12/10/2025
Panalangin kay San Emigdio Patron Laban sa lindol at mga kalamidad
O San Emigdio, apostol at martir ng pananampalatayang Katoliko, tanggapin mo nawa po ang panalangin na lakas loob naming isinasamo sa iyo.
Mamagitan ka nawa po sa amin sa harapan ng Panginoon upang sa pagtulad namin sa iyo, ang aming pananampalataya na binibigyang buhay ng aming mga gawa ay maging patotoo ng pagmamahal namin sa Diyos bilang mga anak at pagmamahal sa kapuwa bilang aming mga kapatid.
Kami ay nangangakong ilalayo ang aming mga puso sa anumang yaman sa mundo dahil ang loob namin ay pinalakas ng iyong halimbawa at kami ay handang isakripisyo ang lahat upang manatiling tapat sa Diyos at Simbahan.
Iunat mo ang iyong mga kamay sa amin, sa aming mga pamilya, sa aming mga lungsod, bayan, arkidiyosesis at diyosesis at protektahan mo nawa po kami mula sa mga lindol at iba pang mga kalamidad at salot upang kami na inilayo mo sa mga ito ay mamuhay nang tahimik at payapa na nakatuon sa pagbibigay kaluguran sa Diyos sa pag-asang matitiyak ang kaligtasan ng aming mga kaluluwa. Amen
San Emigdio, Tagapagtanggol mula sa pinsala ng lindol, ipanalangin mo po kami!
Let us pray for all those affected by the series of earthquakes in our country and even in other parts of the world:
