San Sebastian Cathedral Parish of Tarlac- Official

24/08/2026

24/08/2026

𝐋𝐀𝐊𝐁𝐀𝐘 𝐁𝐀𝐒𝐓𝐄 𝟐𝟎𝟐𝟔

Sa kabila ng pag-ulan, naging mainit ang pagtanggap ng sambayanan ng San Sebastian Cathedral sa pagdating ng ating patron na si San Sebastian.

Sinimulan ang unang araw ng Lakbay Baste 2026 sa pagdiriwang ng Banal na Misa, na sinundan ng isang programa para sa mga kabataan. Sama-sama nilang pinag-usapan at mas nakilala ang buhay, kuwento, at pananampalataya ni San Sebastian, at kung paano maaaring maging inspirasyon sa kanilang sariling paglalakbay bilang mga kabataan sa Simbahan.

Isang makahulugang simula ng tatlong araw na panalangin, pagkilala sa ating patron, at pagsasama-sama ng mga kabataan sa ilalim ng kanyang halimbawa ng katapangan at katapatan sa pananampalataya.

24/08/2026

Just In | The Image of Saint Sebastian has arrived at the San Sebastian Cathedral Parish

24/08/2026

🏹 LAKBAY BASTE 2026 🏹
Ano tara? Kabataan ni San Sebastian! Sama-sama tayong maglakbay sa pananampalataya.

San Sebastian Cathedral Parish Youth Ministry invites all young people to join us in a meaningful journey of faith, fellowship, and devotion as we welcome the visitation of St. Sebastian, patron saint of the Diocese of Tarlac, this coming August 24–26.

Over three days, let us come together as one youth community to deepen our faith, learn from the life of St. Sebastian, and strengthen our devotion through prayer and fellowship.

📅 DAY 1 — AUGUST 24
Arrival • Holy Mass • Short Program
🕐 Activity Program
5:00 PM | Arrival of St. Sebastian
5:30 PM | Holy Mass
6:30 PM | Short Program

📅 DAY 2 — AUGUST 25
Prayer & Community
🕐 Activity Program
5:30 PM | Holy Mass
6:30 PM | Holy Rosary

📅 DAY 3 — AUGUST 26
Devotion • Prayer • Sending Forth
🕐 Activity Program
4:30 PM | Devotional Prayer and Departure

May this Lakbay Baste be a journey that brings us closer to Christ, strengthens our friendship as young people, and inspires us to live with the courage and faith of St. Sebastian. ❤️‍🔥

San Sebastian, pray for us!

23/08/2026

𝐈𝐍𝐒𝐓𝐀𝐋𝐋𝐀𝐓𝐈𝐎𝐍 𝐎𝐅 𝐄𝐔𝐂𝐇𝐀𝐑𝐈𝐒𝐓𝐈𝐂 𝐌𝐈𝐍𝐈𝐒𝐓𝐄𝐑𝐒

Sa pagdiriwang ng Banal na Misa sa San Sebastian Cathedral, pinangunahan ni Most Rev. Roberto C. Mallari, D.D., Obispo ng Tarlac, ang Installation of Extraordinary Ministers of Holy Communion (EMHC).

Sa pamamagitan ng kanilang bagong tungkulin, tinatanggap nila ang panibagong pagkakataon na maglingkod sa pagdiriwang ng Banal na Eukaristiya at sa sambayanan ng Diyos.

Nawa'y maging tapat at maingat sila sa kanilang paglilingkod at patuloy na isabuhay ang paggalang at pagmamahal sa Banal na Eukaristiya.

23/08/2026

𝐈𝐊𝐀-𝟐𝟏 𝐍𝐀 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍 | Agosto 23, 2026

Mga larawan ng ating mga pari at mga lingkod ng Simbahan bago ang pagdiriwang ng Banal na Misa ngayong Ika-21 Linggo sa Karaniwang Panahon.

Patuloy ang kanilang pakikiisa at paglilingkod sa bawat pagdiriwang ng ating pananampalataya.

23/08/2026

Noong Agosto 21–22, 2026 isinagawa ng San Sebastian Cathedral & Parish Team Ministry, katuwang ang Parish Pastoral Council Executive Officers at Parish Finance Council, ang Parish Pastoral Assembly 2026.

Layunin ng pagtitipon na talakayin ang mga pangangailangan ng komunidad at ihanda ang mga programang tutugon sa iba’t ibang larangan ng buhay.

Narito ang kumpletong ulat:
https://www.facebook.com/share/p/1EgE4hrtbP/

23/08/2026

PARISH PASTORAL ASSEMBLY 2026 |
WALK AS ONE: MAKINIG, MAKI-ISA, at MAG-MISYON

(Diwa ng Synod: Isang Simbahang nakikinig, at nakikipaglakbay)

Noong ika-21 at ika-22 ng Agosto, nagkaroon ng isang komprehensibong pagtitipon ang San Sebastian Cathedral & Parish Team Ministry, katuwang ang Parish Pastoral Council Executive Officers at Parish Finance Council. Layunin nito na masusing suriin ang kalagayan ng pamayanan at talakayin ang mga pangangailangan at suliranin ng mga sektor na hindi pa lubos na naaabot ng ating simbahan.

Sa diwa ng Synod, binigyang-diin ang pagiging Simbahang nakikinig at nakikilakbay. Isang pamayanang bukas sa tinig ng bawat kasapi, at handang sabay-sabay na maglakbay tungo sa mas makabuluhang paglilingkod.

Tinalakay sa pagtitipon ang mga isyung idinulog ng iba’t ibang organisasyon at ministeryo ng Katedral, kabilang ang mga programang nakatuon hindi lamang sa istruktura, katesismo, at espirituwal na buhay, kundi pinalawak din sa larangan ng Social Action, Basic Ecclesial Community, Family and Life, Vocation, at Youth.

Ang mga natuklasan mula sa konsultasyon ay nagsilbing gabay sa pagpaplano ng mga proyektong higit na makatutugon sa kabuuang pangangailangan ng pamayanan, at iba't ibang dimensyon ng pamumuhay.

Sa ganitong paraan, ang San Sebastian Cathedral and Parish ay patuloy na nagiging daluyan ng pag-asa, pagkalinga, at malalim na pakikipag-ugnayan. Isang Simbahang tunay na nakikinig at nakikilakbay kasama si Kristo at ang kanyang bayan.

23/08/2026

CATHEDRAL ADVISORY

Paumanhin, mga Kapana. Pansalamantala po muna nating hindi maila-live ang ating pagdiriwang ng Banal na Misa ng 9:30 AM dahil sa biglaang pagkawala ng internet.

Maraming salamat po sa inyong pagunawa.