05/07/2023
MIDWEEK
PASIUNANG AWIT: Majesty
Majesty, worship His majesty, unto Jesus be all glory, honor and praise. Majesty, Kingdom authority, flow from His throne unto His own, His anthem raise,
So exalt, lift up on high the name of Jesus, magnify, come glorify, Christ Jesus the King. Majesty, worship His majesty, Jesus who died now glorified, King of all Kings.
BINUKSANG PAG-AMPO SA PANGULO
Tubag: *Gloria Patri
Ang Dios Amahan daygon, Anak ug Espiritu Santo. Sukad pa sa sinugdanan, karon ug sa kanunay. Hinaut pa, hinaut pa.
SALMO SA PAG-AMPO UG PAGPASALAMAT: SALMO 138:1-3, 7
Pangulo: Nagpasalamat ako kanimo, O Ginoo, sa tibuok kong kasingkasing; mag-awit akog mga pagdayeg kanimo atubangan sa mga dios.
Katawhan: Moyukbo ako atubangan sa balaan mong Templo ug magdayeg sa imong ngalan
tungod sa gugma mong walay paglubad ug sa imong pagkamatinud-anon;
kay gipahimutang mo labaw sa tanang butang
ang imong ngalan ug ang imong pulong.
Pangulo: Sa dihang gisangpit ko ikaw gitubag mo ako
ug gidugangan mo ang akong kalig-on.
Tanan: Bisan anaa ako taliwala sa kalisdanan,
gipanalipdan mo ako;
gisanta mo ang kapungot sa akong mga kaaway
ug giluwas mo ako pinaagi sa imong gahom.
PAGPAMALANDONG: ANG GUGMA SA DIOS
text: 1 Juan 4:16
Aduna kitay mga nagkalahi-lahi nga pamaagi sa pagpakita sa atong gugma ngadto sa uban, ingon man ang gugma para kanato importante kani tungod kay anha nato maipasinati kung unsa ka importante ang usa ka tawo sa atoang kinabuhi. Ang gugma usa ka pagbati nga nagahatag ug dakong kahulugan sa atong kinabuhi, kahulugan nga maga-tanaw kita sa mga adlaw nga may inspirasyon sa pagpadayon sa paglihok bisan man nataliwad.an kita sa mga kalisod, kabugat ug kaluyahon sa atong panahon karon.
Kung may kuhaon kita nga example sa klase sa gugma mao ang gugma nga naga gikan sa mga bata, bisan ug ang duha ka gagmayng bata adunay nagkalahi-lahi nga lingwahe, lahi ang ilang gigikanan apan dali o sayon ra para kanila ang maka komunikasyon ug magkatinabangay wala mahimong babag ang pulong apan nahimong instrumento ang gugma.
Sama sa gugma sa Dios bisan ug ang matag usa kanato may nagka lahi-lahi nga pagtoo ug paglantaw sa kinabuhi kita gihigugma gehapon sa Dios nga may kaangayan ug pantay-pantay sa iyang mga mata. Tungod niani nga klase sa gugma angay kitang mamalandong kung giunsa man usab nato paghigugma ang atong ubang mga kaigsoonan, giunsa man usab nato pagpabati sa atong gugma dinhaa kanila, gugma ba nga nakahatag ug kagawasan, paglambo, o gugma ba nga nakahatag ug kaayuhan sa matag-usa kanila.
Kung unsa ang atong buhaton sa uban mao usab daw ang mahibalik dinhia kanato, apan ato usab hinunduman nga sa pagpabati nato sa atong gugma ngadto sa uban likayan nato ang pagpaabot sa ganti o likayan nato ang huna-huna sa kung unsa kaha ang mahimong ganti o mabalik dinhia kanato tungod kay makahatag usab kini ug pagtanom sa pagpanuko tungod kay wala nakabot ang atong mga expectations.
Ang gugma dapat walay paghulat sa ganti nga mahibalik kanato apan maghulat kita nga makahatag kini ug kaayuhan sa tanan kay kini laman ang bugtong gusto nga ganti nga madawat sa Dios, ang ipakig-ambit ang gugma nga atong nasinati dinhaa kaniya ngadto usab sa uban.
Mabungahon ang gugma kung bukas ang kasing-kasing ug huna-huna nga magadawat niani. Amen.
MGA PAG-AMPO SA IGLESYA UG KAHANGAWA SA KUMUNIDAD:
Iapil sa mga pag-ampo:
• Upcoming Summer Youth Camp July 27-29, 2023
• Upcoming VCS August 1-5, 2023
• Padayon nga pag-repair sa parsonage ug simabahan
• Balik Eskwela
• Mga panginabuhian
• Nangita ug trabaho
• Maayong Panahon
• Mga kalihukan sa Iglesya
• Padayon nga kaayuhan ug kalambuan sa Nasud.
AWIT SA PAGTUGYAN UG PAGSUNOD:
“Magkinabuhi Ako Kang Jesus”
Magkinabuhi ako kang Jesus, Magbuhat sa nahamut-an sa Dios; Akong itugyan kalag ug tanan, Ang panalangin maako gayud.
Ginoo’ng Manluluwas Imoha na ako, kay didto sa kalbaryo, Gihalad Mong tanan, way lain nga Ginoo sa kasingkasing ko, Ang kinabuhi ko karon, Imoha na Jesus. Amen.
Magkinabuhi ako kang Jesus, kay Iyang gipakamatyan ako, tanan itugyan, ug sundon ko Sya, Sa Iyang gugma ako gidani.
Magkinabuhi ako kang Jesus, Bisan diin magpamando sa Dios, Mga kasakit antuson ko lang, Akong pas-anon ang krus ko karon.
PANAPOS NGA PAG-AMPO – PANGULO
