Saint James the Greater Parish - Tanjay City

06/08/2026

PASALAMAT SA MGA HERMANO UG HERMANA, UG SA TANANG MGA TANJAYANON!

Kinasingkasing nga pagpasalamat sa Parokya ni Sr. Santiago Apostol sa Tanjay tungod sa malampusong pagsaulog sa atong tinuig nga kapistahan.

Sama sa matag Tanjayanon nga nitampo aron mahimong malampuson ang maong kasaulogan, espesyal usab ang among pagpasalamat sa atong mga Hermana ug Hermano Mayor karong tuiga.

Pinaagi sa ilang kamanggihatagon, napahigayon ug napangandaman pag-ayo ang kasaulogan, lakip ang maayong pag-atiman ug pag-abiba sa atong mga bisita atol sa pista. Pamatuod kini nga ang mga Tanjayanon manggihatagon ug adunay dakong pagsalig sa atong Ginoo pinaagi sa panabang ni Sr. Santiago Apostol.

Taliwala niining kalampusan, ang among pag-ampo ug panghinaut mao nga magpadayon kining maayong tradisyon alang sa umaabot nga mga henerasyon sa mga Tanjayanon.

Sa atong mga Hermana ug Hermano Mayor, ug sa tanang Tanjayanon, atong kalampusan kining tanan!

¡Viva Sr. Santiago Apostol!

Mga hulagway: Stephen Buquiran

25/07/2026

Misa Conselebrada 2026

With Bp. Julito Cortes, DD

20/07/2026

📜 Sundalo ba si Señor Santiago Apostol?

⚔️ Daghan ang nakaila kang Señor Santiago nga nagsakay sa puti nga kabayo ug nagkupot og espada. Apan, tinuod ba nga sundalo siya?

Ang tubag mao ang dili.

Sumala sa Bibliya ug sa mga sinulat sa unang mga Kristiyano, si Señor Santiago Apostol dili sundalo. Sa wala pa siya gitawag ni Jesus, usa siya ka mananagat uban sa iyang igsoon nga si San Juan. Gibiyaan niya ang iyang pukot aron mosunod kang Cristo ug mahimong usa sa Napulog Duha ka mga Apostoles. Sa ulahi, siya usab ang unang Apostol nga namartir tungod sa iyang pagtuo.

Apan sa panahon sa Reconquista, sa dihang ang mga Kristiyanong Kastila nakig-away batok sa mga Muslim sa Iberian Peninsula, mitumaw ang usa ka bantugang debosyon kang "Santiago Matamoros," nga nagpasabot "Santiago, ang Tigbuntog sa mga Moro."

Tungod niini, nagsugod ang tradisyon sa paghulagway kang Señor Santiago nga nagsakay sa puti nga kabayo ug nagkupot og espada. Kini usa ka simbolikong hulagway nga nagpakita sa iyang pagpanalipod ug pagpataliwala alang sa mga Kristohanon, ug dili usa ka hitabo nga gisaysay sa Bibliya.

Mas nailhan pa kini pinaagi sa leyenda sa Gubat sa Clavijo, diin sumala sa tradisyon, nakab-ot sa mga Kristohanon ang ilang kadaugan pinaagi sa panabang ug pagpataliwala ni Señor Santiago Apostol.

Sa pag-abot sa mga misyonaryong Kastila sa Pilipinas, ilang gidala ang debosyon kang Señor Santiago Apostol, uban sa ilang mga tradisyon sa pagpasidungog kaniya. Sa samang higayon, ilang gipakaylap usab ang debosyon sa Señor Santo Niño, nga unang nadawat sa Sugbo ug nahimong sinugdanan sa pagkatukod sa pagtuo Katoliko sa atong nasud.

🙏 Busa, kon atong makita si Señor Santiago nga nagsakay sa kabayo ug adunay espada, atong hinumdoman nga kini usa ka simbolo sa iyang panalipod ug pagpataliwala isip Apostol ni Cristo—dili tungod kay siya usa ka sundalo, kondili tungod kay siya usa ka matinud-anong sumusunod ni Jesus hangtod sa iyang kamatayon.

Viva Señor Santiago Apostol!

18/07/2026

TINAGSIP NGA PAMALANDONG

2nd Day Novena pahinungod ni Sr. Santiago Apostol uban ni Fr. Ranulfo T. Colina.

Atong hinukugan:
"Dili halad ang iyang gusto kun dili kalooy, kalooy sa atong isig katawo, gugma sa atong isigkatawo, pagtabang sa atong isig katawo."

17/07/2026

TINAGSIP NGA PAMALANDONG

1st Day Novena pahinungod ni Sr. Santiago Apostol uban ni Fr. Bernie Diaz. Atong hinukugan:

"Ang bugno sa kinabuhi kay it's within yourself... Walay mo daog kung ang usa ka lawas mag away-away."

15/07/2026

2026 Fiesta Novena Mass and Fiesta Mass Schedule.

09/07/2026

06/07/2026

TINAGSIP: PAGBISITA SA MILAGROSO NGA RELIC NI SAN CHARBEL UG ANG HEALING MASS

06/07/2026

𝐌𝐠𝐚 𝐌𝐢𝐥𝐚𝐠𝐫𝐨, 𝐝𝐚𝐥𝐚 𝐬𝐚 𝐩𝐚𝐠𝐛𝐢𝐬𝐢𝐭𝐚 𝐬𝐚 𝐑𝐞𝐥𝐢𝐜 𝐒𝐚𝐧 𝐂𝐡𝐚𝐫𝐛𝐞𝐥 𝐬𝐚 𝐓𝐚𝐧𝐣𝐚𝐲

Dala sa milagroso nga Relic ni San Charbel sa Lebanon ang paglaom alang sa mga Tanjayanon atol sa pagbisita niini Martes, Hulyo 2, 2026.

Dili lang mga Tanjayanon ang nihugop sa Parokya apan apil na ang gikan sa silinganang mga lungsod ug syudad aron makapangayo sa tabang ni San Charbel pinaagi sa iyang relic.

Matod ni Fr. Christian Benjamin, kinsa maoy nagdala sa maong relic sa Diocese of Dumaguete, tinuod nga milagroso si San Charbel.

Main celebrant sa Healing Mass sa Parokya si Fr. Tomokatsu Yamaguchi, OAR, uban nila Fr. Bernadro Diaz, ug Fr. Christian.

Giangkon ni Fr. Christian sa iyang pagpaambit human sa Healing Mass nga wala siya makaila ni San Charbel kon wala siya sugua ni Dumaguete Bishop Julito Cortes nga kuhaon kini sa Manila.

Gani, dihang iyang gi-contact ang custodian sa Relic ni San Charbel sa Archdiocese of Manila, nangutan kini niya kon duna kini sakit. Igo ra sa pagtubag si Fr. Christian nga wala.

Apan dihang iyang personal nga gikuha ang Relic sa Manila, diha niya nasinati ang milagroso nga presensya niini.

Duna say laing relic nga nibisita sa mga Parokya sa silingang Archdiocese of Cebu. Apan matod ni Fr. Christian, lahi kini sa iyang dala dinhi sa Diocese of Dumaguete.

Matod sa pari, ang relic nga nibisita sa Sugbo ang kabahin sa kahoy diin kanunay mopundo o mag-tambay si San Charbel didto sa Lebanon mao nga ang hitsura niini daw usa ka kahoy. Samtang ang iyang gidala lana nga nakuha gikan sa lubnganan sa maong Santo.

Ang maong lana nakuha human giugkat ang lubngana sa santo human kini nipagwas og katingalahang kahayag.

Nakaangkon niining lana ang Archdiocese of Manila ug mahimo lang kini nga mapagawas sa maong lugar kon dunay opisyal nga suwat hangyo sa usa ka obispo.

Dako ang pasalamat ni Fr. Christian ni Bishop Cortes kinsa nisuwat sa iyang higala nga si Manila Archbishop Cardinal Jose Advincula aron makabisita ang Relic ni San Charbel sa Negros Oriental ug Siquijor nga talagsaon kaayo.

02/07/2026

DAYON SA TANJAY!

Niabot na sa atong Parokya ang Relic sa milagrosong santo nga si San Charbel Makhlouf gikan sa Lebanon.

Ang maong Relic gidala nila Fr. Christian Benjamin ug Fr. John Ric Abordo, ug gidawat sa atong kaparian pinaagi ni Fr. Tomokatsu "Tomo" Yamaguchi, OAR.

Nagpasalamat usab kita sa Immaculate Heart of Mary Academy sa pagtugot sa ilang mga estudyante nga mahimong kabahin sa mainiton nga pagdawat sa Relic ni San Charbel.

Human sa pag-abot, gisugdan dayon ang Vigil ug Veneration sa Relic, nga magapadayon hangtod ugma sa dili pa kini mobiyahe padulong sa sunod nga Parokya.

Giawhag ang tanang tumutuo sa pag-apil sa mga mosunod nga kalihokan karong adlawa:

📖 4:00 p.m. – Katekesis sa Kinabuhi ni San Charbel
✝️ 5:15 p.m. – Healing Mass

Dali na ug uban kanamo sa pag-ampo ug pagpasidungog kang San Charbel, ug atong ipiyong ang atong mga intensyon pinaagi sa iyang pagpataliwala.

San Charbel, ampoi kami! 🙏