Parroquia de San Roque Tingloy - RCALipa

25/08/2026

𝐌𝐢𝐲𝐞𝐫𝐤𝐮𝐥𝐞𝐬 𝐧𝐠 𝐈𝐤𝐚-𝟐𝟏 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 (𝐈𝐈)

UNANG PAGBASA
2 Tesalonica 3, 6-10. 16-18

Pagbasa mula sa ikalawang sulat ni Apostol San Pablo sa mga taga-Tesalonica

Mga kapatid, iniuutos namin sa inyo sa pangalan ng Panginoong Hesukristo, na layuan ang mga tamad at ayaw mamuhay ayon sa mga tagubilin namin sa inyo. Alam naman ninyo na dapat ninyong tularan ang aming ginawa. Hindi kami nahiyang magtrabaho nang kami’y nariyan pa. Hindi kami tumanggap ng anumang bagay kaninuman nang hindi namin binabayaran. Nagpagal kami araw-gabi upang hindi maging pasanin ng sinuman sa inyo. Ginawa namin ito hindi dahil sa wala kaming karapatang maghintay ng inyong tulong kundi upang kayo’y bigyan ng halimbawang dapat sundan. Nang kasama pa namin kayo, ito ang tagubiling ibinigay namin sa inyo: “Huwag ninyong pakanin ang sinumang ayaw gumawa.”

Ang Panginoon na bukal ng kapayapaan ang siya nawang magkaloob sa inyo ng kapayapaan sa lahat ng pagkakataon. Nawa’y sumainyong lahat ang Panginoon.

Akong si Pablo ang sumulat ng pagbating ito: Binabati ko kayo. Ito ang aking lagda sa lahat ng sulat ko. Ganito ako sumulat.

Nawa’y sumainyong lahat ang pagpapala ng ating Panginoong Hesukristo.

Ang Salita ng Diyos.

SALMONG TUGUNAN
Salmo 127, 1-2. 4-5

Mapalad ang sumusunod
na taong may takot sa D’yos.

Mapalad ang bawat tao na sa Diyos ay may takot,
ang maalab na adhika’y sumunod sa kanyang utos.
Hindi siya magkukulang sa anumang kailangan,
ang buhay ay maligaya’t uunlad ang kanyang buhay.

Mapalad ang sumusunod
na taong may takot sa D’yos.

Ang sinuman kung ang Diyos buong pusong susundin,
buhay niya ay uunlad at laging pagpapalain.
Mula sa Sion, pagpapala nawa ng Diyos ay tanggapin,
at makita habang buhay, pag-unlad ng Jerusalem.

Mapalad ang sumusunod
na taong may takot sa D’yos.

ALELUYA
1 Juan 2, 5

Aleluya! Aleluya!
Lubos na magtatamasa
ng pag-ibig ng D’yos Ama
ang sumunod sa Anak n’ya.
Aleluya! Aleluya!

MABUTING BALITA
Mateo 23, 27-32

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ang katulad ninyo’y mga libingang pinaputi, magaganda sa labas, ngunit sa loob ay puno ng kabulukan at buto ng mga patay. Ganyang-ganyan kayo! Sa paningin ng tao’y mabubuti kayo, ngunit ang totoo, punung-puno kayo ng pagpapaimbabaw at kasamaan.

“Sa aba ninyo, mga eskriba at mga Pariseo! Mga mapagpaimbabaw! Ipinagtatayo ninyo ng mga libingan ang mga propeta at ginagayakan ang mga puntod ng mga taong namuhay nang matuwid. At sinasabi ninyo, ‘Kung kami sana’y nabuhay sa kapanahunan ng aming mga ninuno, hindi namin ipapapatay ang mga propeta.’ Sa sinabi ninyong iyan, inaamin ninyong kayo’y mga anak ng mga nagpapatay sa mga propeta! Sige! Tapusin ninyo ang pinasimulan ng inyong mga ninuno!”

Ang Mabuting Balita ng Panginoon.

25/08/2026

PARISH ADVISORY

Please be informed that Fr. Sancho will be away throughout the week as he takes part in the Annual Retreat of Priests of the Archdiocese.

While he is away, Fr. Manny will preside over the celebrations and serve our parish community in his absence.

Thank you!

24/08/2026

24/08/2026

𝐌𝐚𝐫𝐭𝐞𝐬 𝐧𝐠 𝐈𝐤𝐚-𝟐𝟏 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 (𝐈𝐈)

UNANG PAGBASA
2 Tesalonica 2, 1-3a. 14-17

Pagbasa mula sa ikalawang sulat ni Apostol San Pablo sa mga taga-Tesalonica

Tungkol naman sa pagparito ng ating Panginoong Hesukristo at sa pagtitipon niya sa atin, ipinamamanhik namin sa inyo, mga kapatid, na huwag kayong magugulat agad o mababahala sa balitang dumating na ang Araw ng Panginoon. Huwag kayong maniniwala kahit sabihin nilang ito’y hula o pahayag, o kaya’y sulat na galing sa amin o sa anumang paraan, huwag kayong padadaya kaninuman.

Tinawag kayo ng Diyos sa pamamagitan ng Mabuting Balitang ipinahayag namin sa inyo upang makasama sa kaluwalhatian ng ating Panginoong Hesukristo. Kaya nga, mga kapatid, manatili kayong matatag sa mga katotohanang itinuro namin sa inyo, maging sa salita o sa sulat.

Aliwin nawa kayo ng ating Panginoong Hesukristo at ng ating Diyos at Ama na umibig sa atin at sa kanyang habag ay nagbigay sa atin ng walang pagbabagong lakas ng loob at matibay na pag-asa. Bigyan nawa kayo ng matatag na kalooban upang inyong maipahayag at maisagawa ang lahat ng mabuti.

Ang Salita ng Diyos.

SALMONG TUGUNAN
Salmo 95, 10. 11-12a. 12b-13

Panginoo’y paririto
upang hatulan n’ya tayo.

“Panginoo’y siyang hari,” sa daigdig ay sabihin,
“sanlibuta’y matatag na, kahit ito ay ugain;
sa paghatol sa nilikha, lahat ay pantay sa paningin.”

Panginoo’y paririto
upang hatulan n’ya tayo.

Lupa’t langit ay magsaya, umugong ang kalaliman,
lahat kayo na nilikhang nasa tubig ay magdiwang.
Ang bukirin at ang lahat ng naroon ay sumisigaw.

Panginoo’y paririto
upang hatulan n’ya tayo.

Pati mga punongkahoy sa galak ay mag-awitan.
Ang P**n ay pupurihin, pagkat siya ay daratal,
paririto sa daigdig, upang lahat ay hatulan.
Tapat siya kung humatol at lahat ay pantay-pantay.

Panginoo’y paririto
upang hatulan n’ya tayo.

ALELUYA
Hebreo 4, 12

Aleluya! Aleluya!
Buhay ang salita ng D’yos,
ganap nitong natatalos
tanang ating niloloob.
Aleluya! Aleluya!

MABUTING BALITA
Mateo 23, 23-26

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ibinibigay ninyo ang ikapu ng gulaying walang halaga ngunit kinaliligtaan ninyong isagawa ang lalong mahahalagang aral sa Kautusan: ang katarungan, ang pagkahabag, at ang katapatan. Tamang gawin ninyo ang mga ito, ngunit huwag naman ninyo kaliligtaang gawin ang iba. Mga bulag na taga-akay! Sinasala ninyo ang niknik sa inyong inumin, ngunit nilulunok ninyo ang kamelyo!

“Sa aba ninyo, mga eskriba at mga Pariseo! Mga mapagpaimbabaw! Nililinis ninyo ang labas ng tasa at ng pinggan ngunit ang loob nito’y puno ng mga nahuthot ninyo dahil sa kasakiman at pagsasamantala. Bulag na Pariseo! Linisin mo muna ang mga nasa loob ng tasa at ng pinggan, at magiging malinis din ang labas nito!”

Ang Mabuting Balita ng Panginoon.

23/08/2026

𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐀𝐩𝐨𝐬𝐭𝐨𝐥 𝐒𝐚𝐧 𝐁𝐚𝐫𝐭𝐨𝐥𝐨𝐦𝐞

UNANG PAGBASA
Pahayag 21, 9b-14

Pagbasa mula sa aklat ng Pahayag

Wika ng anghel sa akin, “Halika, at ipakikita ko sa iyo ang Babaing makakaisang-dibdib ng Kordero.” Nilukuban ako ng Espiritu, at inihatid ako ng anghel sa ibabaw ng isang napakataas na bundok. Ipinakita niya sa akin ang Jerusalem, ang Banal ng Lungsod, na bumababa mula sa langit buhat sa Diyos. Nagliliwanag ito dahil sa kaningningan ng Diyos; kumikislap na gaya ng hiyas na haspeng sinlinaw ng kristal. Ang pader nito’y makapal at mataas at may labindalawang pinto, bawat isa’y may bantay na anghel. Nakasulat sa mga pinto ang pangalan ng labindalawang lipi ng Israel. Tatlo ang pinto ng bawat panig: tatlo sa silangan, tatlo sa timog, tatlo sa hilaga, at tatlo sa kanluran. Ang pader ng lungsod ay may labindalawang saligang-bato at nakasulat dito ang pangalan ng labindalawang apostol ng Kordero.

Ang Salita ng Diyos.

SALMONG TUGUNAN
Salmo 144, 10-11. 12-13ab. 17-18

Talastas ng mga tao
dakilang paghahari mo.

Magpupuring lahat sa iyo, O Panginoon, ang iyong nilalang;
lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian,
at ibababalitang tunay kang dakila’t makapangyarihan.

Talastas ng mga tao
dakilang paghahari mo.

Dakila mong gawa’y upang matalastas ng lahat ng tao,
mababatid nila ang kadikalaan ng paghahari mo.
Ang paghahari mo’y sadyang walang hanggan, hindi magbabago.

Talastas ng mga tao
dakilang paghahari mo.

Matuwid ang Diyos sa lahat ng bagay niyang ginagawa;
kahit anong gawin ay kalakip doon ang habag at awa.
Siya’y nakikinig at handang tumulong sa lahat ng tao
sa sinumang taong pagtawag sa kanya’y tapat at totoo.

Talastas ng mga tao
dakilang paghahari mo.

ALELUYA
Juan 1, 49b

Aleluya! Aleluya!
G**o, Anak na Butihin
ng Diyos Amang masintahin,
ika’y hari ng Israel.
Aleluya! Aleluya!

MABUTING BALITA
Juan 1, 45-51

Ang Mabuting Balita ng Panginoon ayon kay San Juan

Noong panahong iyon, hinanap ni Felipe si Natanael, at sinabi rito, “Natagpuan namin si Hesus na taga-Nazaret, ang anak ni Jose. Siya ang tinutukoy ni Moises sa kanyang sinulat sa Kautusan, at gayun din ng mga propeta.” “May magmumula bang mabuti sa Nazaret?” Tanong ni Natanael. Sumagot si Felipe, “Halika’t tingnan mo.”

Nang malapit na si Natanael ay sinabi ni Hesus, “Masdan ninyo ang isang tunay na Israelita; siya’y hindi magdaraya!” Tinanong siya ni Natanael, “Paano ninyo ako nakilala?” Sumagot si Hesus, “Bago ka pa tawagin ni Felipe, nakita na kita nang ikaw ay nasa ilalim ng puno ng igos.” “Rabi, kayo po ang Anak ng Diyos! Kayo ang Hari ng Israel!” wika ni Natanael. Sinabi ni Hesus, “nanampalataya ka ba dahil sa sinabi ko sa iyong nakita kita sa ilalim ng puno ng igos? Makakikita ka ng mga bagay na higit kaysa rito!” At sinabi niya sa lahat, “Tandaan ninyo: makikita ninyong bukas ang langit, at ang mga anghel ng Diyos ay manhik-manaog sa kinaroroonan ng Anak ng Tao!”

Ang Mabuting Balita ng Panginoon.

23/08/2026

𝐌𝐚𝐫𝐢𝐧𝐠𝐚𝐥 𝐧𝐚 𝐏𝐫𝐮𝐬𝐢𝐬𝐲𝐨𝐧 𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐑𝐨𝐪𝐮𝐞

Sa bawat hakbang, panalangin; sa bawat kandila, pag-asa; at sa bawat deboto, isang pusong nagkakaisa sa pananampalataya.

Sa paggunita sa marangal na Kapistahan ni San Roque, sama-sama nating ipinahayag ang ating debosyon sa pamamagitan ng isang Maringal na Prusisyon—isang makabuluhang paglalakbay ng pananampalataya, pagkakaisa, at pasasalamat.

San Roque, aming patron,
ampunin mo kami!
Viva San Roque! Viva!

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗺𝗴𝗮 𝗣𝗔𝗠𝗜𝗦𝗔:
https://forms.gle/Z8T3n4qwwFQbSg2A8

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗗𝗢𝗡𝗔𝗦𝗬𝗢𝗡
Parish GCash Number: 0966 752 4810

23/08/2026

𝐈𝐬𝐚𝐧𝐠 𝐁𝐢𝐲𝐚𝐲𝐚, 𝐈𝐬𝐚𝐧𝐠 𝐁𝐚𝐠𝐨𝐧𝐠 𝐒𝐢𝐦𝐮𝐥𝐚

Sa diwa ng pananampalataya at paglilingkod, isinagawa ang Bendisyon sa Brgy. Sto. Tomas, Tingloy, Batangas, Missionaries of Our Lady of La Salette Formation House.

Nawa’y maging tahanan ito ng panalangin, paghubog, at bokasyon—isang lugar kung saan patuloy na lalalim ang pagtugon sa tawag ng Diyos at paglilingkod sa Kanyang bayan.

Sa bawat panalangin at paglilingkod, nawa’y manatiling gabay ang biyaya ng Panginoon.

Ina ng La Salette, ipanalangin mo kami.
San Roque, ipanalangin mo kami!

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗺𝗴𝗮 𝗣𝗔𝗠𝗜𝗦𝗔:
https://forms.gle/Z8T3n4qwwFQbSg2A8

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗗𝗢𝗡𝗔𝗦𝗬𝗢𝗡
Parish GCash Number: 0966 752 4810

Part 2/2

23/08/2026

𝐈𝐬𝐚𝐧𝐠 𝐁𝐢𝐲𝐚𝐲𝐚, 𝐈𝐬𝐚𝐧𝐠 𝐁𝐚𝐠𝐨𝐧𝐠 𝐒𝐢𝐦𝐮𝐥𝐚

Sa diwa ng pananampalataya at paglilingkod, isinagawa ang Bendisyon sa Brgy. Sto. Tomas, Tingloy, Batangas, Missionaries of Our Lady of La Salette Formation House.

Nawa’y maging tahanan ito ng panalangin, paghubog, at bokasyon—isang lugar kung saan patuloy na lalalim ang pagtugon sa tawag ng Diyos at paglilingkod sa Kanyang bayan.

Sa bawat panalangin at paglilingkod, nawa’y manatiling gabay ang biyaya ng Panginoon.

Ina ng La Salette, ipanalangin mo kami.
San Roque, ipanalangin mo kami!

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗺𝗴𝗮 𝗣𝗔𝗠𝗜𝗦𝗔:
https://forms.gle/Z8T3n4qwwFQbSg2A8

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗗𝗢𝗡𝗔𝗦𝗬𝗢𝗡
Parish GCash Number: 0966 752 4810

Part 1/2

23/08/2026

𝐀𝐠𝐨𝐬𝐭𝐨 𝟐𝟑, 𝟐𝟎𝟐𝟔 | 𝐈𝐤𝐚-𝟐𝟏 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

“Sapagkat mula sa kanya at sa pamamagitan niya at sa kanya ang lahat ng bagay. Sa kanya ang karangalan magpakailanman. Amen.”

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗺𝗴𝗮 𝗣𝗔𝗠𝗜𝗦𝗔:
https://forms.gle/Z8T3n4qwwFQbSg2A8

***
𝗣𝗮𝗿𝗮 𝗽𝗼 𝘀𝗮 𝗶𝗻𝘆𝗼𝗻𝗴 𝗗𝗢𝗡𝗔𝗦𝗬𝗢𝗡
Parish GCash Number: 0966 752 4810