Tiaong Church of Christ

Tiaong Church of Christ Religious Organization

UNAWAIN ANG SALITAMarcos 4:1010 Nang nag-iisa na si Jesus, ang ilan sa mga nakikinig ay lumapit sa kanya kasama ang Labi...
29/04/2026

UNAWAIN ANG SALITA

Marcos 4:10
10 Nang nag-iisa na si Jesus, ang ilan sa mga nakikinig ay lumapit sa kanya kasama ang Labindalawa. Hiniling nilang ipaliwanag niya ang talinghaga.

PAGNINILAY:
Ang talata na ito ay nakapanahon na kung saan ang Panginoon Jesus ay nasa lawa ng galilea at doo'y nagtuturo ng Kanyang mga salita. Maraming bagay ang itinuro ng Panginoon sa pamamagitan ng mga talinghaga at napakaraming tao ang nakikinig sa Kanya.

Subalit sa napakaraming tao na iyon ay kakaunti lamang ang lumapit sa Kanya upang itoy maunawaan. Nakakalungkot man isipin na maraming gustong ipaalam ang Diyos sa atin. Pero iilan lang ang lumalapit.

Marami Siyang plano sa buhay natin upang ilead tayo sa tamang direksyon. Pero minsan nababalewala lang natin.

Kaya naman lumapit tayo sa Diyos, at unawain natin ang mga salita Niya. Upang sa ganon ay makapamuhay tayo ng angkop sa Kanyang kagustuhan.

Mapagpalang Araw!

- Bro. Glenn

BINHI SA ATING PUSO Marcos 4:8"At may mga binhi namang nalaglag sa matabang lupa. Ang mga ito ay tumubo, lumago, at namu...
29/04/2026

BINHI SA ATING PUSO

Marcos 4:8
"At may mga binhi namang nalaglag sa matabang lupa. Ang mga ito ay tumubo, lumago, at namunga nang marami, may tigtatatlumpu, tig-aanimnapu, at tig-iisandaan."

PAGNINILAY:
Sa talatang ito, si Jesus ay nagtuturo sa mga tao sa tabi ng dalampasigan. Tinuruan sila sa pamamagitan ng talinhaga at isa na rito ang talinhaga tungkol sa binhi.

Sinabi sa talata, may tatlong lugar kung saan tumubo ang binhi na kung saan naghasik ang isang magsasaka. At ito ay sa batuhan, sa halamang matinik, at sa matabang lupa.

Sa tingin natin kapatid, bakit sa matabang lupa lang tumubo at lumago ang binhi?

Dahil dito masagana ang lupa, hindi katulad sa mabato dahil kaunti lamang ang lupa at hindi babaon o lalago ang kanyang ugat. At sa may halamang matinik, pipigilan lamang ang binhi upang lumago at mamatay. At ito ay natatapakan ng mga tao dahil hindi natin pinapahalagahan ang buhay ng halaman.

Ang lupang ito ay katulad ng ating puso at kay Jesus nanggagaling ang ating binhi.

Kung ang ating puso ay puro bato na maraming handlang upang lumago tayo, nariyan ang mga tumatapak na pagsubok, tukso, gawaing masama at iba pa na pwedeng makahadlang upang hindi lumago ang ating pananampalataya. Sa matinik na mundong ginagalawan, nasasakal tayo sa kasalanan. Ayaw natin tumiwalag dahil takot tayong magpabago sa ating Panginoon, ayaw natin tanggalin ang mga tinik at gawing matabang lupa na kung saan malinis at walang hadlang. Kung ang ating puso ay mataba, puno ng salita ng Diyos, lalago tayo at mamumunga ng kabutihang gawa.

Nawa'y sa mundong ginagalawan, piliin natin laging manatili sa Kanya. Sapagkat didiligan Niya tayo ng Kanyang Salita, gagabayan at iingatan. Dahil ang halamang nasa magandang kalagayan ay iiwasang tapakan sapagkat ang Diyos ang ating magsasaka na nakaprotekta sa atin upang tayo ay lumago at mamunga.

Mapagpalang Araw!

- Sis. Jelay

ANG TUNAY NA PAMILYAMarcos 3:34-35“Tumingin siya sa mga nakaupo sa palibot at sinabi, ‘Sila ang aking ina at mga kapatid...
27/04/2026

ANG TUNAY NA PAMILYA

Marcos 3:34-35
“Tumingin siya sa mga nakaupo sa palibot at sinabi, ‘Sila ang aking ina at mga kapatid! Sapagkat ang sinumang sumusunod sa kalooban ng Diyos ay siyang aking ina at mga kapatid.’

PAGNINILAY:
Minsan, sa sobrang rami ng ginagawa natin, pakiramdam natin ang layo-layo ni Lord sa atin. O kaya naman, iniisip natin na para lang sa mga "banal" o "perpekto" ang pagiging malapit sa Kanya. Pero, Kapatid, alam ba natin?

Habang nakaupo 'yung mga tao sa paligid Niya, sinabi Niya na sila ang pamilya Niya. Bakit? Kasi nakikinig sila at sinusubukan nilang sundin ang utos ng Diyos.

Ibig sabihin, hindi kailangan ng kung ano-anong titulo o "bloodline" para maging malapit sa Kanya. Ang kailangan lang, 'yung pusong tapat at patuloy na nakikinig at sumusunod sa Kanyang mga salita.

Hindi tayo ibang tao sa Kanya. Kapamilya tayo. Ibig sabihin, mayroon tayong karapatang lumapit sa Kanya anytime, lalo na kapag pagod tayo o may pinagdadaanan.

Kaya ngayon, sana maalala natin na hindi tayo nag-iisa. May pamilya tayo kay Lord at sa isa’t isa.

Sa Kanya, hindi tayo outsider. Basta't sumusunod tayo sa Kanya, ituturing Niya tayong sariling pamilya.

Mapagpalang Araw!

BLESS A CHILD TODAYMARK 9:37“Whoever welcomes one of these little children in my name welcomes me; and whoever welcomes ...
27/04/2026

BLESS A CHILD TODAY

MARK 9:37
“Whoever welcomes one of these little children in my name welcomes me; and whoever welcomes me does not welcome me but the one who sent me.”

Our Church will hold the Daily Vacation Bible School on April 28 - May 1, 2026 for the children. Be part of this mission by giving 50 pesos to bless a child. Thank you for you support and may God bless you.

GCASH #
09613213629

MAGANDA NA ANG GINAWA, MAY PUNA PA RIN? 'Marcos 3:22Sinasabi naman ng mga tagapagturo ng Kautusan na galing sa Jerusalem...
26/04/2026

MAGANDA NA ANG GINAWA, MAY PUNA PA RIN?

'Marcos 3:22
Sinasabi naman ng mga tagapagturo ng Kautusan na galing sa Jerusalem, “Sinasapian siya ni Beelzebul. Nakapagpapalayas siya ng demonyo sa pamamagitan ng kapangyarihan ng pinuno ng mga demonyo”'

PAGNINILAY:
Ang talata sa itaas ay ilan lamang sa mga puna ng mga tao sa ginagawa ni Jesus.

Nakakagawa raw si Jesus ng himala at mga kagila-gilalas na bagay ay dahil sa tulong ng kapangyarihan ng demonyo.

May iba pang nagsasabi na si Jesus raw ay nasisiraan na ng bait.

Ngunit kung iisipin natin ang mga bagay-bagay ay wala namang ginawa si Jesus na mali sa halip ay tumulong pa nga sa mga tao. Nagtuturo Siya ng katotohanan at pinapalaya ang mga taong inaalipin ng iba't ibang uri ng karamdaman.

Tunay nga naman sa mundo, kahit ngayon ay nararanasan at mararanasan natin ito. Yung tipong gumagawa ka na ng mabuti ay iisipan ka pa ng masama.

Huwag kang mag-alala kapatid at sana ay huwag tayong manawa sa paggawa ng mabuti. Maging ang ating Panginoong Jesus ay naranasan ang mga puna na ito.

Tuloy-tuloy lang tayo katulad ng ating Panginoon sapagkat sa mata ng Diyos ang mabuti ay mabuti para sa Kanya. Tandaan, hindi tayo gumagawa para sa tao, gumagawa tayo para sa Diyos at ang kapurihan ay sa Kanya lamang.

Mapagpalang Araw!

SUNDAY WORSHIP SERVICE | April 26, 2026 Lusacan Tiaong, QuezonMga Awit 59:16-17Ngunit aawit ako, pagkat ang taglay mo'y ...
26/04/2026

SUNDAY WORSHIP SERVICE | April 26, 2026 Lusacan Tiaong, Quezon

Mga Awit 59:16-17
Ngunit aawit ako, pagkat ang taglay mo'y pambihirang lakas, sa tuwing umaga ang aawitin ko'y pag-ibig mong wagas; pagkat ika'y muog, sa buhay kong ito, at aking kanlungan kapag lugmok ako.Pupurihin kita, tagapagtanggol ko at aking kanlungan, Diyos kong mapagmahal.

1 JOHN 4:19We love because he first loved us.
23/04/2026

1 JOHN 4:19
We love because he first loved us.





ANG HIGIT NA KAPANGYARIHANMarcos 3:11“Bawat taong sinasapian ng masamang espiritu na makakita sa kanya ay nagpapatirapa ...
23/04/2026

ANG HIGIT NA KAPANGYARIHAN

Marcos 3:11
“Bawat taong sinasapian ng masamang espiritu na makakita sa kanya ay nagpapatirapa sa harapan niya at sumisigaw, ‘Ikaw ang Anak ng Diyos!’”

PAGNINILAY:
Minsan, sa bigat ng mga pagsubok o sa gulo ng mundo, pakiramdam natin ay parang mas malakas ang gawa ng kaaway. Pero ang talatang ito ay isang malakas na paalala na “walang kapangyarihan ang hihigit kay Jesus.”

Ang mga bagay na nagpapahirap sa atin, maging takot, bisyo, o mabibigat na espirituwal na pasan ay walang laban sa awtoridad Niya.

Kung ang mga kaaway nga ng Diyos ay napapaluhod sa harap Niya, bakit pa tayo matatakot?

Kung si Jesus ay nasa panig natin, nasa atin ang pinakamalakas na proteksyon. Huwag nating hayaan na daigin tayo ng takot o ng anumang banta ng kaaway.

Sa halip na tumingin sa laki ng ating problema, tumingin tayo sa laki ng kapangyarihan Niya. Kilala Siya ng lahat ng nilalang, at sa Kanyang Pangalan, may kalayaan at tagumpay tayo. Ang kailangan lang natin ay manatiling nakakapit sa Kanya, dahil Siya ang tunay na Anak ng Diyos na may hawak ng lahat.

Magtiwala ka, dahil ang Panginoon natin ang higit na makapangyarihan sa lahat.

Mapagpalang Araw!

PRAYER MEETING | April 22, 2026 Lusacan Tiaong, Quezon2 Timoteo 1:7 Sapagkat ang Espiritung ibinigay sa atin ng Diyos ay...
23/04/2026

PRAYER MEETING | April 22, 2026 Lusacan Tiaong, Quezon

2 Timoteo 1:7
Sapagkat ang Espiritung ibinigay sa atin ng Diyos ay hindi espiritu ng kahinaan ng loob, kundi espiritu ng kapangyarihan, pag-ibig at pagpipigil sa sarili.

HUWAG NANG PATIGASIN ANG PUSOMarcos 3:5Tiningnan ni Jesus ang mga taong nakapaligid sa kanya. Nagalit siya at nalungkot ...
23/04/2026

HUWAG NANG PATIGASIN ANG PUSO

Marcos 3:5
Tiningnan ni Jesus ang mga taong nakapaligid sa kanya. Nagalit siya at nalungkot dahil sa katigasan ng kanilang mga puso. Pagkatapos, sinabi niya sa maysakit, “Iunat mo ang iyong kamay.” Iniunat naman ng lalaki ang kanyang kamay at ito'y gumaling.

Pagninilay:
Ang talata na ito ay nagtuturo sa atin kung paano magkaroon ng bukas na puso tulad ng ating Panginoong Jesus. Dahil nung pumasok ang Panginoon sa sinagoga ay may naratnan Siyang lalaking paralisado. Tinawag Niya ito at pinagaling.

At kung mababasa natin ang buong kwento ay pinagaling ng Panginoong Jesus ang lalaki sa araw ng pamamahinga na kung saan ay bawal ang anumang gawin, maging ang magpagaling. At mayroong mga tao ang nag-aabang sa Kanya upang may maibintang.

Tunay nga na minsan ay matitigas ang ating puso at ayaw ito ng ating Panginoon. Nawa tulad ng Panginoong Jesus ay huwag tayo bumase sa mga araw kung kailan lang dapat tayo tumulong. Sa halip ay maging bukas ang puso natin para sa iba.

Kaya piliin lagi natin araw-araw ang maging mabuti dahil iyan ay isa sa pinakitang katangian ng ating Panginoon.

Mapagpalang Araw!

ANG ATING PAHINGAMarcos 2:27-28“Sinabi rin ni Jesus, ‘Itinakda ang Araw ng Pamamahinga para sa ikabubuti ng tao; hindi n...
21/04/2026

ANG ATING PAHINGA

Marcos 2:27-28
“Sinabi rin ni Jesus, ‘Itinakda ang Araw ng Pamamahinga para sa ikabubuti ng tao; hindi nilikha ang tao para sa Araw ng Pamamahinga. Ang Anak ng Tao ay siyang Panginoon ng Araw ng Pamamahinga.’”

PAGNINILAY:
Sa talatang ito, naitama ni Jesus ang pananaw ng mga tao tungkol sa Araw ng Pamamahinga. Akala kasi nila, ang mahalaga lang ay ang pagsunod sa mga bawal at dapat gawin sa araw na iyon, hanggang sa nakalimutan na nila ang tunay na dahilan kung bakit ito ibinigay.

Ginawa ang araw na ito para magkaroon tayo ng oras na lumakas muli, mapanatag ang isip, at higit sa lahat, makapiling Siya.
Itinuturo rin nito sa atin na si Jesus ang "Panginoon ng Araw ng Pamamahinga." Ibig sabihin, ang tunay na kapayapaan at pahinga ay hindi lang matatagpuan sa pagtigil sa trabaho o sa pagtulog, kundi sa relasyon natin sa Kanya. Siya ang tanging makakapagbigay ng pahinga sa ating pagod na puso at naguguluhang isipan.

Huwag nating hayaan na ang ating paglilingkod ay maging parang mabigat na pasan. Ang gusto ni Lord para sa atin ay maranasan natin ang Kanyang kabutihan.

Kung tayo ay pagod na pagod na sa mga problema o sa rami ng iniisip, lumapit tayo sa Kanya. Siya ang may hawak ating iyong pahinga, at sa Kanya, siguradong magiging mabuti ang ating kalagayan.

Mapagpalang Araw!

NAPARITO SI JESUS PARA SA ATIN'Marcos 2:17Narinig ito ni Jesus kaya't siya ang sumagot, “Hindi nangangailangan ng mangga...
20/04/2026

NAPARITO SI JESUS PARA SA ATIN

'Marcos 2:17
Narinig ito ni Jesus kaya't siya ang sumagot, “Hindi nangangailangan ng manggagamot ang walang sakit kundi ang maysakit. Naparito ako upang tawagin ang mga makasalanan, hindi ang mga matuwid.”'

PAGNINILAY:
Si Jesus ay ipinangakong na darating sa mundo upang ito ay iligtas ang mga tao.

Saan ililigtas? Sa kasalanan.

Naparito Siya upang ang kasalanan ko at kasalanan mo ay Kanyang linisin at patawarin.

Kaya nga ganun na lamang ang pakikisama ni Jesus sa mga taong itinuturing na marumi o makasalanan sapagkat ito talaga ang pinunta Niya sa mundo.

Ang misyon ni Jesus ay iligtas ang mga makasalanan kaya kailangan Niyang lumapit sa mga kasalanan at sila ay bigyan ng kalinisan at muling ibalik ang kanilang relasyon sa Ama na nasa langit.

Kaya mga kapatid, alam naman natin na sa mundong ito ay walang nananahan na banal. Lahat tayo rito ay nagkasala at may mga pagkukulang.

Kaya ang pagpunta ni Jesus dito sa mundo ay para sa atin. Para sa ating mga tao na nagkasala at nagkulang.

Mapagpalang Araw!

Address

Tiaong
4323

Telephone

+639306236872

Website

Alerts

Be the first to know and let us send you an email when Tiaong Church of Christ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category