25/07/2026
𝐋𝐀𝐊𝐁𝐀𝐘 𝐍𝐈 𝐅𝐑𝐀𝐍𝐂𝐈𝐒𝐂𝐎: 𝐓𝐡𝐞 𝐉𝐮𝐛𝐢𝐥𝐞𝐞 𝐑𝐞𝐥𝐢𝐜 𝐏𝐢𝐥𝐠𝐫𝐢𝐦𝐚𝐠𝐞 𝐨𝐟 𝐒𝐭. 𝐅𝐫𝐚𝐧𝐜𝐢𝐬 𝐨𝐟 𝐀𝐬𝐬𝐢𝐬𝐢 ✝️🙏🏻
𝐇𝐔𝐋𝐘𝐎 𝟐𝟗, 𝟐𝟎𝟐𝟔 (9:00 AM) - 𝐇𝐔𝐋𝐘𝐎 𝟑𝟎, 𝟐𝟎𝟐𝟔 (8:00 AM)
Upod an mga kasing-kasing nga puno hin pagpasalamat ngan kalipay, an Parokya ni San Francisco de Assisi, mapaso nga nag-iimbitar han ngatanan nga mga Tarangnanon, mga parokyano, ngan han mga magtinuohon ha magkadurodilain nga mga bungto ug barangay nga magkaurosa kita pagtapo han pag-abot han Relikya ni San Francisco de Assisi yana nga tiarabot nga 𝐌𝐈𝐘𝐄𝐑𝐊𝐔𝐋𝐄𝐒 𝐇𝐔𝐋𝐘𝐎 𝟐𝟗, 𝟐𝟎𝟐𝟔 𝐍𝐆𝐀𝐃𝐀 𝐇𝐀𝐍 𝐇𝐔𝐋𝐘𝐎 𝟑𝟎, 𝟐𝟎𝟐𝟔 𝐇𝐔𝐖𝐄𝐁𝐄𝐒. Ine kaparte han aton paghinumdom han Ikawalo nga Centenaryo han pagkamatay ni San Francisco de Assisi tikang han tunan-on nga kinabuhi niya ngadto han ginhadian han Makagarahum nga Amay dida han Oktubre 3, 1226.
Ha usa nga mahinungdanon nga panhitabo, ginbendisyunan kita nga magin kaparte han "Lakbay ni Francisco: The Jubilee Relic Pilgrimage of St. Francis of Assisi." Pinaagi han inisyatiba han tagsa-tagsa nga mga institusyon, an aton parokya in natagan hin hilarum nga bendisyon nga magin kaparte han itinerary hini nga sagrado nga relikya dinhi ha Diocese of Calbayog.
Aton ginlalauman nga an pag-abot hini nga gintatahod nga relikya amo an magdara han espirituwal nga panurundon han aton Seraphic Father nga mas maharani ngadto han mga debotado, mga Tarangnanon, ngan han mga magtinuohon, nga mag-aaghat han ngatanan nga pahilarumon pa an ira pagtoo, karawaton an pagpaubos, mag-aghat hin kamurayawan, ngan mag-ataman han mga binuhat han Dios.
Sanglit, mag-urosa kita ngatanan, karawaton naton ha aton mga kasingkasing hi San Francisco de Assisi ngan igsalin-urog naton ini nga talagsaon nga Jubileo nga may pagtoo, debosyon, ngan pagpasalamat. 🙏🏻
AdMain.
