03/11/2024
Domingo, Nobyembre 3
1. PAGTUO UG PANIG-INGNAN
a. Ngano nga gikinahanglan kaayo ang pagkinabuhi diha sa hingpit nga kauyon uban sa pagtuo nga atong giangkon? 1 Corinto 4:9; 1 Juan 5:3; Santiago 2:14.
Notes:
- Kay, nagahunahuna ako, nga ang Dios nagapaatubang kanamo nga mga apostoles nga ulahi sa tanan, ingon nga gipanghukman sa kamatayon kay gihimo kami nga talan-awon alang sa kalibulan, sa mga manolonda ug sa mga tawo usab.
1 Corinthians 4:9
Kay mao kini ang gugma sa Dios, nga pagabantayan nato ang iyang mga sugo; ug ang iyang mga sugo dili mabug-at.
1 John 5:3
Mga igsoon ko, unsa ba ang kapuslanan, kong ang usa ka tawo nagaingon nga siya may pagtoo, apan walay mga buhat? makaluwas ba kaniya kanang pagtohoa?
James 2:14
-----
“Ayaw itugot nga limbongan ni bisan kinsa ang ilang mga kaugalingon uban sa pagtuo nga sila mahimo nga balaan samtang tinuyo nga naglapas sa usa sa mga tulomanon sa Dios. Ang paghimo sa usa ka nailhan nga sala nagpahilom sa nagsaksi nga tingog sa Espiritu ug nagbulag sa kalag gikan sa Dios.” — The Great Controversy, p. 472.
“Ang pagpamatuod sa kinabuhi sa usa ka tawo nagmantala sa kalibutan kon siya ba matinud-anon siya sa pagtuo nga iyang giangkon o dili. Ang imong pag gawi makapakunhod sa balaod sa Dios diha sa pag-ila sa imong kalibutanong mga higala. Kini magsulti ngadto kanila: ‘Mahimo nga imo tumanon o dili tumanon ang mga sugo. Ako nagtuo nga ang balaod sa Dios, sa usa ka paagi, ipatuman diha sa mga tawo; apan, ang Ginoo dili kaayo partikular sa pagka-strikto sa pagbantay sa mga lagda niini, ug ang panagsa nga paglapas dili pahamtangan uban sa Iyang kabangis.’
“Daghan ang mangatarungan sa ilang kaugalingon diha sa paglapas sa Igpapahulay pinaagi sa pagtudlo ngadto sa imong ehemplo. Sila nangatarungan nga kon ang usa ka maayo kaayo nga tawo, kinsa nagtuo nga ang ikapitong adlaw mao ang Igpapahulay, makahimo sa pagbuhat sa kalibutanon nga mga gimbuhaton niana nga adlaw sa dihang ang mga sirkumstansya daw nagkinahanglan niini, sigurado nga mahimo usab nila kini sa walay pagkondenar. Daghang mga kalag ang moatubang kanimo sa paghukom, maghimo sa imong inpluwensya nga usa ka pamalibad sa ilang pagsupak sa balaod sa Dios. Bisan tuod nga kini dili pagpangayo ug pasaylo sa ilang sala, apan kini mosulti nga makalilisang batok kanimo.” — Testimonies for the Church, vol. 4, p. 250.
