https://www.facebook.com/417781311417891/

Our Lady of the Most Holy Rosary Parish - Cabay, Barangay Cabay, Tiaong (2026)

30/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐝𝐚𝐥𝐚𝐰𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐀𝐠𝐨𝐬𝐭𝐨 𝟑𝟎, 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Jeremias 20, 7-9

Pagbasa mula sa aklat ni propeta Jeremias

Panginoon, ako’y iyong hinihikayat, at sumunod naman ako.
Higit kang malakas kaysa akin at ikaw ay nagwagi.
Pinagtatawanan ako ng balana; maghapon silang nagtatawa dahil sa akin.
Tuwing ako’y magsasalita at sisigaw ng “Karahasan! Pagkasira!”
Pinagtatawanan nila ako’t inuuyam, sapagkat ipinahahayag ko ang iyong salita.
Ngunit kung sabihin kong, “Lilimutin ko ang Panginoon at di na sasambitin ang kanyang pangalan,”
para namang apoy na naglalagablab sa aking puso ang iyong mga salita, apoy na nakakulong sa aking mga buto.
Hindi ko na kayang pigilin ito, hirap na hirap na akong magpigil.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗣𝗔𝗚𝗡𝗜𝗡𝗜𝗟𝗔𝗬 𝗦𝗔 𝗦𝗔𝗟𝗜𝗧𝗔 𝗡𝗚 𝗗𝗜𝗬𝗢𝗦
Salmo 62, 2. 3-4. 5-6. 8-9

Tugon: 𝗔𝗸𝗶𝗻𝗴 𝗸𝗶𝗻𝗮𝘀𝗮𝘀𝗮𝗯𝗶𝗸𝗮𝗻,
𝗣𝗮𝗻𝗴𝗶𝗻𝗼𝗼𝗻, 𝗶𝗸𝗮𝘄 𝗹𝗮𝗺𝗮𝗻𝗴.

1. O Diyos, ikaw ang aking Diyos na lagi kong hinahanap;
ang uhaw kong kaluluwa’y tanging ikaw yaong hangad;
Para akong tuyong lupa na tubig ang siyang lunas.

2. Bayaan mong sa santwaryo, sa lugar na dakong banal,
ikaw roo’y mamasdan ko, sa likas mong karangalan.
Ang wagas na pag-ibig mo’y mahigit pa kaysa buhay.
Kaya ako’y magpupuri’t ikaw ang pag-uukulan.

3. Habang ako’y nabubuhay, ako’y magpapasalamat.
At ako ay dadalangin na kamay ko’y nakataas.
Itong aking kaluluwa’y kakaing may kasiyahan,
magagalak na umawit ng papuring iaalay.

4. Pagkat ikaw sa tuwina ang katulong na malapit,
sa lilim ng iyong pakpak galak akong umaawit.
Itong aking kaluluwa’y sa iyo lang nanghahawak,
pagkat ako kung hawak mo, kaligtasa’y natitiyak.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
Roma 12, 1-2

Pagbasa mula sa sulat ni Apostol San Pablo sa mga taga-Roma

Mga kapatid, alang-alang sa masaganang habag ng Diyos sa atin, ako’y namamanhik sa inyo: ialay ninyo ang inyong sarili bilang handog na buhay, banal at kalugud-lugod sa kanya. Ito ang karapat-dapat na pagsamba ninyo sa Diyos. Huwag kayong umayon sa takbo ng mundong ito. Mag-iba na kayo at magbago ng isip upang mabatid ninyo ang kalooban ng Diyos kung ano ang mabuti, nakalulugod sa kanya, at talagang ganap.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

Aleluya! Aleluya!
𝐷’𝑦𝑜𝑠 𝐴𝑚𝑎 𝑛𝑖 𝐻𝑒𝑠𝑢𝑘𝑟𝑖𝑠𝑡𝑜,
𝑘𝑎𝑚𝑖 𝑎𝑦 𝑙𝑖𝑤𝑎𝑛𝑎𝑔𝑎𝑛 𝑚𝑜
𝑎𝑡 𝑡𝑢𝑡𝑢𝑔𝑜𝑛 𝑘𝑎𝑚𝑖 𝑠𝑎 ‘𝑦𝑜.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Mateo 16, 21-27

+ Ang Mabuting Balita ng Panginoon ayon kay San Mateo

Noong panahong iyon, sinimulang ipaalam na ni Hesus sa kanyang mga alagad na dapat siyang magtungo sa Jerusalem at magbata ng maraming hirap sa kamay ng matatanda ng bayan, ng mga punong saserdote at ng mga eskriba, at kanilang ipapapatay siya. Ngunit sa ikatlong araw siya’y muling mabubuhay. Niyaya siya ni Pedro sa isang tabi at pinagsabihan ng ganito: “Panginoon, huwag nawa ng itulot ng Diyos! Hindi po dapat mangyari ito sa inyo.” Ngunit hinarap siya ni Hesus at sinabihan, “Lumayo ka, Satanas! Hadlang ka sa aking landas. Ang iniisip mo’y hindi sa Diyos kundi sa tao.”

Sinabi ni Hesus sa kanyang mga alagad, “Kung ibig ninumang sumunod sa akin, limutin niya ang ukol sa kanyang sarili, pasanin ang kanyang krus at sumunod sa akin. Ang naghahangad na magligtas ng kanyang buhay ay siyang mawawalan nito; ngunit ang mag-alay ng kanyang buhay alang-alang sa akin ay siyang magkakamit noon. Ano nga ang mapapala ng isang tao, makamtan man niya ang buong daigdig kung ang katumbas naman nito’y ang kanyang buhay? Ano ang maibabayad ng tao para mabalik sa kanya ang kanyang buhay? Sapagkat darating ang Anak ng Tao na taglay ang dakilang kapangyarihan ng kanyang Ama at kasama ang kanyang mga anghel. Sa panahong yao’y gagantihin niya ang bawat tao ayon sa kanyang ginawa.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

22/08/2026

𝗢𝗡𝗘 𝗝𝗢𝗨𝗥𝗡𝗘𝗬. 𝗔𝗡𝗢𝗧𝗛𝗘𝗥 𝗖𝗛𝗔𝗣𝗧𝗘𝗥.

Project Ignite has always been about taking a step closer—to ourselves, to others, and to God. After last year’s journey and our Ignite experience last June, 𝘄𝗲’𝗿𝗲 𝗯𝗮𝗰𝗸 𝘁𝗵𝗶𝘀 𝗦𝗲𝗽𝘁𝗲𝗺𝗯𝗲𝗿 𝗳𝗼𝗿 𝗮𝗻𝗼𝘁𝗵𝗲𝗿 𝗷𝗼𝘂𝗿𝗻𝗲𝘆 𝘄𝗶𝘁𝗵𝗶𝗻.

And just like before, 𝘁𝗵𝗶𝘀 𝗷𝗼𝘂𝗿𝗻𝗲𝘆 𝗶𝘀 𝗙𝗥𝗘𝗘 𝗳𝗼𝗿 𝗲𝘃𝗲𝗿𝘆𝗼𝗻𝗲.

This time, we’re diving a little deeper.

𝗜𝗡 𝗠𝗬 𝗙𝗘𝗘𝗟𝗜𝗡𝗚𝗦.

Minsan, alam nating may nararamdaman tayo—pero hindi natin alam kung ano, bakit, or what to do with it.

Kaya this September, Project Ignite: Journey Within invites us to take a closer look at what’s happening within us.

What are my emotions trying to tell me?
Ano nga ba ang sinusubukang sabihin sa atin ng ating mga emosyon?

Join us for "𝗜𝗡 𝗠𝗬 𝗙𝗘𝗘𝗟𝗜𝗡𝗚𝗦", where we’ll explore our emotions, understand ourselves a little better, and discover how we can respond to what we feel—with greater awareness and purpose.

📅 𝟭𝟮 & 𝟮𝟲 𝗦𝗲𝗽𝘁𝗲𝗺𝗯𝗲𝗿 𝟮𝟬𝟮𝟲
📍 𝗢𝘂𝗿 𝗟𝗮𝗱𝘆 𝗼𝗳 𝘁𝗵𝗲 𝗠𝗼𝘀𝘁 𝗛𝗼𝗹𝘆 𝗥𝗼𝘀𝗮𝗿𝘆 𝗣𝗮𝗿𝗶𝘀𝗵 – 𝗖𝗮𝗯𝗮𝘆
⏰ 𝟵:𝟬𝟬 𝗔𝗠- 𝟱:𝟬𝟬 𝗣𝗠

𝗣𝗿𝗼𝗽𝗲𝗿 𝗔𝘁𝘁𝗶𝗿𝗲:
• Plain White T-shirt
• Long Pants

No need to have all the answers. Just come as you are, and let’s figure it out together.

𝗔𝗹𝗹 𝘆𝗼𝘂 𝗵𝗮𝘃𝗲 𝘁𝗼 𝗱𝗼 𝗶𝘀 𝘀𝗮𝘆 𝗬𝗘𝗦 𝗮𝗻𝗱 𝗮𝗻𝘀𝘄𝗲𝗿 𝘁𝗵𝗲 𝗿𝗲𝗴𝗶𝘀𝘁𝗿𝗮𝘁𝗶𝗼𝗻 𝗳𝗼𝗿𝗺 𝘁𝗼 𝘀𝗲𝗰𝘂𝗿𝗲 𝘆𝗼𝘂𝗿 𝘀𝗽𝗼𝘁.

🔗 𝗥𝗲𝗴𝗶𝘀𝘁𝗲𝗿 𝗵𝗲𝗿𝗲: bit.ly/proj-ig-journeywithin26

📌 𝙍𝙚𝙜𝙞𝙨𝙩𝙧𝙖𝙩𝙞𝙤𝙣 𝙘𝙡𝙤𝙨𝙚𝙨 𝙤𝙣 𝙎𝙚𝙥𝙩𝙚𝙢𝙗𝙚𝙧 𝟱, 𝟮𝟬𝟮𝟲.

𝗖𝗮𝗽𝘁𝗶𝗼𝗻 𝗮𝗻𝗱 𝗣𝘂𝗯𝗹𝗶𝗰𝗮𝘁𝗶𝗼𝗻 𝗠𝗮𝘁𝗲𝗿𝗶𝗮𝗹 𝗯𝘆: KALFI-Balanghai Study Center

22/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐢𝐬𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐀𝐠𝐨𝐬𝐭𝐨 𝟐𝟑, 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Isaias 22, 19-23

Pagbasa mula sa aklat ni propeta Isaias

Sinabi ng Panginoon kay Sabnang katiwala sa palasyo:
“Aalisin kita sa iyong katungkulan,
at palalayasin sa iyong kinalalagyan.
Tatawagin ko sa araw na iyon ang aking lingkod,
si Eliaquim na anak ni Helcias.
Siya ang pagsusuutin ko ng iyong buong kasuotan,
ibibigay ko sa kanya ang iyong kapangyarihan,
siya ang magiging pinakaama ng Jerusalem at ng Juda.
Ibibigay ko sa kanya ang susi ng bahay ni David;
ang kanyang buksa’y walang makapagsasara
at walang makapagbubukas ng ipininid niya.
Itatayo ko siyang parang haligi ng tolda
itatayo ko nang matibay sa isang matatag na lugar
at siya’y magiging marangal na luklukan
para sa sambahayan ng kanyang ama.”

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗣𝗔𝗚𝗡𝗜𝗡𝗜𝗟𝗔𝗬 𝗦𝗔 𝗦𝗔𝗟𝗜𝗧𝗔 𝗡𝗚 𝗗𝗜𝗬𝗢𝗦
Salmo 137, 1-2a. 2bk-3. 6 at 8bk

Tugon: 𝗣𝗮𝗴-𝗶𝗯𝗶𝗴 𝗺𝗼’𝘆 𝗱𝗶 𝗸𝘂𝗸𝘂𝗽𝗮𝘀,
𝗴𝗮𝘄𝗮𝗶𝗻 𝗺𝗼’𝘆 𝗺𝗮𝗴𝗮𝗴𝗮𝗻𝗮𝗽.

1. Ako, P**n, buong pusong aawit ng pasalamat,
sa harap ng mga anghel, pupurihin kitang ganap.
Sa harap ng iyong templo ay yuyuko at gagalang,
pupurihin kita roon, pupurihin ang ‘yong ngalan.

2. Dahilan sa pag-ibig mo at sa iyong katapatan,
ika’y tunay na dakila, pati iyong kautusan.
Noong ako ay tumawag, tinanggap ko ang tugon mo,
sa lakas mong itinulong ay lumakas agad ako.

3. Dakila man ang P**ng D’yos, mahal din niya ang mahirap
kumubli ma’y kita niya yaong hambog at pasikat.
Ang dahilan nito, P**n, pag-ibig mo’y di kukupas.
at ang mga sinimulang gawain mo’y magaganap.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
Roma 11, 33-36

Pagbasa mula sa sulat ni Apostol San Pablo sa mga taga-Roma

Napakasagana ng kayamanan ng Diyos! Di matarok ang kayamanan, karunungan at kaalaman ng Diyos! Hindi malirip ang kanyang mga panukala at pamamaraan! Gaya ng nasusulat:

“Sapagkat sino ang nakaalam sa pag-iisip ng Panginoon,
O sino ang nakapagkaloob ng anuman sa Diyos
para siya nama’y gantimpalaan?”

Sapagkat mula sa kanya at sa pamamagitan niya at sa kanya ang lahat ng bagay. Sa kanya ang karangalan magpakailanman! Amen.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

ALELUYA
Mateo 16, 18

Aleluya! Aleluya!
𝐼𝑘𝑎𝑤, 𝑃𝑒𝑑𝑟𝑜, 𝑎𝑛𝑔 𝑠𝑎𝑙𝑖𝑔𝑎𝑛
𝑛𝑔 𝑎𝑘𝑖𝑛𝑔 𝑠𝑖𝑚𝑏𝑎ℎ𝑎𝑛𝑔 𝑏𝑎𝑛𝑎𝑙
𝑛𝑎 𝑑𝑎𝑖𝑔 𝑎𝑛𝑔 𝑘𝑎𝑚𝑎𝑡𝑎𝑦𝑎𝑛.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Mateo 16, 13-20

+ Ang Mabuting Balita ng Panginoon ayon kay San Mateo

Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, “Sino raw ang Anak ng Tao, ayon sa mga tao?” At sumagot sila, “Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.” “Kayo naman, ano ang sabi ninyo? Sino ako?” tanong niya sa kanila. Sumagot si Simon Pedro, “Kayo po ang Kristo, ang Anak ng Diyos na buhay.” Sinabi sa kanya ni Hesus, “Mapalad ka, Simon na anak ni Jonas! Sapagkat ang katotohanang ito’y hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.” At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

15/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐝𝐚𝐥𝐚𝐰𝐚𝐦𝐩𝐮𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐀𝐠𝐨𝐬𝐭𝐨 𝟏𝟔, 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Isaias 56, 1. 6-7

Pagbasa mula sa aklat ni propeta Isaias

Ang sabi ng Panginoon sa kanyang bayan:
“Ayon sa katarungan
at laging matuwid ang inyong gagawin,
ang pagliligtas ko’y
di na magluluwat, ito ay darating,
ito’y mahahayag sa inyong paningin.”

Ito naman ang sabi ng Panginoon
sa mga dating dayuhan na ngayo’y
kabilang sa kanyang bayan,
buong pusong naglilingkod sa kanya,
nangingilin sa Araw ng Pamamahinga;
at matapat na nag-iingat sa kanyang tipan:
“Dadalhin ko kayo sa Sion, sa aking banal na bundok.
Ipadarama ko sa inyo ang kagalakan sa aking Templo.
Tatanggapin ko ang inyong mga handog,
at ang Templo ko’y tatawaging bahay-dalanginan ng lahat ng bansa.”

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗣𝗔𝗚𝗡𝗜𝗡𝗜𝗟𝗔𝗬 𝗦𝗔 𝗦𝗔𝗟𝗜𝗧𝗔 𝗡𝗚 𝗗𝗜𝗬𝗢𝗦
Salmo 66, 2-3. 5. 6 at 8

Tugon: 𝗡𝗮𝘄𝗮’𝘆 𝗺𝗮𝗴𝗽𝘂𝗿𝗶 𝘀𝗮 𝗶𝘆𝗼
𝗮𝗻𝗴 𝗹𝗮𝗵𝗮𝘁 𝗻𝗴 𝗺𝗴𝗮 𝘁𝗮𝗼.

1. O Diyos, pagpalain kami’t kahabagan,
kami Panginoo’y iyong kaawaan,
upang sa daigdig mabatid ng lahat
ang iyong kalooban at ang pagliligtas.

2. Nawa’y purihin ka ng mga nilikha,
pagkat matuwid kang humatol sa madla;
ikaw ang patnubay ng lahat ng bansa.

3. Purihin ka nawa ng lahat ng tao,
purihin ka nila sa lahat ng dako.
Ang lahat sa ami’y iyong pinagpala,
nawa’y igalang ka ng lahat ng bansa.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
Roma 11, 13-15. 29-32

Pagbasa mula sa sulat ni Apostol San Pablo sa mga taga-Roma

Mga kapatid, ito naman ang sasabihin ko sa inyo, mga Hentil. Yamang ako’y apostol ninyo, pinangangatawanan ko ang aking ministeryo upang mangimbulo ang mga kababayan ko, at sa gayo’y maligtas ang ilan sa kanila. Kung naging daan ng pakikipagkasundo ng sanlibutan sa Diyos ang pagkakatakwil sa kanila, ang muling pagtanggap sa kanila’y para na ring pagbibigay buhay sa patay.

Ang Diyos ay hindi nagbabago ng isip tungkol sa kanyang mga kaloob at pagtawag. Dati, masuwayin kayo sa Diyos, ngunit ngayo’y kinahahabagan sa panahon ng pagsuway ng mga Judio. Gayun din naman sila’y naging masuwayin ngayong kayo’y kinahahabagan upang sila’y kahabagan din. Sapagkat hinayaan ng Diyos na maalipin ng kanilang kasalanan ang lahat ng tao upang maipadama sa kanila ang kanyang habag.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

ALELUYA
Mateo 4, 23

Aleluya! Aleluya!
𝐼𝑝𝑖𝑛𝑎𝑛𝑔𝑎𝑟𝑎𝑙 𝑛𝑖 𝐻𝑒𝑠𝑢𝑠
𝑎𝑛𝑔 𝑝𝑎𝑔ℎ𝑎ℎ𝑎𝑟𝑖 𝑛𝑔 𝐷𝑖𝑦𝑜𝑠;
𝑠𝑎𝑘𝑖𝑡 𝑎𝑦 𝑘𝑎𝑛𝑦𝑎𝑛𝑔 𝑔𝑖𝑛𝑎𝑚𝑜𝑡.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Mateo 15, 21-28

Ang Mabuting Balita ng Panginoon ayon kay San Mateo

Noong panahong iyon, si Hesus ay nagpunta sa lupaing malapit sa Tiro at Sidon. Lumapit sa kanya ang isang Cananeang naninirahan doon at malakas na sinabi, “Panginoon, Anak ni David, mahabag po kayo sa akin! Ang anak kong babae ay inaalihan ng demonyo at masyadong pinahihirapan.” Ngunit gaputok ma’y di tumugon si Hesus. At lumapit ang kanyang mga alagad at sinabi sa kaniya, “Pagbigyan na nga po ninyo at nang umalis. Siya’y nag-iingay at susunud-sunod sa atin.” Sumagot si Hesus, “Sa mga tupang naliligaw ng sambahayan ng Israel lamang ako sinugo.” Ngunit lumapit sa kanya ang babae, lumuhod sa harapan at ang sabi, “Tulungan po ninyo ako, Panginoon.” Sumagot si Hesus, “Hindi dapat kunin ang pagkain ng mga anak upang ihagis sa mga tuta.” “Tunay nga po, Panginoon,” tugon ng babae, “ngunit ang mga tuta man ay nagsisikain ng mumong nalalaglag sa hapag ng kanilang panginoon.” Kaya’t sinabi sa kanya ni Hesus, “Napakalaki ng iyong pananalig! Mangyayari ang hinihiling mo.” At noon di’y gumaling ang kanyang anak.

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

01/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐥𝐚𝐛𝐢𝐧𝐠𝐰𝐚𝐥𝐨𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐀𝐠𝐨𝐬𝐭𝐨 𝟐, 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Isaias 55, 1-3

Pagbasa mula sa aklat ni propeta Isaias

Ito ang sinasabi ng Panginoon:
“Narito ang tubig, mga nauuhaw.
Ang mga walang salapi ay
kumuha rito at bumili ng pagkain,
halikayo at bumili ng alak at gatas,
Bumili kayo, ngunit walang bayad.
Bakit ginugugol ang salapi
sa mga bagay na hindi nakabubusog?
Bakit inuubos ang pera
sa mga bagay na walang halaga?
Makinig kayo sa akin at sundin ang utos ko
at matitikman ninyo ang pinakamasarap na pagkain.
Pumarito kayo,
kayo ay lumapit at ako’y pakinggan,
makinig sa akin nang kayo’y mabuhay;
ako’y may gagawing walang hanggang tipan,
at ipalalasap sa inyo ang pagpapalang
ipinangako ko kay David.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗣𝗔𝗚𝗡𝗜𝗡𝗜𝗟𝗔𝗬 𝗦𝗔 𝗦𝗔𝗟𝗜𝗧𝗔 𝗡𝗚 𝗗𝗜𝗬𝗢𝗦
Salmo 144, 8-9. 15-16. 17-18

Tugon: 𝗣𝗶𝗻𝗮𝗸𝗮𝗸𝗮𝗶𝗻 𝗠𝗼𝗻𝗴 𝘁𝘂𝗻𝗮𝘆 𝗸𝗮𝗺𝗶𝗻𝗴 𝗹𝗮𝗵𝗮𝘁, 𝗢 𝗠𝗮𝘆𝗸𝗮𝗽𝗮𝗹.

1. Ang Panginoong D’yos ay puspos ng pag-ibig at lipos ng habag,
banayad magalit, ang pag-ibig niya’y hindi kumukupas.
Siya ay mabuti at kahit kanino’y hindi nagtatangi;
sa kanyang nilikha, ang pagtingin niya ay mamamalagi.

2. Tanging Panginoon ang inaasahan ng tanang nabubuhay
Siyang nagdudulot ng pagkain nilang kinakailangan.
Binibigyan sila nang sapat na sapat, hindi nagkululang;
anupa’t ang lahat ay may tinatanggap na ikabubuhay.

3. Matuwid ang Diyos sa lahat ng bagay niyang ginagawa;
kahit anong gawin ay kalakip doon ang habag at awa.
Siya’y nakikinig at handang tumulong sa lahat ng tao
sa sinumang taong pagtawag sa kanya’y tapat at totoo.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
Roma 8, 35. 37-39

Pagbasa mula sa sulat ni Apostol San Pablo sa mga taga-Roma

Mga kapatid:
Sino ang makapaghihiwalay sa atin sa pagmamahal ni Kristo? Ang paghihirap ba, ang kapighatian, ang pag-uusig, ang gutom, ang kahubaran, ang panganib, o ang tabak? Hindi! Ang lahat ng ito’y kayang-kaya nating pagtagumpayan sa pamamagitan niya na nagmamahal sa atin. Sapagkat natitiyak kong ang kamatayan, ang buhay, ang mga anghel, ang mga pamunuan, ang mga bagay sa kasalukuyan, ang mga bagay na darating, ang mga kapangyarihan, ang kataasan, ang kalaliman, o ang alinmang nilalang ay hindi makapaghihiwalay sa atin sa pag-ibig ng Diyos – pag-ibig na ipinadama niya sa atin sa pamamagitan ni Kristo Hesus na ating Panginoon.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗔𝗟𝗘𝗟𝗨𝗬𝗔
Mateo 4, 4b

Aleluya! Aleluya!
𝐴𝑛𝑔 𝑡𝑎𝑜 𝑎𝑦 𝑛𝑎𝑏𝑢𝑏𝑢ℎ𝑎𝑦
𝑠𝑎 𝑆𝑎𝑙𝑖𝑡𝑎 𝑛𝑔 𝑀𝑎𝑦𝑘𝑎𝑝𝑎𝑙
𝑛𝑎 𝑝𝑎𝑔𝑘𝑎𝑖𝑛𝑔 𝐾𝑎𝑛𝑦𝑎𝑛𝑔 𝑏𝑖𝑔𝑎𝑦.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Mateo 14, 13-21

Ang Mabuting Balita ng Panginoon ayon kay San Mateo

Noong panahong iyon, nang marinig ni Hesus ang pagkamatay ni Juan Bautista, siya’y sumakay sa isang bangka at nag-iisang pumunta sa isang ilang na lugar. Nang mabalitaan naman iyon ng mga tao, sila’y lumabas ng bayan at lakad na sumunod sa kanya. Paglunsad ni Hesus sa dalampasigan, nakita niya ang napakaraming taong yaon. Nahabag siya sa kanila at pinagaling niya ang mga maysakit na dala nila.

Nang dapit-hapon na’y lumapit sa kanya ang mga alagad. Sinabi nila, “Ilang ang pook na ito at malapit nang lumubog ang araw. Papuntahin na po ninyo sa mga nayon ang mga tao upang makabili ng kanilang makakain.” “Hindi na sila kailangang umalis pa,” sabi ni Hesus. “Kayo ang magbigay sa kanila ng makakain.” Sumagot sila, “Lilima po ang tinapay at dadalawa ang isda natin.” “Dalhin ninyo rito,” sabi niya. Pinaupo niya sa damuhan ang mga tao, kinuha ang limang tinapay at dalawang isda; tumingala siya sa langit at nagpasalamat sa Diyos. Pinagpira-piraso niya ang mga tinapay at iniutos sa mga alagad na ipamigay iyon sa mga tao. Kumain silang lahat at nabusog. Tinipon ng mga alagad ang lumabis, at sila’y nakapuno ng labindalawang bakol ng hati-hating tinapay. May limanlibong lalaki ang kumain, bukod pa sa mga babae at mga bata.

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

25/07/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐥𝐚𝐛𝐢𝐦𝐩𝐢𝐭𝐨𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐇𝐮𝐥𝐲𝐨 𝟐𝟔, 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
1 𝙃𝙖𝙧𝙞 3, 5. 7-12

Pagbasa mula sa unang aklat ng mga Hari

Noong mga araw na iyon, ang Panginoo’y napakita kay Solomon sa panaginip. “Ano ang ibig mong ibigay ko sa iyo? Sabihin mo!” wika sa kanya. Sumagot si Solomon, “Panginoon, aking Diyos, ginawa mo akong hari bilang kahalili ng aking amang si David, bagaman ako’y bata pa’t walang karanasan. Pinapamuno mo ako sa iyong bayan, sa bayang ito na hindi na mabilang sa dami. Bigyan mo ako ng isang pusong maunawain at marunong kumilala ng masama at magaling. Sapagkat sino ang maaaring maghari sa bayan mong ito na napakalaki?” Ikinalugod ng Panginoon ang hiling ni Solomon. Kaya’t sinabi sa kanya: “Yamang hindi ka humiling para sa iyong sarili ng mahabang buhay, o kayamanan, o kamatayan ng iyong mga kaaway, kundi ang hiniling mo’y pagkaunawa at katalinuhang humatol, ipinagkakaloob ko sa iyo ang hiniling mo. Binibigyan kita ng karunungan na walang kapantay, maging sa mga nauna, maging sa mga susunod pa sa iyo.”

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗣𝗔𝗚𝗡𝗜𝗡𝗜𝗟𝗔𝗬 𝗦𝗔 𝗦𝗔𝗟𝗜𝗧𝗔 𝗡𝗚 𝗗𝗜𝗬𝗢𝗦
𝙎𝙖𝙡𝙢𝙤 118, 57 𝙖𝙩 72. 76-77. 127-128. 129-130.

Tugon: 𝗜𝗻𝗶𝗶𝗯𝗶𝗴 𝗸𝗼 𝗻𝗮𝗻𝗴 𝗹𝘂𝗯𝗼𝘀
𝘁𝗮𝗻𝗮𝗻𝗴 𝘂𝘁𝗼𝘀 𝗠𝗼, 𝗣𝗼𝗼𝗻𝗴 𝗗𝗶𝘆𝗼𝘀.

1. Ikaw lamang, Panginoon, ang lahat sa aking buhay,
kaya ako’y nangangakong susundin ang kautusan.
Higit pa sa ginto’t pilak nitong buong sanlibutan,
ang mabuting idudulot ng bigay mong kautusan.

2. Aliwin mo sana ako niyang pag-ibig mong lubos,
katulad ng binitiwang pangako sa iyong lingkod.
Sa akin ay mahabag ka, at ako ay mabubuhay,
ang lubos kong kasiyaha’y nasa iyong kautusan.

3. Mahigit pa kaysa ginto, pag-ibig ko sa ‘yong aral,
mahigit pa kaysa gintong binuli at dinalisay.
Kaya iyang tuntunin mo ang siya kong sinusunod,
pagkat ako’y namumuhi sa anumang gawang buktot.

4. Lubos akong humahanga sa bigay mong mga turo,
iya’y aking iingata’t susundin nang buong puso,
ang liwanag ng turo mo’y nagsisilbing isang tanglaw,
nagbibigay dunong ito sa wala pang karanasan.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
𝙍𝙤𝙢𝙖 8, 28-30

Pagbasa mula sa sulat ni Apostol San Pablo
sa mga taga-Roma

Mga kapatid:
Alam nating sa lahat ng bagay, ang Diyos ay gumagawang kasama ang mga nagmamahal sa kanya, ang mga tinawag ayon sa kanyang panukala, sa kanilang ikabubuti. Sapagkat sa mula’t mula pa’y alam na ng Diyos kung sino ang sa kanya; ang mga ito’y itinalaga niyang maging tulad ng kanyang Anak, at sa gayon, naging panganay natin siya. At ang mga itinalaga niya noong una pa ay kanyang tinawag. Ang mga tinawag niya ay kanya ring pinawalang-sala, at ang kanyang mga pinawalang-sala ay kanya namang binigyan ng karangalan.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

Aleluya! Aleluya!
𝑃𝑎𝑝𝑢𝑟𝑖 𝑠𝑎 𝐷𝑖𝑦𝑜𝑠 𝐴𝑚𝑎
𝑝𝑎𝑔𝑘𝑎𝑡 𝑖𝑝𝑖𝑛𝑎ℎ𝑎𝑦𝑎𝑔 𝑁'𝑦𝑎
𝐻𝑎𝑟𝑖 𝑆'𝑦𝑎 𝑛𝑔 𝑚𝑔𝑎 𝑎𝑏𝑎.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
𝙈𝙖𝙩𝙚𝙤 13, 44-52

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa mga tao: “Ang paghahari ng Diyos ay katulad ng kayamanang nakabaon sa isang bukid. Nahukay ito ng isang tao at tinabunan uli. Sa laking tuwa, siya’y humayo at ipinagbili ang lahat ng ari-arian niya at binili ang bukid na iyon.

Gayun din naman, ang paghahari ng Diyos ay katulad nito: may isang mangangalakal na naghahanap ng mamahaling perlas. Nang makakita ng isang perlas na napakahalaga, siya’y humayo at ipinagbili ang lahat ng kanyang ari-arian at binili iyon.

“Ang paghahari ng Diyos ay katulad din ng isang malaking lambat na inihagis sa dagat at nakahuli ng sari-saring isda. Nang mapuno ay hinila ito sa pampang. At naupo ang mga tao upang pagbukud-bukirin ang mga isda: tinipon nila sa mga sisidlan ang mabubuti, ngunit itinapon ang mga walang kuwenta. Gayun din ang mangyayari sa katapusan ng daigdig. Darating ang mga anghel at ihihiwalay ang mga makasalanan sa mga banal, at ihahagis ang mga makasalanan sa maningas na pugon. Doo’y mananangis sila at magngangalit ang kanilang ngipin.

“Nauunawaan na ba ninyo ang lahat ng ito?” tanong ni Hesus. “Opo,” sagot nila. At sinabi niya sa kanila, “Kaya nga, ang bawat eskriba na kumikilala sa paghahari ng Diyos ay tulad ng isang puno ng sambahayan na kumukuha ng mga bagay na bago at luma sa kanyang taguan.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

11/07/2026

𝐌𝐆𝐀 𝐏𝐀𝐆𝐁𝐀𝐒𝐀 𝐀𝐓 𝐀𝐍𝐆 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐈𝐤𝐚𝐥𝐚𝐛𝐢𝐧𝐥𝐢𝐦𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐈𝐤𝐚-𝟏𝟐 𝐧𝐠 𝐇𝐮𝐥𝐲𝐨 𝟐𝟎𝟐𝟔

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
𝙄𝙨𝙖𝙞𝙖𝙨 55, 10-11

Pagbasa mula sa aklat ni propeta Isaias

Ito ang sinasabi ng Panginoon:
“Ang ulan at niyebe
paglagpak sa lupa’y di na nagbabalik,
aagos na ito sa balat ng lupa’t nagiging pandilig,
kaya may pagkai’t butil na panghasik.
Ganyan din ang aking mga salita,
magaganap nito ang lahat kong nasa.”

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

𝗦𝗔𝗟𝗠𝗢𝗡𝗚 𝗧𝗨𝗚𝗨𝗡𝗔𝗡
𝙎𝙖𝙡𝙢𝙤 64, 10𝙖𝙗𝙠𝙙. 10𝙚-11. 12-13. 14

Tugon: 𝐍𝐚𝐠𝐛𝐮𝐧𝐠𝐚 𝐧𝐚𝐧𝐠 𝐦𝐚𝐬𝐚𝐠𝐚𝐧𝐚,
𝐛𝐢𝐧𝐡𝐢 𝐬𝐚 𝐦𝐚𝐛𝐮𝐭𝐢𝐧𝐠 𝐥𝐮𝐩𝐚.

1. Umuulan sa lupain, ganito mo kinalinga,
umuunlad ang lupai’t tumataba yaong lupa;
patuloy na umaagos ang bigay mong mga batis,
sa halamang nasa lupa, ay ito ang dumidilig;
ganito ang ginawa mo na hindi mo ikinait.

2. Sa binungkal na bukirin ang ulan ay masagana,
ang bukirin ay matubig, at palaging basang-basa;
sa banayad na tag-ulan ay lumambot yaong lupa,
kaya naman pati tanim ay malago at sariwa.

3. Nag-aani nang marami sa tulong mong gumagawa,
at saanman magpunta ka’y masaganang-masagana.
Ang pastula’y punung-puno ng matabang mga kawan,
naghahari yaong galak sa lahat ng kaburulan.

4. Gumagala yaong tupa sa gitna ng kaparangan,
at hitik na hitik man din ang trigo sa kapatagan;
ang lahat ay umaawit, sa galak ay sumisigaw!

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
𝙍𝙤𝙢𝙖 8, 18-23

Pagbasa mula sa sulat ni Apostol San Pablo
sa mga taga-Roma

Mga kapatid, sa ganang akin, ang mga pagtitiis sa kasalukuyan ay hindi maihahambing sa ihahayag ng kaluwalhatiang sasaatin. Nananabik ang sangnilikha na ihayag ng Diyos ang kanyang mga anak. Nabigo ang sangnilikha, hindi sa kagustuhan nito, kundi dahil sa ito ang niloob ng Diyos. Gayunman, may pag-asa pa, sapagkat ang sangnilikha ay palalayain sa pagkaalipin nito sa kabulukan, at makakahati sa maluwalhating kalagayan ng mga anak ng Diyos. Alam natin na hanggang ngayon ang sangnilikha ay dumaraing sa paghihirap. Hindi lamang sila! Tayo mang tumanggap ng Espiritu bilang unang kaloob ng Diyos ay napapahimutok samantalang hinihintay natin ang pag-ampon sa atin ng Diyos, ang pagpapalaya sa ating mga katawan.

𝐀𝐧𝐠 𝐒𝐚𝐥𝐢𝐭𝐚 𝐧𝐠 𝐃𝐢𝐲𝐨𝐬.

Aleluya! Aleluya!
𝑆𝑎𝑙𝑖𝑡𝑎 𝑛𝑔 𝐷’𝑦𝑜𝑠 𝑎𝑛𝑔 𝑏𝑢𝑡𝑜
𝑛𝑎 𝑡𝑎𝑛𝑖𝑚 𝑛𝑖 𝐻𝑒𝑠𝑢𝑘𝑟𝑖𝑠𝑡𝑜
𝑢𝑝𝑎𝑛𝑔 𝑡𝑢𝑚𝑢𝑏𝑜 𝑠𝑎 𝑡𝑎𝑜.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
𝙈𝙖𝙩𝙚𝙤 13, 1-23

Ang Mabuting Balita ng Panginoon ayon kay San Mateo

Noon ding araw na iyon, si Hesus ay lumabas ng bahay at naupo sa tabi ng lawa. Pinagkalimpumpunan siya ng makapal na tao, kaya sumakay siya sa isang bangka at doon naupo. Nasa dalampasigan naman ang mga tao. At nagturo siya ng maraming bagay sa pamamagitan ng mga talinghaga.

“May isang magsasakang lumabas upang maghasik. Sa kanyang paghahasik ay may binhing nalaglag sa tabi ng daan. Dumating ang mga ibon at tinuka ang mga iyon. May binhi namang nalaglag sa kabatuhan. Sapagkat manipis lang ang lupa roon, sumibol agad ang binhing iyon, ngunit nang mapabilad sa matinding sikat ng araw ay natuyo, palibhasa’y walang gaanong ugat. May binhi namang nalaglag sa dawagan; lumago ang mga dawag at ininis ang mga iyon. Ngunit ang binhing nalaglag sa mabuting lupa ay nag-uhay: may tigsasandaan, may tig-aanimnapu, at may tigtatatlumpung butil ang bawat uhay. Ang may pandinig ay makinig!”

Lumapit ang mga alagad at tinanong si Hesus: “Bakit po ninyo dinadaan sa talinghaga ang inyong pagsasalita sa kanila?” Sumagot siya, “Ipinagkaloob sa inyo na malaman ang mga lihim tungkol sa paghahari ng Diyos, ngunit hindi ito ipinagkaloob sa kanila. Sapagkat ang mayroon ay bibigyan pa, at mananagana; ngunit ang wala, kahit ang kakaunting nasa kanya ay kukunin pa. Nagsasalita ako sa kanila sa pamamagitan ng talinghaga, sapagkat tumitingin sila ngunit hindi nakakikita, at nakikinig ngunit hindi nakaririnig ni nakauunawa.

Natutupad nga sa kanila ang hula ni Isaias na nagsasabi:
‘Makinig man kayo nang makinig,
hindi kayo makauunawa,
at tumingin man kayo nang tumingin,
hindi kayo makakikita.
Sapagkat naging mapurol ang isip ng mga taong ito;
mahirap makarinig ang kanilang mga tainga,
at ipinikit nila ang kanilang mga mata.
Kung di gayon, disin sana’y nakakita ang kanilang mga mata,
nakarinig ang kanilang mga tainga,
nakaunawa ang kanilang mga isip,
at nagbalik-loob sa akin,
at pinagaling ko sila, sabi ng Panginoon.’

“Mapalad kayo, sapagkat nakakikita ang inyong mga mata at nakaririnig ang inyong mga tainga! Sinasabi ko sa inyo: maraming propeta at matutuwid na tao ang nagnasang makakita sa inyong nakikita, ngunit hindi ito nakita, at makarinig sa inyong naririnig, ngunit hindi ito napakinggan.”

“Pakinggan nga ninyo ang kahulugan ng talinghaga tungkol sa manghahasik. Ang mga nakikinig ng Salita tungkol sa paghahari ng Diyos ngunit hindi nakauunawa nito ay katulad ng mga binhing nahasik sa tabi ng daan. Dumarating ang Masama at inaagaw ang nahasik sa kanilang puso. Inilalarawan ng binhing nahasik sa kabatuhan ang nakikinig ng Salita at masayang tumatanggap nito kaagad. Ngunit hindi ito tumitimo sa puso nila kaya’t hindi sila nananatili. Pagdating ng mga kapighatian o pag-uusig dahil sa Salita, agad silang nanlalamig. Inilalarawan naman ng naghasik sa dawagan ang nakikinig ng Salita, ngunit naging abala sa mga bagay ukol sa mundong ito, at naging maibigin sa mga kayamanan anupat ang Salita’y nawalan na ng puwang sa kanilang puso, kaya’t hindi makapamunga. At inilalarawan ng naghasik sa matabang lupa ang mga nakikinig ng Salita at nakauunawa nito. Sila’y namumunga: may tigsasandaan, may tig-aanimnapu, at may tigtatalumpu.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

16/06/2026

📣📣📣

07/06/2026

𝗛𝘂𝗻𝘆𝗼 𝟳, 𝟮𝟬𝟮𝟲 | Isinagawa ang paghahatid ng imahen ni 𝙎𝙖𝙣 𝙁𝙚𝙧𝙣𝙖𝙣𝙙𝙤, 𝘱𝘢𝘵𝘳𝘰𝘯 𝘯𝘨 𝘋𝘪𝘺𝘰𝘴𝘦𝘴𝘪𝘴 𝘯𝘨 𝘓𝘶𝘤𝘦𝘯𝘢, patungo sa 𝙥𝙖𝙧𝙤𝙠𝙮𝙖 𝙣𝙜 𝙈𝙖𝙝𝙖𝙡 𝙣𝙖 𝘽𝙞𝙧𝙝𝙚𝙣𝙜 𝙈𝙖𝙧𝙞𝙖, 𝙍𝙚𝙮𝙣𝙖 𝙣𝙜 𝙈𝙪𝙣𝙙𝙤 sa Lusacan, Tiaong.

Nakiisa sa nasabing gawain ang mga parokyano at kabataan ng ating parokya bilang tanda ng
pakikiisa sa pagpapalaganap ng debosyon kay San Fernando.

Our Lady of the Most Holy Rosary Parish - Cabay

30/08/2026

22/08/2026

22/08/2026

15/08/2026

01/08/2026

25/07/2026

11/07/2026

16/06/2026

07/06/2026

Address

Website

Alerts

Shortcuts

Share

Category

Listing takedown request