13/09/2020
Move-on
-MakaDiyos-A
Segundo, minuto, oras, araw at gabi buwan at taon,
Hindi mo na namamalayan ang mga lumilipas na mga panahon,
Sa bawat paggalaw ng iyong katawan,
At sa bawat paghinga mo tungo sa kawalan,
Tila ba andiyan ka na naman nagmumokmok,
Halos alam mo na nga ang sukat ng bahay n'yo at mga sulok-sulok,
Animo'y nalilito ka na kung anong pagkakaiba ng parisukat sa tatsulok,
Ni mukha mo'y 'di mo na napapansing ito'y nagbubokbok,
Sinasayang mo ang iyong mga panahon,
Dahil lamang 'di ka makapag move-on,
Sa ex mong mukha namang hipon, haha joke lang yon,
Este sa iyo palang naging karelasyon,
Hindi ka ba nagsasawa?,
Sa paulit-ulit mong ginagawa,
Ultimo sa bahay n'yo 'di ka na makapag kawang gawa,
Kaya naman ang nanay mo'y ngawa ng ngawa,
Aba kapatid, mag isip-isip ka na,
Dahil baka isang araw pati sarili mo 'di mo na kilala,
Baka isang araw lahat ng nagmamahal sayo, mag-sawa na,
Baka isang araw pati sarili mo mawala na,
Bakit 'di mo na lang tanggapin ang katotohanan,
Katotohanang 'di ka na n'ya babalikan,
Oo, siguro ika'y kanyang balikan,
Pero bilang isang kaibigan na lamang,
Kapatid ito ang lagi mong tatandaan,
Nasaktan ka lang,
Pero 'di ka nawalan,
Dahil may isa, na kahit kailan 'di ka sinusukuan at iiwan man,
Maaaring 'di mo siya nakikita,
'Di mo siya naaalala,
Minsan pa nga sinisisi mo siya,
Dahil sa problema mong akala mo'y napakabigat na,
Tila ba puso mo'y naging sintigas ng bato,
At nanlalamig sa pagmamahal mo kay Kristo,
Sa sobrang lamig ay para na itong binalutan ng yelo,
Yan ba ay gawain ng isang kristiyano?,
Kapatid isa lang ang solusyon,
Solusyon sa pag momove-on,
At yun ay ang kausapin ang ating Panginoon,
Pero paano mo magagawa iyon?,
Una sa puso mo'y papasukin siya,
Pangalawa magdasal ka,
Pero hindi yung basta-basta,
Pangatlo magsabi ka ng tapat at totoo sa kanya,
Sabi nga sa bibliya,
Tumawag ka sa kanya,
At wala siyang alinlangan upang sagutin ka,
Mula sa tatlumpu't-tatlo, bersikulo tatlo ng Jeremiah,
Kaya kapatid, wag mong igugol lahat ang iyong panahon,
Dahil sa iyong pangmatagalang pagmomove-on,
Sa halip ito'y iyong ituon,
Sa ating mahal at dakilang Panginoon.
-BlessedMorningโค
