16/07/2026
S T A N D R I G H T , W A L K R I G H T
By Bishop Emi Domingo
Kapag tama ang ating tayo, natural na magiging tama rin ang ating lakad. Pero kapag mali ang tindig, magiging mali din at hindi tuwid ang direksyon ng paglalakad. Ganoon din sa Christian life. Ang problema ng maraming believers ay gusto nilang ayusin agad ang kanilang lakad, pero nakakalimutan nilang ang tunay na pinagmumulan ng tamang lakad ay ang tamang tayo. Hindi nagsisimula ang Christian life sa doing; nagsisimula ito sa being. Hindi ito nagsisimula sa performance kundi sa position.
Ang magandang balita ng Ebanghelyo ay hindi, "Ayusin mo muna ang buhay mo para tanggapin ka ng Diyos." Ang sinasabi ng Ebanghelyo ay, "Tinanggap ka na ng Diyos dahil kay Cristo. Ngayon, mamuhay ka mula sa katotohanang iyon." Kaya ang Christian life ay hindi tungkol sa pagsisikap na makapasok sa biyaya, kundi sa paglakad mula sa biyayang natanggap na natin.
Ito ang sinabi ni Paul sa Romans 5:1–2: "Therefore, since we have been justified through faith, we have peace with God through our Lord Jesus Christ, through whom we have gained access by faith into this grace in which we now stand." Pansinin ang phrase na "this grace in which we now stand." Ang sabi niya, dito sa biyaya tayo nakatayo. Ang standing natin ay hindi sa sarili nating kabutihan, hindi sa ating spiritual performance, at hindi sa ating consistency. Ang standing natin ay nasa biyaya ng Diyos dahil sa finished work ni Cristo. Kaya sinabi rin niya sa Romans 8:1, "There is now no condemnation for those who are in Christ Jesus." Ang tamang tayo ay ang pagkaalam na ikaw ay in Christ—accepted, forgiven, righteous, at secure dahil sa Kanya.
Kapag tama ang iyong standing, magiging tama rin ang iyong walking. Hindi tayo sumusunod para mahalin tayo ng Diyos; minahal muna Niya tayo, kaya tayo nakakasunod. Hindi tayo gumagawa ng mabuti para tanggapin Niya tayo; nakagagawa tayo ng mabuti dahil tinanggap na Niya tayo kay Cristo. Kaya sinabi ni Paul sa Colossians 2:6, "Just as you received Christ Jesus as Lord, continue to live in him." Kung paano mo tinanggap si Cristo—by grace through faith—ganoon din ang paraan ng iyong paglakad araw-araw—by grace through faith. Hindi ka nagsisimula sa biyaya tapos nagtatapos sa sariling pagsisikap. From beginning to end, grace is the foundation of the Christian life and the Christian walk.
Ito rin ang dahilan kung bakit sinabi sa Titus 2:11–12 na ang biyaya ang nagtuturo sa atin na tumanggi sa kasalanan at mamuhay nang matuwid. Hindi legalismo ang tunay na nagpapabago sa tao. Grace transforms. Kapag mas nauunawaan mo kung gaano ka kamahal at katanggap-tanggap kay Cristo, mas nagkakaroon ka ng pagnanais na mamuhay para sa Kanya. Ang obedience ay hindi paraan para makamit ang biyaya; ito ang bunga ng biyayang natanggap na.
Sa practical na buhay, kapag nadapa ka, huwag mong isipin na nawala ang iyong standing kay Cristo. Ang iyong failure ay hindi mas malakas kaysa sa Kanyang tinapos na gawa sa krus. Sa halip, alalahanin mo ang katotohanan ng Ebanghelyo. Alalahanin mo kung sino ka kay Cristo. Kapag natutukso ka, huwag mong sabihin, "Ganito na talaga ako." Sa halip, sabihin mo, "Hindi na ito ang aking identity. Ako ay nasa kay Cristo." Ang tunay na pagbabago ay hindi nagsisimula sa mas matinding effort, kundi sa mas malinaw na revelation ng iyong position in Christ.
Kaya tandaan natin ito: Kapag tama ang iyong tayo, tama rin ang iyong lakad. At ang tamang tayo ay hindi ang pagtayo sa sarili mong kakayahan, kundi ang pagtayo sa biyaya ng Diyos, in Christ Jesus. Hindi natin itinutuwid ang ating lakad para makapasok sa biyaya. Nasa biyaya na tayo, kaya naman matuwid ang ating lakad.
