Caritas Imus

Caritas Imus Contact information, map and directions, contact form, opening hours, services, ratings, photos, videos and announcements from Caritas Imus, Religious organisation, SAC Building, Bishop Felix Perez Pastoral Complex, 47, Trece-Indang Road, Brgy. Luciano, Trece Martires.

26/05/2026

Nagpaabot ng mensahe ng suporta at pasasalamat ang Lubos na Kagalang-galang Reynaldo G. Evangelista para sa pagsasakatuparan ng PaMEALya Program sa The Annunciation Parish, partikular sa komunidad ng PM Homes, Pasong Camachile II, General Trias City.

Nawa’y maging daan ang programang ito upang higit pang maranasan ng bawat pamilya ang pag-asa, pagkalinga, at pagmamahal ng Diyos sa pamamagitan ng sama-samang paglilingkod.

26/05/2026

Ipinaliwanag ni Ate Sweet Cruz Racho, Program Coordinator ng Alay Kapwa para sa Kalusugan ng Caritas Philippines, ang layunin at kahalagahan ng PaMEALya Program bilang tugon sa pangangailangan ng mga pamilyang nangangailangan ng masustansyang pagkain, tamang pag-aaruga, at mas matatag na samahan sa pamayanan.

Sa pamamagitan ng programa, sama-samang itinataguyod ang pagkain, pamilya, edukasyon, at malasakit upang makabuo ng mas malusog at mas matatag na komunidad.

Noong May 24, 2026, nagsagawa ng paunang pagpupulong ang mga Lider Layko sa pangunguna ng Steering Committee ng The Annu...
26/05/2026

Noong May 24, 2026, nagsagawa ng paunang pagpupulong ang mga Lider Layko sa pangunguna ng Steering Committee ng The Annunciation Parish at Caritas Imus kasama ang mga katuwang mula sa PM Homes Community (Santo Padre Pio Simbahayan) para sa paghahanda at maayos na implementasyon ng PaMEALya Program.

Layunin ng pagpupulong na pagtibayin ang koordinasyon, pagtutulungan, at sama-samang pananagutan upang masigurong magiging maayos, organisado, at makataong maisasakatuparan ang programa para sa kapakanan ng pamayanan.

Bilang paghahanda para sa nalalapit na paglulunsad ng Caritas iTag, binisita ng Byaheng Kapitbahayan ng Caritas Imus noo...
25/05/2026

Bilang paghahanda para sa nalalapit na paglulunsad ng Caritas iTag, binisita ng Byaheng Kapitbahayan ng Caritas Imus noong Mayo 20, 2026 ang mga magsasaka at food processors ng samahang TIKME sa Magallanes.

Ang TIKME ay isang organisadong grupo na naglalayong makalikha ng mga produktong organic habang isinusulong ang maka-kalikasang pamamaraan ng produksyon. Bilang katuwang sa pagsusulong ng pangangalaga sa kalikasan, sinisiguro nilang mabawasan ang waste sa bawat proseso ng kanilang paggawa upang hindi makapagdulot ng pinsala sa komunidad at sa ating kapaligiran.

Sa kanilang mga produkto at pamamaraan, makikita na posible ang kabuhayang may malasakit, hindi lamang para sa kita, kundi para rin sa tao at kalikasan.

Patuloy nating suportahan ang mga kabuhayang nagtataguyod ng responsableng produksyon at pangangalaga sa ating nag-iisang tahanan habang sama-sama nating binubuo ang paglalakbay ng Caritas iTag.

Ika-4 na linggo ng ating Bayanihan Station na isinagawa noong Mayo 22, 2026 para sa mga staff ng mga bangkang pumapalaot...
25/05/2026

Ika-4 na linggo ng ating Bayanihan Station na isinagawa noong Mayo 22, 2026 para sa mga staff ng mga bangkang pumapalaot at kanilang mga pamilya sa Ligtong 1.

Sa patuloy na pagtaas ng presyo ng langis dulot ng kaguluhan at gyera sa iba’t ibang panig ng mundo, higit na naaapektuhan ang kabuhayan ng ating mga mangingisda at mga manggagawang umaasa sa araw-araw na pagpalaot. Kasabay ng pagtaas ng gastusin, mas nagiging mabigat ang hamon ng paghahanapbuhay para sa kanilang mga pamilya.

Sa pamamagitan ng Bayanihan Station, patuloy nating ipinapadama na may komunidad na handang umalalay at makiisa sa panahon ng krisis. Ang simpleng tulong ay nagiging tanda ng pag-asa at malasakit para sa bawat pamilyang naapektuhan.

Maraming salamat sa Kammalig Inc.- KAisahan ng Maliliit na MAngingisda ng LIGtong. , Lasallian Community Development Center , at sa lahat ng mga katuwang at sumusuporta sa ating Byaheng Malasakitan. Sama-sama tayong nagdadala ng tulong at pag-asa sa komunidad.

Paglulunsad ng PaMEALya Program noong Mayo 21, 2026 sa PM Homes, Pasong Camachile II, General Trias City sa pamamagitan ...
25/05/2026

Paglulunsad ng PaMEALya Program noong Mayo 21, 2026 sa PM Homes, Pasong Camachile II, General Trias City sa pamamagitan ng mga pambungad na salita ni Fr. Knoriel Alvarez, Executive Director ng Caritas Imus, at banal na misa na pinangunahan ng Lubos na Kagalang-galang Reynaldo G. Evangelista.

Taos-pusong pasasalamat sa Steering Committee at buong Parish Pastoral Council ng The Annunciation Parish sa mainit na pagtanggap at pakikiisa sa programa, gayundin sa Monde Nissin Foundation at Caritas Philippines sa kanilang suporta at pakikipagtulungan para sa mas masustansya at mas matatag na pamayanan.

Kahapon, Mayo 18, 2026, nagsagawa ng ocular visit kasama ang Monde Nissin Foundation para sa paghahanda sa paglulunsad n...
19/05/2026

Kahapon, Mayo 18, 2026, nagsagawa ng ocular visit kasama ang Monde Nissin Foundation para sa paghahanda sa paglulunsad ng PaMEALya Program sa Pamayanang Manggagawa Homes, Pasong Camachile II, General Trias.

Ang programang ito, sa ilalim ng Byaheng Kalusugan Program ng Caritas Imus, ay bunga ng kolaborasyon ng Caritas Philippines at Monde Nissin Foundation upang higit na mapalakas ang pagtugon sa pangangailangan ng mga pamilya at komunidad.

Sama-sama sa paglalakbay tungo sa malasakit, kalinga, at pag-asa para sa bawat pamayanan.

Byaheng Kalusugan | Medical Mission Update | May 2, 2026Sa diwa ng malasakit at paglilingkod, matagumpay na naisagawa a...
19/05/2026

Byaheng Kalusugan | Medical Mission Update | May 2, 2026

Sa diwa ng malasakit at paglilingkod, matagumpay na naisagawa ang ating Medical Mission sa St. James the Greater Parish kung saan umabot sa 193 pasyente ang nabigyan ng libreng serbisyong medikal.

Isang taos-pusong pasasalamat sa JCFCG, Diocese of Imus Ministri sa mga May Karamdaman at Caritas Imus sa kanilang walang sawang suporta at pakikiisa sa misyong maghatid ng kalusugan sa ating mga kapatid.

Patuloy nating isabuhay ang diwa ng pagkalinga at pag-asa—dahil sa bawat paglalakbay ng Byaheng Kalusugan, may buhay na naaabot at napapangalagaan.


Kahapon, Mayo 17, 2026, matagumpay na isinagawa ang ika-9 na Leadership Formation ng LEAP for Youth Partners sa pangungu...
18/05/2026

Kahapon, Mayo 17, 2026, matagumpay na isinagawa ang ika-9 na Leadership Formation ng LEAP for Youth Partners sa pangunguna ni Kuya Chris Julius Conjurado. Tinalakay sa paghuhubog ang paksang Core Values kung saan pinalalim ang pag-unawa sa kahalagahan ng mga kaugaliang pinahahalagahan bilang mga kabataang lingkod at katuwang sa misyon ng Simbahan.

Mas lalo ring pinagnilayan ang Pangarap ng Diyosesis ng Imus bilang ating gabay tungo sa pagiging Sambayanang Kristiyanong Maka-Diyos: Makatao, Makabuhay, Maka-kalikasan at Makabayan — mga alagad ni Kristo at Simbahan ng mga dukha na may pananagutan at pakikisangkot sa Pinagpanibagong Lipunan sa tulong ni Maria Birhen del Pilar.

Nawa’y patuloy na maging matatag ang puso ng bawat kabataan sa pamumuno, paglilingkod, at pagsasabuhay ng ating mga pagpapahalaga para sa Simbahan at sambayanan.

Bilang paghahanda para sa nalalapit na paglulunsad ng Caritas iTag, binisita ng Byaheng Kapitbahayan ng Caritas Imus noo...
18/05/2026

Bilang paghahanda para sa nalalapit na paglulunsad ng Caritas iTag, binisita ng Byaheng Kapitbahayan ng Caritas Imus noong nakaraang Biyernes, Mayo 15, 2026, ang mga maglalala sa Carpel, Silang, Cavite upang mas makilala ang kanilang kabuhayan, kwento, at pangarap.

Sa kasalukuyan, walong (8) kababaihan ang sama-samang gumagawa ng kanilang pangunahing produkto tulad ng mga door mat at pot holder—mga likhang kamay na bunga ng sipag, tiyaga, at bayanihan. Sa tuwing walang pasok, ilan sa mga kabataan ay tumutulong din sa paglalala upang makapag-ipon at makatulong sa kanilang pamilya.

Higit pa sa produkto, nakita natin ang puso, pagtutulungan, at pag-asa sa likod ng bawat hibla ng kanilang ginagawa.

Patuloy nating suportahan ang mga kabuhayang nakaugat sa komunidad habang sama-sama nating binubuo ang paglalakbay ng Caritas iTag — kung saan ang kabuhayan ay may kalidad, dignidad, at malasakit.

Sa ika-3 linggo ng ating Bayanihan Station sa Ligtong 1, patuloy nating nasasaksihan ang lakas ng bayanihan at malasakit...
17/05/2026

Sa ika-3 linggo ng ating Bayanihan Station sa Ligtong 1, patuloy nating nasasaksihan ang lakas ng bayanihan at malasakit ng komunidad. Kasabay nito ang pagdiriwang ng Kapistahan ng kanilang Patron na si San Isidro Labrador noong nakaraang Biyernes, May 15, 2026.

Sa gitna ng patuloy na pagtaas ng presyo ng langis dulot ng kaguluhan at gyera sa iba’t ibang bahagi ng mundo, ramdam ng ating mga maliliit na mangingisda ang hirap sa araw-araw na paghahanapbuhay. Mas mabigat ang gastos sa pagpalaot at mas hamon ang pagtaguyod sa kanilang pamilya.

Bilang tugon, patuloy nating isinasagawa ang Bayanihan Station katuwang ang Kammalig Inc.- KAisahan ng Maliliit na MAngingisda ng LIGtong. at Lasallian Community Development Center upang makapagbahagi ng kaunting ginhawa, tulong, at pag-asa sa komunidad.

Maraming salamat sa LCDC at sa lahat ng mga taong patuloy na nakikiisa at sumusuporta sa ating Byaheng Malasakitan. Ang bawat ambag at pakikiisa ay malaking tulong para sa ating mga komunidad sa oras ng krisis.

Patuloy ang bayanihan. Patuloy ang malasakit.

Address

SAC Building, Bishop Felix Perez Pastoral Complex, 47, Trece-Indang Road, Brgy. Luciano
Trece Martires
4109

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm

Website

Alerts

Be the first to know and let us send you an email when Caritas Imus posts news and promotions. Your email address will not be used for any other purpose, and you can unsubscribe at any time.

Shortcuts

Share

Category