MSK Bulakin Ilaya

03/10/2026

Procession Highlights

03/10/2026

Ang pagbalik ng Mahal na poong Nazareno mula sa ginanap na Prosisyon noong Sept 29, 2026 pabalik sa Chapel sa loob ng VM Compound

03/10/2026

🙏 Pasasalamat sa Mahal na Poong Nazareno

Mahal na Poong Nazareno,

Maraming-maraming salamat po sa Iyong pagdalaw sa aming barangay, lalo na po sa aming MSK Bulakin Ilaya. Tunay nga po na kami ay napakaswerte at napalad na Iyong mabisita. Ang Iyong presensya po ay nagbigay sa amin ng malaking kagalakan, pag-asa, at higit na pagpapalalim ng aming pananampalataya.

Maraming salamat po sa pitong araw ng Iyong pananatili sa aming lugar at sa pagkakataong ipinagkaloob Mo sa amin na Ikaw ay mabisita, mapanalanginan, at mapag-ukulan ng aming debosyon. Ang mga sandaling nakasama Ka namin ay mananatiling mahalagang alaala sa aming mga puso.

Salamat po sa pagkakataong kami ay makalapit, makapagdasal, makapagpasalamat, at makahingi ng Iyong gabay at pagpapala. Nawa’y ang Iyong pagdalaw ay mag-iwan sa bawat isa sa amin ng panibagong lakas, pag-asa, at pananampalataya na aming dadalhin sa aming pang-araw-araw na buhay.

Maraming salamat din po sa mga taong nagdala at naghatid sa Inyo sa aming barangay, at sa lahat ng taong naging instrumento upang maisakatuparan ang banal na pagkakataong ito. Lalong-lalo na po sa VM Compound Family, na naging bahagi ng napakagandang pagdalaw na ito.

Hindi man sapat ang mga salita upang maipahayag ang aming pasasalamat, buong puso po naming sinasabi:

Maraming salamat po, Mahal na Poong Nazareno, sa Iyong pagdalaw, pananatili, at pagpapala sa aming komunidad. 🙏

Nawa’y lagi Mo po kaming gabayan, ingatan, at ilapit sa Diyos. Hanggang sa muli Mong pagdalaw sa aming lugar, mananatili sa aming puso ang mga alaala ng Iyong presensya.

Viva Nuestro Padre Jesús Nazareno!
Mahal na Poong Nazareno, maraming salamat po! 🙏🖤
Mabuhay ang debosyon at pananampalataya!

03/10/2026

03/10/2026

🙏 Maringal na Prusisyon | Setyembre 29, 2026

Isang maringal at makahulugang prusisyon bilang pagpupugay at pagpaparangal sa ating mahal na patron, San Miguel Arkanghel, kasama ang pagbisita ng Mahal na Poong Nazareno.

Isinagawa ang banal na prusisyon noong Setyembre 29, 2026, na nagsimula sa Sitio Central, patungo sa Sitio Bunutan, hanggang Sitio Ibaba, at nagpatuloy sa kabilang dulo ng barangay patungong Sitio Ilaya.

Buong pusong nakiisa at sumama ang MSK Ilaya sa prusisyon, bago sama-samang naglakbay pabalik sa Sitio Central, kung saan matagumpay na nagtapos ang prusisyon.

Isang pagpapakita ng pananampalataya, pagkakaisa, at pagmamahal sa ating mga patron. Nawa’y patuloy tayong gabayan at pagpalain nina San Miguel Arkanghel at Mahal na Poong Nazareno. 🙏💙

Viva San Miguel Arkanghel!
Viva Poong Nazareno!
Mabuhay ang pananampalataya at pagkakaisa ng Barangay Bulakin! 🙏✨

28/09/2026

HAPPY FIESTA, SAN MIGUEL ARKANGHEL! 💚🙏

Maligayang Kapistahan Mahal na Patron San Miguel Arkanghel, ating makapangyarihang tagapagtanggol at lingkod ng Diyos. Sa espesyal na araw na ito, sama-sama nating ipagdiwang ang ating pananampalataya, pagkakaisa, at debosyon kay San Miguel Arkanghel.

Panalangin kay San Miguel Arkanghel 🙏

San Miguel Arkanghel, aming tagapagtanggol at kasama sa bawat pagsubok, patuloy mo po kaming gabayan at ilayo sa anumang panganib at kasamaan. Bigyan mo po kami ng katatagan sa aming pananampalataya, lakas sa panahon ng pagsubok, at kapayapaan sa aming puso at tahanan. Ipamagitan mo po kami sa Panginoon upang kami ay manatiling tapat sa Kanya at mamuhay nang may pagmamahal, pagkakaisa, at kabutihan sa kapwa. Protektahan mo po ang aming pamilya, pamayanan, at ang buong MSK Bulakin Ilaya. Nawa'y sa pamamagitan ng iyong paggabay, patuloy kaming maging matatag sa pananampalataya at laging magtiwala sa kapangyarihan ng Diyos. Amen. 🙏

September 29, 2026
MSK BULAKIN ILAYA

28/09/2026

Paanyaya:

Misa para sa Karangalan ni San Miguel Arkanghel

🗓️ September 29,2026
⏰ 10:30 am
📍San Miguel Arkanghel Chapel , Sitio Ilaya Brgy Bulakin Tiaong Quezon.

Happy Fiesta San Miguel Arkanghel, Ipanalangin mo kami!

29/05/2026

MSK BULAKIN ILAYA TAPUSAN 2026 🌸

🌹 Pagdarasal ng Santo Rosaryo 🌹
Isinagawa ng MSK Bulakin Ilaya ang taimtim na pagdarasal ng Santo Rosaryo bilang pagpapakita ng pananampalataya, pagkakaisa, at debosyon kay Mahal na Birheng Maria. 🙏✨

🚶‍♀️🌸 *Paglilibot sa Buong Sitio* 🌸🚶‍♂️

Kasunod ng rosaryo ay ang mataimtim na paglibot sa buong sitio bilang tanda ng pagkakabuklod ng bawat mamamayan at pagpapalaganap ng pananampalataya sa aming komunidad. 🙏

💐 *Pag-aalay ng Bulaklak* 💐

Nag-alay ng mga bulaklak ang bawat dumalo bilang simbolo ng pagmamahal, paggalang, at taos-pusong debosyon kay Mahal na Ina. 🌷🙏

Maraming Salamat po sa lahat ng Sponsors at sa mga taong naglaan ng oras para maisagawa ang taunang Tapusan.

God Bless us All!