15/05/2026
𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑
𝐏𝐚𝐭𝐫𝐨𝐧 𝐧𝐠 𝐦𝐠𝐚 𝐌𝐚𝐠𝐬𝐚𝐬𝐚𝐤𝐚 𝐚𝐭 𝐓𝐚𝐩𝐚𝐭 𝐧𝐚 𝐋𝐢𝐧𝐠𝐤𝐨𝐝 𝐧𝐠 𝐏𝐚𝐧𝐠𝐢𝐧𝐨𝐨𝐧! 🙏
Panalangin kay San Isidro Labrador
Makapangyarihang Diyos,
na sa dakilang pagsinta Mo sa amin
ay binigyan Mo kami ng isang uliran
at mapag-ampong pintakasi
na si San Isidro Magsasaka,
na pinagkalooban Mo ng mahal na biyaya,
ng kapangyarihan, na kahit sa lupang kapatagan
ay nakapagpapabukal ng tubig
sa pagtumbok lamang ng kaniyang tungkod,
at binigyan Mo naman ng malaking kasipagan
na 'di ang lupa lamang ang pinagsumakitan niyang pag-anihan,
kundi pati kaluluwa'y pinagpilitan ding pag-anihan
ng magagandang gawa.
Hinihingi namin sa Iyo, Panginoon,
na alang-alang sa karapatan ng mapaghimalang Santo ay pagkalooban Mo kami
ng makapangyarihang tulong
na ikawawala ng katamaran namin
sa paggawa ng kabanalan
at halinhan Mo ng magandang kasipagan
ukol sa magaling
at ang pagtulad sa kaniya
ay masundan nawa namin
ang biyayang inagaw sa amin ng kasalanan.
Umaasa kami Panginoon sa awa Mong walang hanggan.
Amen.
San Isidro Labrador, Ipanalangin mo kami.
Patuloy nyo po nawa kaming ilapit kay Hesus at matularan ang inyong nilakarang buhay.
