Parish of the Holy Cross Valenzuela City

31/05/2026

𝐂𝐫𝐨𝐬𝐬𝐏𝐨𝐬✝️
𝑊ℎ𝑒𝑟𝑒 𝑒𝑣𝑒𝑟𝑦 𝑐𝑟𝑜𝑠𝑠 𝑡𝑒𝑙𝑙𝑠 𝑎 𝑠𝑡𝑜𝑟𝑦 𝑜𝑓 𝑓𝑎𝑖𝑡ℎ 𝑎𝑛𝑑 𝑖𝑛𝑠𝑝𝑖𝑟𝑎𝑡𝑖𝑜𝑛

Ipinagdiriwang natin ngayon ang Dakilang Kapistahan ng Banal na Santatlo, o mas kilala bilang “Santissima Trinidad” at “Tatlong Persona sa Isang Diyos”. Kaugnay nito basahin natin ang repleksyon ng ating kamanlalakbay sa pananampalataya- Bro. Ric Buenaventura mula sa EMHC

“Ang Juan 3:16–18 ay nagpapaalala satin na napakalawak ng pag-ibig ng Diyos sa lahat ng taong kanyang nilalang. Ipinakita Niya ito sa pamamagitan ng pagbibigay kay Hesus sa ating lahat upang magkaroon tayo ng pag-asa, kapatawaran, at buhay na walang hanggan. Itinuturo rin ng mga talata na ang pananampalataya ay hindi lamang paniniwala kundi pagtitiwala at pagtanggap sa pagmamahal ng Diyos. Sa gitna ng mga laban natin sa buhay pagkakamali at pagsubok, may pagkakataon pa rin tayong lumapit sa Kanya at mamuhay nang may pag-mamahal, pananampalataya at pag-asa.

Ang pagdadala ng sarili nating krus sa buhay ay simbolo ng mga pagsubok, sakripisyo, pagpapakasakit at responsibilidad na ating hinaharap araw-araw. Pinapaalala sa atin ng Diyos na hindi tayo nag-iisa sa ating paghihirap dahil mahal tayo ng Diyos at kasama natin Siya sa bawat paghihirap at pag-subok. Ang ating mga problema at paghihirap ay maaaring maging daan upang mas tumibay ang ating pananampalataya, maging matatag ang ating puso, at matutong magtiwala sa plano ng Diyos. Sa bawat krus na ating pasan, may pag-asa at pagmamahal na naghihintay kung patuloy tayong mananalig at magpapatuloy sa kanya, na kung saan ang mga sumasampalataya at nagmamahal sa Panginoong Hesukristo ay maliligtas at magkakamit ng buhay na walang hanggan.

Panginoon Hesukristo,

Salamat po sa Iyong walang hanggang pagmamahal at gabay sa aming buhay. Sa bawat krus at pagsubok na aming dinadala, bigyan Mo kami ng lakas at tatag, pananampalataya, at tapang upang magpatuloy sa hamon ng buhay. Tulungan Mo kaming magtiwala sa Iyong plano at banal na kapangyarihan kahit sa mga panahong kami ay nahihirapan at hindi namin nakikita ang iyong presensya. Nawa’y manatili kaming mapagpakumbaba, mapagmahal, at puno ng pag-asa sa araw-araw. Gabayan Mo rin ang aming pamilya at mga mahal namin sa buhay, at ipaalala Mo lagi sa amin na hindi Mo kami kailanman iniiwan.

Amen.”

30/05/2026

29/05/2026

𝐓𝐈𝐆𝐍𝐀𝐍 │ 𝐇𝐮𝐥𝐢𝐧𝐠 𝐋𝐢𝐧𝐠𝐠𝐨 𝐧𝐠 𝐒𝐢𝐦𝐛𝐚 𝐀𝐫𝐚𝐥𝐚𝐧

Sa huling linggo ng Simba Aralan nakatuon ang limang araw ng pag aaral sa pagpapalalim ng pananampalataya at pagsasabuhay ng mga Espiritwal na Gawa ng Awa bilang mabubuting Kristiyano. Itinuturo rito ang kahalagahan ng pagtulong at paggabay sa kapwa sa pamamagitan ng pag-aliw sa nalulumbay, pagtuturo sa mangmang, pagpapayo sa nalilito, pagtutuwid sa nagkakamali, at pagpapatawad nang bukal sa kalooban.

Sa pamamagitan ng mga araling ito, nahuhubog ang mga bata at kabataan na maging mas mabuti, maawain, at mas malapit kay Kristo sa kanilang pang-araw-araw na pamumuhay.

28/05/2026

𝐏𝐀𝐁𝐀𝐓𝐈𝐃 | PARKING AREA IS UNDER CONSTRUCTION

Parking slots Available at COOP GYM. Starts on May 31 to to Jund 21

24/05/2026

𝐂𝐫𝐨𝐬𝐬𝐏𝐨𝐬✝️
𝑊ℎ𝑒𝑟𝑒 𝑒𝑣𝑒𝑟𝑦 𝑐𝑟𝑜𝑠𝑠 𝑡𝑒𝑙𝑙𝑠 𝑎 𝑠𝑡𝑜𝑟𝑦 𝑜𝑓 𝑓𝑎𝑖𝑡ℎ 𝑎𝑛𝑑 𝑖𝑛𝑠𝑝𝑖𝑟𝑎𝑡𝑖𝑜𝑛

Ngayong araw ipinagdiriwang ng Simbahan ang kapistahan ng pagbaba ng Espiritu Santo. Ito rin ang tinatawag na Pentekostes na kung saan ngayong araw rin ang opisyal na pagsilang ng simbahan sa pamamagitan ng pagbaba ng Espiritu Santo sa mga unang alagad na unang tianwag ring simbahan.

Sa linggo ng Pentekostes, ating basahin ang mas malalim na pagninilay patungkol sa Diyos Espiritu Santo mula sa ating kamanlalakbay- Bro. Jess Senen mula sa EMHC

“Ang pagbaba ng Espiritu Santo ay nagsilbing kaganapan ng lahat ng mga
pangako na may kinalaman sa Mesiyas at tagapagligtas na si Kristong Muling
Nabuhay.
Ang pagbaba ng Espiritu Santo ay nagpanibago sa takbo ng buhay ng daigdig.
Dumulas ang kanilang dila. Nabuksan ang kanilang mga tainga. Napuspos sila
ng pang-unawa. Tumanggap sila ng tapang at lakas mula sa itaas. Naging
mapagpunyagi sila sa pagpapahayag ng salita ng Diyos.
Nagkaroon ng ganap na kaisahan sa mga taong hindi magkaanu-ano. Isang
bagong langit at isang bagong lupa ang naging bunga ng kaniyang pagbaba.
Sinagian tayong muli ng pag-asa at katiyakang makakamit natin ang ganap na
kaligtasan mula sa Diyos. “
-Bro Jess

23/05/2026

𝐏𝐀𝐁𝐀𝐓𝐈𝐃

Ang ating parking lot sa likod ng simbahan ay under construction. Pinapaalalahanan ang lahat ng may dala ng sasakyan na limitado lamang ang ating parking lot.

Manatiling nakaantabay sa mga announcement kung kailan matatapos ang pagawaing ito.

Salamat sa inyong pang-unawa.

22/05/2026

𝐓𝐈𝐆𝐍𝐀𝐍 │ 𝐈𝐤𝐚𝐭𝐥𝐨𝐧𝐠 𝐋𝐢𝐧𝐠𝐠𝐨 𝐧𝐠 𝐒𝐢𝐦𝐛𝐚 𝐀𝐫𝐚𝐥𝐚𝐧

Sa ikatlong Linggo ng Simba-Aralan, naging sentro ng mga aralin ang pagpapalalim ng pananampalataya at paghuhubog sa mga bata at kabataan upang maging mabubuting Kristiyano. Tinalakay sa mga kalahok ang mas malalim na pagkilala kay Hesus at sa Espiritu Santo, kahalagahan ng pagsunod sa mga utos ng Diyos, at pagpapahalaga sa Banal na Eukaristiya bilang sentro ng buhay-Kristiyano.

Binigyang-diin din sa mga aralin ang kahalagahan ng korporal at espirituwal na mga gawa ng awa bilang paraan ng pagmamahal, pagtulong, pagpapatawad, at paglilingkod sa kapwa. Sa pamamagitan ng mga gawaing ito, hinikayat ang mga kabataan na higit pang mapalapit at maging tapat sa Diyos.

21/05/2026

𝐓𝐈𝐆𝐍𝐀𝐍 │ 𝐌𝐚𝐫𝐢𝐧𝐠𝐚𝐥 𝐧𝐚 𝐏𝐫𝐮𝐬𝐢𝐬𝐲𝐨𝐧 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐌𝐚𝐡𝐚𝐥 𝐧𝐚 𝐒𝐞𝐧̃𝐨𝐫

Matagumpay na isinagawa ang Maringal na Prusisyon kahapon, ika-20 ng Mayo sa oras na ika-7 ng gabi sa pangunguna ni Fr. Jun Roxas, mga kasapi sa Organisasyon ng Simbahan, at ng mga mananampalataya sa ating barangay.

Ang prusisyon ay nagsimula sa Parish of the Holy Cross at dumaan sa ruta ng M. Delos Reyes → New Prodon St. → Roadrunner → Kapitan Rado St. → Santolan Rd. bago tuluyang bumalik sa simbahan.

Isinagawa ito upang ipagdiwang ang Kapistahan ng Mahal na Señor sa pamamagitan ng pagmamahalan, pagkakaisa at pananampalataya ng mga mamamayan ng Brgy. Gen T. De Leon.

Maraming salamat sa lahat ng nakiisa at sumuporta! Nawa’y patuloy tayong pagpalain ng Mahal na Señor.

Viva Mahal na Señor!

20/05/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐌𝐀𝐇𝐀𝐋 𝐍𝐀 𝐒𝐄𝐍̃𝐎𝐑 𝟐𝟎𝟐𝟔