Samahan ng Ina ng Laging Saklolo - Tanza, Cavite

27/09/2026

“Sanlibo man aking buhay, sanlibo ring iaalay, sanlibo kong kamatayan, sa palad mo ilalaan.”

Ngayong ika-28 ng Setyembre, ginugunita natin ang kauna-unahang Pilipinong Santo, si San Lorenzo Ruiz, isang martir, at siyang Patron ng mga Katekista at mga Sakristan.

Maging paalala nawa sa atin ang naging buhay at pagpapamalas ng pananampalataya ni San Lorenzo Ruiz, pananampalatayang may paninindigan at nakatuon lamang sa Diyos.

27/09/2026

San Francisco de Asis,
ipanalangin mo kami.

Bilang bahagi ng pagdiriwang ng Kapistahan ni San Francisco de Asis, magkakaroon ng Prusisyon kasama ang mga alagang hayop sa darating na Linggo, ika-4 ng Oktubre 2026, sa ganap na 3:00 ng Hapon.

Inaanyayahan ang lahat ng mga may alagang hayop na makiisa sa natatanging prusisyon na ito sa Dambana ni Tata Usteng.

Maari pong magregister sa LINK na ito, para sa mas maayos na daloy at talaan:

https://www.tinyurl.com/SanFranciscoTanza
(maaari rin i-scan ang QR Code na makikita sa larawan)

Paalala po sa lahat ng mga dadalo ang maingat na pagdala at pagsama sa kanilang mga alagang hayop.

San Francisco de Asis,
ipanalangin mo kami.



————————————————
Like and follow us on 𝗙𝗮𝗰𝗲𝗯𝗼𝗼𝗸:
https://www.facebook.com/SanAgustindeTanza

Subscribe to us on 𝗬𝗼𝘂𝘁𝘂𝗯𝗲:
https://www.youtube.com/

Follow us on 𝗧𝗶𝗸𝘁𝗼𝗸:
https://www.tiktok.com/

Follow us on 𝗜𝗻𝘀𝘁𝗮𝗴𝗿𝗮𝗺:
https://www.instagram.com/sanagustindetanza

24/09/2026

San Francisco de Asis,
ipanalangin mo kami.

Nuestro Seráfico Padre San Francisco de Asís, ruega por nosotros!

Patron ng Ekolohiya at Kalikasan, si San Francisco de Asis ay huwaran ng pagpapamalas ng dalisay at tapat na pag-ibig na handang magmahal kahit pa sa mga hindi kamahal-mahal. Ang kanyang pagsisikap at katapatan na mamuhay nang naaayon sa kalooban ng Diyos nawa ang ating maging gabay upang ibigin ang ating kapwa kasama ang lahat ng Kanyang nilikha.

Sa pangunguna ng Tercera Orden de San Francisco ng Pandiyosesanong Dambana ni San Agustin at Parokya ng Sta. Cruz, halina’t sama-samang gunitain ang Kapistahan ni San Francisco de Asis sa ating dambana.

Ang nobena ay gaganapin pagkatapos ng Banal na Misa sa 6:00 ng umaga, simula ika-25 ng Setyembre hanggang ika-3 ng Oktubre 2026. Sa araw naman ng Kapistahan, Linggo, ika-4 ng Oktubre 2026, ang Banal na Misa ay nakabatay sa ating Sunday Schedule. Pagsapit ng 3:00 ng Hapon, malugod na inaanyayahan ang lahat kasama ang kanilang mga alagang hayop na makiisa sa isang maringal na Prusisyon.

Katulad ni Tata Kiko, bumukal nawa sa bawat isa ang pag-ibig na hindi nang-uuri, bagkus ay bukas at handang magbahagi sa lahat.



————————————————
Like and follow us on 𝗙𝗮𝗰𝗲𝗯𝗼𝗼𝗸:
https://www.facebook.com/SanAgustindeTanza

Subscribe to us on 𝗬𝗼𝘂𝘁𝘂𝗯𝗲:
https://www.youtube.com/

Follow us on 𝗧𝗶𝗸𝘁𝗼𝗸:
https://www.tiktok.com/

Follow us on 𝗜𝗻𝘀𝘁𝗮𝗴𝗿𝗮𝗺:
https://www.instagram.com/sanagustindetanza

24/09/2026

San Lorenzo Ruiz, kauna-unahang Pilipinong Santo, ipanalangin mo kami.

Patron ng mga Katekista at mga Sakristan, si San Lorenzo Ruiz na isang martir ang kauna-unahang Pilipinong Santo, siyang ating huwaran sa pananampalataya, paninindigan, at paglilingkod nang may kababaang-loob.

Sa pangunguna at pamamahala ng Ministry of Altar Servers ng Pandiyosesanong Dambana ni San Agustin at Parokya ng Sta. Cruz, inaanyayahan ang lahat na aktibong makibahagi sa pag-alala’t pagpaparangal kay San Lorenzo Ruiz. Simula, ika-25 hanggang ika-27 ng Setyembre 2026, tuwing 5:30 ng umaga gaganapin ang Triduum sa Karangalan ng Kapistahan ni San Lorenzo Ruiz bago ganapin ang Banal na Misa tuwing 6:00 ng umaga.

Pagsapit ng araw ng Kapistahan, Lunes, ika-28 ng Setyembre, makisalo sa pagdiriwang ng Banal na Misa, ganap na ika-6:00 ng Umaga.

Maging tanda nawa sa atin ang naging buhay ni San Lorenzo Ruiz, na sa kabila ng panganib ng pag-uusig, paghihirap at kamatayan ay pinili niyang ipamalas ang paninindigan at kabayanihan sa kanyang pananampalataya.

San Lorenzo Ruiz, kauna-unahang Pilipinong Santo, ipanalangin mo kami.



————————————————
Like and follow us on 𝗙𝗮𝗰𝗲𝗯𝗼𝗼𝗸:
https://www.facebook.com/SanAgustindeTanza

Subscribe to us on 𝗬𝗼𝘂𝘁𝘂𝗯𝗲:
https://www.youtube.com/

Follow us on 𝗧𝗶𝗸𝘁𝗼𝗸:
https://www.tiktok.com/

Follow us on 𝗜𝗻𝘀𝘁𝗮𝗴𝗿𝗮𝗺:
https://www.instagram.com/sanagustindetanza

23/09/2026

Setyembre 23 | Kapistahan ni Sto. Padre Pio ng Pietrelcina

Bantog sa pagkakaroon ng Stigmata o mga sugat ni Kristo, kilala rin si Padre Pio bilang tagapagtangkilik ng Kumpisal at pati ang mga milagro ng pagpapagaling.

Manahan nawa sa atin ang mga katagang kanyang sinambit: “Manalangin, umasa, at huwag mag-alala” sa bawat araw ng ating buhay habang naglalakbay tungo sa piling ng ating Diyos.

Sto. Padre Pio,
ipanalangin mo kami.

15/09/2026

: Invitacion sa mga tugang na Bicolano, maogma po kamong pig-iimbitaran sa celebracion kan Banal na Misa sa kaomawan ni Ina, an Mahal na Virgen kan Peñafrancia sa 19 kan Septiembre 2026, Sabado, alas onse i-media sa banggi (11:30 AM). An Banal na Misa gigibuhon sa diyalektong Bicol, papamundoan ni Rev. Fr. Romel C. Lagata.

¡VIVA SATUYANG MAHAL NA INA!
¡VIVA EL DIVINO ROSTRO!
¡FELIZ FIESTA PATRONA DEL BICOL, NUESTRA SEÑORA DE PEÑAFRANCIA!

: Invitacion sa mga tugang na Bicolano, maogma po kamong pig-iimbitaran sa celebracion kan Banal na Misa sa kaomawan ni Ina, an Mahal na Virgen kan Peñafrancia sa 19 kan Septiembre 2026, Sabado, alas onse i-media sa banggi (11:30 AM). An Banal na Misa gigibuhon sa diyalektong Bicol, papamundoan ni Rev. Fr. Romel C. Lagata.

¡VIVA SATUYANG MAHAL NA INA!
¡VIVA EL DIVINO ROSTRO!
¡FELIZ FIESTA PATRONA DEL BICOL, NUESTRA SEÑORA DE PEÑAFRANCIA!



————————————————
Like and follow us on 𝗙𝗮𝗰𝗲𝗯𝗼𝗼𝗸:
https://www.facebook.com/SanAgustindeTanza

Subscribe to us on 𝗬𝗼𝘂𝘁𝘂𝗯𝗲:
https://www.youtube.com/

Follow us on 𝗧𝗶𝗸𝘁𝗼𝗸:
https://www.tiktok.com/

Follow us on 𝗜𝗻𝘀𝘁𝗮𝗴𝗿𝗮𝗺:
https://www.instagram.com/sanagustindetanza

14/09/2026

“Magalak ka Ina ng Diyos, sa tabi ng Krus ni Hesus ikaw ay martir na lubos.”

Tuwing ika-15 ng Setyembre, ginugunita natin ang Mahal na Birheng Maria na Nagdadalamhati. Siyang larawan ng ganap na pagiging alagad ng Diyos — nakinig, tumalima, at isinabuhay ang kalooban ng Diyos, higit sa lahat, sumama sa kanyanng Anak na si Hesus hanggang sa mapait na kamatayan sa Krus.

Sa ating pagdurusa sa mga hirap at sakit sa buhay, manatili nawa tayong puspos ng pag-asa at pagtitiwala sa Diyos, sikapin nawa nating pasanin ang sariling krus at sumunod kay Hesus habang tayo’y naglalakbay sa buhay pananampalataya. Maging tanda nawa sa bawat araw ang karanasan ng Mahal na Birheng Nagdadalamhati, na sa bawat pagsubok, mananatiling tapat ang Panginoon sa Kanyang pag-ibig at biyaya para sa atin.

14/09/2026

Panawagan po sa lahat ng Bicolano/Bicolana …

Mayron pong isasagawang Special Mass para sa karangalan ng Kapistahan ng Mahal n Birhen ng Penafrancia, sa darating na Sabado, Sept.19@11:30 am, na pamumunuan ni Father Romel Lagata.

Pakisabihan po ang lahat ng inyong mga kaibigan at kakilala na dumalo sa nasabing pagdiriwang.

Salamat po!

14/09/2026

Ngayong Lunes, ika-14 ng Setyembre 2026, biyayang ating tinanggap ang pagdating ng National Pilgrim Relic ni San Francisco de Asis sa Dambana ni Tata Usteng, kasabay ang pagdiriwang ng Dakilang Kapistahan ng Pagtatampok sa Krus na Banal na siya naman ngalang titular ng ating Parokya.

Ang Banal na Krus na pinagpakuan kay Hesukristo ay sagisag ng dusa at kamatayan, ngunit ito rin ang tanda ng dakila at walang hanggang pag-ibig ng Diyos sa atin, sa pag-aalay ng Kanyang Anak na si Hesus upang tayong lahat ay maligtas mula sa kadiliman ng kasalanan.

Katulad naman ni San Francisco, matutunan nawa nating pasanin ang sarili nating krus bilang pagsunod sa kalooban ni Kristo, kung ang hinihiling sa atin ng Diyos ay iwanan at alisin ang lahat, hayaan nating iwaksi ang makamundong mga bagay na pumipigil sa ating paglago bilang mga banal na tagasunod ni Kristo.

Maligayang Kapistahan ng Pagtatampok sa Krus na Banal!

San Francisco,
ipanalangin mo kami.

12/09/2026

“Panginoon, gawin Mo akong kasangkapan ng Iyong kapayapaan.”

Malugod na inaanyayahan ang lahat na makiisa sa pagsalubong at pananalangin sa darating na ika-14 hanggang ika-15 ng Setyembre 2026. Narito ang talaan ng mga pandambanang gawain sa naturang pagdalaw.

San Francisco de Asis,
ipanalangin mo kami.

“Panginoon, gawin Mo akong kasangkapan ng Iyong kapayapaan.”

Bantog sa radikal na pamumuhay nang payak, at lubos na pagmamahal sa mga hayop at sa kalikasan, si San Francisco de Asis ay sadyang huwaran sa kabanalan at kababaang-loob.

Biyayang kaloob sa atin, na habang tayo’y kasalukuyang nasa Panahon ng Paglikha (Season of Creation), dadalaw sa atin ang National Pilgrim Relic ni San Francisco.

Malugod na inaanyayahan ang lahat na makiisa sa pagsalubong at pananalangin sa darating na ika-14 hanggang ika-15 ng Setyembre 2026. Narito ang talaan ng mga pandambanang gawain sa naturang pagdalaw.

San Francisco de Asis,
ipanalangin mo kami.



————————————————
Like and follow us on 𝗙𝗮𝗰𝗲𝗯𝗼𝗼𝗸:
https://www.facebook.com/SanAgustindeTanza

Subscribe to us on 𝗬𝗼𝘂𝘁𝘂𝗯𝗲:
https://www.youtube.com/

Follow us on 𝗧𝗶𝗸𝘁𝗼𝗸:
https://www.tiktok.com/

Follow us on 𝗜𝗻𝘀𝘁𝗮𝗴𝗿𝗮𝗺:
https://www.instagram.com/sanagustindetanza