Knights of Columbus San Isidro Labrador 4th Degree Assembly 3257 2024-2025

14/06/2026

𝓟𝓐𝓖𝓝𝓘𝓝𝓘𝓛𝓐𝓨 | Dakilang Kapistahan ng Kabanal-banalang Katawan at Dugo ng Panginoon

“Mga kapatid sa bahagi ng Panginoon, ginagawa niya ang lahat upang tayo ay malayo sa kapahamakan at maligtas sa panganib. Lagi niyang ginagawa kung ano ang makabubuti sa atin.”

𝗥𝗱𝗼. 𝗠𝘀𝗴𝗿. 𝗔𝗱𝗮𝗹𝗯𝗲𝗿𝘁𝗼 𝗩𝗲𝗿𝗴𝗮𝗿𝗮 𝗣.𝗖.
𝘒𝘶𝘳𝘢 𝘗𝘢𝘳𝘰𝘬𝘰

𝗟𝗶𝗸𝗲 𝗮𝗻𝗱 𝗳𝗼𝗹𝗹𝗼𝘄 𝗼𝘂𝗿 𝗼𝗳𝗳𝗶𝗰𝗶𝗮𝗹 𝗙𝗮𝗰𝗲𝗯𝗼𝗼𝗸 𝗣𝗮𝗴𝗲:
https://www.facebook.com/SanIsidroLabradorParishMalintaOfficial

𝗦𝘂𝗯𝘀𝗰𝗿𝗶𝗯𝗲 𝘁𝗼 𝗼𝘂𝗿 𝗬𝗼𝘂𝘁𝘂𝗯𝗲 𝗖𝗵𝗮𝗻𝗻𝗲𝗹
www.youtube.com/-SanIsidroLabrador

13/06/2026

13/06/2026

𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀

Si 𝗙𝗲𝗿𝗻𝗮𝗻𝗱𝗼 𝗕𝘂𝗹𝗵𝗼𝗻 𝘆 𝗧𝗮𝘃𝗲𝗿𝗼, na ipinanganak sa Lisbon, Portugal noong 1195, ay nakatanggap ng Franciscanong abito at tinaglay ang pangalang Antonio. Nang masaksihan niya ang paglilipat ng relikya ng mga martir Pransiskano mula sa Morocco noong 1220, nagnais siyang maging martir at nagpunta sa Africa, ngunit nagkasakit at napilitang bumalik sa Portugal. Napadpad siya sa Sicily at napasama sa mga Pransiskanong patungo sa Assisi para sa isang pangkalahatang pulong.

Nakilala ang kanyang kadalubhasaan sa Banal na Kasulatan at Teolohiya nang siya'y mangaral sa Forli nang walang paghahanda. Humanga si San Francisco ng Assisi sa kanyang talino at kabanalan kaya ibinigay sa kanya ang mataas na tungkulin. Kumalat ang kanyang kabantugan bilang predikador sa Pransiya at Italya, gayundin ang kanyang mga himala para sa mga makasalanan, maysakit, mga ina, at mga nawawalan. Nagpakita rin sa kanya ang Niño Jesus. Isang himala niya ang nagpamulat sa isang hindi naniniwala sa Santisimo Sakramento: isang nagugutom na kabayo ang lumuhod sa harap ng Ostiya sa halip na kumain ng damo.

Pumanaw siya noong Hunyo 13, 1231, isang Martes, kung kaya't si San Antonio ay pinipintuho tuwing Martes.

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀

Maamong San Antonio, huwaran ng ganap na pagtatalaga sa Diyos na Makapangyarihan at uliran sa buhay kabanalan.

Ikinalugod ng Diyos na ikaw ay maging daluyan ng kanyang mga pagpapala para sa kanyang bayan.

Ipinangkaloob sa iyo ang natatanging karangalang sa kanyang Bugtong na Anak, sa anyo ng isang bata ay nagpakalong sa iyong bisig at humiling sa iyong dibdib.

Butihing San Antonio, mapagpakumbaba kaming dumudulog sa iyong tapat na paglingap at mapaghimalang pagtulong.
Buong pagtitiwala naming hinihiling na aming mga panalangin ay ibulong mo sa Panginoon, lalo na ang matinding kahilingang inaalay namin ngayon:

(𝘽𝙖𝙣𝙜𝙜𝙞𝙩𝙞𝙣 𝙖𝙣𝙜 𝙣𝙖𝙩𝙖𝙩𝙖𝙣𝙜𝙞𝙣𝙜 𝙠𝙖𝙝𝙞𝙡𝙞𝙣𝙜𝙖𝙣)

Nagtitiwala kami sa iyong makapagyarihang pamamagitan.
Nawa'y kalugdan ng Diyos na ipagkaloob ang aming kahilingan, ayon narin sa kanyang banal at mabuting kalooban. Amen.

𝐒𝐚𝐧 𝐀𝐧𝐭𝐨𝐧𝐢𝐨 𝐝𝐞 𝐏𝐚𝐝𝐮𝐚, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢.

13/06/2026

𝐏𝐚𝐠𝐠𝐮𝐧𝐢𝐭𝐚 𝐬𝐚 𝐊𝐚𝐥𝐢𝐧𝐢𝐬-𝐥𝐢𝐧𝐢𝐬𝐚𝐧𝐠 𝐏𝐮𝐬𝐨 𝐧𝐠 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

O Kalinis-linisang Puso ng Mahal na Birheng Maria, bukod na pinagpala, bukal ng biyaya mula sa Diyos, ikaw na Ina na laging gumagabay sa akin, inilalapit ko sa iyo ng mataimtim ang puso kong tigib ng dusa dahil sa makasalanang gawain. Iyong pakinggan ang natatanging hiling.

(Banggitin ang kahilingan)

Pinakamamahal na Ina, idulog mo nawa sa harap ni Hesus na iyong Anak at aming Panginoon ang aking mga hinihiling at ako ay umaasang ito ay kanyang diringgin sa pamamagitan ng kanyang pamamagitan sa Ama, ngayon at magpasawalang hanggan. Amen.

O Kalinis-linisang Puso ni Maria, ipanalangin mo po kami.

13/06/2026

13/06/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐊𝐀𝐌𝐀𝐇𝐀𝐋-𝐌𝐀𝐇𝐀𝐋𝐀𝐍𝐆 𝐏𝐔𝐒𝐎 𝐍𝐈 𝐇𝐄𝐒𝐔𝐒 ❤️‍🔥

Ipinagdiriwang ngayong araw, Hunyo 12, ang 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐊𝐚𝐦𝐚𝐡𝐚𝐥-𝐦𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐇𝐞𝐬𝐮𝐬, ang sagisag ng walang hanggang pag-ibig, awa, at habag ng ating Panginoon para sa sangkatauhan.

𝗣𝗔𝗡𝗔𝗟𝗔𝗡𝗚𝗜𝗡
Kamahal-mahalang Puso ni Hesus, pagpalain Mo ang lahat ng naglilingkod sa Iyong Sambayanan. Bigyan Mo sila ng lakas sa gitna ng pagod, kapayapaan sa gitna ng gawain, at kagalakan sa bawat munting paglilingkod na iniaalay nila para sa Iyong kaluwalhatian.

[Manalangin tayo] Diyos na totoo at tao namang totoo, Panginoon naming Hesukristo, ang Huling Hapunan ay inilagak Mo para kami'y magkasalu-salo sa ala-ala ng Iyong pagpapakasakit ukol sa mga tao. lpagkaloob Mo ang aming kahilingang ang Iyong Katawan at Dugo ay aming idangal sa pagdiriwang upang ang dulot Mong kaligtasan ay lubos naming mapakinabangan kasama ng Espiritu Santo magpasawalang hanggan. Amen.

Kamahal-mahalang Puso ni Hesus, ako'y nananalig sa Iyo. Pag-alabin Mo ang aking puso ng Iyong banal na pag-ibig. Amen.

𝐊𝐚𝐦𝐚𝐡𝐚𝐥-𝐦𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐇𝐞𝐬𝐮𝐬, maawa Ka sa amin!

13/06/2026

𝐒𝐀𝐋𝐀𝐌𝐀𝐓 𝐀𝐓 𝐏𝐀𝐀𝐋𝐀𝐌 | 𝐏𝐨𝐧𝐜𝐢𝐚𝐧𝐨 "𝐁𝐨𝐲" 𝐋. 𝐁𝐚𝐫𝐭𝐨𝐥𝐨𝐦𝐞, 𝟏𝟗𝟓𝟕-𝟐𝟎𝟐𝟔

Ang sambayanan ng Diyos ng Bisita ng Mahal na Birhen ng Sto. Rosario ay taos-pusong nakikidalamhati sa pagpanaw ni Bro. Boy Bartolome, isang huwarang lingkod ng Diyos.

Sa kanyang buhay, ipinamalas niya ang pagmamahal sa Panginoon sa pamamagitan ng tapat, mapagkumbaba, at masigasig na paglilingkod sa Simbahan at kapwa.

Naging bahagi at namuno siya sa iba't ibang samahang pansimbahan, kabilang ang kanyang paglilingkod bilang Grand Knight ng Knights of Columbus Council 9591, bahagi rin siya ng Extraordinary Ministers of the Holy Communion, Adoracion Nocturna Filipina sa Parokya ng San Isidro Labrador, Malinta, Valenzuela City at namuno sa ating Sub-Parish Pastoral Council.

Nawa'y samahan ka ng Mahal na Birhen ng Sto. Rosario sa iyong paglalakbay patungo sa kaharian ng Diyos. Ipagkaloob nawa sa iyo ng ating Panginoon ang walang hanggang kapahingahan at ang liwanag na hindi magmamaliw. Ang iyong alaala at diwa ng paglilingkod ay mananatiling buhay sa puso ng bawat isa sa amin.

"Mapalad ang mga namamatay na nasa Panginoon, sapagkat sila'y magpapahinga sa kanilang mga pagpapagal, at ang kanilang mabubuting gawa ay sasakanila." (Pahayag 14:13)