01/06/2025
THANK YOU FR. NESTOR!๐ฅนโค๏ธ
Sa ngalan sa kinatibuk-an sa parokya ni San Pedro Claver, tugoti kami Fr. Nestor nga ipadayag ang among dako ug kinasing-kasing nga pagpasalamat kanimo. Dli na man gyud mapugngan ang pagtuyok sa kalibutan, ang pagtuyok sa adlaw ug sa petsa. Niabot na gyud ang panahon nga mahuman na ang imong unom ka tuig nga pagdumala ug pag amoma sa parokya ni San Pedro Claver. Tataw kaayo ug nakita namo ang imong mga legasiya sulod sa unom ka tuig: ang altar, side altar, mga gamit sa simbahan, repainting, ang nindot nga parish office, renovation sa parish hall, napacoral ang simbahan, repair sa dining area sa kumbento, bag-ong Cr, nakapalit ug generator, sound system ug ang on going nga construction sa parish activity center.
Sa mga GKK, daghan usab mga kabag-uhan ug improvement nga nahimo pinaagi sa imong kanunay nga pagdasig, pagduso ug pagsuporta. Ang imong mga pulong kaya lagi na, mao ni inyong buhaton, paningkamutan ninyo, maoy nakahagit sa matag katilingban nga mohimo ug mga pamaagi alang sa kalambuan ug katumanan sa mong mga pangandoy. Napakusgan ang mga apostolado sama sa legion of Mary, Divine Mercy, CWL, MBMg, Bible Apostolate, Kaabag, Katekista, Choir, Sacristan, Soccom, ug FLM. Puno kami sa pagtulun-an sa simbahan tungod sa imong paghatag ug panahon, oras ug pagkugi sa paghimo ug mga notes aron imo kining mapaambit kanamo.
Ikaw si Fr. Nestor nga nagtisok kanamo nga basta adunay kalihukan kinahanglan mangandam ahead of time kay walay rewind. Ikaw si Fr. Nestor ang among kura paroko ug among driver sa mga lakaw padulong sa bukid o sa mga lakaw sama sa gkk fiesta, seminar, convention, meeting, wake mass ingon man sa mga birthday celebration. Ang imong presensya sa Tarragona nakapausab sa kinabuhi sa daghang magtutuo. Wala ka nagkulang sa pagpahinumdom sa among mga buluhaton isip mga binunyagan
Tungod niana, kami moingon daghan, daghan kaayong salamat Fr. Nestor. Dli ka namo malimtan. Kabahin ka sa among kinabuhi isip mga apostolado ug parokyano ug mas dako imong kabahin sa kung unsa na ang parokya ni San Pedro Claver karon. Salamat sa kanunay nga pagiya kanamo, pagtudlo kanamo, pag-ampo kanamo, pag-uban kanamo ug paghigugma kanamo.
Mangayo usab kami kanimo ug dispensa ug pasaylo sa among mga kakulangan ug sa mga panahon nga kami nagkamali ug nagpabadlong kanimo. Sorry Fr. Nestor last na man gyud ni nimo karon nga pagmisa sa amoa, ihatud na ka namo sa June 4 sa imong new assignment, bisan pa niana ikaw magpabilin sa among hunahuna ug kasingkasing. Among ipasalig kanimo nga among ipadayon kung unsa ang imong gisugdan ug gitudlo kanamo ug among isaad nga uban ka kanunay sa among mga pag-ampo.
Salamatay usab sa imong pagdala kang Jomar Ocina dri sa among parokya diin maoy nakapa enhance sa talento sa among mga kabatan-onan. Salamatay Mar!
Fr. Nestor salamatay sa 6 yrs nga pag-uban sa kasakit ug kalipay. Salamat sa imong mga paningkamot bisan pa sa man sa mga pagsulay ug mga hagit kanimo.
We love you so much. May God bless you in your next mission.
Once again Thank you so much and mabuhay!
SALAMATAY, Fr. Nestor Morata!
