20/02/2021
ANG KAHAYAG NAG DAN-AG SA KANGITNGIT
Tawo urong una, lingi-a ang ulahi tan-awa ang unahan makita mo ang tulo ka mga dagkung kasakit: gutom; guirra; ug kamatay (Mateo 24:7 Kay magatindog ang nasud batok sa nasud, ug ang gingharian batok sa gingharian; ug moabut ang mga gutom ug mga kamatay, ug mga linog sa mga nagakalainlaing mga dapit). Kining tulo ka mga dagkung kasakit nga imong makita mao kini ang mahi-ilis niadtong nakita mo sa ulahi nga gikastigo ang kalibutan pinaagi sa lunop. Ug kining tulo ka mga kasakit nga imong makita sa unahan ayaw handuma kalag nga masayon lamang kini nimo sa paglihay kay kadtong gutom nga imong naagi-an, gutom lamang kadto ug dili ka makaluto sa mga kalan-on. Apan kining gutom nga imong gipaabut sa kalibutan, dili kana makalamoy sa kapait bisan ang kamay mapait na niadtong panahona.
Ug ang guirra usab nga ginaingon ni Ginoong Jesus, mao na kini ang katumanan nga bag-o ang dagway sa yuta kay duna na karon mga instrumento nga kon ihulog kini sa yuta, ang yuta magun-ob. Busa wala nay dapit nga imong katago-an gawas kon mapaipon ikaw sa bugtong Anak sa Dios.
Ug ang kamatay nga giingon ni Ginoong Jesus, dili na kita makasalig sa gahum sa Doctor ug sa tanang nagkalainlaing klase sa medisina kay niadtong panahona wala nay Doctor ug medisina nga makaayo sa balati-an sa tawo kay dili mahimo nga ang gahum sa Dios pagababagan sa tawo. Bisan tuod si Ginoong Jesus nagapamulong sa ibangelio ni San Mateo (Mateo 24:24 Kay magatindog ang nasud batok sa nasud, ug ang gingharian batok sa gingharian; ug moabut ang mga gutom ug mga kamatay, ug mga linog sa mga nagakalainlaing mga dapit.) nga si satanas moayo sa nagkalinlaing balati-an ug sakit; magbanhaw sa mga minatay; ug ang pagbusog sa tawo nga gigutom, kini pagsulay lamang ni Ginoong Jesus kon diin kutob ang pagtuo sa tawo.
Busa kalag, hangad sa langit pagnitaa ang imong kaluwasan nga maluwas ikaw niining tulo ka balud sa kasakit: gutom; guirra; ug kamatay, nga mahisama unta sa iya ni Noe, kanhi nga sa gihampak ang kalibutan sa kastigo sa usa ka balud nga mao ang lunop, si Noe naluwas sa Arca nga ilang gibuhat.
Busa kalag, dangop sa atong Amahan nga mao ang Ginoong Jesus, kay Siya lamang ang bugtong Anak sa Dios nga Amahan nga tungod Kaniya maluwas kita kon tumanon ang kondisyon sa kaluwasan nga mabasa sa Santa Biblia: “Marcos 16:16 - Ang motoo ug magpabautismo, mamaluwas; apan ang dili motoo, paga-hukman sa silot; ug sa Mateo 24:13 - Apan ang magapadayon hangtud sa katapusan, mamaluwas,” nga niini nga kondisyon sa kaluwasan ginailogan kini sa pagsunod sa tanagn Tinoho-an nga nagpailalum ug naga-ila nga si Ginoong Jesucristo agn Hari sa Langit ug Yuta sa paghukom sa mga buhi ug sa mga minatay. Amen…
Ug ako adunay uban nga mga carnero, nga wala niining torila, nga kinahanglan usab nga ako silang pagadad-on, ug magapatalinghug sila sa akong tingog, ug sila mahimong usa ka panon, usa ka magbalantay. Juan 10:16
