30/09/2020
B**g Sanchez is with Dodong Tiad Legaspi Yabillo and
3 others
Brods kumusta. Tungud sa COVID-19 daw nadugangan turog aton KofC councils. Mabudlay magkiritaay hay kalabanan abi senior citizens kag ang sa SAC nagtiriplaag man mga kabataan.
Ano bala sa inyo para may aton ma partisipasyon sa pagkontra sa COVID, malyag kamo nga mangin kabahin ng Knights of Columbus sa ginapatigayon nga blood letting sa October 14. Wara kita financial obligations kondi magbulig lang sagap donor okon kita mismo magdonate kang aton dugo. I have been a regular donor pero lately nag-untat ako tungod may diabetes ako. Pero daw ok ron man ako, pwede liwan makadonor. Mga bros, healthy procedure man dya ang bloodletting hay makabulig gani limpyo kang aton lawas kag nagarejuvinate kang aton lawas kag dugo hy ginbuhinan kag mismo aton lawas amo nagareplinish kang new blood.
BLOOD SPARKS FOR LIFE
Ginaagda aton mga kasi-Antiqueño nga may baratyagon magdonar kang anda dugo.
TARAMDAN SA PAGDONAR KANG DUGO
Suno sa PHILIPPINE RED CROSS
Antique Chapter
T.A. Fornier Street, San Jose, Antique
SIN-O ANG PWEDE MAKADONAR KANG DUGO?
📌 Bayi okon laki pwede makadonar kang dugo.
📌 Nagabug-at 50 kilos kag pataas.
📌 Naga-edad kang 16 anyos hasta 17 anyos pero kinahanglan may pahanugot kang ginikanan.
📌 Naga-edad 18 anyos hasta 60 anyos, kag hasta 65 anyos kon regular nga nagadonar.
(Ang regular nga nagadonar o pabool kang dugo, kinahanglan magbal-ot kang 3 ka bulan halin sa katapusan nga pagpabool na kang dugo antes makadonar liwan.)
🆔Ang Blood Donor kinahanglan magdara kang ana Identification Card (ID) nga bokon kang expired. Ang mga ginabaton nga mga ID amo ang mga masunod:
Voter’s ID, Postal ID, School ID, Driver’s License, SSS/GSIS/PhilHealth ID, Company ID, BIR ID, TIN ID, Police Clearance, Passport
📝MGA KINAHANGLAN HIMUON KANG MADONAR KANG DUGO:
>Nakapamahaw ang donor antes magpabo-ol dugo;
>Isda, laswa o tinanok nga itlog lang ang pwede kan-on;
>Wara nakapulaw, kag kinahanglan nakaturog kang walo ka oras antes magpabool dugo;
>Wara nakainom kang makarilingin nga irimnon sa sulod kang 24 oras;
>Wara naga-ubo, sip-on o hilanat sa adlaw kang pagdonar dugo;
>Kon may tattoo, tuhog sa lawas, gin-operahan o gintughongan kang dugo, kinahanglan palipason ang santuig antes magdonar liwan;
>Sa mga bayi nga donors, pwede makadonar kang dugo kon 7 pa ka adlaw antes magregla okon 7 ka adlaw naglipas ang katapusan nga regla.
🆘MGA HIRIMUON PAGKATAPOS MAGDONAR DUGO:
>Magpahuway 5 hasta 10 ka minutos pagkatapos nga nabol-an dugo;
>Mag-inom kang raku nga tubig okon magpakaldo;
>Indi magsagi kuob, indi magpamug-at, kag indi anay magdrive kang sarakyan;
>Itum-ok ang parte kang gintuslokan kang dagum para mag-untat ang dugo;
>Kon nalanog kag nag-iritum ang gintuslokan kang dagum, i-cold compress lang sa sulod kang 24 oras kag i-hot compress pa gid sa sulod kang 24 oras;
>Kon nakabatyag kang ligin kang ulo, magbatang lang kag alsahon ang kahig paibabaw;
>Indi manigarilyo sa sulod kang 2 ka oras pagkatapos nga nagdonar;
>Indi mag-inom kang makarilingin nga irimnon sa sulod kang sangka adlaw.
