐚𝐧𝐠 𝐀𝐫𝐚𝐰 𝐧𝐠 𝐓𝐫𝐢𝐝𝐮𝐨

Sa ikalawang araw ng ating triduo, nawa’y matutuhan naming magmahal, magpatawad, at maglingkod nang may kababaang-loob, tulad ng ipinakita ni Kristo.

✠ 𝐏𝐚𝐧𝐚𝐥𝐚𝐧𝐠𝐢𝐧

Sa ngalan ng Ama, at ng Anak, at ng Espiritu Santo. Amen.

Panginoong Hesukristo,
Ikaw ang daan tungo sa Ama.
Tulungan Mo kaming magmahal, magpatawad,
at maglingkod sa aming kapwa nang may kababaang-loob.
Nawa’y makita sa aming buhay ang Iyong pag-ibig.

Ikaw na nabubuhay at naghahari magpasawalang hanggan.
Amen.

𝐋𝐮𝐰𝐚𝐥𝐡𝐚𝐭𝐢 𝐬𝐚 𝐀𝐦𝐚…

28/05/2026

𝗨𝗻𝗮𝗻𝗴 𝗔𝗿𝗮𝘄 𝗻𝗴 𝗧𝗿𝗶𝗱𝘂𝗼 𝘀𝗮 𝗞𝗮𝗿𝗮𝗻𝗴𝗮𝗹𝗮𝗻 𝗻𝗴 𝗦𝗮𝗻𝘁𝗶𝘀𝗶𝗺𝗮 𝗧𝗿𝗶𝗻𝗶𝗱𝗮𝗱 | 𝗠𝗮𝘆𝗼 𝟮𝟴, 𝟮𝟬𝟮𝟲

Taos-puso po kaming nagpapasalamat sa lahat ng nakiisa at nakibahagi sa banal na pagdiriwang na pinangunahan ng ating tagapagdiwang, Rev. Fr. Edmar “Emai” Estrella, Kura Paroko. Gayundin, taus-puso rin po naming pinasasalamatan ang lahat ng mga tagapagtaguyod, tagapaglingkod, at mga mananampalatayang naglaan ng kanilang panahon, suporta, at panalangin upang maging matagumpay at makahulugan ang Unang Araw ng Triduo.

Nawa’y patuloy tayong gabayan ng Banal na Santatlo at patatagin sa pag-ibig, pananampalataya, at tapat na paglilingkod.