alghurabaah muslim association in tarlac

21/07/2026

بِسْمِ اللهِ الرَّحْمٰنِ الرَّحِيْمِ
Alhamdulillāh!
Taos-pusong pagbati sa ating kapatid na si Abdul Wali Manidoc Mercado sa matagumpay na pagtatapos ng kanyang pag-aaral sa Mahad. Ang tagumpay na ito ay hindi lamang bunga ng kanyang pagsisikap at pagtitiis, kundi isang biyaya mula kay Allah ﷻ at resulta rin ng pagtutulungan, suporta, at pagmamahal ng kanyang pamilya, mga g**o, at mga kapatid sa Islam.

Sinabi ni Allah ﷻ:
"At sabihin mo: Panginoon ko, dagdagan Mo pa ako ng kaalaman."
(Surah Taha 20:114)

Nawa'y ang kaalamang iyong natamo ay maging ilaw sa iyong buhay, gabay sa iyong pananampalataya, at kapakinabangan sa Ummah. Hinihiling namin kay Allah ﷻ na gawin kang kabilang sa mga taong nagpapalaganap ng katotohanan, nagtuturo ng kabutihan, at nananatiling matatag sa Kanyang landas.
Taos-puso rin kaming nagpapasalamat sa lahat ng mga kapatiran ng Al Ghurabaa Muslim Association – Tarlac at sa lahat ng mga mabubuting puso na nag-ambag, sumuporta, nagbigay ng oras, panalangin, at tulong upang maitaguyod ang pag-aaral ng ating kapatid. Ang inyong pagkakaisa ay isang patunay ng tunay na diwa ng kapatiran sa Islam.

Sinabi ng Propeta Muhammad ﷺ:
"Ang mananampalataya sa kapwa mananampalataya ay tulad ng isang gusali; ang bawat bahagi ay nagpapatibay sa isa't isa."
(Sahih al-Bukhari at Sahih Muslim)
Nawa'y gantimpalaan kayo ni Allah ﷻ ng pinakamainam na gantimpala, pagpalain ang inyong mga kabuhayan, mga pamilya, at mga gawain para sa Kanyang kapakanan.
Muli, mabrook at tahni'ah sa ating kapatid na si Abdul Wali!

"Ang pagtatapos ay hindi katapusan ng pag-aaral, kundi simula ng mas malaking pananagutan sa paghahanap, pagsasabuhay, at pagpapalaganap ng kaalaman para sa kapakanan ng Ummah."
بارك الله فيك، ونفع بك الإسلام والمسلمين. Nawa'y pagpalain ka ni Allah at gawin kang kapaki-pakinabang para sa Islam at sa mga Muslim. 🤲💚

01/05/2026

Sa gitna ng ingay ng mundo, pinipili naming ipalaganap ang katahimikan ng katotohanan. 🤍

Team Da’wah ng Al-Ghurabaa Muslim Association in Tarlac, na patuloy na naninindigan sa paanyaya tungo sa liwanag ng Islam. Hindi man madali ang landas, sapat na ang layunin na maihatid ang mensahe ng tawheed at kabutihan sa bawat puso.

Ang pagiging mabuting Muslim ay hindi lamang sa salita, kundi sa gawa ,sa pagiging tapat, mapagkumbaba, maawain, at may takot sa Allah sa bawat hakbang. Sa maliit man o malaking bagay, ang tunay na kabutihan ay nakikita sa kung paano natin pinapabuti ang ating sarili at ang pakikitungo natin sa iba.

At ang pinaka mabuti sa lahat ng mabuti ay kilalanin mo muna kung sino si Allah sapagkat dito nagsisimula ang tunay na gabay, ang tamang pananampalataya, at ang pagbabago ng puso.

“At sino ang mas mahusay sa pananalita kaysa sa tumatawag tungo kay Allah, gumagawa ng kabutihan, at nagsasabing: ‘Ako ay kabilang sa mga Muslim.’” (Qur’an 41:33)

06/09/2025

Yaa Allah pangyarihin mo nawa na kami ay iyong pag-sama samahin sa mundong ito,
at iba pa naming Kapatid na nag hahangad ng katotohanan, panatilihin mo kami sa iyong relihiyong Islam, at igawad mo saamin Ang iyong awa at papasukin mo kami sa iyong jannah o paraiso nang sama-sama Allahumma Ameen ☝️🤲

alghurabaah muslim association in tarlac

18/08/2025