https://www.facebook.com/101146295179685/

San Pascual Baylon Chapel, Tarlac (2026)

29/08/2026

𝐎𝐑𝐀𝐓𝐈𝐎 𝐈𝐌𝐏𝐄𝐑𝐀𝐓𝐀
PANALANGIN PARA SA PROTEKSYON LABAN SA
MALALAKAS NA ULAN AT PAGBAHA

Makapangyarihang Diyos, dumudulog kami sa Iyong banal na kanlungan habang ang malalakas na ulan at baha ay nagbabanta sa aming mga pamayanan.
Ibalot Mo ang Iyong mapagkalingang mga kamay sa aming mga komunidad upang iligtas ang mga inosenteng buhay mula sa kapahamakan, at panatilihing ligtas ang bawat pamilya sa panganib, sakuna, at paglikas.
Ipagsanggalang Mo ang aming mga tahanan, ang aming mga ari-arian, at ang pawis ng aming mga kamay na nagtataguyod sa aming kabuhayan.
Pagkalooban Mo ng karunungan ang mga nasa kapangyarihan,
Panatilihin kaming matatag at nagkakaisa sa pagmamalasakit sa isa’t isa,
At patahimikin mo ang mga bagyo sa aming kapaligiran.
Hinihiling namin ito sa pamamagitan ni Hesukristo, aming Panginoon. Amen.

San Sebastian, Ipanalangin mo kami.
San Roque, Ipanalangin mo kami.
San Jose, Ipanalangin mo kami.
San Vicente Ferrer, Ipanalangin mo kami.
San Pascual Baylon, Ipanalangin mo kami.
Mater Dolorosa, Ina at Tagapagtanggol ng Lalawigan ng Tarlac, ipanalangin mo kami.

29/08/2026

𝐐𝐔𝐀𝐄𝐑𝐄 𝐃𝐄𝐔𝐌 | 𝐈𝐤𝐚-𝟐𝟐 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧
𝐌𝐚𝐭𝐞𝐨 𝟏𝟔:𝟐𝟏–𝟐𝟕

Sa Ebanghelyo ngayon, sinimulan ni Jesus na ipaliwanag sa Kanyang mga alagad na Siya ay kinakailangang magdusa, mamatay, at muling mabuhay. Ngunit hindi ito matanggap ni Pedro at sinubukan niyang pigilan si Jesus. Kaya sinabi sa kanya ng Panginoon: “Lumayo ka sa akin, Satanas! Hadlang ka sa aking landas.”

Ipinapaalala sa atin ng Ebanghelyo na ang pagsunod kay Kristo ay hindi nangangahulugang laging madali ang ating landas. May mga pagkakataong kailangan nating tanggapin ang mga pagsubok, magsakripisyo, at isantabi ang sarili nating kagustuhan upang masunod ang kalooban ng Diyos.

Sinabi rin ni Jesus: “Kung ibig ng sinuman na sumunod sa akin, limutin niya ang kanyang sarili, pasanin ang kanyang krus, at sumunod sa akin.”

Ang pagsunod kay Kristo ay nangangailangan ng pagpapakumbaba. Hindi palaging ang sarili nating plano ang dapat masunod. Minsan, kailangan nating bitawan ang ating kagustuhan upang bigyang-daan ang mas mabuting plano ng Diyos.

Ang krus ay bahagi ng buhay ng isang Kristiyano. Ang mga problema, sakripisyo, kabiguan, at pagsubok ay hindi nangangahulugang iniwan tayo ng Diyos. Sa halip, maaari itong maging pagkakataon upang mas lumalim ang ating pananampalataya at pagtitiwala sa Kanya.

Sinabi ni Jesus na ang taong nagnanais iligtas ang kanyang buhay ay mawawalan nito, ngunit ang taong nagbibigay ng kanyang buhay alang-alang sa Kanya ay makakatagpo ng tunay na buhay. Ang tunay na kadakilaan ay hindi nasusukat sa katanyagan, kayamanan, o kapangyarihan, kundi sa ating katapatan sa pagsunod kay Kristo.

Ngunit sa bawat krus na ating pinapasan, hindi tayo nag-iisa. Nauna nang naglakad si Kristo sa daan ng sakripisyo at ipinakita Niya sa atin na ang pag-ibig ay nangangailangan ng pagbibigay ng sarili.

Nawa'y matutunan nating hindi lamang hanapin ang madali, kundi ang tama; hindi lamang ang sariling kagustuhan, kundi ang kalooban ng Diyos; at hindi lamang ang tagumpay, kundi ang katapatan sa pagsunod kay Kristo.

𝐀𝐍𝐆 𝐓𝐀𝐌𝐀𝐍𝐆 𝐏𝐀𝐆𝐒𝐔𝐍𝐎𝐃 𝐊𝐀𝐘 𝐊𝐑𝐈𝐒𝐓𝐎 𝐀𝐘 𝐍𝐀𝐆𝐌𝐔𝐌𝐔𝐋𝐀 𝐒𝐀 𝐏𝐀𝐆𝐋𝐈𝐋𝐈𝐌𝐎𝐓 𝐒𝐀 𝐒𝐀𝐑𝐈𝐋𝐈, 𝐏𝐀𝐆𝐏𝐀𝐒𝐀𝐍 𝐍𝐆 𝐊𝐑𝐔𝐒, 𝐀𝐓 𝐏𝐀𝐆𝐒𝐔𝐍𝐎𝐃 𝐒𝐀 𝐊𝐀𝐍𝐘𝐀.

28/08/2026

𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐀𝐆𝐔𝐒𝐓𝐈𝐍 𝐍𝐆 𝐇𝐈𝐏𝐎𝐍𝐀

Sa pagdiriwang ng Kapistahan ni San Agustin, inaanyayahan tayo ng kanyang buhay na pagnilayan kung saan natin tunay na hinahanap ang kaligayahan at kapayapaan. Si San Agustin ay dumaan sa isang mahabang paglalakbay ng paghahanap sa katotohanan. Marami siyang sinubukang landas sa buhay, ngunit kalaunan ay natuklasan niya na ang kanyang puso ay hindi kailanman magiging ganap na panatag hangga’t hindi ito bumabalik sa Diyos.

Ang kanyang sinabi na “My heart is restless until it rests in You” ay nagpapakita ng isang katotohanang nararanasan ng marami sa atin. Maaari nating makuha ang mga bagay na ating ninanais, makamit ang ating mga pangarap, at maranasan ang mga bagay na nagbibigay sa atin ng saya, ngunit hindi lahat ng ito ay nagbibigay ng pangmatagalang kapayapaan. May bahagi sa ating puso na patuloy na naghahanap ng higit pa, isang kapayapaang hindi kayang ibigay ng anumang bagay sa mundo.

Ang buhay ni San Agustin ay nagpapaalala rin sa atin na hindi kailanman huli ang pagbabalik sa Diyos. Ang kanyang nakaraan ay hindi naging hadlang upang siya ay maging isang banal na tao at dakilang g**o ng Simbahan. Sa halip, ang kanyang mga pagkakamali at paghahanap ay naging bahagi ng kanyang paglalakbay tungo sa tunay na pagkakilala sa Diyos. Ipinakita niya na ang pagbabago ay nagsisimula kapag naging bukas tayo sa biyaya ng Diyos.

Sa ating sariling buhay, maaaring may mga pagkakataong nakakaramdam tayo ng pagkalito, pagod, o kawalan ng direksyon. Sa mga sandaling ito, maaaring matukso tayong hanapin ang kasagutan sa mga bagay na panandalian lamang. Ngunit tulad ni San Agustin, tinuturuan tayo na bumalik sa Diyos at magtiwala sa Kanyang plano. Ang ating puso ay maaaring maging restless, ngunit ang Diyos ang ating tunay na pahingahan.

23/08/2026

PAGNINILAY | MATEO 16:13–20

“AT SINASABI KO SA IYO: IKAW AY PEDRO, AT SA IBABAW NG BATONG ITO ITATAYO KO ANG AKING SIMBAHAN, AT ANG MGA PINTUAN NG KAMATAYAN AY HINDI MANANAIG LABAN SA KANYA.”
— MATEO 16:18

Sa Ebanghelyo ngayon, ipinakita sa atin ni Jesus ang kahalagahan ng pagkilala sa Kanya at ng pananampalatayang buong pusong ipinahahayag. Nang tanungin ni Jesus ang Kanyang mga alagad kung sino Siya para sa kanila, si Pedro ang buong tapang na nagpahayag na Siya ang Kristo, ang Anak ng Diyos na buhay. Dahil sa kanyang pananampalataya, ipinagkatiwala ni Jesus kay Pedro ang isang mahalagang misyon, ang maging bato kung saan itatayo ang Kanyang Simbahan. Ipinapaalala nito sa atin na ang pagiging lider ay hindi lamang tungkol sa pagkakaroon ng posisyon o awtoridad. Ang tunay na pamumuno ay nagsisimula sa pananampalataya at pagtitiwala sa Diyos. Ang isang mabuting lider ay marunong maglagay sa Diyos sa unang lugar, sapagkat alam niyang ang kanyang kakayahan at misyon ay nagmumula sa Panginoon.

Ang tunay na kadakilaan ay nagsisimula rin sa pagpapakumbaba. Si Pedro ay hindi perpekto, ngunit pinili pa rin siya ni Jesus upang gampanan ang isang mahalagang tungkulin. Ipinapakita nito na hindi hinihingi ng Diyos ang isang taong walang pagkukulang, kundi isang pusong handang matuto, magbago, at maglingkod. Sa ating buhay, maaari rin tayong magkaroon ng mga kahinaan at pagkakamali, ngunit hindi nito ibig sabihin na wala na tayong kakayahang maglingkod sa Diyos at sa kapwa. Higit sa lahat, tinuturuan tayo ng Ebanghelyo na manatiling tapat hanggang wakas. Ang pagsunod kay Kristo ay hindi palaging madali. May mga pagkakataong tayo ay susubukin, panghihinaan ng loob, o magdududa. Ngunit ang tunay na pananampalataya ay nananatiling kumakapit sa Diyos kahit mahirap ang sitwasyon.

Sa ating pamilya, paaralan, komunidad, at Simbahan, tinatawag tayong maging mga lider na hindi naghahanap ng sariling karangalan kundi handang maglingkod. Unahin ang Diyos, manatiling mapagpakumbaba, at maging tapat hanggang wakas. Sapagkat ang tunay na lider ay hindi lamang marunong manguna, kundi marunong ding makinig, maglingkod, at magtiwala sa Diyos. Nawa'y tulad ni Pedro, matuto rin tayong kilalanin si Jesus bilang sentro ng ating buhay. At sa bawat misyong ipinagkakatiwala Niya sa atin, nawa'y manatili tayong matatag sa pananampalataya, mapagpakumbaba sa paglilingkod, at tapat sa Kanyang kalooban.

22/08/2026

𝐐𝐔𝐀𝐄𝐑𝐄 𝐃𝐄𝐔𝐌 | 𝐈𝐤𝐚-𝟐𝟏 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

𝐌𝐚𝐭𝐞𝐨 𝟏𝟔:𝟏𝟑–𝟐𝟎

Sa Ebanghelyo ngayon, itinanong ni Jesus sa Kanyang mga alagad: “Ngunit kayo, sino ako para sa inyo?” Sa tanong na ito, buong tapang na ipinahayag ni Pedro ang kanyang pananampalataya: “Ikaw ang Kristo, ang Anak ng Diyos na buhay.”

Mula sa pagpapahayag na ito, ipinagkatiwala ni Jesus kay Pedro ang isang mahalagang misyon. Ipinapaalala nito sa atin na ang tunay na pamumuno ay hindi lamang tungkol sa posisyon, kapangyarihan, o pagkilala ng iba. Ang tunay na lider ay isang taong marunong kumilala sa Diyos, mapagpakumbaba sa paglilingkod, at nananatiling tapat sa kanyang misyon.

𝐓𝐀𝐓𝐋𝐎𝐍𝐆 𝐊𝐀𝐓𝐀𝐍𝐆𝐈𝐀𝐍 𝐍𝐆 𝐈𝐒𝐀𝐍𝐆 𝐌𝐀𝐁𝐔𝐓𝐈𝐍𝐆 𝐋𝐈𝐃𝐄𝐑:

𝐓𝐑𝐔𝐄 𝐋𝐄𝐀𝐃𝐄𝐑𝐒 𝐏𝐔𝐓 𝐆𝐎𝐃 𝐅𝐈𝐑𝐒𝐓.
𝐓𝐑𝐔𝐄 𝐆𝐑𝐄𝐀𝐓𝐍𝐄𝐒𝐒 𝐁𝐄𝐆𝐈𝐍𝐒 𝐖𝐈𝐓𝐇 𝐇𝐔𝐌𝐈𝐋𝐈𝐓𝐘.
𝐓𝐑𝐔𝐄 𝐋𝐄𝐀𝐃𝐄𝐑𝐒 𝐑𝐄𝐌𝐀𝐈𝐍 𝐅𝐀𝐈𝐓𝐇𝐅𝐔𝐋 𝐓𝐎 𝐓𝐇𝐄 𝐄𝐍𝐃.

Sa ating pamilya, paaralan, komunidad, at simbahan, lahat tayo ay tinatawag na maging mabuting lider sa sarili nating paraan. Hindi kinakailangang maging makapangyarihan upang mamuno. Minsan, ang pinakamagandang pamumuno ay makikita sa tahimik na paglilingkod, pagpapakumbaba, at katapatan.

Nawa'y matutunan nating unahin ang Diyos, manatiling mapagpakumbaba, at maging tapat hanggang wakas. Sapagkat ang tunay na lider ay hindi lamang marunong manguna—marunong din siyang lumuhod, makinig, maglingkod, at sumunod sa Diyos.

𝐀𝐍𝐆 𝐓𝐀𝐓𝐀𝐆 𝐍𝐀 𝐏𝐀𝐌𝐔𝐌𝐔𝐍𝐎 𝐀𝐘 𝐍𝐀𝐆𝐌𝐔𝐌𝐔𝐋𝐀 𝐒𝐀 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀, 𝐏𝐀𝐆𝐏𝐀𝐏𝐀𝐊𝐔𝐌𝐁𝐀𝐁𝐀, 𝐀𝐓 𝐏𝐀𝐆𝐋𝐈𝐋𝐈𝐍𝐆𝐊𝐎𝐃.

16/08/2026

𝐐𝐔𝐀𝐄𝐑𝐄 𝐃𝐄𝐔𝐌 | 𝐈𝐤𝐚-𝟐𝟎 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧
𝐌𝐚𝐭𝐞𝐨 𝟏𝟓:𝟐𝟏–𝟐𝟖

Sa Ebanghelyo ngayon, makikita natin ang isang babaeng Canaanita na buong tapang na lumapit kay Jesus upang humingi ng kagalingan para sa kanyang anak. Sa kabila ng tila pananahimik at pagtanggi, hindi siya sumuko. Patuloy siyang nanalig at nagsumamo kay Jesus. Sa huli, nakita ni Jesus ang lalim ng kanyanyang pananampalataya at sinabi, “O babae, dakila ang iyong pananampalataya! Mangyari sa iyo ang iyong hinihiling.” At gumaling ang kanyang anak nang oras ding iyon.

Ipinapaalala sa atin ng Ebanghelyo na ang tunay na pananampalataya ay marunong magtiwala kahit hindi agad natin nakikita ang kasagutan sa ating mga panalangin. Tulad ng babaeng Canaanita, maaari tayong dumaan sa mga pagkakataong tila tahimik ang Diyos o tila hindi Niya agad sinasagot ang ating mga hinihiling. Ngunit hindi ibig sabihin nito na pinabayaan na Niya tayo.

Minsan, ang pananampalataya ay hindi lamang tungkol sa pagtanggap ng agarang sagot, kundi sa pagpiling manatili, magtiwala, at patuloy na lumapit kay Jesus.The Canaanite woman teaches us that faith does not give up when the answer seems delayed.

Sa ating mga panalangin para sa ating pamilya, mga anak, kaibigan, at mga mahal sa buhay, huwag tayong mawalan ng pag-asa. Patuloy tayong manalangin. Patuloy tayong magtiwala. At higit sa lahat, patuloy tayong lumapit kay Kristo. Sapagkat ang pusong tunay na nananalig ay hindi madaling sumuko. Sa kabila ng katahimikan, paghihintay, at pagsubok, nananatili itong kumakapit sa awa at kabutihan ng Diyos.

14/08/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐓𝐀𝐑𝐂𝐈𝐒𝐈𝐎 𝐍𝐆 𝐑𝐎𝐌𝐀

Ngayong araw, buong galak nating ipinagdiriwang ang Kapistahan ni San Tarcisio ng Roma, ang batang martir ng Banal na Eukaristiya at kinikilalang patron ng mga altar server sa buong mundo.

Noong ika-3 siglo, sa panahon ng pag-uusig sa mga Kristiyano sa Roma, ipinagkatiwala kay San Tarcisio ang pagdadala ng Banal na Komunyon sa mga Kristiyanong nakakulong dahil sa kanilang pananampalataya. Nang siya ay harangin at piliting isuko ang Katawan ni Kristo, pinili niyang pangalagaan ang Banal na Eukaristiya kahit kapalit nito ang kanyang sariling buhay. Dahil sa kanyang katapangan at pagmamahal kay Hesus sa Santisimo Sakramento, siya ay naging huwaran ng pananampalataya, katapatan, at paglilingkod.

Sa kanyang halimbawa, nawa’y matutuhan nating mahalin at igalang ang Banal na Eukaristiya, mamuhay nang may kababaang-loob, at maging tapat na saksi ni Kristo sa ating panahon.

Panalangin kay San Tarcisio

O maluwalhating San Tarcisio, batang martir ng Eukaristiya, turuan mo kaming mahalin si Hesus na tunay na naroroon sa Banal na Sakramento. Bigyan mo kami ng lakas upang maging tapat sa aming pananampalataya at handang maglingkod sa Simbahan nang may paggalang, katapatan, at pagmamahal. Ipanalangin mo ang lahat ng altar server at mga kabataang naglilingkod sa Panginoon, upang manatili silang matatag sa kanilang bokasyon at maging mabubuting saksi ni Kristo. Amen.

San Tarcisio ng Roma, Patron ng mga tagapaglingkod sa dambana, ipanalangin mo kami!

14/08/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆-𝐀𝐊𝐘𝐀𝐓 𝐒𝐀 𝐋𝐀𝐍𝐆𝐈𝐓 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

Ngayong Agosto 15, buong galak at pananampalataya nating ipinagdiriwang ang Dakilang Kapistahan ng Pag-aakyat sa Langit ng Mahal na Birheng Maria (Assumption of Mary), isa sa mga dakilang kapistahan ng Simbahang Katolika.

Ang Pag-aakyat sa Langit ni Maria ay tumutukoy sa paniniwala ng Simbahan na, matapos ang kanyang buhay sa lupa, si Maria ay iniakyat ng Diyos sa langit, katawan at kaluluwa, upang makasama sa kaluwalhatian ng kanyang Anak na si Hesukristo. Hindi ito nangangahulugang umakyat si Maria sa langit sa pamamagitan ng sarili niyang kapangyarihan, kundi siya ay iniakyat ng Diyos dahil sa natatanging biyaya at papel na ipinagkaloob sa kanya bilang Ina ng Tagapagligtas.

Ang debosyon at paniniwalang ito ay matagal nang bahagi ng tradisyon ng mga Kristiyano. Sa mga unang siglo ng Simbahan, naalala at ipinagdiriwang ng mga mananampalataya ang pagtatapos ng buhay ni Maria at ang kanyang pagpasok sa kaluwalhatian ng Diyos. Sa paglipas ng panahon, lalo itong naging mahalagang bahagi ng pananampalataya at debosyon ng Simbahan.

Ang kapistahang ito ay hindi lamang paggunita kay Maria, kundi paalala rin sa atin ng pangako ng Diyos tungkol sa buhay na walang hanggan. Sa katauhan ni Maria, nakikita natin ang larawan ng isang taong lubos na nagtiwala, sumunod, at nag-alay ng sarili sa kalooban ng Diyos.

PANALANGIN

Mahal na Birheng Maria, Ina ng Diyos at Ina naming lahat, sa iyong Dakilang Pag-aakyat sa Langit, turuan mo kaming mamuhay nang may matatag na pananampalataya at buong pagtitiwala sa Diyos.

Samahan mo kami sa bawat pagsubok na aming kinakaharap. Kapag kami ay nanghihina, palakasin mo ang aming loob. Kapag kami ay naliligaw ng landas, akayin mo kami pabalik kay Hesus. Kapag kami ay nawawalan ng pag-asa, ipaalala mo sa amin na ang Diyos ay laging tapat sa Kanyang mga pangako.

O Maria, tulungan mo kaming maging mapagpakumbaba, mapagmahal, at handang maglingkod sa kapwa. Nawa’y tulad mo, matutuhan naming sabihin sa Diyos ang aming buong pagtitiwala at pagsunod: “Mangyari sa akin ang ayon sa iyong salita.”

Ipanalangin mo ang aming mga pamilya, ang mga may karamdaman, ang mga nangangailangan, ang mga nawawalan ng pag-asa, at ang lahat ng patuloy na naghahanap ng liwanag at kapayapaan.

Nawa’y sa iyong paggabay, lalo kaming mapalapit sa iyong Anak na si Hesukristo at manatiling tapat sa Kanya hanggang sa huling sandali ng aming buhay.

Mahal na Birheng Maria, iniakyat sa kaluwalhatian ng Langit, ipanalangin mo kami.
Amen.

Maligayang Dakilang Kapistahan ng Pag-aakyat sa Langit ng Mahal na Birheng Maria!

13/08/2026

𝐑𝐞𝐦𝐞𝐦𝐛𝐞𝐫𝐢𝐧𝐠 𝐓𝐢𝐭𝐚 𝐄𝐦𝐢𝐥𝐲 𝐂𝐚𝐬𝐭𝐢𝐥𝐥𝐨

Today, on your birthday, we remember you with love, gratitude, and prayers. Though you are no longer with us, the memories, love, and kindness you shared will always remain in our hearts.

We may not be able to celebrate your birthday with you here on earth, but we trust that you are celebrating in the presence of our Lord in heaven.

“Jesus said, ‘I am the resurrection and the life. The one who believes in me will live, even though they die.’” — John 11:25

Happy birthday in heaven, Tita Emily. We miss you, we remember you, and we will always love you. May your soul continue to rest in the eternal peace of God.

11/08/2026

𝐀𝐆𝐎𝐒𝐓𝐎 11 || 𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍𝐓𝐀 𝐂𝐋𝐀𝐑𝐀 𝐍𝐆 𝐀𝐒𝐒𝐈𝐒𝐈

Si Santa Clara ng Assisi ay ipinanganak noong Hulyo 16, 1194 sa Assisi, Italy. Mula sa murang edad, ipinakita na niya ang kanyang malalim na pananampalataya at pagnanais na ialay ang kanyang buhay sa Diyos. Sa kabila ng kanyang marangal na pinagmulan, pinili niyang talikuran ang marangyang buhay at sundin si Kristo sa landas ng kahirapan, panalangin, at paglilingkod.

Sa edad na labingwalo, tumakas siya sa kanyang tahanan upang sundin ang kanyang bokasyon at makiisa sa pamumuhay ni San Francisco ng Assisi. Itinatag niya ang Order of Poor Ladies, na kalaunan ay nakilala bilang Poor Clares. Buong buhay niyang pinangalagaan ang diwa ng payak na pamumuhay, panalangin, pag-ibig sa Eukaristiya, at ganap na pagtitiwala sa Diyos.

Kilala si Santa Clara sa kanyang matatag na pananampalataya at malalim na pagmamahal kay Kristo. Sa kanyang buhay, ipinakita niya na ang tunay na kayamanan ay hindi matatagpuan sa mga bagay na materyal, kundi sa pagkakapit kay Hesus. Siya rin ay kinikilalang patrona ng telebisyon at ng mga taong naghahanap ng liwanag at patnubay. Pumanaw si Santa Clara noong Agosto 11, 1253 sa Assisi. Siya ay idineklara bilang santa ni Papa Alexander IV noong 1255, dalawang taon lamang matapos ang kanyang kamatayan.

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍𝐓𝐀 𝐂𝐋𝐀𝐑𝐀 𝐍𝐆 𝐀𝐒𝐒𝐈𝐒𝐈

O Santa Clara, tapat na alagad ni Kristo at mapagpakumbabang lingkod ng Diyos, tinuruan mo kaming piliin ang kayamanang hindi kumukupas—ang pag-ibig at presensya ni Hesus.

Tulungan mo kaming maging matatag sa aming pananampalataya, maging simple sa aming pamumuhay, at maging bukas-palad sa paglilingkod sa aming kapwa. Turuan mo kaming higit na magtiwala sa Diyos sa panahon ng pagsubok at manatiling nakatuon kay Kristo sa bawat hakbang ng aming buhay.

Santa Clara, ikaw na buong pusong tumingin kay Hesus bilang salamin ng aming buhay, tulungan mo kaming makita ang Kanyang mukha sa mga taong aming pinaglilingkuran, lalo na sa mga nangangailangan ng pagmamahal, pag-asa, at kalinga.

Ipanalangin mo kami upang magkaroon kami ng pusong mapagpakumbaba, matatag na pananampalataya, at tapang na sundin ang kalooban ng Diyos. Nawa'y matutuhan naming isabuhay ang iyong halimbawa ng panalangin, sakripisyo, at pag-ibig kay Kristo.

Idinadalangin namin ang aming kahilingan: (banggitin ang kahilingan).

Hinihiling namin ito sa pamamagitan ni Hesukristo, kasama ng Mahal na Birheng Maria at sa tulong ng iyong panalangin. Amen.

San Pascual Baylon Chapel

29/08/2026

29/08/2026

28/08/2026

23/08/2026

22/08/2026

16/08/2026

14/08/2026

14/08/2026

13/08/2026

11/08/2026

Address

Website

Alerts

Shortcuts

Share

Category

Listing takedown request