Sto. Niño Chapel - DPCH

13/08/2026

𝗣𝗔𝗚𝗗𝗔𝗧𝗜𝗡𝗚 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡 𝗡𝗚 𝗠𝗔𝗡𝗔𝗢𝗔𝗚

Buong galak nating salubungin ang Pilgrim Image ng Mahal na Birhen ng Manaoag sa ating parokya ngayong Agosto 20–21, 2026.

Inaanyayahan ang lahat na makiisa sa mga gawaing inihanda ng ating parokya bilang pagpaparangal at malugod na pagtanggap sa Mahal na Birhen. Nawa’y ang kanyang pagdalaw ay maging daan upang higit tayong mapalapit sa kanyang Anak na si Hesus, mapatatag ang ating pananampalataya, at mapuno ng pag-asa ang bawat pamilya at pamayanan.

04/08/2026

𝐇𝐚𝐩𝐩𝐲 𝐂𝐥𝐞𝐫𝐠𝐲 𝐃𝐚𝐲, 𝐀𝐦𝐨𝐧𝐠!

Sa pagdiriwang ng Clergy Day, taos-puso naming binabati ang aming minamahal na Kura Paroko.

Maraming salamat, Among, sa inyong tapat na paglilingkod, walang sawang paggabay, at pagiging mabuting pastol ng aming parokya. Sa pamamagitan ng inyong pananampalataya, kababaang-loob, at pagmamahal sa Diyos at sa Kanyang sambayanan, patuloy ninyo kaming inaakay sa mas malalim na ugnayan kay Kristo.

Dalangin namin na patuloy kayong pagkalooban ng Panginoon ng lakas, mabuting kalusugan, karunungan, at masaganang biyaya upang maipagpatuloy ninyo ang banal na misyong ipinagkatiwala sa inyo.

23/07/2026

𝗕𝗘 𝗢𝗡𝗘 𝗢𝗙 𝗨𝗦!

We, the 𝗦𝘁𝗼. 𝗡𝗶ñ𝗼 𝗖𝗵𝗼𝗿𝗮𝗹𝗲, are inviting new members to join our growing chorale family!

QUALIFICATIONS:
🎵 Open to all male and female, 15 years old and above
🎵 Willingness to learn and serve
🎵 No need to have a perfect voice—what matters is your heart and dedication ❤️
🎵 No auditions required!

Come, sing with us, grow with us, and use your God-given talent to serve.

For inquiries and interest, you may reach out to the following individuals:
Jhaerene
Christian Ivan Paras
Iver Alivio
Alian Juliana Nabong
Kamille Anne
Sky Bildan

04/06/2026

𝗣𝗮𝗯𝗮𝘁𝗶𝗱 𝘀𝗮 𝗣𝘂𝗯𝗹𝗶𝗸𝗼
𝗙𝗶𝗿𝘀𝘁 𝗙𝗿𝗶𝗱𝗮𝘆 𝗠𝗮𝘀𝘀

Inaanyayahan ang lahat na makiisa sa 𝗙𝗶𝗿𝘀𝘁 𝗙𝗿𝗶𝗱𝗮𝘆 𝗠𝗮𝘀𝘀 bukas 𝟲:𝟯𝟬 𝗔𝗠 sa 𝗦𝘁𝗼. 𝗡𝗶ñ𝗼 𝗖𝗵𝗮𝗽𝗲𝗹 - 𝗗𝗣𝗖𝗛. Ito rin ay ang magsisilbing unang misa ng ating bagong kura paroko na si 𝗥𝗲𝘃. 𝗙𝗿. 𝗔𝗿𝗻𝘂𝗹𝗳𝗼 𝗖𝗼𝗿𝗽𝘂𝘇. Halina’t sabay-sabay natin siyang salubungin!

Viva Sto. Niño! 🧡

01/06/2026

Mabuhay at Maligayang Pagdating, Rev. Fr. Arnulfo Corpuz!

Sa paggabay ng Diyos at sa pagkalinga ng Mahal na Birheng Maria, buong puso naming tinatanggap si Rev. Fr. Arnulfo Corpuz sa Parokya ng Our Lady of Lourdes.

Ang inyong pagdating ay isang bagong biyaya at panibagong yugto para sa aming pamayanan ng pananampalataya. Kaisa ninyo kami sa misyon ng pagpapalaganap ng Mabuting Balita at sa pagpapatatag ng aming pagkakaisa bilang Simbahan.

Dalangin namin na ang inyong pananatili sa aming parokya ay mapuno ng kagalakan, kapayapaan, at mabungang paglilingkod. Nawa'y maging tahanan ninyo ang aming pamayanan, at sama-sama nating maranasan ang walang hanggang pag-ibig at awa ng Diyos.

Malugod namin kayong tinatanggap, Fr. Arnulfo, kasama ang aming mga panalangin at suporta.

Maligayang pagdating sa aming parokya!
Nawa'y pagpalain ng Panginoon ang inyong ministeryo at patuloy kayong gabayan sa inyong bokasyon bilang lingkod ng Kanyang bayan.

01/06/2026

DAKAL A SALAMAT PO!

May mga taong dumarating sa ating buhay at nag-iiwan ng bakas na hindi kailanman mabubura. Kayo po, Rev. Fr. Melchor Fernando at Rev. Fr. Cielo Taburada, ay naging instrumento ng Diyos upang akayin, palakasin, at pag-alabin ang aming pananampalataya.

Sa bawat Banal na Misa na inyong ipinagdiwang, sa bawat pangangaral na tumimo sa aming mga puso, at sa bawat sandaling kayo ay naglingkod nang may kababaang-loob at pagmamahal, naging buhay na saksi kayo ng awa at kabutihan ng Panginoon.

Hindi sapat ang mga salita upang maipahayag ang aming pasasalamat sa inyong mga sakripisyo at dedikasyon para sa Parokya ng Our Lady of Lourdes. Marami sa amin ang nakatagpo ng pag-asa, kapanatagan, at inspirasyon dahil sa inyong paggabay bilang aming mga pastol.

Habang kayo ay nagpapatuloy sa panibagong yugto ng inyong ministeryo, dala ninyo ang aming taos-pusong pasasalamat, pagmamahal, at mga panalangin. Nawa'y patuloy kayong samahan ng Panginoon sa bawat hakbang ng inyong misyon, at nawa'y lagi kayong kupkupin ng ating Mahal na Birheng Maria sa ilalim ng kanyang mapagkalingang mantle.

Hindi man namin masuklian ang lahat ng inyong naibahagi sa aming parokya, mananatili kayong bahagi ng aming mga puso at alaala.

Maraming salamat po sa inyong paglilingkod. Hanggang sa muli, aming mga minamahal na pari.

"Ang mabuting pastol ay iniaalay ang kanyang buhay para sa kanyang mga tupa." (Juan 10:11)

Ad Multos Annos!

Nawa'y pagkalooban pa kayo ng Diyos ng marami pang taon ng masaya, mabunga, at banal na paglilingkod sa Kanyang Simbahan.

18/05/2026

18/05/2026

𝗡𝗔𝗡𝗚𝗬𝗔𝗬𝗔𝗥𝗜 𝗡𝗚𝗔𝗬𝗢𝗡 : PARISH YOUTH DAY 2026

Buong pusong sinimulan ng mga kabataan ang araw sa pinakamahalagang bahagi ng aming pagtitipon, ang Banal na Misa na ginanap sa Sto. Niño Chapel, DPCH.

Hindi lamang ito simpleng pagbubukas ng programa, kundi isang paalala na sa bawat tawanan, saya, pagod, at alaala na aming mabubuo sa araw na ito, ang Diyos ang siyang sentro ng lahat. Sa paanan ng Panginoon, sama-sama naming inialay ang aming mga pangarap, talento, paglilingkod, at kabataang handang tumugon sa Kanyang tawag.

Bilang mga kabataan ng Simbahan, muli naming pinatunayan na ang kabataan ay hindi lamang pag-asa ng bayan kundi buhay at lakas din ng pananampalataya. Sa bawat awit, panalangin, at pakikiisa, dama ang apoy ng pagkakaisa at pagmamahal ng bawat isa para sa Diyos at sa kapwa.

Nawa’y ang Parish Youth Day na ito ay maging daan upang mas lalo pa naming makilala ang aming sarili bilang mga lingkod Niya, mas mapalalim ang aming pananampalataya, at mas maging matatag sa misyong ipalaganap ang Kanyang pag-ibig sa mundong aming ginagalawan.