Esquire Church

23/08/2026

𝗘𝗦𝗤𝗨𝗜𝗥𝗘 𝗖𝗛𝗨𝗥𝗖𝗛
(Sunday Sermon)

“𝐘𝐎𝐔𝐑 𝐌𝐎𝐍𝐄𝐘 𝐈𝐒 𝐌𝐈𝐍𝐈𝐒𝐓𝐑𝐘: 𝐓𝐡𝐞 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐨𝐟 𝐁𝐢𝐛𝐥𝐢𝐜𝐚𝐥 𝐆𝐢𝐯𝐢𝐧𝐠”

📖 Main Text: Malakias 3:10
🗓️ Date: August 23, 2026
🎤 Speaker: Rev. Kenaniah D. Arbis

"[10] Dalhin ninyo nang buong-buo ang inyong mga ikasampung bahagi sa tahanan ng Diyos upang matugunan ang pangangailangan sa aking tahanan. Subukin ninyo ako sa bagay na ito, kung hindi ko buksan ang mga bintana ng langit at ibuhos sa inyo ang masaganang pagpapala." - Malakias 3:10

𝑯𝒊𝒏𝒅𝒊 𝒊𝒕𝒐 𝒔𝒆𝒓𝒎𝒐𝒏 𝒑𝒂𝒓𝒂 𝒔𝒂 𝒄𝒉𝒖𝒓𝒄𝒉 𝒃𝒖𝒅𝒈𝒆𝒕. 𝑰𝒕𝒐 𝒂𝒚 𝒑𝒂𝒓𝒂 𝒔𝒂 𝒑𝒖𝒔𝒐 𝒎𝒐.

Ang paraan ng paggamit mo ng pera ay nagpapakita ng kalagayan ng puso mo sa harap ng Diyos. May budget ka para sa kape, data, netflix, milktea, at gadget, pero bakit sa Diyos barya lang? 🤔

𝐇𝐢𝐧𝐝𝐢 𝐈𝐭𝐨 𝐓𝐮𝐧𝐠𝐤𝐨𝐥 𝐬𝐚 𝐏𝐞𝐫𝐚. 𝐓𝐮𝐧𝐠𝐤𝐨𝐥 𝐈𝐭𝐨 𝐬𝐚 𝐏𝐮𝐬𝐨.

Nasusulat sa Mateo 6:21 at Marcos 12:43-44,

"Kung nasaan ang iyong kayamanan, naroon din ang iyong puso." - Mateo 6:21

"Ang mahirap na biyuda nagbigay ng dalawang barya. Sinabi ni Jesus: siya ang nagbigay nang pinaka-malaki." - Marcos 12:43-44

Ang pupuntahan ng pera mo ay nagpapakita kung saan nakatuon ang puso mo. Kung ang lahat ng pera mo ay napupunta lang dito sa mundo, dito sa mundo nananahan ang iyong puso. Ngunit kung marunong kang magbigay sa Diyos nang bukal sa loob, sa Diyos nananahan ang iyong puso. Hindi amount ang sinusukat ng Diyos, tinitignan Niya kung galing sa puso ang hinahandog mong kaloob sa Kanya. 💕

𝐀𝐧𝐠 𝐈𝐤𝐚𝐩𝐮 𝐚𝐲 𝐇𝐢𝐧𝐝𝐢 𝐒𝐮𝐠𝐠𝐞𝐬𝐭𝐢𝐨𝐧

"Ang bawat isa'y dapat magbigay ayon sa kanyang pasya, maluwag sa loob at hindi napipilitan lamang, sapagkat iniibig ng Diyos ang nagbibigay nang may kagalakan." - 2 Corinto 9:7

Ang biblical na pagbibigay ay hindi sapilitan, hindi mula sa guilt, at may kagalakan. Ang lahat ng nagbibigay nang bukal sa loob ay pagbubuksan ng bintana ng langit.

𝐁𝐚𝐤𝐢𝐭 𝐇𝐢𝐧𝐝𝐢 𝐍𝐚𝐠𝐛𝐢𝐛𝐢𝐠𝐚𝐲 𝐀𝐧𝐠 𝐈𝐛𝐚𝐧𝐠 𝐊𝐫𝐢𝐬𝐭𝐢𝐲𝐚𝐧𝐨?

Hindi nagbibigay ang iba dahil kulang ang kanilang sahod, wala silang tiwala sa simbahan, o kaya naman ay nahihirapan silang bitawan ang perang pinaghirapan nila. Ngunit minsan, nakakalimutan natin na ang kakayahan nating magtrabaho at kumita ay nagmumula rin sa Diyos.

“Subalit alalahanin ninyong si Yahweh na inyong Diyos ang nagbibigay sa inyo ng lakas upang yumaman kayo. Ginagawa niya ito bilang pagtupad niya sa kanyang pangako sa inyong mga ninuno.” - Deuteronomio 8:18

Ang pagbibigay ng tithes and offerings ay simbolo ng ating pasasalamat sa Diyos. Siya ang nagbibigay sa atin ng lakas at kakayahan upang makapagtrabaho o kaya’y makapagnegosyo. Kaya naman, ang pagbibigay ay hindi lamang tungkol sa pera, kundi tungkol sa pagtitiwala, pasasalamat, at pagkilala sa Diyos bilang pinagmumulan ng ating mga pagpapala. 🥰

𝐓𝐚𝐭𝐥𝐨𝐧𝐠 𝐇𝐚𝐤𝐛𝐚𝐧𝐠 𝐏𝐚𝐫𝐚 𝐬𝐚 𝐁𝐢𝐛𝐥𝐢𝐜𝐚𝐥 𝐆𝐢𝐯𝐢𝐧𝐠

1️⃣ 𝐆𝐚𝐰𝐢𝐧𝐠 𝐔𝐧𝐚 𝐚𝐧𝐠 𝐃𝐢𝐲𝐨𝐬 𝐬𝐚 𝐁𝐮𝐝𝐠𝐞𝐭 𝐌𝐨.
Unang bunga, hindi tira-tira. Bago ang bills at bago ang wants.

2️⃣ 𝐌𝐚𝐠𝐬𝐢𝐦𝐮𝐥𝐚 𝐬𝐚 𝐊𝐮𝐧𝐠 𝐒𝐚𝐚𝐧 𝐊𝐚 𝐍𝐠𝐚𝐲𝐨𝐧.
3%, 5%, 7%, 10%. Unti-unting itaas habang lumalago ang tiwala mo. Ang mahalaga ay magsimula ka.

3️⃣ 𝐌𝐚𝐠𝐛𝐢𝐠𝐚𝐲 𝐍𝐚𝐧𝐠 𝐌𝐚𝐲 𝐊𝐚𝐠𝐚𝐥𝐚𝐤𝐚𝐧
Mas gusto ng Diyos ang masayang Php 20 kaysa sa galit na Php 2,000.

"Magbigay kayo at kayo'y bibigyan din; hustong takal, siksik, liglig, at umaapaw pa ang ibibigay sa inyo. Sapagkat ang panukat na ginagamit ninyo sa iba ay siya ring gagamiting panukat sa inyo.” - Lucas 6:38

Mga kapatid, ang tanong ay hindi: "Magkano ang ibibigay ko?"
Ang tanong ay: "Nagtitiwala ba ako sa Diyos gamit ang pera ko?" 🤔

Kung oo, magsimula ka na ngayon.
𝐊𝐚𝐡𝐢𝐭 𝐦𝐚𝐥𝐢𝐢𝐭, 𝐛𝐚𝐬𝐭𝐚 𝐦𝐮𝐥𝐚 𝐬𝐚 𝐩𝐮𝐬𝐨. 🥰💕

𝐒𝐨𝐥𝐢 𝐃𝐞𝐨 𝐆𝐥𝐨𝐫𝐢𝐚!
𝐒𝐚 𝐃𝐢𝐲𝐨𝐬 𝐥𝐚𝐦𝐚𝐧𝐠 𝐚𝐧𝐠 𝐊𝐚𝐥𝐮𝐰𝐚𝐥𝐡𝐚𝐭𝐢𝐚𝐧! 🙏

16/08/2026

𝗘𝗦𝗤𝗨𝗜𝗥𝗘 𝗖𝗛𝗨𝗥𝗖𝗛
(Sunday Sermon)

“𝐄𝐕𝐄𝐑𝐘 𝐌𝐄𝐌𝐁𝐄𝐑 𝐇𝐀𝐒 𝐀 𝐌𝐈𝐍𝐈𝐒𝐓𝐑𝐘”

📖 Main Text: 1 Corinto 12:18-20
🗓️ Date: August 16, 2026
🎤 Speaker: Rev. Kenaniah D. Arbis

“[18] Subalit inilagay ng Diyos ang bawat bahagi ng katawan ayon sa kanyang kalooban. [19] Kung ang lahat ng bahagi ay pare-pareho, hindi iyan maituturing na katawan. [20] Ngunit ang totoo'y marami ang mga bahagi, ngunit iisa lamang ang katawan.” — 1 Corinto 12:18-20

Ano ang role mo sa church?

Ang bawat isa sa atin ay may ginagampanan sa simbahan. Hindi ka dumadalo sa simbahan bilang "spectator" lamang. 👀

𝐀𝐍𝐆 𝐃𝐈𝐘𝐎𝐒 𝐀𝐍𝐆 𝐍𝐀𝐆𝐋𝐀𝐆𝐀𝐘 𝐒𝐀 𝐈𝐘𝐎 𝐃𝐈𝐓𝐎

Hindi aksidente ang presensya mo. Naaayon sa Kanyang kalooban ang pagpunta mo sa simbahan.

Nasusulat sa Efeso 2:10,

“Kung ano tayo ngayon ay gawa ng Diyos, at sa pakikipag-isa natin kay Cristo Jesus ay nilikha niya tayo para sa mabubuting gawa na inihanda niya noong una pa man upang gawin natin.”

Kapatid, ang iglesya ay hindi kulang sa tao, kulang ang iglesya sa iyo. Sa specific na kaloob mo sa specific na role mo.

𝐀𝐍𝐆 𝐁𝐀𝐖𝐀𝐓 𝐁𝐀𝐇𝐀𝐆𝐈 𝐀𝐘 𝐌𝐀𝐇𝐀𝐋𝐀𝐆𝐀

✅ Kung ang lahat ay pastor, walang magse-setup ng upuan.
✅ Kung ang lahat ay worship leader, walang mag u-usher.
✅ Kung ang lahat ay nasa stage, walang nananalangin sa likod.

Minsan, kung ano pa ang pinakasimpleng bahagi, ito pa ang pinakamahalaga. Kung walang mga nag-aayos ng upuan, o kung walang maglilinis ng simbahan, hindi tayo makakapagsimba ng maayos sa iglesia.

𝐀𝐍𝐆 𝐄𝐒𝐏𝐈𝐑𝐈𝐓𝐔 𝐒𝐀𝐍𝐓𝐎 𝐀𝐍𝐆 𝐍𝐀𝐌𝐈𝐌𝐈𝐆𝐀𝐘 𝐍𝐆 𝐌𝐆𝐀 𝐊𝐀𝐋𝐎𝐎𝐁

“Ang bawat isa ay tumanggap ng mga kaloob.”— 1 Peter 4:10

Nakikita ka man sa stage o hindi, mahalaga pa rin ang role mo sa ministry. Kung ang role mo ay pag o-organize, pakikinig, pagluluto, at pagd-drive, malaki ang maitutulong mo sa iglesia!

At kapag matiyaga kang manalangin, kalulugdan ng Diyos na ginagamit mo ang kaloob na ito para sa simbahan.

𝐊𝐀𝐏𝐀𝐆 𝐇𝐈𝐍𝐃𝐈 𝐊𝐀 𝐆𝐔𝐌𝐀𝐆𝐀𝐋𝐀𝐖, 𝐀𝐍𝐆 𝐁𝐔𝐎𝐍𝐆 𝐊𝐀𝐓𝐀𝐖𝐀𝐍 𝐀𝐘 𝐀𝐏𝐄𝐊𝐓𝐀𝐃𝐎

Kapag may isang daliri kang namamanhid, naaapektuhan ang buong kamay. Ganoon din sa iglesia. Kapag may nawawala, may mga bahaging humihina.

Pero kapag gumagalaw ka, napapalakas ang buong iglesia at lumalago ang ministry. 🌸

Mga kapatid, tandaan natin na hindi ka lang audience sa simbahan. Ikaw ay bahagi ng isang katawan.

At lahat tayo ay mayroong role sa simbahan. May kanya-kanya tayong ministry, kita man sa stage o hindi. Ngayon ang tanong, kailan ka magsisimula? Dahil ang iglesia ay hindi kumpleto kung wala ka. 💪🏻

𝐒𝐨𝐥𝐢 𝐃𝐞𝐨 𝐆𝐥𝐨𝐫𝐢𝐚!
𝐒𝐚 𝐃𝐢𝐲𝐨𝐬 𝐥𝐚𝐦𝐚𝐧𝐠 𝐚𝐧𝐠 𝐊𝐚𝐥𝐮𝐰𝐚𝐥𝐡𝐚𝐭𝐢𝐚𝐧! 🙏

09/08/2026

𝗘𝗦𝗤𝗨𝗜𝗥𝗘 𝗖𝗛𝗨𝗥𝗖𝗛
(Sunday Sermon)

“THE ANCHOR HOLDS: WHY BELIEVERS DON'T DRIFT”

📖 Main Text: Hebreo 6:19-20
🗓️ Date: August 9, 2026
🎤 Speaker: Rev. Kenaniah D. Arbis

“Ang pag-asa nating ito ay matibay at matatag na angkla ng ating kaluluwa, na pumapasok sa kabila ng tabing sa dakong kabanal-banalán, kung saan si Jesus ay pumasok na una para sa atin.” — Hebreo 6:19-20

Ano ang ibig sabihin na si Jesus ang ating angkla? ⚓

ANG ANGKLA AY PAG-ASA

May dalawang uri ng pag-asa. Ang pag-asa ng mundo ay nagsasabing, “Sana maging okay lahat,” ngunit walang katiyakan, walang basehan, at walang pundasyon. Ngunit ang pag-asa ng mananampalataya ay nagsasabing, “Alam kong magiging okay,” dahil ito ay nakabatay sa covenant, katiyakan, at sa Diyos.

Ang tunay na pag-asa ay hindi simpleng wishful thinking. Ito ay confident expectation, isang pagtitiwala na ang Diyos ay tutupad sa Kanyang pangako.

ANG ANGKLA AY MATIBAY AT MATATAG

May mga pagkakataong tayo ay nakararanas ng external pressure (trabaho, problema, pagkawala, o pagtataksil) at internal pressure (pagdududa, takot, at kagustuhang sumuko).

Ngunit ang angkla ay matibay at matatag. Hindi ito madaling mababali o matitinag. Kahit gaano kalakas ang bagyo sa ating paligid, may Diyos na maaaring maging sandigan natin.

ANG ANGKLA AY NAKAKABIT SA PRESENSYA NG DIYOS

Hindi sa mundo nakakabit ang ating pag-asa, kundi sa Trono ng Langit.

Kaya hindi lamang tayo may pag-asa, mayroon tayong direktang kaugnayan sa Diyos. Hindi tayo nag-iisa sa gitna ng unos. 🫂

ANG ANGKLA AY MAY PANGALAN

Ang pangalan ng ating angkla ay si Jesus.

👉🏻 Kapag natatangay ka, Siya ay nananalangin para sa'yo
👉🏻 Kapag nalulunod ka na, Siya ay humahawak sa'yo
👉🏻 Kapag wala ka nang pag-asa, Siya ang pag-asa mo

Nasusulat sa Hebreo 7:25 na lubos Niyang maililigtas ang lahat ng lumalapit sa Diyos sa pamamagitan Niya, sapagkat Siya ay laging nabubuhay upang mamagitan para sa kanila.

Mga kapatid, maaaring dumating ang pressure, takot, pagdududa, at mga pagsubok. Ngunit tandaan natin: ang ating pag-asa ay hindi nakasalalay sa kung gaano katahimik ang dagat. Nakadepende ito kung kanino nakakabit ang ating angkla.

Huwag bibitaw sa angkla. Huwag bibitaw kay Jesus. ⚓💛

Soli Deo Gloria!
Sa Diyos lamang ang Kaluwalhatian! 🙏

02/08/2026

𝗘𝗦𝗤𝗨𝗜𝗥𝗘 𝗖𝗛𝗨𝗥𝗖𝗛
(Sunday Sermon)

"𝐍𝐚𝐠𝐦𝐚𝐦𝐚𝐡𝐚𝐥 𝐋𝐚𝐧𝐠 𝐍𝐚𝐦𝐚𝐧 𝐊𝐚𝐦𝐢: 𝐖𝐡𝐲 𝐭𝐡𝐞 𝐁𝐢𝐛𝐥𝐞 𝐒𝐞𝐭𝐬 𝐁𝐨𝐮𝐧𝐝𝐚𝐫𝐢𝐞𝐬 𝐨𝐧 𝐏𝐡𝐲𝐬𝐢𝐜𝐚𝐥 𝐈𝐧𝐭𝐢𝐦𝐚𝐜𝐲"

📖 Main Text: 1 Tesalonica 4:3-5
🗓️ Date: August 2, 2026
🎤 Speaker: Rev. Kenaniah D. Arbis

"[3] Kalooban ng Diyos na kayo'y maging banal at lumayo sa lahat ng uri ng kahalayan. [4] Dapat maging banal at marangal ang pakikitungo ng bawat isa sa kanyang asawa, [5] at hindi upang masunod lamang ang pagnanasa ng laman tulad ng inaasal ng mga Hentil na hindi nakakakilala sa Diyos." - 1 Tesalonica 4:3-5

𝙃𝙞𝙣𝙙𝙞 𝙞𝙩𝙤 𝙨𝙚𝙧𝙢𝙤𝙣 𝙣𝙜 𝙘𝙤𝙣𝙙𝙚𝙢𝙣𝙖𝙩𝙞𝙤𝙣. 𝙄𝙩𝙤 𝙖𝙮 𝙨𝙚𝙧𝙢𝙤𝙣 𝙣𝙜 𝙥𝙖𝙜-𝙞𝙗𝙞𝙜. 💕

Ang mga boundaries ng Diyos ay hindi para pigilan ang kasiyahan mo- kundi para protektahan ang puso at kinabukasan mo.

𝐀𝐧𝐠 𝐈𝐧𝐭𝐢𝐦𝐚𝐜𝐲 𝐚𝐲 𝐌𝐚𝐠𝐚𝐧𝐝𝐚 - 𝐒𝐚 𝐓𝐚𝐦𝐚𝐧𝐠 𝐊𝐨𝐧𝐭𝐞𝐤𝐬𝐭𝐨

Ang Diyos ang lumikha ng intimacy. Sa loob ng kasal, ito ay maganda, banal, at pagpapala. Sa labas ng kasal, ito ay nagpapadala ng sakit, pagkawasak, at consequences na hindi inaasahan. Hindi naman intimacy ang problema, kundi ang konteksto nito.

𝐀𝐧𝐠 𝐊𝐚𝐥𝐨𝐨𝐛𝐚𝐧 𝐧𝐠 𝐃𝐢𝐲𝐨𝐬 𝐚𝐲 𝐌𝐚𝐥𝐢𝐧𝐚𝐰 - 𝐇𝐢𝐧𝐝𝐢 𝐈𝐭𝐨 𝐍𝐞𝐠𝐨𝐭𝐢𝐚𝐛𝐥𝐞

Hindi sinabi ng Diyos na "labanan ang kahalayan". Sinabi ng Diyos na "lumayo" ka. Tumakbo ka, umalis ka, at huwag kang lumapit dito.

Ang pag-ibig ay hindi excuse para lumampas sa boundaries ng Diyos. Ang tunay na pag-ibig ay gumagalang sa boundaries ng Diyos dahil alam nito na ang boundaries ay para sa proteksyon, hindi pagpigil.

𝐀𝐧𝐠 𝐌𝐮𝐧𝐝𝐨 𝐚𝐲 𝐍𝐚𝐠𝐬𝐢𝐬𝐢𝐧𝐮𝐧𝐠𝐚𝐥𝐢𝐧𝐠 - 𝐊𝐚𝐢𝐥𝐚𝐧𝐠𝐚𝐧 𝐌𝐨𝐧𝐠 𝐌𝐚𝐥𝐚𝐦𝐚𝐧 𝐚𝐧𝐠 𝐦𝐠𝐚 𝐊𝐚𝐬𝐢𝐧𝐮𝐧𝐠𝐚𝐥𝐢𝐧𝐠𝐚𝐧

Nasusulat sa 1 Corinto 6:19-20,

[19] Hindi ba ninyo alam na ang inyong katawan ay templo ng Espiritu Santo na nasa inyo at ipinagkaloob ng Diyos sa inyo? Hindi ninyo pag-aari ang inyong katawan; [20] sapagkat binili na kayo sa isang halaga. Kaya't gamitin ninyo ang inyong katawan upang maparangalan ang Diyos.

Sa panahon ngayon, normal ang mga nagli-live in kahit hindi pa kinakasal. Sabi ng mundo, ginagawa na ito ng karamihan kaya normal na 'yun. Ngunit ang totoo ay hindi ito kalooban ng Diyos.

𝐀𝐧𝐠 𝐃𝐢𝐲𝐨𝐬 𝐚𝐲 𝐃𝐢𝐲𝐨𝐬 𝐧𝐠 𝐒𝐞𝐜𝐨𝐧𝐝 𝐂𝐡𝐚𝐧𝐜𝐞𝐬

Hindi pa huli ang lahat kung sa tingin mo'y nagkasala ka sa Diyos. Lumapit ka sa Kanya, humingi ng tawad, at hindi ka Niya hahatulan. Hindi nawala at hindi kailanman mawawala ang halaga mo sa Diyos.

Juan 8:10-11

Sinabi ni Jesus sa babaeng nahuli sa pangangalunya: “Hindi rin kita hahatulan. Umuwi ka na, at mula ngayon ay huwag ka nang gumawa ng kasalanan."

𝑳𝒊𝒎𝒂𝒏𝒈 𝑯𝒂𝒌𝒃𝒂𝒏𝒈 𝑷𝒂𝒓𝒂 𝑴𝒂𝒎𝒖𝒉𝒂𝒚 𝒔𝒂 𝑲𝒂𝒃𝒂𝒏𝒂𝒍𝒂𝒏

1️⃣ Maglagay ng malinaw na boundaries
2️⃣ Magkaroon ng accountability partner
3️⃣ Iwasan ang mga trigger sa temptation
4️⃣ Palalimin ang relasyon sa Diyos
5️⃣ Kung nagkamali - tumayo, magsisi, magsimulang muli

Ang intimacy ay regalo ng Diyos - may tamang konteksto: ang KASAL. Ang boundaries ng Diyos ay PROTEKSYON, hindi pagpigil. Kahit nagkamali ka, hindi pa huli. Bago ka kay Cristo.

𝐌𝐚𝐤𝐢𝐩𝐚𝐠-𝐢𝐬𝐚 𝐤𝐚 𝐬𝐚 𝐊𝐚𝐧𝐲𝐚.

"[17] Kaya't kung nakipag-isa na kay Cristo ang isang tao, isa na siyang bagong nilalang. Wala na ang dati niyang pagkatao, sa halip, ito'y napalitan na ng bago." - 2 Corinto 5:17

𝐒𝐚 𝐏𝐚𝐧𝐠𝐢𝐧𝐨𝐨𝐧 𝐚𝐧𝐠 𝐩𝐢𝐧𝐚𝐤𝐚𝐦𝐚𝐭𝐚𝐚𝐬 𝐧𝐚 𝐩𝐚𝐩𝐮𝐫𝐢! 🔥

28/07/2026

Happy birthday to you, Bro. Cris! ⋆⭒˚.⋆

Today, we celebrate you on your special day. God bless you brother! Have perseverance on your everyday life and never forget that God can meet ALL of your needs. Always do your part and trust HIM with the rest.

“But when you ask, you must believe and not doubt, because the one who doubts is like a wave of the sea, blown and tossed by the wind.”
‭‭~ James‬ ‭1‬:‭6‬ ‭NIV‬‬

Again, happy birthday kapatid! 💙

27/07/2026

Happy birthday to you, Sis. Mary Ghean! 𐙚 ‧

We celebrate with you today. May you always abide in God’s faithfulness and His word.

Life can be tough but always remember that in ‭‭Matthew‬ ‭11‬:‭28‬, Jesus said, “If you are tired from carrying heavy burdens, come to me and I will give you rest.”

God is bigger than all of our problems, so always trust in Him. Your breakthrough is coming! 🙌

God bless you, kapatid! 🫂
Shalom! 💙

27/07/2026

Happy birthday, Bro. Elmer! ⭑.ᐟ

“Delight yourself in the Lord, and He will give you the desires of your heart.”
‭‭~ Psalm‬ ‭37‬:‭4‬ ‭ESV‬‬

Keep in mind that He works everything for our good as you continuously love and live for Him.

God bless you, kapatid! 💙

26/07/2026

26/07/2026

𝗘𝗦𝗤𝗨𝗜𝗥𝗘 𝗖𝗛𝗨𝗥𝗖𝗛
(Sunday Sermon)

"𝐓𝐑𝐀𝐁𝐀𝐇𝐎 𝐌𝐔𝐍𝐀 𝐁𝐀𝐆𝐎 𝐃𝐈𝐘𝐎𝐒: 𝐖𝐡𝐞𝐧 𝐂𝐚𝐫𝐞𝐞𝐫 𝐁𝐞𝐜𝐨𝐦𝐞𝐬 𝐘𝐨𝐮𝐫 𝐈𝐝𝐨𝐥"

📖 Main Text: Mateo 6:24
🗓️ Date: July 26, 2026
🎤 Speaker: Rev. Kenaniah D. Arbis

"[24] Walang aliping makakapaglingkod sa dalawang panginoon, sapagkat kapopootan niya ang isa at iibigin ang ikalawa, paglilingkuran nang tapat ang isa at hahamakin ang ikalawa. Hindi ninyo maaaring paglingkuran nang pareho ang Diyos at ang kayamanan." - Mateo 6:24

𝘒𝘢𝘪𝘭𝘢𝘯 𝘣𝘢 𝘯𝘢𝘨𝘪𝘨𝘪𝘯𝘨 𝘮𝘢𝘴𝘢𝘮𝘢 𝘢𝘯𝘨 𝘮𝘢𝘣𝘶𝘵𝘪𝘯𝘨 𝘣𝘢𝘨𝘢𝘺? 🤔

Nagiging masama ang mabuting bagay kapag ito ay naging DIYOS MO na. Masama kapag naging buhay mo ang iyong trabaho, career, at sahod.

𝗔𝗻𝗴 𝗧𝗿𝗮𝗯𝗮𝗵𝗼 𝗮𝘆 𝗥𝗲𝗴𝗮𝗹𝗼 𝗻𝗴 𝗗𝗶𝘆𝗼𝘀

Ang identity mo ay hindi ang trabaho mo. Ang identity mo ay anak ka ng Diyos. Kahit may trabaho ka, dapat ang Diyos pa rin ang nasa sentro ng buhay mo.

𝐀𝐧𝐠 𝐎𝐫𝐚𝐬 𝐌𝐨 𝐚𝐧𝐠 𝐍𝐚𝐠𝐩𝐚𝐩𝐚𝐤𝐢𝐭𝐚 𝐧𝐠 𝐏𝐫𝐢𝐨𝐫𝐢𝐭𝐲 𝐌𝐨

Kung ang Diyos ay hindi nakikita sa schedule mo, hindi siya ang panginoon ng buhay mo. Dapat ilaan mo ang araw ng Linggo para makapagsamba at makapagpuri sa Panginoon.

Pinagpala ang mga taong ang Diyos ang priority. Nasusulat sa Mateo 6:33, "Ngunit higit sa lahat ay bigyang-halaga ninyo ang kaharian ng Diyos at ang pamumuhay nang ayon sa kanyang kalooban, at ibibigay niya sa inyo ang lahat ng mga bagay na ito."

𝐀𝐧𝐠 𝐇𝐮𝐬𝐭𝐥𝐞 𝐂𝐮𝐥𝐭𝐮𝐫𝐞 𝐚𝐲 𝐇𝐢𝐧𝐝𝐢 𝐇𝐨𝐥𝐲

"Grind lang! Walang pahinga!" ❌
"Sleep is for the weak!" ❌
"Pahinga kapag mayaman na!" ❌

Kung ang Diyos na walang hanggan ang lakas ay nagpahinga sa ikapitong araw, sino ka para sabihing hindi mo kailangan ng pahinga? Hindi kalooban ng Diyos ang sobrang pagpapagal sa hanapbuhay. Ang pagpapahinga ay hindi isang kahinaan, kundi regalong kaloob ng Diyos (Awit 127:2).

"Hindi dapat pakahirap, magpagal sa hanapbuhay;
maaga pa kung bumangon, gabing-gabi kung humimlay,
pagkat pinagpapahinga ni Yahweh ang kanyang mahal." - Awit 127:2

𝐀𝐧𝐠 𝐭𝐚𝐧𝐨𝐧𝐠, 𝐩𝐚𝐚𝐧𝐨 𝐦𝐨 𝐢𝐛𝐚𝐛𝐚𝐥𝐢𝐤 𝐚𝐧𝐠 𝐃𝐢𝐲𝐨𝐬 𝐬𝐚 𝐬𝐞𝐧𝐭𝐫𝐨 𝐡𝐚𝐛𝐚𝐧𝐠 𝐧𝐚𝐠𝐭𝐚-𝐭𝐫𝐚𝐛𝐚𝐡𝐨 𝐤𝐚 𝐩𝐚 𝐫𝐢𝐧?

1️⃣ Simulan ang araw sa Diyos bago ang trabaho. Bago mo buksan ang email mo, buksan mo muna ang Biblia.
2️⃣ Igalang ang araw ng pahinga. Isang araw sa isang linggo na hindi tungkol sa trabaho. Para ito sa Diyos, pamilya, at sarili.
3️⃣ Magtrabaho para sa Diyos, hindi para sa tao. Magtrabaho ka para sa Diyos na tunay mong boss.
4️⃣ Huwag isakripisyo ang pamilya sa altar ng career. Anong halaga ng promotion mo kung hindi ka kilala ng mga anak mo?
5️⃣ Ang Diyos ang provider mo, hindi ang trabaho mo. Ang trabaho ay kasangkapan. Ang Diyos ay hindi limitado rito.

Nasasabi sa Mateo 6:26,

"Masdan ninyo ang mga ibon. Hindi sila nagtatanim ni umaani man o kaya'y nagtitipon sa kamalig, ngunit pinapakain sila ng inyong Ama na nasa langit. Hindi ba't higit kayong mahalaga kaysa mga ibon? "

Bilang pangwakas, alamin mo ang tamang order ng priority mo. Ang tamang order ng priority mo ay ang Diyos, pamilya, at trabaho. Hindi mo naman kailangang mamili kung Diyos o trabaho - kailangan mo lang alamin ang tamang order.

𝐀𝐭 𝐚𝐧𝐠 𝐩𝐢𝐧𝐚𝐤𝐚𝐧𝐠-𝐩𝐫𝐢𝐨𝐫𝐢𝐭𝐲 𝐦𝐨 𝐝𝐚𝐩𝐚𝐭 𝐚𝐲 𝐬𝐢 𝐇𝐞𝐬𝐮𝐬. ☝️🔥

Simula ngayon, hindi ka na dapat nabubuhay para magtrabaho. Nagtatrabaho ka na para mabuhay, at nabubuhay ka dapat para sa Diyos. 💕

𝐒𝐚 𝐏𝐚𝐧𝐠𝐢𝐧𝐨𝐨𝐧 𝐚𝐧𝐠 𝐩𝐢𝐧𝐚𝐤𝐚𝐦𝐚𝐭𝐚𝐚𝐬 𝐧𝐚 𝐩𝐚𝐩𝐮𝐫𝐢! 🔥

25/07/2026

Happy birthday, Bro. Rabboni! ✮⋆˙

“Seek the Kingdom of God above all else, and live righteously, and he will give you everything you need.”
‭‭~ Matthew‬ ‭6‬:‭33‬ ‭NLT‬‬

God bless you, aming kapatid! 🫂