Divine Mercy Parish Church

Divine Mercy Parish Church Divine Mercy Parish Ayusan 2 Tiaong Quezon

PAGBATI AT PASASALAMAT Para sa ating mga HERMANO at HERMANA 2026.Ang inyong dedikasyon ay nagsisilbing liwanag sa ating ...
15/04/2026

PAGBATI AT PASASALAMAT Para sa ating mga HERMANO at HERMANA 2026.

Ang inyong dedikasyon ay nagsisilbing liwanag sa ating Parokya ng Mabathalang Awa. Kasama ninyo kami sa panalangin para sa isang matagumpay at banal na pagdiriwang ng ating mga tradisyon sa darating na taon.

Isang mainit at mapagpalang pagtanggap sa pagdating sa Parokya ng Mabathalang Awa, Sem. Mark!Dalangin namin ang isang ma...
15/04/2026

Isang mainit at mapagpalang pagtanggap sa pagdating sa Parokya ng Mabathalang Awa, Sem. Mark!

Dalangin namin ang isang makabuluhan at puspos ng biyayang pananatili sa aming komunidad. Nawa’y patuloy kang gabayan ng Mabathalang Awa sa iyong paglalakbay tungo sa paglilingkod sa Diyos at sa Kanyang sambayanan.

Muli, maligayang pagdating at pagbati!

IKA-SIYAM NA ARAW NG NOBENARYO PARA SA MABATHALANG AWAMatagumpay na idinaos noong ika-11 ng Abril ang huling araw ng Nob...
14/04/2026

IKA-SIYAM NA ARAW NG NOBENARYO PARA SA MABATHALANG AWA

Matagumpay na idinaos noong ika-11 ng Abril ang huling araw ng Nobenaryo bilang paghahanda sa nalalapit na Kapistahan ng Mabathalang Awa. Ang banal na gawain ay sinimulan sa pamamagitan ng taimtim na pagdarasal ng Chaplet of the Divine Mercy, na sinundan ng Banal na Misa na pinangunahan ng ating kura paroko, Rev. Fr. Arvin Joseph Pitahin.

Sa gitna ng pagdiriwang, binigyang-pugay at kinilala rin ang mga Hermano at Hermana para sa taong ito na magsisilbing katuwang sa pagpapalaganap ng debosyon. Pagkatapos ng misa, isang maringal na prusisyon ang naganap kung saan nakiisa ang iba't ibang Munting Sambayanang Kristiyano (MSK) dala ang mga replika ng kani-kanilang mga Patrong Santo.

Nawa’y ang paghahandang ito ay magbunga ng mas malalim na pananampalataya at pagtitiwala sa Mabathalang Awa ng Panginoon.

HESUS HARI NG AWA, KAMI AY NANANALIG SA IYO!Ginanap ngayong araw, ika-12 ng Abril, 2026, ang Banal na Misa Konselebrada ...
12/04/2026

HESUS HARI NG AWA, KAMI AY NANANALIG SA IYO!

Ginanap ngayong araw, ika-12 ng Abril, 2026, ang Banal na Misa Konselebrada bilang pagdiriwang ng Kapistahan ng Mabathalang Awa. Ang banal na pagtitipon ay pinangunahan ng ating kagalang-galang na Obispo ng Diocese, Most Rev. Mel Rey Uy, D.D., katuwang ang ating Kura Paroko, Rev. Fr. Arvin Joseph Pitahin, at mga bisitang pari.

Sa gitna ng ating mga pagsubok, muling ipinaalala sa atin ng pagdiriwang na ito ang walang hanggang habag at pag-ibig ng Panginoon. Nawa’y ang biyaya ng Mabathalang Awa ay manatili sa ating mga puso at magsilbing gabay sa ating araw-araw na pamumuhay.



PISTANG PARANGAL“Anong aking ihahandog sa lahat ng kabutihan na sa akin ay kaloob”
11/04/2026

PISTANG PARANGAL
“Anong aking ihahandog sa lahat ng kabutihan na sa akin ay kaloob”

IKAWALONG ARAW NG PAGSISIYAM PARA SA KAPISTAHAN NG MABATHALANG AWA“Sa Iyong Awa, kami ay nananangan.”Noong ika-10 ng Abr...
11/04/2026

IKAWALONG ARAW NG PAGSISIYAM PARA SA KAPISTAHAN NG MABATHALANG AWA

“Sa Iyong Awa, kami ay nananangan.”

Noong ika-10 ng Abril, 2026, matagumpay na idinaos sa ating Parokya ang ika-walong araw ng Misa Nobenaryo bilang paghahanda sa nalalapit na Kapistahan ng Mabathalang Awa. Ang banal na pagdiriwang ay pinangunahan ng ating panauhing pari, Rev. Fr. Brayan Ralph Cabrera.

Nagtipon ang mga deboto at mananampalataya mula sa iba’t ibang dako, bitbit ang kani-kanilang mga panalangin at pasasalamat. Sa gitna ng ating paghahanda, nawa’y patuloy na mag-alab ang ating pananampalataya at manatiling bukás ang ating mga puso sa wagas na pag-ibig at mapagpalang Awa ng Poong Maykapal.

Patuloy tayong magkaisa sa panalangin habang papalapit ang ating dakilang kapistahan.

Ika-pitong Araw ng Pagsisiyam bilang paghahanda sa nalalapit na Kapistahan ng Mabathalang Awa.Noong Abril 9, 2026, ginan...
10/04/2026

Ika-pitong Araw ng Pagsisiyam bilang paghahanda sa nalalapit na Kapistahan ng Mabathalang Awa.

Noong Abril 9, 2026, ginanap sa ating Parokya ang ika-pitong Misa Nobenaryo na pinangunahan ng panauhing pari na si Rev. Fr. Marcelo Cabarrubias. Nagtipon ang mga deboto at mananampalataya mula sa iba’t ibang lugar upang makiisa sa banal na pagdiriwang, taglay ang kanilang pusong bukás at matapat na pananampalataya.

Sa pagpapatuloy ng ating paghahanda, nawa’y manatili tayong nagkakaisa sa panalangin at patuloy na buksan ang ating mga puso sa wagas at mapagpalang Awa ng Diyos.

Ika-anim na Araw ng Pagsisiyam bilang paghahanda sa nalalapit na Kapistahan ng Mabathalang Awa.Idinaos ang ika-anim na M...
10/04/2026

Ika-anim na Araw ng Pagsisiyam bilang paghahanda sa nalalapit na Kapistahan ng Mabathalang Awa.

Idinaos ang ika-anim na Misa Nobenaryo sa ating Parokya noong ika-8 ng Abril sa
pangunguna ng panauhing pari na si Rev. Fr. Oliver Lacorte. Nakiisa ang mga deboto at mananampalataya mula sa iba’t ibang parokya, taglay ang kanilang taos-pusong pananalig at debosyon.

Sa patuloy na paglalakbay na ito, sama-sama tayong manalangin at maghanda ng ating mga puso para sa pagdiriwang ng walang hanggang Awa ng Diyos.

Lubos ang Pasasalamat sa lahat ng kasapi ng Sambayanan na naki isa sa BAYANIHAN NG SAMBAYANAN. Ang sama-samang paglilini...
09/04/2026

Lubos ang Pasasalamat sa lahat ng kasapi ng Sambayanan na naki isa sa BAYANIHAN NG SAMBAYANAN. Ang sama-samang paglilinis ng Parokya bilang paghahanda sa nalalapit na Pagdiriwang ng Kapistahan nito.

Nawa'y patuloy at hindi magsawang makilahok ang lahat kasapi ng sambayanan sa mga Programa at Gawain sa Simbahan. Muli, Maraming salamat sa pakiki-isa.

Ika-limang Araw ng Pagsisiyam bilang paghahanda sa nalalapit na Kapistahan ng Mabathalang Awa.Ang Ika-limang Misa Nobena...
09/04/2026

Ika-limang Araw ng Pagsisiyam bilang paghahanda sa nalalapit na Kapistahan ng Mabathalang Awa.

Ang Ika-limang Misa Nobenaryo sa Parokya ay pinangunahan ng bisitang pari na si Rev. Fr. Allan Niel Laqueo. Nakiisa rin sa banal na Pagdiriwang ang mga mananampalatayang nagmula sa iba’t ibang Parokya, dala ang kanilang pananampalataya at debosyon.

Patuloy tayong magkaisa sa panalangin at paghahanda para sa pagdiriwang ng Dakilang Awa ng Diyos.

MAPAGPALANG ARAW SA LAHAT! Ang bawat sambayanan na nasasakupan ng Parokya ng Mabathalang Awa ay taos pusong iniimbitahan...
08/04/2026

MAPAGPALANG ARAW SA LAHAT!

Ang bawat sambayanan na nasasakupan ng Parokya ng Mabathalang Awa ay taos pusong iniimbitahan sa gaganaping, BAYANIHAN SA SIMBAHAN. Ito ay ang sama-samang paglilinis sa ating Parokya bilang paghahanda sa nalalapit na Kapistahan, upang mapanatili rin ang kalinisan at kaayusan ng Simbahan.

Ang nasabing Bayanihan/Paglilinis ay gaganapin bukas (April 9,2026) at magsisimula sa ganap na ika-6 ng umaga.

Sa bawat makikiisa, ipinakikiusap po na magdala ng sarili ninyong gamit panlinis.

Maraming Salamat po!

Ika-apat Araw ng Pagsisiyam bilang paghahanda sa nalalapit na Kapistahan ng Mabathalang Awa.Ang Ika-apat na Misa Nobenar...
07/04/2026

Ika-apat Araw ng Pagsisiyam bilang paghahanda sa nalalapit na Kapistahan ng Mabathalang Awa.

Ang Ika-apat na Misa Nobenaryo sa Parokya ay pinangunahan ng Bisitang Pari na si Rev. Fr. Ryan Israel Martinez. Nakiisa rin sa banal na Pagdiriwang ang mga nag- perigrino mula sa iba't ibang Parokya.

Address

Tiaong
4325

Telephone

+639322573941

Website

Alerts

Be the first to know and let us send you an email when Divine Mercy Parish Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category